الوسم: العمل

دعواتكم اخواتي لي انا من امس ما رقدت وعيني ما نشفت من الدمع واليوم داومت علشان ما احسسهم أني ضعيفة
يا رب يارب يارب يسر ولا تعسر يارب ينقلوني (صار نقل زميلتي من منطقة إلي منطقة وكنا متفقين على أساس التبادل وكانت امس الصباح الامور طيبة عند المسئولين وع نهية الدوام تم رفض نقلي بدون بديل وزميلتي تيي تداوم عندي ف نفس المكان وانا معنوياتي متحطمة وظروفي صعبة لا يعلمها الا ربي ,,,دعواتكم اليوم يغيروا رأيهم!!! حتى قدمت على إجازة اسبوعين علشان تغير نفسيتي انا محطمة وما خاطريه اسوي شي حالي وحال الكرسي واحد ؟؟؟؟ويهي حزين والدمعة ف عيني ما مصدقة ألي صار؟؟؟
وما قادرة استوعب بكمل سنه وانا متغربة عن أهلي ؟؟؟حسبي الله ونعم الوكيل على إلي كان السبب…حسبي الله ونعم الوكيل على إلي كان السبب ….حسبي الله ونعم الوكيل على إلي كان السبب…محتاجة دعواتكم لي ودعمكم وتشجيعكم لي !!!!!
وربي يوفقني لما يحب ويرضاااا

الله يسر أمورج إن شاء الله
عليج بالاستغفار

الله يفرج همج و يطمن قلبج
ان شاء الله تنحل

الله يفرج همج يا رب
و ينقلونه عاجل غير اجل و تفتكين
استغفرت و اقري البقره و كثري من الدعاء

الله يفرج همج ويسعدج حبيبتي
موفقه

المشاركة الأصلية كتبت بواسطة ماحد شراتي

الله يفرج همج ويسعدج حبيبتي
موفقه

أقري سورة البقرة و استغفري وايد .. ان شاء الله كل شي بيكون زين

الله يفرج همج ان شاء الله وينقلونج وين ما تبين بدون حول منج ولا قوة

أكدت نتائج دراسة طبية علمية حديثة أهمية القيلولة لصحة الإنسان التي نبه إليها خاتم المرسلين محمد صلى الله عليه وسلم قبل أكثر من 1400 سنة بضرورة أخذ فترة من القيلولة بعد الظهر حيث قال: "قيلوا فإن الشياطين لا تقيل".
وأظهرت نتائج الدراسة التي أجرتها جمعية الصحة الأردنية أن نوم القيلولة بعد الغداء لفترة محدودة يوميا مفيد للقلب ويحد بشكل كبير من الوفيات الناجمة عن الأمراض القلبية وخاصة لدى الرجال.
وأكدت نتائج الدراسة التي أجريت على 120 رجلا أن الرجال الذين يقيلون بانتظام وبمعدل نصف ساعة يوميا هم أقل عرضة لوفاة مرتبطة بالأمراض القلبية وخاصة مرض احتشاء عضلة القلب أو تلف الصمامات القلبية والشرايين والأوردة.
وجاء في الدراسة أن الأخذ بالقيلولة بعد الظهر يعطي الجسم مزيدا من الراحة والقدرة على أداء العمل بصورة أكثر فاعلية وقدرة على العطاء والإنتاج في العمل.
ويذكر أن حكومة فرنسا أوصت مواطنيها أخيراً بأخذ قيلولة بعد الظهر للتخفيف من حالة الأرق لدى القوى العاملة وخاصة الرجال.

جزاك الله خيرا

جزاك الله خيرا

يعطيج العافية حبوبة

السلام عليكم ورحمة الله وبركاته
خواتي حابة اسألكم
منو اشتغلت بعد الثانوية وليش
ومنو اشتغلت بعد ما تخرجت وفي اي مجال تشتغل
وشو الفرق بين الاثنين
وشو الاحسن

ما كنت اتمنى انكم تنقلون موضوعي لهذا القسم
انا ما ابغي مساعدة
بس هذا نقاش مفتوح للجميع
ابغي اعرف الفرق بين اللي تشتغل بعد الثانوية واللي بعد الجامعة
نقلكم للموضوع ليس في صالح الموضوع ولا في صالحي

……

موفقه

سبحان الله وبحمده سبحان الله العظيم
اللهم إني أسألك فرجاً قريبا وصبراً جميلاً

ربي ييسر لج إمورج

اختي الافضل لج انج اتطنشين مثل هالاشكال
لانهم هدفهم بس حرق اعصاب الواحد ويضحكون هم في النهاية
وكلي امرج لرب العالمين وقولي حسبي الله ونعم الوكيل

وبس
هذا افضل شي

غيري ارقم وريحي حااااااااالج

كنت بقولج تفس الشي >> تغييرين الرقم ..

الله يهديهم بس ,,

الله يعينج ختيه على هالاشكال

^.^

غيري الرقم و طرشي sms لكل معارفج انج غيرتي رقم

السلام عليكم بنات , شحالكم عساكم بخير يا رب

هي هلا اختي بس اريدك تنتبهين حق ميولك وقدراتك .. التخصص خذيه حسب هذا الشي … عشان بعدين الواحد بيطورت.. يعني حاولي يكون يناسب سوق العمل
ويناسبك ….

بالتوفيق

يارب لا تحرمني مغفرة لذنوبي كلها، واجبر كسري وتقصيري في طاعتك

انا خريجة علمي ابي تخصصات علمي عشان ما يضيع لي جهد

و شكرا خواتي على المرور

هندسة مدنية

او هندسة الكترونية

هندسة مدنية
هندسة الكترونية
صيدلة

يمكن الصيدله … حلوه للبنت … اذا تحبين كيمياء اختي بس انا اكلمك من ناحيتي عشان احب الكيمياء واشوف ناس اعرفهم حريمهم يشتغلون في الصيدله

اتصور لها مستقبل ….

انا كلية علوم انسانيه و اجتماعيه في تخصص GIS نظم معلومات جغرافيه هل له مجال ولا لأ بأي مكان ترا انا مب ودي ادرس و اخلص و اخرتها ماله مجال ………. و هل تعرفون حد متخصص هالتخصص و حصلت وظيفه ووين و كيف دراسته بس ابا حد يكلمني عن التخصص:1 (80):

هلا اختي هههههههههههههههههه انا شراتج
نفس التخصص تصدقين خخخخخخخ
عاد عن الشغل لاتخبرين والله الحين بكمل سنتين وما اشتغلت وكل ما رحت اقدم اوراقي يسالوني شو التخصص اقولهم GISيضحكون لانه ما منه فايدة مدري ليش مع انه تدربنا في كل مكان الشرطة واتصالات وهيئة السياحة والتخطيط والبلدية ويوم نقدم يقولون ما في شغل
انا طبعا اللي عنده واسطه بيلاقيها على الساهل

نصيحة مني جانج بعدج ما تخصصتي فيه خذي تخصص يمكن يفيدج بعدين وتقدرين تتوظفين

انزين قوليلي شو احسن تخصص بالعلوم الانسانيه

بنات ابا اراء حد ثاني

ربنا يوفقك وتهتدي للطريق الصحيح:22 (23):

السلام عليكم ..~

up !~

اشوف تغذيه ممكن يكون مطلوب

لو درستي هندسه تقدرين تقدمين على منحه فادنوك
واول ماتتخرجين وظيفت موجوده

^
بالعكس أنا وايد عايبتني التخصصات فـ جامعة زايد
أنا أدبي و ما يستوي ادش هندسه و اصلن جامعة زايد ما فيها هندسة
اذا دخلت قسم العلوم الطبيعية و الصحة العامة شو ممكن اتوظف ؟
و مشكورة اختي ع تفاعلج

أقترح على ادارة القسم ان يحطون التخخصات المطلوبه لخريجات 2024 لان وايد محتاجين ان نعرف هالشي

و كل تخصص مطلوب شو بتكون الوظيفه فـ المستقبل !

انصحج بـ كلية تقنية المعلومات كل التخصصات إلي في قسم الـ IT مطلوبه

دامج تحبين التصميم و التنسيق فتقنية المعلومات – البرمجة و ادارة المواقع يمكن تكون زينة حقج ..
تقنية المعلومات ماعرف كيف نظامها في جامعة زايد .. بس في التقنية المجال جداً واسع و يعطيج فرص كثيرة انج تتوظفين في اماكن مختلفة حتى لو مالها خص بالاي تي ( بزنس/اي تي ) و بتحتاجين مهارات القياده و الإدارة وايد!!

و حاولي تسئلين اكثر عن التخصصات وشوفي شو الى يناسبج

بسال الغاليات ابى واحدة تداوم ف العمل والعمال – العين عندى مجموعة استفسارات

محد يداوم فى العمل والعمال؟؟؟؟؟ بليييييييييييييييييييز

ان شاء الله تلقين اجوبه لاستفساراتج ^^
موفقه فديتج

موفقة اختي

موفقه الغاليه.. اختج @مبدعه@

مشكورات الغاليات …………… بعدنى ادور ما حصلت ضرورى الله يجزيكن الخير

upppppp

باختصار .. ابى اعرف .. لو شفتي اتصالات من زميلات الزوج بالعمل او رسايل ؟؟ كيف تتصرفين ؟ ..

ماااااا صرت لي وانشالله ما تصير

بس لا تنسين انج قلتي زميلة لا اكثر ولا اقل الواحد يتصرف بحكمه اكبر

تراني اقولج .. ^^ زميلات العمل مرات يتمادين في الاتصالات والمسجات .. فهمتي قصدي ^^

المشاركة الأصلية كتبت بواسطة بنت أبوي

حمدلله ان شغل ريلي ما يتطلب ان يكون بينه وبين زميلاته اتصالات

بس والله لو اشوف اتصالات من زميلاته فغير وقت الشغل
لالعن ابو خامسهم خخخخخخ ما شي تفاهم عندي
لو ان شاء الله الحرمة بتموت ما علي منها!!
اما المسجات فما لها داعي بالمره..

شوفي حبيبتي اذا الاتصالات فوقت الدوام مو مشكله يمكن.. ها قلنا يمكن.. اطوف..
طبعا بعد تحقيق.. وسين وجيم..

ومن البدايه لا تسكتين ولا اطوفين لانه ما اظن شي عذر يخلي وحده تتصل فيه
ترى الا ثاني يوم بتشوفه.. شو هالشغل اللي ما يصبر لين ثاني يوم!!

انا ما اعرف طبيعة شغل باقي الرياييل اذا صدق تتطلب ولا هي حجة!!

انا بصارحه ما انصحج لاني لو نصحت بورطج لان انا ما عندي 1 2
على طول اسوي اللي قلبي يقوله ما اتريا اشوف ردة فعل ريل ولا اعذاره!!

انا مره الله سلم ريلي يوم كنت فالمستشفى.. دخلت عالدكتوره وتوني طالعه..
الا الحبيب شاق الحلج اونه شو.. ما لحقتي ولا جان خليتج تسلمين على وحده فالدوام..
اطالعه بنص عين اقوله وانت سلمت.. يقول هيه من بعيد وكانت ويا امها ==> يعني اونه أدب..
جان اعطيه ذيج المحاضره .. قلت اخ والله طافني ولا جان طلعت حرة التعب والمرض فيكم..
وشرشحتكم جدام اللي رايح واللي راد..
الريال يوم يرمس وحده فالدوام .. زميلته.. بس برى الدوام ما عندي غير انها قحـ……

والله يهدي الجميع ان شاء الله
هالايام الحريم على قفا من يشيل والرياييل على ادنى شي طاحوا فالغلط..

وما لنا نحن المعرسات الا ان نحن ندير بالنا لو بايدنا وريولنا خخخخخ

شو هالعقلية ؟؟؟؟؟ الحمد الله و الشكر …

شو فيها لو رمسها بعد الدوام… أو سلم عليها خاصة إذا شافها وايد جريبة منه.. مب حلوة الحركة… و خاصة إذا كانوا وايد زملاء مع بعض ، أو لهم مشاريع مشتركة

شوفي الغاليه الريال لما تواجهينه يغير طريقته بشكل ما تتصورنه
يكتب أسمها بأسم ريال
يحطيله كذا رقم
والله الحين صارو يخشون مبايل تحت السيت حق المغازل ههههههه
كلكن روحن جيكن الحين ولو في شئ لا تدعن على هههههههههه
المهم السوالف مع أونه زميله عمل أيوه عدلو المصطلحات
السوالف مالها داعي برع الدوام شو رايكن بعد يطلع ويها ويقول
نتشاور بمواضع بالدوام اهااا المهم مسجات صدق مصختوها بس نصيحه
لوجه الله لاتواجهين ريلج بسلوبج ترومين تتفاهمين هذا زواج حياه مب لعب عيال
طولت السموحه ربي يحفظ ريايلنا من بنات الحرام بل ترسن البلاد
والي ترد بطريقه أونها متطوره تكتب لا تعليق وايد أحسن
وربي يوفق صاحبه الموضوع

المشاركة الأصلية كتبت بواسطة roo7

شو هالعقلية ؟؟؟؟؟ الحمد الله و الشكر …

شو فيها لو رمسها بعد الدوام… أو سلم عليها خاصة إذا شافها وايد جريبة منه.. مب حلوة الحركة… و خاصة إذا كانوا وايد زملاء مع بعض ، أو لهم مشاريع مشتركة

ما شاء الله واي مذهب ولا عادات هاي اللي تقول مب حلوه والا اللي تسمح لريال يرمس حرمة بدون سبب؟!!
وشو يعني وايد زملاء مع بعض؟!! يعني ربيعته؟ ولا عشيقته؟

هالتطور وما يسوي خخخخخ

السلام عليكم ورحمة الله و بركاته

مشكوره اختي عالنصايح الحلوه ..
ويعطيج الف عافيه…….

مشكوره االغلا عالنصايح الحلوه ويعطيج الف عافيه…….
والله يتمم ع خيــــر حق كل اللي يشتغلوون واللي مايشتغلووون