حبيبتي خذتها من معرض بوظبي بس انا رايحه امس لان امس كان اخر يوم
يقولون فاتح من اسبوعين وحظي والله ماقص عليج ان امس اخر يوووم للمعرض
انا اصلا من زمااااااااان ادورها وبالصدفه مع السوالف
وحده قالت لي ان في المعرض يبيعونها الخلطه
حبيبتي هاي الصوره نفس الغرشه هاذي ماي ورد واللي في الكيس هاي هو الطين المغربي
بس العلبة المرسوم عليها ويه البنيه هاي مااستخدمتها بس يقولون نفس الطريقه الله اعلم
واتبيعها ب 40 بس انا كاسرتها عطتني اياها ب 20
يعني ماي الورد + الطين المغربي هاذيلا مع بعض بـ20
وخذت من عندها شنطه صغيره فيها 3 اغراش عدة حمام مغربي
نفس اللي يسونه لنا في الصالون ونفس الريحه انا طبعا فتحته جدامها وشميته
عشان اتأكد انها ماتقص علي طلع كلامها صح والحرمه اللي اتبيع مغربيـه
وباعتها علي 100 درهم تخيلي ؟؟ سعر حلووو والله
يعني شنطة فيها غرشه كبيره هاي السوده اللي يحطونها لنا في الحمام المغربي
اول ماتدشين شي لونه اسوود ومع زيت الزيتون ، ومعاها علبتين صغار
وحده اعشاب والثانيه مادري شنو لاني مااستخدمتها امس شايرته
ومكتوب عليها الخطوات والحرمه علمتني عليها
وداخل الشنطه الليفه المغربيه وعطتني هديه ليفه ثانيه مجانا
عشان خذت الشنطه والشنطه سعرها الاصلي 100 يعني حتى ماكاسرتها
يعني بضاعتهم مغربيه 100 % ، حتى سألتها اذا عندهم محل في بوظبي
قالت لي عندنا في عجمان واذا تبين رقم محلهم حبيبتي باعطيج اياه لاني عندي بطاقتها