التصنيف: التربويات

بس ترالو انتي اتحادي ما بتنزل الزياده هالشهر بتنزل فيناير يعني اخر شهر 1

منو تعرف مدرس او مدرسه يدرسون سايكولوجي (علم نفس بالانقلش)؟ وماث بعد(الرياضيات)؟

معطينا في الجامعه اساينمنت وهب عارفه احله

بليز اللي تعرف لاتقصر

بنات انا طلعت روحي بصراحة .. عيالي ثلاثة وكل واحد في مدرسة بروحه!!!

بتقولون ليش؟!!!!! لأنه ثنين كانو في مدرسة ويوم يا الثالث سجلته في النموذجية قلت
الكل يمدحونها وهذيلاك خلاص ما يسجلونهم فيها!!!! على كلام الناس

المهم العيال في منهاج أمريكي واحد فلح والثاني رسب!! وحلف ألف يمين انه ما يدرس
في هالمدرسة لأنه يحس انه غبي بينهم. وبالفعل نقلته ومستواه صار وايد احسن
صار يتابع ويدرس يعني حس انه له وجود لأنه الاساتذة يمدحونه!!

لكن بصراحه المدرسة مستواها تعبان!! إدارة مصرية واحس انهم يزيدون علامات
ماعلي من هذا كله يزيدون ينقصون!! ما تضرني انا لأنه في النهاية ولدي انا اشوف
انه مستواه تحسن !! مش علاماته فهمتوني؟!

لكن بديت احس انه الوضع صار متعب!!

أبا مدرسة اقدر فعلاً انها توفق بين الكل يعني يكون مستواها متوسط مب صعبه
ويضيع واحد ولا هي راخية بالمرره!! واللي تعرف شي عن أكاديمية الأندلس؟!

في لبنان الخاصة بعد اللي يعرف عنها يقول لي؟!

الصنوبر كنت حاطتهم فيها أيام الكيجي وصف أول ووايد كنت مرتاحه منها
أفكر كنت ارجعهم لها بس خايفه الصغير أبو النموذجيه ما يمشي عشان الإنجليزي!!

غير ذلك ما ادري كيف اسعارهم ؟؟ أبا مدرسة تكون اسعارها معقوله بما اني بحط
ثلاثه

كل من لها راي لا تبخل تسدحه هني وتعطيني الشور وربي يجزاكم كل خير

ربي يعينج أختي وييسر لج أمرج ويا عيالج ..

ان شالله الحريم اللي عندهن خلفية عن هالمدارس

بيفيدنج وربي يوفقهم ان شالله

تاج الغلا.. والله وايد أسمع عن ليوا وكيف ممتازه بس أخاف انه ولدي
اللي في النموذجيه ما يمشي فيها!! .. شكلي بحطه في دورات انجليزي في
الصيف!!

حبيت أعرفكم بنفسي أنا مدرسة مجال ثاني علوم و رياضيات للصف الأول

اللي عندها استفسار عن درس بالعلوم أو الرياضيات تخبرني و اللي حابة تاخذ أوراق عمل برسل لها على ايميلها بس تتواصل معاي عالخاص …