مرررررررررررررررررحبا صبايااااااااااااااااااا
كالعادة من دون مقدمات جايبتلكم اكلة طيييييييييبة ومتاكدة رح تاكلو اصابيعكم وراها …..يالله انتبهو..
بسم الله نبدأ
المقادير: ( الكمية انتو ممكن تزيدوها او تقللوها حسب عدد الاشخاص)
لحمة مفرومة ( صحن سغير)
يقطين مقشر ومنظف ومقطع مكعبات ( انا استخدمت 2 يقطين حجم وسط )
لبن روب ( انا استخدمت 3 كاسات كبيرة )
ملح
فلفل
صنوبر+ لوز ( للزينة)
نشاء الذرة ( 2 ملعقة وسط)
بيضة عدد 1
الطريقة :
بعد مانكون قشرنا اليقطين وقطعنا قطع وسط نحمي زيت غزير بالمقلاية ونبدأ بالقلي حتى يصير لونهم دهبي
وبس يخلصو نحطهم على ورق النشاف حتى يصفو منيح من الزيت
بعدين نجيب طنجرة صغيرة ونحط فيها مي تقريبا نصها + معلقة ملح وسط ونخليها تغلي على النار بعدين ننزل اليقطين حبة حبة ونخلي يغلي بالمي فترة 10 دقايق تقريبا يعني بحيث لما نغرز الشوكة فيه يكون طري ( بس مايفرط بالمي)
بعدين نصفيه منيح بالمصفاية من المي ونخليه عجنب
هلا نبدأ المرحلة التانية وهي شوي اللبن نحط اللبن الروب بالطنجرة + بيضة + 2 ملعقة نشاء الذرة
ونخلطهم منيييييييييح حتى يدوب انشاء تمام وبعدها نحطهم على النار ونضل نحرك حتى يغلي ويصير قوامو متل الكريمة خفبف نطفي عليه ونضيف الملح
وهلا المرحلة ماقبل الاخيرة نحمص الصنوبر واللوز على الغاز حتى يصير لونهم اسمر فاتح
وبعدين نقلي اللحمة ونبهرها بالفلفل من دون ملح ( لانو اللبن واليقطين نضفلهم ملح ) ونتاكد انو ميتها نشفت
وهلا المرحلة الاخيرة نصف اليقطين بصحن بايريكس غميق شوي
وبعدين نصب عليه اللبن وبعدين اللحمة وبعدين الصنوبر واللوز
وصار جااااااااااااااااااااااهز للتقديم ( وهي صورة قريبة) يممممممممممممممممممممي
وبيتقدم اما مع الرز بشعيرية او البرغل بشعيرية
وطريقة البرغل بشعيرية كتير سهلة وهي كالتالي :
نحمص قدر كاسة شعيرية بالطنجر بزيت مازولا حتى يصير لونهم دهبي
وبعدين نحمص معهم البرغل قدر كاستين ( برغل خشن) مدة دقيقتين
بعدين نغمرهم بالمي والملح( المي قدر 3 كاسات ) ونخليهم يغلو لتنشف المي شوي وبعدين نسكر الغطاء ونهدي عليهم مدة تلت ساعة وبصير جاهز
وهي صحن لاول وحدة ترد علي
يممممي شكلها لذيذ.
تسلم ايدك.
رووووعه
روووعه الصراحه
لاااااااازم اجربها 
مشكوورة حبوبه ع الوصفه و المجهود الرائع
تسلم الأيادي
تسلم ايديج أختي
ربي يعطيج العافية
ماشاء الله