الوسم: المعكرونة

المقادير:
1 دياية
2 بصل
2 طماطم
1 فلفل اخضر الرومي
1 صلصل ( معجون طماطم )
البهارات (ملح , كركم , بزار , فلفل اسود )
3 فصوص ثوم
1 قشطة
جبن موزاريلا
جبن كرفت
ربع كوب طحين
1 كيس معكرونة
زيت
1 كوب نيدو

الطريقة:
اول شي

بنبدا وبنغسل الدياية وبعدين انحطها على النار وانخليها تنغلي زين يعني تقريبا 40 دقيقة عسب يستوي الدياي زييييين
بعد ما يستوي الدياي انشيل عنه الماي وانييب صحن ثاني ونقطع الدياي ( قطع صغار بدون العظم ) وانخليه ع جنب لين ما انخلص من الصالونة .

ثاني شي

بسوي الصالونة انييب جدر وانحط فيه البصل والثوم واشوي زيت وانقليه وبعدين انحط فوقه الطماطم والفلفل و الصلصل ( معجون الطماطم ) والبهارات وانزيد عليها ماي عسب يستوي الفلفل والطماطم زين وانسكرها لين ما تستوي الصالونة زين وتغلظ

ثالث شي

انزيد الصالونة اشوي ماي وانحط بعدين فوق الصالونة الدياي المقطع وانخلي الصالونة تستوي وينشف منها الماي بس لازم اتخلون النار هادية عسب طعم الدياي يكسب طعم الصالونة .

رابع شي

انييب جدر ثاني وانحط فيه ماي والمعكرونة وملح وانخليها تغلي لين ما تستوي المعكرونة يعني اتلين المعكرونة

خامس شي

انسوي خلطة الباشميل انييب جدر صغير وانحط لين كوبين ماي والطحين والنيدو واشوي ملح وفلفل اسود وانخليه على النار مع التحريك باستمرار لين ما تغلظ الخلطة

سادس شي

الحين استوت المعكرونة يعني انييب الشخالة مالت العيش وانشيل عنه الماي وانرجع المعكرونة مرة ثانية فالجدر وانصب عليها خلطة الباشميل مب كل الخلطة اتصبونها ع المعكرونة خلوا منها اشوي عسب نستخدمه فالنهاية .

سابع شي

الحين انييب جدر غير (صغير ) وانحد فيه 1 كوب جبن كرفت و نص كيس جبن الموزاريلا والقشطة واشوي ماي وانخليه لين ما يذوب الجبن بس مب وايد اتحطون ماي اشويييييييييي بس عسب نبغي الجبن يكون غليظ

النهاية

الحين انييب صحن الفرن وندهنه بزيت وبعدين انحط نص المعكرونة فالصحن وانساويها عدل بعدين انحط طبقة الصالونة بالدياي وانساويها عدل وبعدين طبقة ثانية معكرونة وانساويها بعد
( الحين انا قبل قلت الكم خلوا من خلطة الباشميل اشوي الحين بنستخدمها بعد الطبقة الثانية من المعكرونة انب فوقها ها الخلطة الباجية وبعدين انييب الجبن اللي مع القشطة وانحطيه اخر شي يعني الطبقة الاخيرة

والحين بس اتحطينها فالفرن واتخلينها تقريبا 20 دقيقة يعني لين ما تحمر من فوق وتحت
وخلصناااااااااااااااااااااااااااااااا

اتمنى الطبخة تعيبكم

ولا تنسوني بالدعاء لي ولزوجي وبنوتي

انا احب البااشميل واايد

لكن صلصه اللحم ما ظبطت يعني مب لذيذه

بسم الله نبدأ:
معكرونة اللي بتحبيها وممكن نوعين
خضار (حبة بطاطا,حبة جزر,بصلة,فاصوليا خضراء,ذرة)
ملعقتين ما يونيز كبار مليانات
فص ثوم وسط مهروس
ملح
رشة فلفل اسود

الطريقة:
نسلق المعكرونة وبنصفيها من الماء
نقطع البطاطا والجزر قطع بالطول والبصلة نقطعها اربع قطع ونضعهم مع باقي الخضار في آلة البخار او اذا بتحبي اسلقيهم بس على البخار بيحتفظ الخضار بالفائدة ونتركهم حتى ينضجو

ثم نضع المايونيز مع الثوم ونخلطهم جيدا

ثم نضع الخضار في وعاء كبير ونتركه حتى يبرد ثم نضع الملح والفلفل الاسود والمايونيز

ثم نضع المعكرونة

ثم نخلطهم بملعقتين بحذر

وصحة والف هنا
واي سؤال انا بالخدمة
ورمضان كريم
سبحان الله وبحمده سبحان الله العظيم

بس انا ما احب اكل الخضره واايد

خخخخخ

سلمت ايدج الغلااا

شحالكم ان شاء الله تكونون بخير

اللي عندها عزيمة والا اي مناسبة وحابة تكون المعكرونة بسفرتها تخبرني لان معكرونتي غيييير عن الكل ….

الكمية تكفي ل 15 الى 20 شخص ب 300درهم مع الروب بالخيار
وهدية مني شوربا الدجاج باليمون لذيييييييييذة

تحياتي

شحالكن بنات ^^ ؟

الله يسلمكن .. بغيت اعرف كيف ممكن اسوي المعكرونة البيضة ^^" ؟

:

وبتحديد الصلصة البيضة .. كيف ممكن اسويها ؟ ..

وقريت بموضوع نسيت اسم صاحبته ^^" .. قالت فيه عن الكريما المخفوقة .. وقالت تحصلونه بالجمعيات .. وجلبت الجمعية بس ما حصلته ^^" ..

ممكن اعرف اسم المنتج ؟ .. يعني الكريما المخفوقة تابعة للاي شركة خخخ ..

واذا في طرق ثانية لعمل الكريما البيضة فبليز قوليلي عنها ^^" ..

:

والله يعطيكم الف عافية ^^ ..

اختكم في الله عفرا ..

اظني جيه

كريمه الخفق واهو في كارتون عود

ان ما حصلته برد لكم P:

هذا يللي اعرفه ..

المقادير:

– 2كوب طحين
– 3 بيضات من الحجم الكبير
– ملعقة صغيرة ملح

الطريقة:

– نضع الدقيق و في وسط منه نضع البيضات و الملحو نخلط البيضات مع بعض بواسطة شووكة
– و بعدها نبتدي نخلط الدقيق و البيض مع بعض
– نبتدي نجمعها بيدنا و ندلكها لغاية ما نحس انه كل المكونات مع بعضطبعا اذا شفنا انه العجين قاسية نضيف شوية ماء
– نقسمها كور صغيرة حسب الرغبة و نمررها في الة صنع المعكرونة بالشكل الموجود بالصورة نكون فردناها للعجين بعدها – نمررها ثاني من داخل المكينة لكن ننقص هالمرة قياس السمك عشان تنفرد اكثر
– بعد مايكون عندنا عجينة مفرودة بالسمك المطلوب نمررها من الناحية الثانية من المكينة لانه المكينة بتكون فيها طرق عديدة لنوع المعكرونة عريضة و لا رفيعة
– و بالطريقة دي بتكون عندنا معكرونة بالشكل الذي نريده

ملاحظة : اذا كنا عايزين معكروونة ملونة ممكن تضيفي لمكونات العجين مثلا الزعفران او القرفة او الفلفل الحار او البهارات على حسب اللي تحبيه

الخطوات

المقادير على حسب الرغبة

معكرونة مسلوقة
حبة بذنجان
حبة كوسا
كمية قليل من الفطر
زيتون اسود مقطع
بقدونس مفروم
بصل احمر مفروم
فلفل اخضر حار
خيار مقطع
طماطم مقطعة
زعتر – ملح -م ص خردل-زيت زيتون
الطريقة
نشوي البذنجان والكوسا والفطر في مقلاة لشوي بنصف م ص زيت لا نكثر ابداااااا الزيت
وبعدها نقطعها قطع
ونخلط جيمع المكونات مع بعض وتقدم على حسب الرغبة