الوسم: Hayat

كيف الحال :

متل ماوعدتكم من فترة اني انزلكم طريقتي بعمل اصابع البقلاوة ….. طبعا الحشوة انتو ورغبتكم اذا حبيتو تغيروها وتحشوها بالفستق الحلبي بصير كمان او باللوز او بالصنوبر كمان بصير انا عملتها بالكاجو

اترككم مع الصور :

اول الشي رح نحتاج الى :

سمن + كاجو مجروش ومخلوط مع سكر ناعم + رقايق جلاش + فستق حلبي ناعم للزينة

الطريقة :

نفرد طبقتين من الرقاقة وندهنها بشوية سمن :

وبعدين نضع قليلا من الحشوة وبعدها نضع عود خشبي طويل حتى يساعدنا على لف البقلاوة بشكل متساوي

وهي شكلها بعد مالفيتها :

وهي بعد ماخلصتهم كلهم ودهنتهم بالسمن

وبعدين دخلوها الفرن على حرارة متوسطة وخلوها حتى تتحمر من فوق ومن تحت ولما تطلع وهي سخنة صبو عليها القطر ( الشيرة ) وزينوها بالفستق .

وهي النتيجة :

شوفو من جوا الطبقات كيف طالعة …. طبعا والقرمشة يمممممممممممممممي :

وصحتين وعافية عليكم

اول الشي بمناسبة عيد الام من 4 ايام بحب قول لكل الامهات كل عام وانتو بالف خير ويديمكم بصحة وسلامة مع اولادكم ( بعرف انها متاخرة بس من اسبوع وانا مشغولة وماقدرت ادخل المنتدى )

المهم ….

يوم عيد الام ماما واخواتها حبو يروحو لبيت ستي ويختفلو معها ووزعو المهام على بعض وماما فورا قالتهلم خلو الحلويات الجانبية عندي وقاتلي ساويلها تشيز كيك بالفراولة لانهم يكتير بحبو و كمان ساويلها تراميسو ….. وطبعا انا فورا الى المطبخ سرررررررررررررر ( امر عسكري ههههه )

والنتيجة :

تشيز كيك الفراولة :

بالنسبة للطريقة انا حبيت اغير وحط بدال البسكويت عملت كيكة سادة وفتتها ورصيتها بالقالب وبعدين خلطة الكريمة ( كوب كريمة خفق + ظرف جيلي فراولة + 1 قشطة + 3 معالق كبيرة فيلادلفيا )صبيتهم بالقالب فوق الكيكة وحطيتهم بالتلاجة حتى جمدو وبعدين زينتهم بشرائح الفراولة والجيلي

صورة من فوق للقالب :

بس للاسف ماقدرت اصورلكم ياه من جوا كيف طالع لانهم استعجلوني وقالولي يالله بلا تصوير وقسمي ووزعي ههههههههه

وهي التراميسو :

بالنسبة للتراميسو خلطة الكريمة كانت ( كوب كريمة خفق +1 كريم كرميل + 1قشطة + 3 معالق جبنة فيلادلفيا ) اول الشي حضرت القالب وصفيت اول طبقة بسكويت سادة مغمس بالنسكافيه ( بسكويت الليديز فنغر اطيب بس ماكان عندي خالص ) وبعدين صفيت اصابع فلوت جالاكسي وحطيت طبقة كريمة وبعدين بسكويت مغمس بالنسكافيه وهيييييييييك حتى خلص واخر الشي طبقة كريمة ودخلتها التلاجة حتى جمدت ورشيت عوشها كاكاو بودرة للزينة ….

بس صارت معي مشكلة انو اصابع الشوكولا وانا عم فك القالب تحركت عالطرف فصارت فوق وتحت بس مااثرت كتير …… مررررررررررررررررقت ههههههه

ولما قطعنا قلتلهم لازم اصور قطعتي هههههههههه

وبالنسبة للطعمة ماشاءلله مابقي منهم شي ولما اجى دور الكاتو الرئيسي ماحدا قدر ياكل منو خخخخخ
والحمدلله والله كلو مدح فيهم طعمهم خفيف ولذيذ

من دون طول حكي

نبدأ بالشغل

رح خلي الصور تحكيلكم عالطريقة :

بسم الله نبدأ

وصحتين على قلوبكم

كيف الحال

اليوم عملت اكلة سورية شعبية وطيبة وبتتاكل دافية وباردة لانها بالزيت وطييييييييييبة ونصيحة جربوها

وما بتندمو على مسؤوليتي

المقادير كتير بسيطة وانتو شوفو العيار حسب الاشخاص

كاسة عدس اسود

2 كاسة برغل خشن

بصل مقطع جوانح ( انا حطيت 4 بصلات وسط) وهي الاكلة اذا كترتولها بصل اطيب

زيت زيتون

اول الشي نسلق العدس حتى يستوي

وبعدين نضيف نص كمية البصل وتقريبا ربع كاسة زيت زيتون وملح

بس يستوي العدس والبصل نضيف البرغل ونخليه يغلي حتى تنقص كمية المي شوي ونهدي عليه
ولما يستوي نضيف مرة تانية زيت زيتون ( كل ماتظهر طعمة زيت الزيتون اطيب )

وبعدين نكون قلينا البصل حتى يصير مقرمش ونحطو على ورق النشاف

وهيك بكون خلص

وبيتقدم مع المخلل واللبن والسلطة

اليوم رح يكون اخر موضوع الي بقسم الحلويات لفترة صغيرة لاني رح انشغل بموضوع جديد بقسم علاج السمنة والنحافة باين من عنوان القسم شو بدي اعمل ( حمية غذائية لمدة 13 يوم فما رح اقدر
اتابع معكم بهالفترة ( ولو انو صعب اني ماادخل المطبخ ……. كابوس هههههههههه)

المهم طولت عليكم انا اليوم حابة فرجيكم دونات عملتو عن طريق ماكينة الخاصة بالدونات وطلع يشهي وهلا بفرجيكم الصور وانتو احكمو

اول الشي المقادير :

1.12 كوب طحين منخول
12 معلقة صعيرة بيكنج بودر
1 معلقة طعام خميرة
12 كوب زيت
34 كوب سكر
بيضة
1 كوب حليب
1 معلقة صغيرة فانيلا

الطريقة سهلة اخلطة المواد السائلة في الخلاط وبعدين ضيفو المواد الجافة وحركو منيح حتى يندمجو مع بعض ويصيرو بهدا الشكل :

وهون صورة ماكينة الدونات لبدي استخدمها :

وهي حطيت فيها الخليط للنص تقريبا :

هلا انا حاولت اني اصورلكم مرحلة القلي بس كانت صعبة لان الماكينة لازم احملها بالايدتين بس هي بسيطة مجرد اني اكبسها متل الابرة وبتعملي دوائر الدونات وهي النتيجة :

وانا حضرت بحمام مائي شوكولا بني وشوكولا بيضا

وهلا شوفو كيف طلعو بعد التزيين :

شوفو كمان من جوا كتير طرية وهشة ومن برة مقرمشة والطعمة طييييييييييييييييييييييبة

وصحتين وعافية