التصنيف: التنمية البشرية و تطوير الذات

انا عندي مشكلة مع نفسي ..انا مستوية وااااااااااااايد هادية وايد ..قبل ما كنت جي // من عرست استويت اوفر هاديه ..قبل انا يوم كنت في بيت اهلي كنت اول ما ارجع البيت اصرخ واسولف ويا خواتي واضحك وصوتي كان عالي جدااااا حتى لما ودرت بيت اهلي قالولي ان البيت وايد صااااير هادي بسبتي ..لاني وايد اسوولف// ولما كنت في الدوام كنت اسولف ويا ربيعاتي وايد عندي مواضيع حق السووااالف عن اخر موضة وعن الدوام والشغل وقيل وقاااال ..اما الحينه لما عرست اول شهور العرس كنت اسوولف ويا ريلي وايد واقووله شو صار وشو استوا وعن اهلي واهله وكنت اتكلم ويا خواااته مرااات ..بس عقب ما كملت سنة استويت هاديه لان هم هادييين ..حتى ريلي هااادي وخواااته هاديات ما احس فيه اكششن في البيت وهدوء قااااتل محد يسوولف ويا حد ساعات والله حتى ايلس جي في حجرتي ايلس اطالع تلفزيون ولا اقرا كتاااب والحينه لما قمت اروح الدوام اتم سااكته بعد ما اسوالف وايد // والله ما عرف عن شو اسووولف …واتم كله سااااااااااكتة واضحك كارهة عمري جي ..لما اييون ضيوف في البيت بعد اتم ساااكتة قمت اتم ساكتة ويا ريلي وهدوووء بس نفتح موضوع نتنااقش فيه وعقب نتم ساااكتين

ابغي اتغير اصير فرفوووشة وقمت استحي وااااااااايد بعد من كل شي !!! مع انه قبل كانوا يقووولون لي اني انسااانه لو ابي شي اسوويه الحينه لااا قمت استحي وايد ..احس اني خذت طبع ريلي الصراحه لان ريلي من النوع اللي ما يتكلم وايد وكله ساااكت !!!

بقوولكم كيف سوااالفي حاليا..

وحده مثلا تتسولف عن طلعتها وشو سوت ..انا يوم اعلق اقوول اهااا ..اوكيييه صح صح ..واضحك وعقب اتم سااااكته
والثانيه فرفوووشة وتتم تسوولف عن انستقرام وعن تعليقات وانا بس اتم اضحك ولا اقولها اشووف اشووف وبسس ..

صرت ما اعرف كيف اعلق وصرت ما اعرف كيف اساير الوحده في الكلام افف هدوئي ذابحني ما عرف اسوي حشرة ولا اعبر عن اللي بخاطري وبتلاحظوون اني اتلكم عن البنات وسوالفهم لاني نادر ما اسوولف اكثر شي بس اسمع وما اتكلم وايد …

ساااعدوني عسب اطلع او خبرووني كيف اصير فرفووشة واسوولف واضحك مثل الناس

كل المشاكل التي نمر بها هي صرخة لاعادة معرفة خوالج نفوسنا عشان نعود نكتشفها ونعرف من نحن !!

اول شي انا اسفه كل شوي احط مشكله بس لاني ارتحت وحصلت مكان واحد يسمعني ويشاركني مشاكلي ويدورلي حل ….

بنات انا الحمدلله على كل حال طويله وضعيفه زين بس خوااتي بالبيت دوم يضحكون علي يعني كنت بالبدايه احسه مزح بس بعدين انقلب صدق مره على شكلي ومره على طولي لحد ما صرت اتحسس وايد

ودوم اذا رمست عندهم يعني يطنشوني والله يخلوني اسكت ولا اكمل دووم الاحظ هالشي ..واحيانا احس امي تعاملني بطريقه غير عن خواتي والله اصيح لما اشوف هالشي ..ودوم يحبون يمدحون بعض بس انا مستحيل يقولولي شي حتى لو كان حلو …

ومره اختي يات عندي وتخيلوا قالت بويهي انتي تشبهي الغنمه والله يا بنات سكت ولا رديت ودوم احسهم يحبون يتمصخروا علي او يسمعوني كلام ..

مع اني الحمدلله والله الكل يقول عني حلوه وطويله بس ضعفي شوي يبالي ازيد …

الحمدلله على كل حال انا راضيه بخلقة ربي …بس شو اسوي ما كنت بكتب هالشي لكن ما قدرت اكتم اكثر لان قبل شوي والله يلست تضحك ع شكلي ..

انا اسفه ع الاطاله ويمكن الكلام مب مرتب

صابره وربي يرزقني الزوج الصالح الي يريحني ويسترني دنيا واخره

والله يا بنات الي برى يمدحوني اني حلوه

وإنت عارفه عمرك واثقة بنفسج !!!

وعيشي حيااتك ولا تتكدرين ،، عامليهم نفس المعامل ،، يعني المعامل بالمثل ،،،

عيل أنا ما شفتيني فالبيت ،،، حدث ولا حرج ،،،

والله ردي عليهم بس عاد مب بمشااكل يعني عاادي بين خوات

واذا ما شي فايده طاااااااااااااااااااااااااااااااااااااف وخليج وااثقه من عمرج

انا فيني اضطراب القلق يا بنات واللي ماتعرف عن اضطراب القلق بكتب لكم الاعراض:

رجفة في الايدي وبرود الاطراف _ الاختناق النفسي والشعور بوجود شي في الحلق

الخوف الشديد بدون سبب _ الحزن الشديد بدون سبب

سرعة دقات القلب والشعور كأني في حلم ومافي تركيز ابدا ومرات احس اني انا مب انا

الدوخة وطنين في الاذن

هالاعراض كلها اثرت على حياتي الاجتماعية حتى الدوام غصب اسير له لاني صرت اخاف اسير اي مكان بدووون سبب هالخوف , اول شي قلت يمكن مشكلتي عضوية وسرت عند واايد دكاترة وقلتلهم انا حاسة بضعف ومافي تركيز سوولي فحص دم وغدة درقية وقالو كل شي سليم وعقب سوو تخطيط قلب وقالو مافي شي وسوولي فحوصات ثانية وقالو مافي شي وأأخر شي قالي دكتور احتمال فيج نوبة قلق لان وايد ناس فيهم هالاعراض بس ما يعرفون ان هالشي عرض نفسي مب عضوي , لاني من فترة مريت بصدمة وظرووف صعبة واايد وقالي هالقلق يسبب هالاعراض ويستمر كم شهر يعني بيطول قالي سيري عند دكتور نفسي عسب يعطيج العلاج المناسب من القلق اللي تعانين منه , سرت عند الطبيبة النفسية وقلتلها الاعراض اللي فيني وقالت لي انتي علاجج بيكون بالادوية قالت بعطيج مضادات للقلق بس انا قلتلها اخاف اخذ هالادوية يمكن فيها اعراض جانبية ومب زينة , قالتلي لا الادوية النفسية ماتسبب ادمان , قلتلي اوكي عطيني دوا بس اخذه حق كم يوم عسب ارتاح شوية , لان مضادات القلق لازم اخذها لمدة ست شهور وانا مابا , قالت اوكي بعطيج دوا مهدئ للقلق تاخذين لمدة اسبوع وبس , المهم خذت الدوا وحسيت بتحسن , بس احس الاعراض شوية موجودة وانا مب عارفة شو اسوي مليت
على فكرة انا اصلي واقرا قرآن الحمدلله رب العالمين وعندي ارادة وعزيمة قوية , بس المشكلة هذا شي نفسي والقهر فوق هذا الاعراض اللي قلتلكم عنها مليييت يا بنات, اللي مرت بتجربة القلق بليز تخبرني , وابا اعرف هل الادوية النفسية تسبب ادمان؟؟؟ حد منكم جرب ؟ اتريا ردكم بفارغ الصبر لاني مليت , اللهم اشفني يارب العالمين .. اترياكم

استوتلي نفس اعراضج ورحت سويت تحاليل وطلع ملفيني شي لين رحت عند دكتور الاعصاب وقال عندي اكتئاب وقلق.

اشحـــــــالكن يا بنات عســــــــــاكن بخير……….

خـــــواتي أنا نفسيتي واااااااايد تعبانة ومتضايجة حياتي صااااااارت كل صياااح
والله العظيم كل الليلة كل ما أبااااا أرقد أصييييح وكل ما أبا أسوي شي في عيوني كل دموووع ومتضاااايجة واااايد,,,,,
لأن الشخص الللي أحبه واللي كنت أتمنى أن يكون من نصيبي خلاص بيعرس وبياخذ وحدة ثانية من الدوام … مع ان والله في كل صلواتي كل ادعيله ان الله يوفقه ويرزقه الزوجة الصالحة والذرية الصالحة والله العظيم حتى في قيام الليل كنت ادعيله …..
ساعات أقول يمكن هو مايباني ليش انا يمكن هب حليوة في نظره وساااعات أقول يمكن أنا ما أشتغل وهاي البنية تشتغل…
والله يا بنات شو كنت اتخبل يوم كان ايي ايي بيتنا لان هو ربيع اخوي… وكل ما اسمع عنه شي زين واايد استانس اسير اكتب في الدفتر اللي عندي… والله من سنتين وانا اكتب عنه بس هو مايدري … أحس عمري ما بستانس ولا أفكر اني أعرس ويالسة اقووول يا حظها هاي البنية بتاخذ هالشخص و ,وأحسها وااايد مستانسة ويااه والله ياااخواتي دوووم أقول يا حظها يا حظها….
أنا ما عرف شسوي مع انني مؤمنة بقضاااااء الله وقدره بس حطن في بالكن ياخووووواتي انا ما خنت أهلي عشان أرمس ويااه… يعني انا ما كنت ارمس وياااه بالتيلفون لان أعرف ان ها الشي حراااام وهو يعرف ان أنا احبه بس ما عرف ليش اختار هاي البنية…

والله ما عرف شسوي تعبانة مع اني اقرأ قرآن أحاااول أهدي عمري… واقول الله بيعوضني بس ما قدرت دخليكن يااابنات شوري علي ماااعرف شو بيستويبي من كثر ما أفكر في هالانسان سرت كل أحلم فيه…. يعني مرة حلمت ان هو عنده بنية وانا مسكت بنته ومرة حلمت ان هو لابس كندورة سودة ومرة حلمت ان هو لابس بنطلون اسود وتم يطالعني….
نفسيتي وااايد تعبانة والله متضااايجة من الخاااطر … أخاااف من كثر التفكير شي بيستويبي قلت بنتحر بس انا ايماني بالله قوي وأعرف ان هالشي حرااام… والله خااايفة يعزموني عل عرسه وانا مجبووورة اروح لان هو من أهلي….
أخاااف بيغمى علي..

سوري يااابنات طلعت كل اللي في خاااطري لا ني وايد ارتحت لهالمنتدى أتمنى انكن تدعون لي وان الله يسترعلي في الدنيا والاخرة…. دخليكن ما أبي حد يجرحني من العضوات لاني والله العظيم وانا ألحين أكتب وأنا أصيح ……
عل فكرة فكرة انا ألحين بديت ادعي ان الله يوفقه ويا حرمته بس يندم ان هو ما خذني … أحيد ربيعتي يوم شافته قالت ان هالشخص متضااايق ومب مستانس .. شرات قبل ربيعتي شافته بالدوام بالصدفة .. وقالت مع ان الشخص يوم يبا يعرس يستانس بس هذا شكله متضاايق مب مستانس … طبعا انا وايد اتصايجت .. قلت يمكن من دعوااتي ان هو يندم ان ما خذاااني…

والسمووووحة عل القصور