أمحق من بنات هالزمن اكيد مب كلهم دخلن يابنات

سلام عليكم يابنات
شحالكم
انا اليووووووم من صبااح الله متضااايقه ومعصبه من الي جفته
يبنااااااات بناات هالزمن مايخااااافن من ربهن ولا شو فصخن الحيا وستر ؟
قبل نشوووووف الريااييل الي ترابع ورا البنااااات احيييييين العكس ليش جي صار شو جي يخونن ثقه أهاليهن وهم عاطينهن الثقه
ولاااااااااااااا سمحلي بدخل اكثر عن موضوع وسمحلي أن الموضوع مب مرتب من الحرقه الي بيوفي
يابناااااااات أنا اجوووووف شي بعيني بس صاخه ومب رامسه بنت وحده من عايلتنا رايحه في عينها يعني هلها مايدرون وصلت أنها تحط صورها في الفيييس بوووك تعرفن انتن الفيس بوك شو ها كيييييييييييف متحمله جي ولا ترووووح وياهم والله اني مخنووووقه ليييش هي مب خايفه ع سمعتها ع سمعت هلها ألي هم احنا وألي سمعتنا في كل ميلس ونعم تي وحده من بناات تخرب سمعت قبيلتها ليييييش ان ماتخاف ع سمعتها تخااف ع سمعت بنات عمها خواتها شو البنات بيتظررن وسبه هي كم اشكي حق بنات عمي يقولن العرب يعرفووووووونا ويعرفون تربيتنا يعني بيقولون هي وبيقولون ونعم فيهن هذيل والشباب يعرفون منوه الزينه ومنوه الشينه
والله اني منحرق لبي من الي اجوفه وساكته ماقدر ارمس ><

ليش ما تكلمينها وتعطينها كف عشان تعرف ان سمعة العايله مب لعبه في يديها

الله يهديها

اختي رمسيها وااتفاهمي وياها بس اذا تمت تحط الصوووورة قولي لاهلها
وربي يهديهم

حشري عليها الدنيا اللي ما تستحي .. ان ما تكلمت في هذه متى بتتكلمين ؟

نصيحة يا اختي قوليلها اذا ما شتليتي الصورة لراوي اخوج او ابوج عشان يداووونج

عليييييييييج إنج تنصحينها…
وقووولي لها هالشي غلط..
.ومااااايصير…
الله يهديها يااارب

لو مكانج بنصحها وإذا مايازت بخبر اهلها ولي فيها فيها …شو تترين ألين الناس تعرف منو هاي وبنت ومنو وذيج الساعه بتتلومني انج مانصحتيها

مِنّ بَريدّ الُمشّكلاتّ الإجتمَاعيَةّ–{"25/10/"}—-

من بريد المشكلات الإجتماعيه نعرض لكم هذه الرساله

وتذكروا اخواتي ان البنت تحتاج للنصيحة الطيبه .والكلمة الحلوة…

و لا تنسون قوانين القسم

5- عدم الاستهزاء بمشاكل العضوات ومن تستهزء تحذف مشاركتها
واذا كررت اسلوبها توقف عضويتها.

6- استخدام اسلوب لائق في التعبير والبعد عن الكلمات الغير لائقة.

7- التعامل بجدية ومصداقية للمشكلة ومحاولة طرح حلول مفيدة لتستفيد منها العضوات.

أما تفاصيل الرسالة تقول

خواتي العزيزات

ربيعتي تمر بمرحله انتقاليه في حياتها,,,والقرار كل يوم يصعب بالنسبه لها,,,حبينا ناخذ بنصايحكم في هالموضوع

ربيعتي متقدم لها شاب..مواصفاته زينه….يشتغل شغله مرموقه

لكن فيه عيب واحد…..لكن هالشي من سنين

كان يشرب

والله هداه يقولون وتاب

والكل الحين يمدحه

والحين هو تاب وصلاته محافظ عليها

هي طبعا اتصلي استخاره دايما وموكله أمرها لرب العالمين

لكنها تخاف ان الناس يعايرونها او هالشي يأثر على حياتها عقب

تخاف انه يرجع يشرب….الكل يأكدلها انه مايشرب وتاب وهالشي مستحيل انه يصير لأنه اتأدب واتعاقب قبل وكان طايش وغلط والحين هو تاب

المهم هي ماتعرف شو تقول للي خطبوها,,,والولد وأهله متمسكين فيها

ولحد الحين ربيعتي وأهلها يسإلون عنه لكن اخوانها مب طايعين وهي تحس مرتاحه له وتبا توافق لكن تخاف تندم

بنات ادعولها الله يوفقها……ادعولها تقوم بالاختيار الصح وماتظلم عمرها

اللي عندها نصيحه لاتبخل

اللي تعرف ناس تابوا لاتبخل عليها بالنصيحه

الله يوفقها ان شاء الله ويكتب لها الخير ويرزقها بالزوج الصالح اللي يستاهلها

ادعولها خواتي أرجوكم

في إنتظار مشاركاتكم و آرائكم ونصائحكم

إذا كان تارك الشرب من سنين فما أتوقع يردله بس لو من قريب لأ، وتستخير لين ما الله يكتب اللي فيه الخير

مممم اتصلي استخاره دامها مرتاحهـ وبعدين دام هالشخص تاب خلاص مالهـ داعي نتأثر بكلام النااس اللي ما يرحم ..!! اهم شي تتوكل وتستخير وربي يجدم اللي فيه الخير ,, ويسألون عنه اكثر واكثر

لاتوسوس برجوعه ولا تساله رجعت للشرب والا لا

خليها تتوكل على ربها

وربي يوفقها ان شالله

عليهاـا بالاستخـاـاأآرهـ ..

مممم :: الصراـاحه هاللي اقـدـر اقوـوله بس ..^.^

والله يوفقهاـا .. ويسعدهاأ’أ

خايفه من كلام النّاس؟

إختي لا تفكرين أبداً بالقيل والقال ..لأنج بتتعبين.. كلام الناس إذاعه تبث على مدار الساعه وماتتوقف أبداً

ولو سيرنا أمورنا ومشيناها على كلام الناس وهواهم جان عشنا في معمعه وبلبله ..

الحياه انتي وريلج وبس بتعيشونها مع بعض .. والناس ما بتشاركم هالحياه .. فليش تتعبين عمرج بتفكيرج بكلام الناس ؟
:

.

أما عن سالفة إنه كان يشرب .. إدعيله بالثبات .. ومادام الكل مأكدلج هالشي .. فليش متخوفه ؟

إختي استخيري رب العالمين .. ونصيبج ما بيكون لغيرج .. وحطيها قاعده عندج .. نصيبج ما بيروح لغيرج

إذا كان مكتوب لج تاخذينه بتاخذينه .. ويمكن رفض أخوانج له هو من رب العالمين .. يعني رد للاستخاره .. محد يعلم ..!

موفقه يالغاليه والله ايسرلج اللي فيه الخير لج .. وله

:
.

طبعاً كلامي لصديقتج .. =)

الله يثبته ان شااااء الله وعليها بالاستخاااره
نسمع عن ناااس يشربوااا وتابوا بفضل الله ودعاااااء اهله له داااايما بالهدايه
ولووو وافقت عليه الافضل انها اطول فتره الخطبه لييين ما تتاكد زييين انه تاب والله ييسر امورها

والله تعبت ,,, بليز ادعولي

شحالكم؟

بنات والله تعبت ابغي ارتاح كل يوم ف بيتنا مشاكل وامي متغيره علينا … كل هذا ليش لان متغدين نحن ويا نسيبي ع الغدا ويا بعض جالبة البت علينا وكل يوم ضرابه انزين انا سويت شي غلط ليش اتسوي فينا جي ليش … والله كنت اصيح الظهر واكتب لكم وانا ادمع … :'( بس ماقدر وصلت حدي ماسويت شي غلط

الله يخليكم ادعولي والله تعبت >> لا تنسون دعوة لاخيك عن ظهر غيب مستجابة والملائكه بيقولون لكي مثل هذا

فديتج احين محد يأمن فــ القريب قبل الغريب

عشان جي امـــــج خايفه علييييج

أو

امج اساسا متضايجه من اشياء وحطه حررررتها فيكمـ

ماعليه فديتج استحمليها شوووي ..

ولا تاخذين الاموور بحساسيه ><"

يختي لا تتغدون ويا نسيبكم اسمعوا الرمسة
يمكن لانكم ما تسمعون لها
الله يعينها ويعينكم .
سيروا حبوا راسها وقولوا ان شاء الله ما بيتكرر هالشي وكونوا قد الكلمة .

تسلموووون ع المرور

يزاكم الله خير

ماشي بيت في الدنيا يخلى من المشاكل .!.

بس امج يمكن ممب راضيه انكم تتغدون ويا نسيبكم .. بس انتو ماسمعتو رمستها .!

ومن حقها تتغير عليكم عشان اتحسسكم بغلطتكم …

روحي حبي راسها واعتذري منها .. ووعديها انج ماتعيدينها ..

رضى الله من ورضى الوالدين …

الله يفرج همج ويفك كربتج ويسر امووورج ان شاءا لله ..

مثل ما قاالن الخواااات .. ماشي بيت مايخلى من المشااااكل .. عااادي حبوبه

اهم شي لا اتلعوزونها .. ويوم انها ما تبيج تاكلين ويا النسيب هالشي ف مصلحتكن

الله يفرج همك وكربتك ويحنن قلب امك عليكم والله اعرفي ان امك شافت الموت عشان تعيشين مبسوطه

استحمليها واحتسبي عند ربي الاجر وحاولي ماتسوين شي يضايقها والله يسعدكم ياااااااارب

سوسو

الشخص اللي كنت أتمناه بيعرس وانا تعبانة

اشحـــــــالكن يا بنات عســــــــــاكن بخير……….

خـــــواتي أنا نفسيتي واااااااايد تعبانة ومتضايجة حياتي صااااااارت كل صياااح
والله العظيم كل الليلة كل ما أبااااا أرقد أصييييح وكل ما أبا أسوي شي في عيوني كل دموووع ومتضاااايجة واااايد,,,,,
لأن الشخص الللي أحبه واللي كنت أتمنى أن يكون من نصيبي خلاص بيعرس وبياخذ وحدة ثانية من الدوام … مع ان والله في كل صلواتي كل ادعيله ان الله يوفقه ويرزقه الزوجة الصالحة والذرية الصالحة والله العظيم حتى في قيام الليل كنت ادعيله …..
ساعات أقول يمكن هو مايباني ليش انا يمكن هب حليوة في نظره وساااعات أقول يمكن أنا ما أشتغل وهاي البنية تشتغل…
والله يا بنات شو كنت اتخبل يوم كان ايي ايي بيتنا لان هو ربيع اخوي… وكل ما اسمع عنه شي زين واايد استانس اسير اكتب في الدفتر اللي عندي… والله من سنتين وانا اكتب عنه بس هو مايدري … أحس عمري ما بستانس ولا أفكر اني أعرس ويالسة اقووول يا حظها هاي البنية بتاخذ هالشخص و ,وأحسها وااايد مستانسة ويااه والله ياااخواتي دوووم أقول يا حظها يا حظها….
أنا ما عرف شسوي مع انني مؤمنة بقضاااااء الله وقدره بس حطن في بالكن ياخووووواتي انا ما خنت أهلي عشان أرمس ويااه… يعني انا ما كنت ارمس وياااه بالتيلفون لان أعرف ان ها الشي حراااام وهو يعرف ان أنا احبه بس ما عرف ليش اختار هاي البنية…

والله ما عرف شسوي تعبانة مع اني اقرأ قرآن أحاااول أهدي عمري… واقول الله بيعوضني بس ما قدرت دخليكن يااابنات شوري علي ماااعرف شو بيستويبي من كثر ما أفكر في هالانسان سرت كل أحلم فيه…. يعني مرة حلمت ان هو عنده بنية وانا مسكت بنته ومرة حلمت ان هو لابس كندورة سودة ومرة حلمت ان هو لابس بنطلون اسود وتم يطالعني….
نفسيتي وااايد تعبانة والله متضااايجة من الخاااطر … أخاااف من كثر التفكير شي بيستويبي قلت بنتحر بس انا ايماني بالله قوي وأعرف ان هالشي حرااام… والله خااايفة يعزموني عل عرسه وانا مجبووورة اروح لان هو من أهلي….
أخاااف بيغمى علي..

سوري يااابنات طلعت كل اللي في خاااطري لا ني وايد ارتحت لهالمنتدى أتمنى انكن تدعون لي وان الله يسترعلي في الدنيا والاخرة…. دخليكن ما أبي حد يجرحني من العضوات لاني والله العظيم وانا ألحين أكتب وأنا أصيح ……
عل فكرة فكرة انا ألحين بديت ادعي ان الله يوفقه ويا حرمته بس يندم ان هو ما خذني … أحيد ربيعتي يوم شافته قالت ان هالشخص متضااايق ومب مستانس .. شرات قبل ربيعتي شافته بالدوام بالصدفة .. وقالت مع ان الشخص يوم يبا يعرس يستانس بس هذا شكله متضاايق مب مستانس … طبعا انا وايد اتصايجت .. قلت يمكن من دعوااتي ان هو يندم ان ما خذاااني…

والسمووووحة عل القصور


هدي اعصابج اختي ويمكن هذي خيره من الله والله بيعوضج بولد الحلال

الله يعينج حبيبتي حاسة فيج هذا قدر وكل واحد ياخذ نصيبة في هالدنيا اقري قرأن وان شاء الله بيجي نصيبج وتنسي ادعيله عسى الله يوفقة وان شاء الله نشوفج عروس انتي بعد هدي حبيبتي

هذا نصيب اختي
ان شاء الله الله بيرزقج بولد الحلال اللي يستر في الدنيا والاخره

هذي هي الدنيا اختي مش كل شي تتمنينه تاخذينه انا اقولج هالرمسه لاني جربت تجربتج وكانت تجربه مريرة الله يعينج ويصبرج والله وياج ان شاء الله …وعسى ان تكرهوا شيئا وهو خير لكم … دوم حطي هالشي في بالج وكل اللي اييج ف الدنيا رزقج ونصيبج ويمكن تكونين احسن عن اللي خذها والله يحبج وبيرزقج بريال اصلح وادين منه …. عليج بالقران بيهديج وبيريحج والله يصبرج ..

اختيه لا تضايجين ولا غيره ..
يمكن الله مب كاتب ان هو يكون من نصيبج ….
صح انج بتتعبين فالبدايه بس صدقيني الله بيعوضج بولد الحلال الي يستاهلج ويستر عليج …
صدقيني يا اختيه كلنا مرينا بهالتجارب وتعبنا بس بالاخير نسينا وخلي ايمانج بالله قوي …
والله بيعوضج بالي احسن منه ……

قولي قدر الله وماشاء فعل فقدر الله نافذ، ولن يغير الجزع والحزن من القدر شيء

(عجبا لأمر المؤمن إن أمره كله له خير، وليس ذلك لأحد إلا للمؤمن، إن أصابته سراء شكر، فكان خيرا له، وإن أصابته ضراء صبر، فكان خيرا له" (رواه الإمام مسلم في صحيحه عن صهيب بن سنان )

تخيلي ربيعتج ؟؟؟؟؟

التمس لاخيك 100 عذر

كانت وياج اوكي دوم على زله بسيطه بيخترب كل الي بينكم

الموضوع احسه مايستاهل يمكن عندها ضروف

فديييييييييييييييييييييييييتج ولا تضايجين بعمرج عالأقل عشان البيبي …
ومثل ماقال ريلج سيري واتعدلي واكشخي لكن قبل هذا كله حصني نفسج فديتج الله يحفظج ويحفظ البيبي ويحفظلج ريلج ياربي

آلمهم آنج سويتـي آللي عليج ..

وعآتبتيهـآ ومآنفع ويـآهآ ..

وشكلهآ الســآلفه مثل مآقلتي مسـآله غيرة لـآ آكثر ..

ختيه .. طنشي ولـآتحرقين آعصـآبج ..

وسوي مثل مآقـآل ريلج آكشخي عنآآد فيهآ !

سبحان الله واايد في بنات من هالنوعيه

مدري ليش جيه ينسوون صداقتهن بسهوله

الله يعوضج بننت الحلال واتكون الصديقه الصدووق يارب…

وادعي الله يهديها ويسترها ويوفقها وياريلها..

صدقتي بس خلينا انكون صريحين مع بعض

هي ربيعتج صح بس ما تحب تقولج خصوصياتهااا وهذا شي حلو فيهااا

ولازم تتعلمين منهااا انج ما تقولين لاي احد اسرارج او مواقف صارلتلج

فحياتج الخاصه حتى لو كان اربيعتج روح بالروح …

وعلى وقف اربيعتج لمه ملجته ماخبرج والله انها ما تستحي

حتى لو كانت مشغوله في شي اسمه "مــــــســـــج"

وعن نفسي صار لي نفس الموقف انه اربيعتي لمه ملجت ماخبرتني

مع انه نحن قبل كنا 24 ساعة ويه بعض بس بعض الناس ابغيات

التمسي لها العذر حبيبتي

وروحي الحفله واكشخي وخلج احسن عنها

لا حبيبتي انتي مامكبره السالفه في وااايد من هالنوعيات سبحان الله جنه ترمسين عن صديقتي ..

اتصدقين بعد ماعرست انقطعت عني نهائيا ..

انا متزوجه قبلها ب 5 سنوات ماسويت اللي سويتها والله اني تميت معاها وخليتها فكل صغيره وكبيره ..

ع الاقل ربيعتج خبرتج عن تاريخ العرس عشان اتفصلين بس ربيعتي ماخبرتني شرات الغرب يابت بطاقه يعني قبل العرس بيومين تتخيلين انا ماسرت ولا وسيتلها سالفه بس بنات الجامعه مخبرتنهم قبل بشهر وانا لا .. سبحان الله اتقول ماصدقوا لانهم عرسو ولا ماشايفين خير هههههه صدق قهر ..

الحمدلله على كل حال

السلام عليكم ورحمة الله وبركاته

اول شي انا اسفه كل شوي احط مشكله بس لاني ارتحت وحصلت مكان واحد يسمعني ويشاركني مشاكلي ويدورلي حل ….

بنات انا الحمدلله على كل حال طويله وضعيفه زين بس خوااتي بالبيت دوم يضحكون علي يعني كنت بالبدايه احسه مزح بس بعدين انقلب صدق مره على شكلي ومره على طولي لحد ما صرت اتحسس وايد

ودوم اذا رمست عندهم يعني يطنشوني والله يخلوني اسكت ولا اكمل دووم الاحظ هالشي ..واحيانا احس امي تعاملني بطريقه غير عن خواتي والله اصيح لما اشوف هالشي ..ودوم يحبون يمدحون بعض بس انا مستحيل يقولولي شي حتى لو كان حلو …

ومره اختي يات عندي وتخيلوا قالت بويهي انتي تشبهي الغنمه والله يا بنات سكت ولا رديت ودوم احسهم يحبون يتمصخروا علي او يسمعوني كلام ..

مع اني الحمدلله والله الكل يقول عني حلوه وطويله بس ضعفي شوي يبالي ازيد …

الحمدلله على كل حال انا راضيه بخلقة ربي …بس شو اسوي ما كنت بكتب هالشي لكن ما قدرت اكتم اكثر لان قبل شوي والله يلست تضحك ع شكلي ..

انا اسفه ع الاطاله ويمكن الكلام مب مرتب

صابره وربي يرزقني الزوج الصالح الي يريحني ويسترني دنيا واخره

فديييييييييييتش والله اول شي بقولش شي خليه في بااالش عدل انش اتكونين واثقه من نفسش لااخر درجه

واذا خواتش وامش يسمعوونش كلام نفس هذا ترا انتي ساكتتلهم كوني في يوم بس جاده ومعصبه

وقفيهم عند حدهم قولي عيب هالكلام واستحو على نفسكم وبكره بتتزوجون بتسوون هالحركات قدام ازوااجكم والله لايطلقكم

وروحي عندش امش قوليلها وصارحيها بايلي تحسيينه وقولي لخواتش ماتعجبني تصرفااتكم ياتحترمون نفسكم

وتحسنون اسلووبكم احسن

وانتي لاتكونين حساسه زياده عن اللزوم ترا هالحياه يبغاالها قلب قوي مايهزك ريح

والقلب الحساس والرقيق مابيقدر يستحمل هالحياه وبيعيشها ولاتسكتين عن حقش

كثري من الاستغفار والتسبيح و ربنا بيسهل

انا اول شي ما سكت بس الحين زودوها يعني ما نفع معهم واخر شي سكت

والله يا بنات الي برى يمدحوني اني حلوه

تسلمين اختي يعطيج العافيه

عادي حبيبتي خذيها بررروح رياااضية ،، أختج يوم تقولج تشبيه الغنمة ردي عليها ياقلبي وقليها ما حد غيرج الغنمه ،،عالأقل الغنم نستفيد منها وإنت وجود والعدم واااحد مثل هالكلمات إلا تسكت ،،،

وإنت عارفه عمرك واثقة بنفسج !!!

وعيشي حيااتك ولا تتكدرين ،، عامليهم نفس المعامل ،، يعني المعامل بالمثل ،،،

عيل أنا ما شفتيني فالبيت ،،، حدث ولا حرج ،،،

الله يهديناااا،،،
الدنيااا ما حلووو بدووون مشااكل وزعل ،،، جااااو

الله يهديهم ان شاءالله

تسلمين اختي

والله لو انا ف مكانج يا ذابح يا مذبوووح<<< قويه
عيل يتمصخرون علي واسكت لهم لاااااااااا وكلااااااااا والف لاااااااااااااا حبيبتي قوي شخصيتج وكوني واثقه من روحج لا تقولين انج ضعيفه ماحس ان هاي مشكله لااااا تسكتين عنهم لن لو سكتي وطنشتيهم بتمين جذه وبزيد ضيجج خلج كووووووووووووول وردي ماعليج صيري شراتي قويه.. بس اذا كانوا اصغر عنج خذيهم على قد عقلهم لنهم صغااار…والسمووحه

واثق الخطوه يمشي ملكاا…

والله ردي عليهم بس عاد مب بمشااكل يعني عاادي بين خوات

واذا ما شي فايده طاااااااااااااااااااااااااااااااااااااف وخليج وااثقه من عمرج

يمكن يغاروون منج ..

شفت ربيعتي ريلي في ويهي

يا بنات تعرفون مب قادره اصدق اللي صار لي اليوم سرت اشتري هدايا حق ريلي لان اليوم عيد ميلاد ابا اسوي له مفاجأه اتخيلوا في محل تغليف الهدايا شفت امنو ربيعته يا ربي كنت شوي بيصيح كنت ماخذه وياي ولد اخو ريلي هي زقرت باسم سيف قلت لها تعرفين على بالي ربيعت ام او شي قالتي انتي امنو قلت لها مرت عمه قالت لي منى قلت هيه سالتها انتي امنو ردي علي انا منيره بنات ما اقدر اوصف لكم شعوري شوي وبيصيح جان اتقولي اشحالج بكل حقاره بعد اللي سوت ما استحت تسالني هالسوال عطيتها ظهري وتميت ساكته وعقب ما قدرت اسكت سرت عندها قلت لها ما انتي ربيعت ريلي صح قالت لا بس سوالف للعلم اختها ربيعت اخو ريلي قالت بس سلام قلت لها تعرفين من سبتج لين اليوم بيني وبين ريلي مشاكل وظهرت من المحل بس والله اني بصيح ما عرفت اشكي لمنو خبروني شو اسوي وريلي لين اليوم مب طايع يعترف انه بينهم علاقه مالي غيركم يا بنات والله وايد متضايجه

لا حول و لا قوة إلا بالله

الله يهدي زوجك و يسخره لك آمين يا رب العالمين

أختي لا تعطيها أهمية و أنت إنتبهي على زوجك و بيتك و إهتمي فيهم أحسن إهتمام

و إن شاء الله الله يكتب لك الخير

ماعرف شو أقولج حاولي تهدين الأمور لين ماتتأكدين عدل
ولاتضغطين عليه وايد وفي نفس الوقت حاولي تبعدينها عن ريلج من غيرما يدري حتى ماتحاول تتعاند معاج
يعني لاتسبينها تروح تفتن عليج وتصير لج مشاكل
الله يكون معاج ولاتنسين صلاة آخر الليل

الله يعيييييييييييينج حبووووووووبة

تراها ماشي مثل دعوة الزوجة في هذي الحالات خاصة وإن كانت بينكم مشاااااااااكل وبسبب هالموووضوع
صدق إنهن ما يخافن الله

والله غمضتيني

الله يهديهم يارب

أكثري من الدعوات ان يسخره لج

وحذاري انج تدعين عليها ادعي ان ربي يهديها اهيه بعد

والله يعينج وعطي للموضوع اكبر طاااااااف ف حياتج

المشاركة الأصلية كتبت بواسطة عربية حرة
لا حول و لا قوة إلا بالله

الله يهدي زوجك و يسخره لك آمين يا رب العالمين

أختي لا تعطيها أهمية و أنت إنتبهي على زوجك و بيتك و إهتمي فيهم أحسن إهتمام

و إن شاء الله الله يكتب لك الخير

الله يصبرج … و الحياه بصراحة كلها تطنيش … طنشي السالفة ولا ترى بتنقهرين زيادة

شكــــــــــــرا هيــــــــــــــا

المشاركة الأصلية كتبت بواسطة عوشووووه
هيا …
اشكرك على انكي اغلقتي موضوعي ومن ثم حذفتيه …
وكتبتي …

حذف الموضوع بواسطة هيا
السبب: مشكله مفتعله + ردودها غير لائقه

تعلمين لمذا … ؟!
لانك حذفتي ردود غير لائقه بأن يحملها منتدى سيدات الامارات

المشكله ستبقى مستمره صحيح
وكل شي بايد رب العالمين …
وان شالله بيسخر اموري وبتنحل مشاكلي

بس …

انتي كنتي تنتظرين مني زله !
لكنك لم تري كم من الالفاظ الغير لائقه التي حملتها العضوات في الردود ….

الله يسامحج

وتصبحين على خير

اخيتي ,,,

لا احد نعتك بالفاظ غير لائقة

اتعرفين ما هي مشكلتك

الملل تمكن منك ولم تجدي بداً ن تفريغ شحنته هنا

لكن لا تنسي

منتدى سيدات الامارات دائما راقي وسيبقى كذلك

لكن ليس بعضوات مثلك

المنتدى فيه اشخاص نقف لهم احتراما

وفيهم اشخاص لا يسعنا الا ان نقول لهم

هداكم الله واصلح بالكم

اسلوبك ليس بالغريب ~_^

العفــــــــــو ~_^

لاتناقضي الواقع ياعوشووووه

العضوات لم يسئن لكِ ولا لشخصكِ وانما استنكرن المشكله متشكيين بصحتها

اما انتي ماشاء الله

اسلوبك المعهووود

هداكِ الله

وانتي من هله

يارب اهدنا واصلح بالنا واعفوا عنا وعافنا

يارب اغفر لنا ولا تاخذنا بما فعل السفهاء منا

يارب ثبت قلوبنا على دينك

لا اله الا انت سبحانك اني كنت من الظالمين


هيا + ونة ألم
انتوا تقربون لبعض وللا شو ؟
مرات أحس انكم تتشابهون < — الناس وين و حضرة جنابي المصونة وين


εїз

المشاركة الأصلية كتبت بواسطة Paran0ia

هيا + ونة ألم
انتوا تقربون لبعض وللا شو ؟
مرات أحس انكم تتشابهون < — الناس وين و حضرة جنابي المصونة وين


εїз

اشوف انا بعد

هياااا اختي في الله

وتوأم روحي اللي للحين ما شفته

اتشرف بمعرفتها

اسلوبنا واحد وتفكيرنا واحد

والناس يقولون عنا ان احنا واحد

<<<<< مب جنها دعاية شامبو ههههههههههههههه اثنين في واحد

الحمد لله الذي كشف عنا الضر

السلام عليكم ورحمة الله وبركاته
وهذا رابط موضوعي السابق
http://forum.uaewomen.net/showthread.php?t=362922

الحمد لله خواتي فضلا من ربي والقران الكريم والمطاوعة الكرام اللي عالجو اخوي ودعواتكم اخوي صار وااااااااااااااااااااااايد احسن
والله التجربة اللي مرينا فيها كانت مرييييييييييييييره جدا جدا جدا…ويارب ما تحزنون على حد قريب ويبعد عنكم وعن احبائكم الشر
والله قدرت قيمة اخواني على كثر ما كنت اتضارب معاهم…و يارب يخليهم تاج فوق راسي
ولا تنسون عظمة سورة البقرة في كل مشكلة تواجهكم…
والله اني كنت انصدم يوم اشوف حال الجني يوم كان اخوي يسمع سورة البقرة
كان يزلزلة من الاعمااااااااااااق
واخوي الحين يباله اعادة تاهيل من اللي شافاه…وناويين نعالجه عند طبيب نفسي

وادعولنا جميعا للتقدم الى الاحسن سواء اخوي او سواء علاقة امي بابوي او حال البيت ككل

ودمتم برعاية الله سالمين

حمدالله على سلامته..وإن شاء الله يتعافى تماماً
وعين الصح أنكم تفكرون في اعادة تأهيله
بس لا تهملون بعلاج الرقيه الشرعيه وسورة البقره
وعليه أن يحصن نفسه كل يوم…لأن أصبح سهل الاختراق
من قبل المرده أعاذنا الله وإياكم
والله يصلح ما بين أمكم وأبوكم..ويسخر لهم من يوفقهم في سفينة الحياة الأسرية
ونحن ما عندنا غير الدعاء..وأنتِ استمري بتذكير أمج وأبوج أنكم بحاجه لهم
وعليج بالدعاء…
والله يحفظكم من كل شر…

حمدالله على سلامته ايات الله عظيمه

الحمدلله على سلامته وداوموا على القرآن كل يوم خلوه يقرى فالبيت

يعطيكم العافية خواتي
والحمد لله احنا مو مقصرين بالقران والتحصين معاه
ومثل ما قال المطوع والاخت نبضة امل انه هو صاير سهل الاختراق
بس ان شاء الله بسبة التزامة ما بيصيبة شي

والله امي فديييييييييييييتها ما قصرت وياه
ونعم الام والصبر والتحمل
ياليتني اكون ام مثلها لعيالي
ويارب يحفظ امهاتكم

الحمدلله

الله ييسر الامور ان شاء الله ويصلح شانكم

الحمدلله

الله ييسر الامور ان شاء الله ويصلح شانكم

صارحيني شو تشعرين وشو الاسباب

السلام عليكم ورحمة الله
خواتي ابا كل وحده منكم اتفضفض وتوصف لنا شعورها عند دخولج المنتدى ..
قولي وبصراحه : هل تشعرين بالفرح او الضيق او او او او

ابدأ بنفسي شعوري متوازن لا ضيق ولا حزن الحمدالله رب العالمين دعائي كل صباح بعد صلاة الفجر اللهم اعوذ بك من الهم والحزن ……واحاول بقدر ما اقدر اتجنب الزعل او الضيق وما احب النكد ..

اختكم ام سيف _دبي _البرشا

عادي يعتمد على النفسية ساعات أكون مستانسة وساعات ملآنه و ساعات مهمومة ….يعتمد على المود كيف صاير

انا الحين في هاللحظه بما اني توني داشه المنتدى احس ابحسره

عادي مرات فرحانه ومرات حزينه

على حسب المزاج
اهوة اللي اللي يحدد

الحمد الله انا ادش وانا فرحانه انى بسمع عنكم اخبار طيبه

عاده انا شعوري الحينه فرحانه .. اتعرفون ليش ؟ لاني توني قدرت اشارك ف المنتدى بالنك اليديد لاني عضوه جديمه ونسيت الباسورد الاولي ..