الوسم: اللزوم

وايد مستوية هادية زياده عن اللزوم

مرحبااا
السلام عليكم ورحمة الله وبركاته

انا عندي مشكلة مع نفسي ..انا مستوية وااااااااااااايد هادية وايد ..قبل ما كنت جي // من عرست استويت اوفر هاديه ..قبل انا يوم كنت في بيت اهلي كنت اول ما ارجع البيت اصرخ واسولف ويا خواتي واضحك وصوتي كان عالي جدااااا حتى لما ودرت بيت اهلي قالولي ان البيت وايد صااااير هادي بسبتي ..لاني وايد اسوولف// ولما كنت في الدوام كنت اسولف ويا ربيعاتي وايد عندي مواضيع حق السووااالف عن اخر موضة وعن الدوام والشغل وقيل وقاااال ..اما الحينه لما عرست اول شهور العرس كنت اسوولف ويا ريلي وايد واقووله شو صار وشو استوا وعن اهلي واهله وكنت اتكلم ويا خواااته مرااات ..بس عقب ما كملت سنة استويت هاديه لان هم هادييين ..حتى ريلي هااادي وخواااته هاديات ما احس فيه اكششن في البيت وهدوء قااااتل محد يسوولف ويا حد ساعات والله حتى ايلس جي في حجرتي ايلس اطالع تلفزيون ولا اقرا كتاااب والحينه لما قمت اروح الدوام اتم سااكته بعد ما اسوالف وايد // والله ما عرف عن شو اسووولف …واتم كله سااااااااااكتة واضحك كارهة عمري جي ..لما اييون ضيوف في البيت بعد اتم ساااكتة قمت اتم ساكتة ويا ريلي وهدوووء بس نفتح موضوع نتنااقش فيه وعقب نتم ساااكتين

ابغي اتغير اصير فرفوووشة وقمت استحي وااااااااايد بعد من كل شي !!! مع انه قبل كانوا يقووولون لي اني انسااانه لو ابي شي اسوويه الحينه لااا قمت استحي وايد ..احس اني خذت طبع ريلي الصراحه لان ريلي من النوع اللي ما يتكلم وايد وكله ساااكت !!!

بقوولكم كيف سوااالفي حاليا..

وحده مثلا تتسولف عن طلعتها وشو سوت ..انا يوم اعلق اقوول اهااا ..اوكيييه صح صح ..واضحك وعقب اتم سااااكته
والثانيه فرفوووشة وتتم تسوولف عن انستقرام وعن تعليقات وانا بس اتم اضحك ولا اقولها اشووف اشووف وبسس ..

صرت ما اعرف كيف اعلق وصرت ما اعرف كيف اساير الوحده في الكلام افف هدوئي ذابحني ما عرف اسوي حشرة ولا اعبر عن اللي بخاطري وبتلاحظوون اني اتلكم عن البنات وسوالفهم لاني نادر ما اسوولف اكثر شي بس اسمع وما اتكلم وايد …

ساااعدوني عسب اطلع او خبرووني كيف اصير فرفووشة واسوولف واضحك مثل الناس

أنا نفسج يبالنا جلسه علاجيه مع بعض

هههههههههه…..مااعرف اختي يمكن تحتاجين إعادة اكتشاف لذات

كل المشاكل التي نمر بها هي صرخة لاعادة معرفة خوالج نفوسنا عشان نعود نكتشفها ونعرف من نحن !!

اعرف بتضربيني

تقريبا نفس مشكلتي في الأغلب أكون مستمعه مااعرف أتكلم ..

كل ها وماتعرفين تتكلمين خخخ
ماشاء الله عليج بس اظن طبعج تغير
ردي نفس قبل حاولي
وين المشكلة

كنت شراتج اول ما عرست يمكن لانه ريلي إنسان مثقف ودوم اسمع نصايحه حتى حسيت نفسي جني ما درست ولا تعلمت فصرت اقرى في كل شي العناية باليهال والموضة والطب والزوج صرت انافسه بالسوالف لين ما يبت بنتي رديت لطبيعتي صرت انطط على السرير واركض والعب معاها واسولف واضحك رديت شرات ما كنت حتى لما اسير بيت اهلي اسوي جو ويشتاقون متى اسير لهم وعيالي الحين ماخذين طبعي الحمدالله لا انا اقدر اصبر عنهم ولا حتى ريلي وايد يشتاق لهم ويتصل ويمر التلفون ويرمسهم واحد واحد
مادام هذا الطبع فيج ما بيتغير لا تحاتي اصبري وبتردين شرات قبل

يمكن شيه افضل ولازم الانسان تتبدل حياته وتتغير مع التغيرات اللي صايره …

ومن عاشر قوما صار منهم ,,, وصدقيني الهدوء حلو ,,, بس بعد الشطانة متعة …..

الحساسيه الزايده عن اللزوم

السلام علييكم
شحالكم عساكم بخير وصحه وعافيه
المهم حابه اتكلم عن موضوع الحساسيه الزايده عند بعض البنات بشكل عااام انا وااايد يصادفوني ناس حسااسين ومضطرره اتعامل معاهم يمكن لانهم من الاهل بس مرات احسني مب عارفه اتعامل معهم تقدروووون تقولون اجااااااامل وانا ماحب اجامل واايد احسني اني مارتاح لاني ماكون على طبيعتي
بتقولون ليش
لانه مرات كلام الصدج مايعيبهم ومرات من اي كلمه او حركه غير مقصوده تحسسو منها وسوها مشكله والكل يفهمني غلط بسبتها انا وايد اتضايج من هاذيلا الناس ليش هاي الحساسيات بكون عادي مرتاحه الواحد مايتحاسب على تصرفاته واذا الواحد غلط مو مشكله بس مانحاسبه ونفهمه بطريقه غير عن اللي يقصدها يعني بالشي السلبي
سوري يمكن كلامي ما عجبكم بس من كثر ماأمر بهاذيلا الناس وهاي المواقف اتضاااااايق وانقهر منهم
وابا طرق نفيد بعضنا فيها عشان نقدر نتعامل معاهم باسلوب ماعتبره مجامله وبنفس الوقت يفهمون المقصود ..

والله يهديهم ويهدنا ويهدي الجميع يارب ..

مالج الا علاج الصمـت
لان فها الزمن الصمت اثمن من اي كلمه
الناس غدت نفوسها سودا عافان الله
والحساسيه من بعض استوت موضه ومرض بينهم
سواء ان كانوا قراب منج او بعاد
والشر زاد فالقرايب !!

صدقيني يختي بدال الصراحه الي قد تجرح البعض
وبدال المجامله الي تعتبر نفاق وما وراها الا الاثم عوذ بالله
ألتزمي بالصمت وريحي ضميرج وملائكتج !

انا استويت جيـه
لان الي ذقته من الناس كفاني
كلمة سوالف تتحول لـ مصيبه فلحظه وحده
لكن الحين اعيش فراحه نفسيه والله
اطمش واتم سكاته

انــزين المفروض تراعيــن هالاحســاس واجاملين كثر ماتقدرين واذا ماتبين اجاملين سكـــتي,, لان بعــد مب زين تزعليــن حد عشان صراحتــج

الناس ادور الكلمه الطيبه الحين,, وقليل من الناس تنطق فيــها,, كلهم تلاقينهم يتكلمون بقســوه ويسمــونها صراحه
ع الاقل لو ماحب اجامل اسكت وهذا افضل شي,,
بالتوفيق حبوبه

كلام الاخت لولالي صحيح وكلام الاخت مس كيوت هم صحيح
بس مافي حد مايتحسس الانسان عبارة عن كتلة مشاعر
وبعدين تعرفين ليش اسمه حساس لانه يحس صدق باللي حواليه واي كلمة باعتقادي يحس فيها سواء كانت ايجابيه او سلبية تطلع من الشخص الي جدامه ومب الكل
في ناس يقولون لج ليش هالحساسية ومااعرف شو لكن خلي يصير لهم موقف تظهر حساسيتهم
واكيد تمر عليج مواقف بتتحسسين منها سواء من البيت ولا حد قارنج بزوجة اخو ريلج او تفرقة من عمتج صح ولا لا ؟
بس كيف نواجه الامر بحكمة ونوجه عواطفنا هني الاساس

وبعدين مافي احلا من الناس الحساسه صح يتعبون بس يحسون فيج وعواطفهم حلوة بس يبالها توجيه
احسن من الناس الي ماتحس ومسويه عمرها حديد وياجبل مايهزك ريح ويجرحون باسم الصراحة وهم مناك خرطي هههه

واذا انتي تعبانة من هالشي فديتج نفس ماقالن الخوات السكوت ولا اقولج الصمت والصمت حكمة

مااعرف هذا راي

والله يوفقج

انا قبل كنت اتحسس واااايد بس الحين لا الحمد الله
وشفت الحساسيه ازيده مامنها فيده بس اتعب الوحده وتخليهااا وااايد تضايج على اتفه الاسباب
بس الحمد الله الحين مايهمني شي واخذ الكلام بروح رياضيه

المشاركة الأصلية كتبت بواسطة lolali..!
مالج الا علاج الصمـت
لان فها الزمن الصمت اثمن من اي كلمه
الناس غدت نفوسها سودا عافان الله
والحساسيه من بعض استوت موضه ومرض بينهم
سواء ان كانوا قراب منج او بعاد
والشر زاد فالقرايب !!

صدقيني يختي بدال الصراحه الي قد تجرح البعض
وبدال المجامله الي تعتبر نفاق وما وراها الا الاثم عوذ بالله
ألتزمي بالصمت وريحي ضميرج وملائكتج !

انا استويت جيـه
لان الي ذقته من الناس كفاني
كلمة سوالف تتحول لـ مصيبه فلحظه وحده
لكن الحين اعيش فراحه نفسيه والله
اطمش واتم سكاته

كلام صحيح 100%

هل انا طيبه زياده عن اللزوم!!!!!!!!!

هلا شخالكم
صباح الخير
الصراحه مب ياييني رقاد فقلت خل أكتبلكم المواقف اللي مريت فيها بحياتي

اول شي انا عمري 21 و طابيه في الجامعه و بعدني عزابيه (الله يرزقني الرجل الصالح ان شاء الله )

ببدال من طفولتي أنا الحمدالله عشت طفولتي كلها و من لعب و كل شي و كنت من النوع اللي وايد اسولف واضحك ومستحيل ازعل من حد لو جرحني اطنش وهذا طبعي من انا وصغيره الله يسلمكن كنت معروفه بعد اني اكون صداقات و كانت عندي صديقه من طفولتي من اول ابتدائي والحمدالله انه لليوم معاي بس صح مب نفس قبل اتعرفون ليش مب نفس قبل لانه وحده دخلت بينا و خربت وايد اشياء و حلفت عليها ماترمسني وربيعتي ماصدقت مارمستني تقريبا سنه بس انا ماهانت علي العشره وبروحي اتصلتلها و سألت عنها وشوي شوي ردينا مع بعض هذا اول موقف في حياتي … موقفي الثاني مع وحده ثانيه من ربيعاتي بعد كنت وايد وياها كانت بالنسبه لي أخت (تراني ماعندي خوات كبري ) وبس للاسف دخلت بينا بعد وحده وتم تقولها كلام الله وعلم شو وتمت تتضارب وياي لين ماملجت ريلها بعد معدها عني لانه انا من اهله واعرف كل سوالفه ويخاف اخبرها واتخلو وصلت انها ماترمسني والله اني موول ماكلمتها ولا عاتبتها لين يومكم بس ماانكر اني مجروحه بس استوالها حاله وفاه و سرتلها والله ماقصرت فيها بس مابيي بعينها اول ماخلص العزاء ردت ماتكلمني انا انقهرت لاني العشره ماهانت علي وبعد اللي سوته فيني انا اللي سرتلها وبعد مايخلص العزا اترد نفس ماهي !!!!!!!! انا مب مقهوره منها انا اعرف السبب ريلها انا مقهوره لاني سويت بطيبي واصلي بس هي للاسف ماكانت تستاهله ……… موقفي الثالث انه وحده بعد من ربعي اتيي وتقولي ترى ابوج متزوج وعنده بنت انا انصدمت وقلتلها الله حلله اربع وانا فؤادي يحترق والله ماقدرت اسكت اتصلت في عمي وحلفته اقولي الصدق (ترى هذا اقرب شي لابوي وايعرف كل اسراره ) وحلفلي انه ابوي مب متزوج ولا شي أنا سكرت عن عمي وانصدمت ليش الناس جي انا اقرب شخص لي بحياتي ابوي ليش كانت تباني ازعل منه اتصدقون اني مول ماقلتلها ولا شي حتى ماقلتلها يافلانه ليش تتبلين على ابوي زور وبلعتها وسكت ….. موقفي الرابع للاسف خالتي دوم اتعايرني ليش لين الحين ماتزوجت وتقولي انا كنت متوقعتنج تتزوجين اول وحده ولين الحين ماتزوجتي انا اسكت ولا ارد عليها وعلى العلم في بنات اكبر مني ماتزوج من ضمنهم بنتها بس هي اتحب اتغايض فيني وكنت اسمع واسكت ولا ارد …. موقفي الخامس مره وحده اتهمتني زور واني سارقه فلوسها وانا الكل اعرفني اني مستحيل اسويها وخاصه الحمدالله عايشه بخير وعز و كل لبسي ماركات بعد سكت بس الله عطاني حقي و اللي سرقت الله كشفها … موقفي السادس للاسف من كم يوم اكتشفت بالصدفه انه ربيعتي اتكلم واحد والله اني صحت لانه اكيد هذا اقص عليها ويلعب فيها وبمشاعرها بس ماقدرت اتكلم قلت هذي خصوصياتها ومالي حق اتكلم وسكت وسترت عليها وعلى العلم هي ماتعرف اني عرفت …. وايد مواقف بعد مريت فيها بحياتي بس كل موقف احس اني انكسر وانجرح لاني اعامل الناس بطيب وهم يطعنوني بظهري من هذي المواقف خلتني استوي مب اجتماعيه نفس قبل ومااحب اسولف مع الناس والضحكه اللي ماكانت اتفارقني الحين مايجوفونها غير في المناسبات وستويت مااحب اكون صداقات لاني ماابي انجرح اكثر بس خاطري اعرف هذا لاني طيبه واسكت عن حقي الناس اتسوي جي فيني شو يستفيدون يوم اتحطم نصيحه مني لاتكونون طيبين على حساب نفسكم عشان ماتكسرون وتنجرحون مثلي وهذي مقططفان من ومواقفي وعندي مواقف وايد غيها

الله المستعاان00يااحبيبتي منو في هالدنياا ماا تعرض لمثل هالموااقف ؟!!

الدنياا داار اختباار وابتلاااء 00وكل هالموااقف ابتلاااء من رب العالمين

والي عليج انج تكونين قويه فديتج00كل مااا كبر الانساان بالسن كبرت المشااكل

والموااقف في حيااته والدنياا تجااارب 00عزيزتي انتي صبرتي والله يأجرج ع صبرج

لكن لا تضعفين ابدااا وخلج وااثقه من نفسج حبوبة 00ومرنه ماا يكسرج موقف او

كلمة من اي انساان ^_* 00اصبري وبشر الصاابرين ^^

لكن ابااا اوضح لج نقطه 00الخير سويه بدون ماا تدورين شكر من ورااه

سوي الخير بنيه الاجر فديتج من رب العالمين وبس ^_*

الله يسر امورج ويسعدج دنياا وأخرة يااارب 0

ينقل للذاات ^_^

هالمواقف مرت علينا وياما صبرنا واتحملتنا

وياما انظلمنا من الاهل و الصديقات

والله يعينج وويعينا يارب

عليج بالصبر

والله المستعان

مشكورين على الردود

مواقف عامه تمر على الانسان

ويتصرف معها بطبيعة الحال او ماتقتضيه الظروف

وجميع ردات فعلكِ طبيعية وممكن ان يتصرف السواد الاعظم بنفس طريقتكِ

لانها امور بديهيه لا نختارها انما تأتي من تلقاء نفسها

فقط استمري على طبيعتكِ وتعاملي مع الجميع بحسن نية دون التركيز على صغائر الامور

يقينة ان ماتقومين به لا يضيع وانما اجره عند الله

الله المستعان

مشكلتي اني عاطفية و رومنسيه زياده عن اللزوم

السلام عليكم و رخمة الله و بركاته

أول مره اكتب موضوع في هالقسم بس حبيت أني أعرض مشكلتي يمكن تستغربون منها

مشكلتي يا طويلات العمر أني عاطفيه و رومنسيه زياده عن اللزوم يعني 24 ساعه أكون رومنسيه
أكيد بتسألوني وين المشكله و بتقولن هالشي حلو وايجابي
بس انا اشوفه لا لان الواحد ساعات لازم يكون جد وعصبي و يحزم بعض الأمور
يعني لو وحده من ربيعاتي زاعلتني وخصوصا ربيعتي المقربه عليه عادي ادخل المستشفى و يغمى عليه و ينزل وزني وتستوي فيني بلاوي
ساعات اذكر ربيعاتي في المدرسه مع انهن بس زميلات دراسه بتنزل دمعتي بدون ما أحس
اتخيلوا ساعات لو حد يغلط عليه بتلقوني بعد فتره انا إلي بروح و بتأسف له مع انه يكون فار عليه كلام فظيييييييييييع
دايما اطالع الحياه انها حب و عاطفه و مشاعر و أحاسيس و رومنسيه
دايما اعيش في احلام اليقظه – ولو كنت مضيقه ولا معصبه بتكلم بكل هدوء مع الشخص إلي مضايقني

في خاطري اكون عصبيه و حازمه
ساعدوني كيف اقسي قلبي و اتحكم بمشاعري؟؟؟؟

مرحبا الغاليه ,,

كأنج تتكلمين عني بس مش فكل الامور ,,

بس انا الحمدلله اتغيرت وقمت اوازن بين شي وشي

هالشي غيريه من داخلج الغاليه ..

يعني دايما قولي انا قوية ومابضعف فأي لحظه وحطيه فبالج

يوم بتمرين بأشيا تضايجج ولا من الامثله اللي استوت لج فكري بعقلج ولاتفكرين بقلبج وخلج قويه ^^

وان شاء الله مع التعود بتتغيرين

واتمنى باجي الخوات يساعدنج ومابيقصرن ان شاء الله ^^

والسموحه

المشاركة الأصلية كتبت بواسطة UM 7amdan
مرحبا الغاليه ,,

كأنج تتكلمين عني بس مش فكل الامور ,,

بس انا الحمدلله اتغيرت وقمت اوازن بين شي وشي

هالشي غيريه من داخلج الغاليه ..

يعني دايما قولي انا قوية ومابضعف فأي لحظه وحطيه فبالج

يوم بتمرين بأشيا تضايجج ولا من الامثله اللي استوت لج فكري بعقلج ولاتفكرين بقلبج وخلج قويه ^^

وان شاء الله مع التعود بتتغيرين

واتمنى باجي الخوات يساعدنج ومابيقصرن ان شاء الله ^^

والسموحه

تسلمين اختي على ردج الرائع

حبيبتي خلي لكل شيء وقت للرومانسيه والعاطفيه وقت

وللجديه والعصبيه والحزم وقت ولا تخلطينهم ببعض

فلو مثل ما تقولين الموازين تختل وحياتج ونفسيتج تتعب مع الناس

وخصوصا في ناس ماتستحق منج هالطيبة وتستحق العين الحمره

فانتي حطي ببالج ان هب الكل يستاهل التسامح واللينه

وان الحزم والعصبيه تفيد بهالايام والقوه

والله يعينج

حاولي تقوين قلبج وتوثقين بنفسج

وتحاولين انج تسوين الي يفيدج ولاتهتمين وايد بالناس

حتى لو ربيعتج هدتج حطي ببالج هي الخسرانه والي ما يباني ما ابقيه

وبهالنموذج تتحسن حالتج يوم بعد يوم تقوين ان شااءلله

الدنيا عقب بتعلمج تكوني قاسيه ولا يهمج

تسلمن خواتي على الردود و صدقني ان شاء الله بخذ بنصيحتكن

احسج تتكلمين عني
انا جذي بعد
الله يعين خاصه اللي جدامج يحسبه ضعف او انه صح مع انه خطا يعني يوم نحن نسكنت يقول هو الصح

خاطري اتغير الطيبه والمسامحه ما تصلح دووووووووووووووم

اختج
عمة_البدر

احذر الحوامل من المشي زيادة عن اللزوم

بنات بغيت احذركم ما تهلكون عمركم بالمشي بزيادة مثل البعض…لان بعدين وين بيكون فيج شدة تزفرين و تربين … وغير هاذا بقولكم تجربتي ان في حملي مشييت مشي اليهد و علة رمل البحر اللي يعذب زيادة لدرجة اني حسيت بطني بطيح من كثر ماهي نازلة..للاسف ماياني الويع بس انبط الماي بشكل غزييييير و ماكان الرحم مفتوح غير 1 سنتم و حطولي طلق صناعي وعقب مووت فتح 10 و ماكان فيني شدة ازفر واااااااايد تعبت والمشي ماسوالي اي شي…

التسهيل من الله واهم شي الحركة لان حريم اول كانو بس يشتغلون في البيت ومايطلعون بس عسب يمشون و الله اللي يسهل

الله يجزاك خير على النصيحه … وانا للحين مامشيت ومتى افضل وقت للمشي بالتاسع ؟ ولا بالثامن ؟

صدقتي اختي

<<<< صار وياها نفس الشي

هو المشي زين علشان يقوي عضلات الحووووض بس عاد مب المشي اللي فووق طاقتج
على حسب قدرتج انتي في يتحملن مشي ربع ساعه بس و في نص ساعه و في ساعه او اكثر ما شاء الله

أهم شي انج ما تمشين و انتي تعباااانه لازم تكونين مرتاحه عادي الله يسهل علينا آمين.

الله يسهل علينا جميعا

الله يسهل

بالعكس اختي المشي وايد زين ويقوي عضلات الرحم والحوض
بس يمكن انتي مشيتي وايد واكثر من طاقتج
والله يسهل علينا يارب

دريوليه عند اللزوم

ابا ادريوليه ثقه عند اللزوم بالشارقة يعني اذا احتجت اروح موعد مستشفى والا المدرسه ليهال يكون هندي رقمها

ان شاء الله البنات يفيدونج
موفقه ا لغالية

اللَّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِندَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ

للرفع

عزيزتي انا اريد اسوي اشتراك شهري في الشارجه اذا بغيتي راسليني عالخاص

وطريقي من الشارجه الى الشارجه
من الشارجه الى عجمان

لا اله الا الله

هادية زيادة عن اللزوم !!!!!!!!!!!!!

مرحبآإ بنات ..

اممم بدش ف الموضوع ع طول ..

بنات .. انا طالبة و عمري 16 سنه , يعني احس ان شخصيتي غريبه شوي ..

انا دمي خفيف و وايد احب امزح و اتسساخف مع اللي اعرفهم .. بسس بنفس الوقت انا هاادية ومااحب ارمس واايد خاصه مع البنات اللي مو متعوده وياهم مع انهم يكونون وياي بالكلاس ،
بس اكون انا متعوده مع بنات معينات ..يعني لما نتيمع نحن شلتنا مع بنات الكلاس احس مااعرف ارمس جدامهم ..احس ان تفكيري غير و سوالفي غير مع انه كل ربيعاتي يسولفون وياخذون و يعطون الا انا اظل سساكتة وماعرف شو اقول .. حتى الكل يلاحظ علي اني ساكتة والكل يرمسس ..
تخيلوآ لدررجة ان في بنات ما يعرفوني عدل بس حكموآ علي اني معققققددده ليش اني هادية ومااحب ارمس واايد .. يعني ششو ذنبي لو طبعي هااادي .!!

اللي ما يعررفني عدل يحكم علي اني مقعدة و انطوائية و حااااااااقققدة ..!!!! من متى الساكت صار حاقد
بس اللي يعرفني عدل يقدر يكسبني و الحمدلله كل اللي عرفوني يشهدون بطيبة قلبي و معدني النادر
مش مدحا ً ف نفسي بس ها كلامهم .. علما ًً ان في اكثر من بنت تعزني وتحبني اكثر عن الباجي
يعني تقدرون تقولون ان كل واحد يشوفني بمنظظار مختلف ..
اللي يحبني يشوفني طيبة و حبوبة و حنونة .. بس اللي ما يعرفني يقول عكس هاا كله
ادرري بتقولون لي عيشي حياتج و لا تهتمين .. صح مش لازم اعور راسي مع ناس مرضى
بس بعد لا بد ان يكون في تفاهم بيننا و لازم افهمهم اني غير اللي ف بالهم بس كييف !!!

ادري الموضوع ملخبطط شوي بس مسبب لي حسساسية ><" يعني لين متى بتم جيه هادية وخجولة

للللرفع

الحياء شعبة من شعب الايمان

والحين صدفة تحصلين بنت هادية وخجولة

احلى شيء البنت الهادية الخجولة
ربي يوفقج حبوبة هذه مب مشكلة ولا تشوفيها مشكلة لانها صفة حلوة
ربي يوفقج

ششكرا ً ع المرووور

لا حول ولا قوة إلا بالله

غاليتي

مب ضروري شخصيتج تكون مناسبـة لغيرج مية بالمية

أنا ما اشوف فيج شي غلط فقط انتي غير

بالعكس كل انسان منه وله شخصيته الي لازم تختلف عن الغير

أهم شي ما تسوين شي يغضب الله

ارفعي من ثقتـج في نفسج

ومع الوقت بتتعرفين على البنات الي شخصياتهم تناسب شخصيتج

وربي يوفقج لكل خير

=) شاكرة لج مرورج

حبوبة أنت بعدك صغيرة والأنسان يمر بأطوار وكل مرحلة بحياة الأنسان تتغير شخصيتة ويكتسب خبرات جديدة

عندي بنت خلصت ثانوية عامة وهي هادئة جدا ونطوائية وسعدنها بكل الطرق وسبحان أشتغلت وتغيرت مع الشغل

بشكل أيجاني وتغيرت شخصيتها وتفجأنا بها أنها شخصيتها قوية بس ما ظهرت غير بهذة المرحلة 0000

لا تستعجلي علي عمرك وعيشي كل مرحلة وطوري نفسك حسب عمرك الله يوفقك 0000

حساسة زيادة عن اللزوم تعالي العبيها صح !!!!


حبيباتي دايما نسمع هالكلمة إذا زعلتي من حد حتى لوكانت الغلطة كبيرة قالج ( انت حساسة زيادة عن اللزوم )
احيانا صح تكونين حساسة لأن الأمر عندج فاق حده وأحيانا أخرى بعض الناس تزعل على أتفه الأسباب وساعات نشوف ناس من النظرة بس اللي نظرتيها حقهم يحسون بشي كبير ويتحسسون وهاي ليش اطالعني جي مثلا ويكبرون الموضوع ويضاربون خيييييييييبة مايسوى ههههه
المهم بعطيكم أمثلة من واقع حياتكم وجاوبوني واشرحولي كل مثال بنستفيد من آراءكم المختلفة ورود افعالكم:
مثلا عمتج ( ام ريلج ) يابت هدية لحرمة حميج (زوجة أخو ريلج ) ومايابتلج وماكان في مناسبة شو ردة فعلج ؟
المثال الثاني أمج دايما تهتم بعيال أخوج وتخلي اخوج وحرمته يستانسون ويتمشون وانت ماترضى تمسك لج عيالج وحتى لوكنت رايحة المستشفى ( استفزاز هههههه )
ومن الأمثلة مثلا انت خلصتي الثانوية العامة قبل أختج بسبع سنين وكان أبوج ساعتها عطاج 500 درهم وقالج اشتري هديتج بروحج ويوم أختج نجحت سوولها حفلة كبيرة وهدايا عجيبة وغريبة وبيزات وكل شي ه وانت وهي نفس النسبة شو ردة فعلج ( قهر لا خخخخخخخخخخخخ )
كان يوم ولادة حرمة حميج ويوم ولادتج بنفس اليوم وعمتج وحمياتج يالسين عند حرمة حميج وانت لا
بتضايقين وإلا عادي لأنج ساكنة وياهم في البيت وهاذيك بيت بروحها فاهتموا فيها أكثر عقب دورج ؟؟؟؟ جاوبن لاتعصبن بس الأمثلة استفزازية صح ههههههاي

وآخر مثال مابكثر عليكم أخت ريلج ربت وريلج اللي هو أخوها ياب لها هدية كبيرة وزين حقها غرفة المستشفى بالورود والفرش الزين الناعم وانت بس يابلج طقم ذهب وشوية شوكولاته اهني عاد شوبتقولين مع إنه يموت فيج ؟؟؟؟
فهل لكل زمان ردة فعل ولكل شخص تأثير خاص عليج بحيث تعاملينه معاملة مميزة عن الآخرين وهل ردة فعلج ايجابية إذا عاملوا الآخرين أمام ناظريك أفضل عنج شاركينا بالرد الغاوي والمفيد والسموحة ع الاطالة
ملاحظة هذا كله موجود بالواقع ونحن عارفين شدة الغيرة عند الحريم فكل شي ودوم يتحرطمن خخخ !!!

امثلتج تقههههههههههههههههههر

المشاركة الأصلية كتبت بواسطة كنه الشامسي
امثلتج تقههههههههههههههههههر

أدري هههههههههههاي

لو استوالي اي موقف من هاي المواقف بصييييييييييح بس بروحي
وما ببين لحد اني زعلانه

الصراحه بموت بحسرتي والمثل الاخير

هو الي بدقق عليه اكثر وان سواها اكيييييييييييييييييييييييييييييييييييييييييييييييي يييد بزعل وايد

وللامثله الولى بسوي بالمثل

لان انا من النوع الي انسى واقول يالله مب مشكله خلني احسن منهم بس مشكله ناس ماتحس

فبحاول اصير بدون احساس انا بعد خخخخخخخخخخخخخخ

حبيبتي هاي تستوي في كل الاماكن
حتى في الدوامات اتصير اشياء تقهر
مثلا
اتروحييين العمرة واتردين شاله الهدايا وتعطين ويسلمون عليج وبس ….والا اشوفين وحدة ثانية رادة واممسوين لها الحفلة في الدوام وايمعووون بيشترون الهدايا وووووو والزيارات وقومي ادفعي انتي…وليش انا يوم سرت بنت البطة السوووودة مثلا
هذا كمثال الاحظه مش موقف صار لي شخصيا ….يعني في تفرقة بين الزميلات بالعمل من حيث المناسبات كالولادات والترقيات والعودة من الاجازات والسفر وهالاشياء لازم الوحدة بتتحسس منها …واسمع بإذوني اشمعنا افلانة سويتولها وانا لا …وهي صادقة ليش التفرقة دامكم بتجمعون خلاص للكل لانه يعتبر دين ….ومتى ما صار للبنت نفس الظرف اتعاملونها بالمثل …

مثلا عمتج ( ام ريلج ) يابت هدية لحرمة حميج (زوجة أخو ريلج ) ومايابتلج وماكان في مناسبة شو ردة فعلج ؟
في داخلي بتضايق بس بحاول جدامهم أسوي روحي عادي وأني مول مو مهتمه (وآآآآآآآآآآخ على حرقة القلب ليش العنصرية هاي )

مثلا أمج دايما تهتم بعيال أخوج وتخلي اخوج وحرمته يستانسون ويتمشون وانت ماترضى تمسك لج عيالج وحتى لوكنت رايحة المستشفى
بصراحة في هالموقف بهد على الوالدة أنا بنتها ولا مرة ولدها ، عاد هاي الوالدة ما أقدر أخبي عليها . ومن الأمثلة مثلا انت خلصتي الثانوية العامة قبل أختج بسبع سنين وكان أبوج ساعتها عطاج 500 درهم وقالج اشتري هديتج بروحج ويوم أختج نجحت سوولها حفلة كبيرة وهدايا عجيبة وغريبة وبيزات وكل شي ه وانت وهي نفس النسبة شو ردة فعلج ؟
أحس هني عادي ، يعني مخلصة من سبع سنين وبعد أحارب أختي الصغيرة ، وبعد كل وقت و له بهجته ممكن في ذاك الوقت ماشي سوالف الحفلات وغيره (هذا الموقف لا يقهر ولا يزعل بالعكس أنا بكون مع الخيل ياشقرا)
كان يوم ولادة حرمة حميج ويوم ولادتج بنفس اليوم وعمتج وحمياتج يالسين عند حرمة حميج وانت لا
بتضايقين وإلا عادي لأنج ساكنة وياهم في البيت وهاذيك بيت بروحها فاهتموا فيها أكثر عقب دورج ؟
بصراحة بستريح من إزعاجهم أكثر من القهر ، يعني يوم ولادتج أكيد تبين ترتاحين (ممكن من زود حبهم لي)

وآخر مثال مابكثر عليكم أخت ريلج ربت وريلج اللي هو أخوها ياب لها هدية كبيرة وزين حقها غرفة المستشفى بالورود والفرش الزين الناعم وانت بس يابلج طقم ذهب وشوية شوكولاته اهني عاد شوبتقولين مع إنه يموت فيج ؟
لا بزعل ولا شي ، بس الجايات أكثر من الرايحات ، أربي مره ثانيه وأشوف إذا ماسوالي شرات أخته (وجنت على نفسها مراقش)
تسلمين الغلا على الموضوع الغاوي