كيف تسوون الروب في بيوتكم؟ أنا سمعت انه في طريقة تحطين الحليب في جدر و تسكرينه يومين… بس أنا أبا أعرف الطريقه بالظبط….
ساعدوني
أنا بعد أبا اعرف كيف …………؟؟؟؟؟
المشاركة الأصلية كتبت بواسطة twinckle 
كيف تسوون الروب في بيوتكم؟ أنا سمعت انه في طريقة تحطين الحليب في جدر و تسكرينه يومين… بس أنا أبا أعرف الطريقه بالظبط….
ساعدوني
هلا أختي الطريقه الله يسلمج تيبين الحليب وصبين عليه كوب روب يفضل روب بيت
وشوية ملح وتخلينه في المطبخ لاتحطينه في الثلاجه إذا حليب بوش خليه 3 أبام وإذا حليب
بقر يومين هذا من دون حلبه وإذا بغيتي بحلبه حمري الحلبه وطحنيها وحطيها معاه وخلطيها
وياه وبيستوي روب بالحلبه وإن شاء الله تضبط روبج الغلا
جزاج الله ألف خير يا بنت الصحراء… بنجرب ان شاء الله,,,,,
السلام عليكن خواتي
أنا مره جربته وشفت جدتي اتسويه وهو كالتالي
اتحرين الحليب بحيث يكون دافي موب حار وايد,واتحطين روب مقدار جلاص شاي واتحركي شوي شوي وعقب اتحطينه في حراره, الي تحفظ الاكل حار , واتخلينه 12 ساعه بس, بيستوي عندج احلى روب , لااتحطين وياه ملح بعدين اذا حبيتي اتظيفين له عقب مايستوي روب, واي منكهات ثانيه حطيها عقب مايستوي روب.
وان شالله أكون أفدتكم.
صحيح انك راهيه يا راهيه…نورتي موضوعي بردك…شكراً
الله يسلمج نحن نسوي روب مخفف مال البيت
يكون عباره عن ليتر حليب قليل الدسم وملعقتين روب ع النار
بعدين نحطه ف الجهاز 24 ساعه بدون محد يحركه^^
ماتندمين
