السلام عليكم ورحمة الله وبركاته
بنات لو سمحتوا اريد اعرف كيف اسوي لقيمات تكون دائرية في الزيت يعني ما تكون فيها زؤائد
وبعدين اللقيمات عندي تشرب زيت
ياليت تساعدوني
ماعندي فكرة وايد في الطبخ بس اتوقع لو تاخذي عجينة الجمعية الجاهزة وتقليها في زيت نوعية اوكيه وحرارته مناسبه وإن شاء الله تضبط…
للرفع
السلام عليكم خواتي
ياريت القى طلبي عندكم .. خاطري اتعلم اسوي اللقيمات الي يسوونها في الاعراس الي فوقها سمسم
مابا اللقيمات العادية .. ابا لقيمات الاعراااااااااااااس بلييز ياريت تخبروني طريقتها بالتفصييل
ترا حتى العادية ماعرف اسويها ههههه
حتى انا ابي الطريقة
صراحه ما عندي فكره بس إن شاء الله حد إفيدج .. و سموحه على التقصير
اكيد شي بنات يعرفن وينهم؟
اممم بقولج الطريقه يمكن يضبط عندج
انا سئلت امايه وقالت لي
المقدير :
طحين رقم 2
خميرة فورية
زعفران
ماي
سكر
سمسم
دبس
اعجني المقادير مع بعض ماعدا خلية يتخمر لمدة ساعتين
من اتخلصين من اللقيمات خلاص صبي عليه دبي ومن عقبه السمسم
المشاركة الأصلية كتبت بواسطة مهاري الحلوة 
المقدير :
طحين رقم 2
خميرة فورية
زعفران
ماي
سكر
سمسم
دبس
اعجني المقادير مع بعض ماعدا خلية يتخمر لمدة ساعتين
من اتخلصين من اللقيمات خلاص صبي عليه دبي ومن عقبه السمسم
مشكورة فديتج بس السؤال المقادير كيف يعني الخميرة شكثر ؟ ماعرف احط جي بس لازم قياس
المقادير :
1كوب دقيق
واحد ونصف ملعقه كبيره حليب باودر
ملعقه كبيره كاسترد او نشأ
لكن أفضل إستخدام الكسترد لانه يعطيها لون أحلى
1 ملعقه صغيره سكر اقل من الملعقه الكبيره بشوي
ا ملعقه(خميره فورية)
ذرة ملح
1 كاس ماء دافئ
الطريقه :
اخلطي المقدار مع بعض واعجنيها (اعجني اعجني واعجني )
لمدة 5-10 دقائق
تكورين العجين وتضعينه في زيت غزير وحار
وعلى نار هادئه مع التقليب المستمر
وعقب مايكتسب اللون الذهبي صبي
عليه الشيره او العسل على حسب
وبألف هنا وشفا
كل وحدة ابيها ترفع الاخبر اذا سمحتو
حلووووووووووو
اب للرفع
حلوة ،، بس وين الصور ؟؟؟
upupupupupup
تسلمى حبيبتى
الغالية نفس طريقتي الصراحة ررررررررررروعة
2 ملعقة طعام نشاء
2 كوب طحين رقم 1 – 2 معلقة خميرة – خيوط من الزعفران – 2 معلقة سكر نجمع كل المقادير في اناء عميق كما هو مبين في الصورة
نبدأ نعجن المكونات بالماء
وهذا شكل الخليط بعد الانتهاء من العجن
نترك المزيج يختمر مدة ساعة إلا ربع , وراح نحتاج إلى كوب القياس وكيس بلاستك .
بعد ما تختمر العجينة نسكبها في الكيس الي غلفناه في الكوب لسهولة السكب.
وهذا شكلها بعد ما حطيناها في الكيس.
بواسطة الكيس الي ثقبناه من الاسفل نسكب كرات من العجين في زيت حار
ونقوم بالتقليب المستمر حتى تكتسب جميع الكور اللون الذهبي المعروف للقيمات
ترش بالدبس وتقدم
وهذي كل الكمية الي سويتها
إقتراح التقديم
أرجو أن تحوز على رضاكم هذا المره
[/CENTER]
يمي يمى
الله شكلهن وووووووايد حلو بجربها ان شالله تسلمين
الصور كبار وايد
سايز 500 يكفي لعرض الصور .. حرام الموضوع حلو بس الصور كبار وايد
الصور كبار واااايد عورت عيووووني
تستحق التجربه
ما شاء الله عليج
بنات ابا طريقة عمل اللقيمات بالجبنة ضروري
و مشكورات مقدما 
http://forum.uaewomen.net/showthread.php?t=305723
سوي هذي العجينه بس لاتسوينها دبل نفسي نقصي يعني 2 خليه 1 و4 خليه 2 وجي
لان اذا سويتي نفس كميه بتطلع عندج وايد
مهم اتريي لين تخمر عقب شلي قطعه وحطي فيها جبن كيري قطعه صغيره وكوريها سويهم كلهم عقب قليهم وهم حارات صبيهم داخل شيره بااااااااااارده (حاطه بالموضوع طريقه شيره انتي سويها قبل وخليه تبرد وعقب خليها بثلاجه تبرد اكثر مب زين تحطينها وهي حاره بالثلاجه)
ورشي عليها فستق لزينه وبالعاااااااااافيه عليج
ذكرتيني بطعمها وايد لذييييييييذه
مشكورة حبيبتي عالوصفة بجربها اليوم
اشكرج مرة ثانية انقذتيني 
يسلمووووووووووووو
عندي طريقه اسهل ^^
2 كوب طحين .. 1 قشطه .. وملعقه ونص خميره ( ملعقه صغيره ^^ )
عجنيييييهم ويااا بعض زززين ,, وتركيها ساعه تخمر..
وبعدين حشيها بالجبن كيري .. وقليها .. وبنهايه صبي عليها عسل او شيره وزينيها بجوز الهند او فستق 
سهله بس بتطلع كميه بسيطه
يعطيج العافية
السلام عليكم
لو سمحتو ابغي طريقه عمل اللقيمات الاماراتيه بالضبط
ابغي طريقه سهله لاني ولا مره جربت اسوي لقيمات
ابغيها مثل مال الاعراس هشه ومقرمشه
واهم شي قولو لي مقدار الماي
وعند القلي النار لازم تكون عاليه حاميه او هاديه
ولا حد رد. عليها…😞
وينكم
طحين رقم واحد
خميره فوريه ملعقه صغيره واحد ونص
ثلالث ملاعق حليب بودره
ماي على حسب كميه الطحين
اخلطي المقادير كلها وخليها ساعه لين تتخمر
وعقب حري الزيت خليه حار وابدي سويها
انا بعد ابغي الطريقة ..
كم مقدار الطحين والماي ؟؟؟
لو سمحتووو الطريقة دقيقة مانعرف نسويها
وانا بعد خاطريه اعرف نفس الاعراس جيف يسونها
مرحبا فيكم ان شاء اللة بخير
بمناسبة رمضان نبى نتعر ف على طريقة اللقيمات الاماراتية كيف تسوونها وكيف الوجبة الاساسية عندكم
هاي طريقه وحده من الخوات عارضتنها
http://forum.uaewomen.net/showthread.php?t=298352
وبخصوص الاكلات الرئيسيه في رمضان
الهريس
الثريد
القيمات
وفي وايد اشياء بس لاتساليني عن المقادير والطريقه لاني اعرف بس ااكل غير جييه لااا خخخ
تسلم يد امش الغاليه. بس يا ريت لو حد يعطينا طريقة اللقيمات المقرمشه واللي يسونها في الاعراس من داخل لين ومن برع مقرمش والحلو من الداخل ما في عجين. اعرف بنات حواء ما راح يقصرون.
طريقتي في اللقيمات لذيذه وتشبه اللقيمات اللي يسونها في الأعراس
المقادير
3 كوب طحين رقم 1
1 كوب حليب بودره
1 علبة قشطه نستله
1 م.ص. خميره فوريه
2 كوب ماء أو على حسب يعني العجينه لازم تكون مثل العلكه + زعفران
الطريقه:ننخل الطحين ثم نضيف الخميره الفوريه وحليب البودره والقشطه والماء والزعفران ونعجنه بالعجانه الكهربائيه لمدة 5 دقائق..نغطي العجينه بالبلاستيك ونضعها في مكان دافي لمدة ساعه حتى تتخمر وتنتفخ..
نصب الزيت الغزير ونسخنه على النار ثم نحضر ملة ماي ونغطس إيدنا فيه وناخذ من طرف العجينه شوي بأطراف الأصابع بس.. ونضعه في الزيت ونقلبه لين ما تحمر اللقيمات وهكذا..
بعد ما نطلع اللقيمات من الزيت نضعها على ورق نشاف عشان يتشرب الزيت منها..
بعدين نضعه في صحن التقديم ونوزع عليه الدبس والسمسم أو الجرفه وجوز الهند على حسب الذوق..
مششششششكورة
كوبين طحين رقم 1
كوبين طحين رقم 2
ملعقة ونص خميرة فورية
علبة روب
ثلاث فناجين سكر
أما الماي فتضيفينه لين ما تحصلين على عجينة رخوة ( تاخذين كمية صغيرة بأطراف أصابعج وتصبينها في طاسة العجن، إذا نزلت بسهولة يعني العجينة زينة ، بس إذا ما نزلت بسرعة يعني تحتاجين إتزيدين شوية ماي)
إتركيها تتخمر لين الضعف وحطي زيت في المقلاة (يفضل تستخدمين مقلاة غزيرة وتترسينها زيت لين النصف …… إذا كان الزيت شوية بتلصق القيمات في قاعة المقلا ة وبتسوي مثل فقاعات في الأعلى)
أنا آخذ كمية بأطراف أصابعي وأنزلها بالإبهام كانها طالعة من قمع
بعدين تمي قلبيها بشكل مستمر لين ما تتحمر وشليها بملعقة فيها ثقوب عشان تتخلصين من الزيت بسهولة وحطيها أول شي في مشخلة العيش ، وكل ما تضيفين كمية في المشخلة قلبيهم عشان القيمات إذا كانت حارة في الأعلى وتحطينها على القيمات الى بردت بتستوي القيمات الي تحت لينة )
وويم تخلصين تنقلينها لطيق التقديم وتصبين عليها الدبس أو الشيرة
اما بالنسبة للأطباق الرئيسية في رمضان فهي الثريد ( خبز رقاق ويتشرب بمرق باللحم أو الدجاج)، والهريس ( مثل الجريش إلي في السعودية بس الحب يختلف ونسميه حب هريس ونطبخه لمده ثلالث ساعات مع اللحم أو الدجاج)
جربيها وبتدعيلي وعليج بالهنا والعافية
تسلم يد الأمهات كلهم …(وربي يحفظج علي هذا الموضوع الرائع ..)
اللقيمات
المقادير :
2 كوب دقيق
2 ملعقة كبيرة حليب مجفف
2 النشا
1 ملعقة كبيره سكر
2 ملعقة صغيرة خميرة فورية
رشة ملح
¼ ملعقة صغيرة هيل ناعم
¼ ملعقة صغيرة زعفران
½ كوب المراعي
1 كوب ماء دافئ
الطريقة
اخلطى المقادير وخليها تخمر نص ساعه
بعدين عجنيها زيادة
وحمى الزيت
بعدين قصري عليه
ودهنى كف ايدج عدل
واخذى لج شويه بقبضة اليد وعصريها بالزيت بين الابهام والسبابه
وتطلع مدورة تهبل
اهم شى خلى الزيت نار هادية لين تخلصين صبتج بعدين خليها متوسطة
واللقيمات لا تقلبينها من اول شى لا نطري بو 4 دقايق
بعدين قلبيها عالوجه الثاني
لانج اذا قلبتيها من اول شى
تشرب وايد دهن وتصير لينه وبعد تفش
بس طريقى تصير يابسه مقرمشه من فوق ومن داخل لينه وهذا المطلوب
بعدين طلعيها وصفيها بالمشخال
وحطى عليها الشيرة بالباردة وهى حاره
ملاحظة
ديروا بالكم من النار لا تحرقكم
طريقه الصب سهله
بلى كفك بالزيت وكانك تقبضين عليها بقبضة اليد وعصريها
كور بالزيت سيدة وديري بالج لا يطشر عليج الزيت وتحترقـــــــــــــــن
الشيره
4 اكواب سكر
2 كوب ماء
ربع كوب عسل
ربع كوب ماء ورد
رشه زعفران
رشه هيل
عصير ليمونه
رشه صبغ الزعفران ( مال العيش )
كل هالمجموعه اخلطيها عدل
بجدر بعدين خليها على نار هادية جدا لمده نص ساعه
وكل شوى حركى
كل عشر دقايق
بعدين خليها تبرد وعبيها بعلبة زجاج وخليها بالثلاجه لوقت الحاجه
يم يم من زمان ما سويت ان شا الله اليوم بسويها
مشكوره ع الوصفه
مشكورة فديتج
بجربهااااااا
على هذا الصباح يوعتينا
تسلمين
يسلمووووووووووووووووووووووا
مشكوره
السلام عليكم ورحمة الله وبركاته
خواتي الكريمات رحت عند ناس في بدع زايد وجدموا لي لقيمات داخلها جبن …
كيف يسوون الجبن داخل اللقيمات ..
اللي تعرف تخبرني اللي يخليكم لانها صدق خباااااااااااال
واللي ما تعرف ترفع لي الموضوع ربي يرفع مقامها
للرفع
ما اعرف والله خلية نحل هاي مب لقيمات خخخخخخخخخ
اختى سهله وايد الطريقه سوى عجينة اللقيمات وقبل ما تحطيها فالزيت حطى داخلها جبنة كيرى مب كلها ربعها وعقيها فالزيت وبس ……..
تسلمين يعطيج العافية حبيبتي
للرفع
للرفع
خواتي
منو منكن تعرف أتسوي إلقيمات إلي تشبه لمحلى بس أصغر يعني أنقول قد كف الياهل أو أكبر شوي
مش قصدي على لقمة القاضي إلي هي أنقول عنها لقيمات
شيابنا يقولون أنها لقيمات إلي أنا أريد أعرف طريقاتها …ولقيمات إرمضان يسمونها أقفاع .
طبعاً تختلف المسميات ولي تعرف إلي أنا أقصده وتعرف الطريقه تكتبلياها ويزاها الله خير .
ما فهمت عليج ااختي وضحي اكثر ؟؟
وياش ( هاي هي اللي تقصديها اللإماراتين أول يسمونها لقيمات )
بعلمش طريقتي وبحاول اذا فضيت أصورها
كوب طحين مو شرط أبيض رقم 2 أحسن
بيضه + فانيليا
وتعجني بالماي لين تصبح سائله مثل كثافة المحلا
اذا بغيتي حطي هيل مطحون وزعفران وماي ورد بس لا تحطي أي خمائر
بعدين خبزيها على طوبي خبز رقاق مثل ما تخبزين المحلا
اتمنى أكون فدتش
المشاركة الأصلية كتبت بواسطة وفاء 2024 ختيه يزاج الله خير هي هاي إلي أقصدها بس ليش أحط فانيليا وبعد عندي أستفسار ثاني في بعضهم يحطون شكر بس انا ما أحبها مشكره فايصير ما أحط شكر ؟
وأذا قدرتي تصورينها يزاااااااااج الله خير الغاليه.
تحياتي لج أختي وفاء
المشاركة الأصلية كتبت بواسطة M!ss 3naad الغاليه أنا أقصد اللقيمات إلي لول يسوونها إلي تشبه لمحلى وهي صغيره بعد أصغرعن محلى زايد ولأخت وفاء أن شاء الله بتحط طريقتها صور أن الله راد .
ويزاج الله خير على المرور.
الغاليه أنا ما حاطه في الوصفه سكر / احسن لا تحطي سكر وفي النهايه حطي عليها دبس أو عسل
والفانيليا علشان ريحة البيض وتقدرين تستغنين عنه اذا رغبتي
اتظريني في نهاية الأسبوع بحطلش الصوره ………………….سامحيني مشغوله طول الأسبوع
ان شاءلله البنات يساعدونج ^^