شو تدخلات ااهل الزوج فيج وفريلج؟؟
الحمدالله مافي تدخلاات
ماافي تدخلات الحمدلله..
لانه هو الكبير ما يرومون يقولوله شي..
دامنا عايشين فبيت واحد الي هو بيتهم لازم تصير تدخلات بس الواحد يحاول ما يكبر الامور
تصير تدخلات بس على حسب الموقف يعني مب على كل شي أكثر شي على اليهال بس شي يخصني انا وريلي لا
تدخلات عاااديه ما تزعل ولا تجرح
تدخلات عادية ومن تحت لين تحت خخخخخخخخ يعين اونه ما يحسسونج بالتدخل
في تدخلات ووايد بعد
مرحبا خواتي
بينما كنت أتصفح النت
لقيت مجموعة طرق لأفكار رومانسية
كان من ضمنها هالفكرة الغريبة وهي
( ممارسة الحب في السيارة في مكان مغلق مثل الكراج ) يعني محد يشوفكم
صراحة الفكرة على غرابتها عجبتني
حسيت فيها نوع من التجديد
لكني اريد مساعدتكم للأفكار كيف ممكن اني انفذ الفكرة بطريقة حلوة وفيها أكشن
أترياكن مع اقتراحاتكن
انا عارفه اني داخله عرض بس انا بعد اشوف يوم يكون في عروضات على الملابس التنكريه و اشوف الحريم يشترن منهن بس عندي سؤال معقوله في حد يلبس جذا ياليت والله اللي عندها خبره تخبرني و الله بتاخذ فيني اجر لان في خاطري اغير بس استحي
المشاركة الأصلية كتبت بواسطة حرف الميم هلا حبوبة
هيه ليش لا
دام انه هالشي بيجدد في الحياة الزوجية وبيزيد المحبة
أختي شموسة
ممكن تسوين ديكورات خفيفة في السيارة
وأهم شي تكونين منظفتنها ومعطرتها قبل ما تبدون الحفلة
[QUOTE=الحزينة]هلا حبوبة
هيه ليش لا
دام انه هالشي بيجدد في الحياة الزوجية وبيزيد المحبة
انزين ممكن تقولولي كيف اكسر الحيا اللي عندي لاني اخاف يضحك علي:1 (61): والله اني بيلس اصيح:1 (9):
انا بعد داخله عرض بس حبيت اعرف شو هي الفكره……..
مرحبا ملالالالاييين ولا يسدن
مشكورات على الأفكار
والفكرة تراها إنه الموعد يكوووووون داااااخل
السيارة
صح ما يخصني
بس نتعلم منكم
مرحبا يالغاليات
أولا الله يسهل على الجميع وتربن ولادة طبيعية وسهلة.. وللي ما حملت إن شاء الله الله يكتبلها الحمل وتستانس .. قولوا آمين
ثانيا..
أبي أسألكم سؤال.. واللي مجربة تخبرني.. هل إنتوا مع أو ضد إن رياييلكم يدخلون غرفة الولادة.. وهل إذا دخل معاج اختي العزيزة راح تتغير معاملته لج ؟ أتمنى كل وحدة تعطيني رايها وتحكي عن تجربتها.. سواء تغير بالإيجاب أو السلب؟
الغاليه انا اقول احسن مايدخل انتي ماتعرفين الوحده شو تقول فالولاده يمكن تعقين عليه شي مني ومناك وانتي ماتعرفين بعمرج
واصلا في ريايل مايعيبهم ه المنضر ويتم يتراولهم
شوفي الغالية انا هذا اول حمل لي ومتأكدة مليون بالمية انه ما بيدخل تدرين ليش لأنه مول مايحب المستشفيات احساسي يقول انه حزت الولادة بينزلني المستشفى وبيلس في السيارة يوم بربي بي عندي خخخخخ أسولف معاج مب لهالدرجة بس احس احسن انه ما يدخل تخيلي يمكن اسبه بالغلط والا شي لا وتخيلي شكلي هالوقت وما تعرفين شو بيصير بعد.. الله يسهل علينا ويرزق كل محرومه ان شالله
المشاركة الأصلية كتبت بواسطة #ام سعيد# 
واصلا في ريايل مايعيبهم ه المنضر ويتم يتراولهم
مشكورة حبيبتي على المرور..
أنا في المرة الأولى كانت معاي الوالدة (الله يحفظها) وما دخلت ريلي لأني كنت أحاتي هاالنقطة.. بس الحمدلله طلعت من النوع الصامت..لا صرخت ولا قلت شيء.. حتى أمي استغربت لعلمها إني ما أستحمل شيء بس سبحان الله.. ربج يعطي الوحدة قوة عجيبة..فالحين أفكر إني أدخل ريلي بس خايفة إنه ما ينسى المنظر ويكرهني .. علشان جذي بغيت أسأل المجربات.
انا بالتاسع وموول ما افكر ادخل ريلي وياي
بصراحه مابيه يشوف الوصاخه وانا اربي … كفايه عليه يلسته برع والمحتاه ..
وفي رياييل ما يتحملون هالشي …
عادي ينقرررف من الحرمه …
انا ريلي يقولي ان شاء الله يوم بتحملين ويوم تربين انا بكون وياج ماروم اخليج روحج نحنا بدينا هالشي ونحنا الاثنين لازم انكون ويه بعض .. فديته وهو جد داش ولاده ماماته لانه هو الكبير فخاف عليها ودخل وياها يقول غير شعور غير وين بعد لما بتكونين انتي
ريلي الله يحفظه كان وياي
سلام عليكم خواتي
اليوم حابه اطرح لكم موضوعي وأتمنى للكل الاستقرار ف الحياه الزوجيه وبعيده عن المشاكل
نبدأ معكم
ام الزوج اعتبرها لي هي الأم الثانيه لي
الانسان بيده تكون حياته سعيده وبيده تكون حياته تعيسه حتى لو كان عايش
بكهف الانسان يقدر يتحكم بحياته يجعلها مستقره ومليئه بالحب والود
بعض الأحيان آشوف اللي تشتكي مَن ام زوجها أنها قاسيه ومتسلطه عليها
وحد يشتكي أنها غيوره وتحب تتحكم في حياتهم
لكن مأسالتو أنفسكم كيف نغير حياتنها وتتعبرونها هي الأم الثانيه لكم ووتعاملون معاها بكل حب ورفاهيه
وأنتي عايشه معاها تفكرين
كيف ترضينها لجل زوجج يكون سعيد بانج تعاملينه أمه معامله طيبه
صدقوني هـي حنونه مثل ماتكون امك حنونه
تقربي منها واجلسي وسولفي معاها
وأساليها عن أيامها قبل الزواج وكيف ولدت زوجج
راح تحس انج مهتمه لها وبتقرب منج وتحبك
ومره سوي كيك أو فطاير وقهوه ويلسي وسولفي عادي
لا تتحسون منها تراها هـي ام زووجج اللي هو شريك حياتج
وربي يسعدكم ف الحياه الزوجيه
أختكم ام شما
صح كلامج بس ماتدري كل وحده ولها راي مب دايما الزوجه متسلطه ومب دايما ام الزوج طيبه
أصابع ايدج مب متساويه
للاسف في عمات مادري كيف ! مالهن حل
تحطينها ع راسج وتسوين لها كل شي وتحاولين قد ماتقدرين ترضيها بس ماشي فايدة
تبقى اخر اللستة واخر اهتماماتها ومرات تعتبرها عدوتها الاولى لكونها فقط زوجة الولد !
مانقول غير الله يهديهن وفي عمات ينحطن ع الجرح يبرا
الدنيا حظوظ وأنت ونصيبك يطلعوا أهل الزوج زينين
لأن بعض الأهل شو ما عملت زوجة الأبن تبقي معاملتهم لها سيئة
الله يعين
مب كلهم واحد
انتي ونصيبج عاد
نورتي حبياتي
صح أنا معاكم مش كلهن سوا ومش كلهن طيبات
لكن الناس أجناس
يعني ف هالموضوع حبيت أقول حتـى لو العمه قاسيه مثلا
لا تتحسسون من هالشي نخلي قلبنا كبير حتـى نكسب رضى الزوج
بالأخير مانلقى ?ي مـن هالدنيا غير المعامله الحسنه
ودمتم بخير
يا بنات انا محجبة ودلوني ع لبس سباحة للمحجبات يكون يغطي من ورا ويكون مخصص للسباحة يعني ما يدخل فيه رمل كتير
دلوني وين الاقي بدبي او ابو ضبي ؟؟؟
حاجة تانية ؟؟؟؟ وين بلاقي ترنج مخمل للشتاء شيك والوان حلو وسعره حلو؟؟؟
حاجة ثالثة ؟؟ ايش احلي مسكرا وبتبقي صلاحيتها اطول وقت وسعرها كويس؟؟جربت لوريل ؟ بدي اجرب غيرها
دلووووووووووووووووووني
والله يرزق كل من ترد بالزوج الصالح والذرية الصالحة امييييييييييييييييييييييين
بالنسبه للمسكرا ماكس فاكتر وايد حلووه ..
اطول و تكثف الرمووش ..
موفقه
الماسكرا انصحج ب ماكس فاكتر ..
للرفع
الماسكرا ماكس فاكتور وايف سان لوران عشقي تطول وتكثف..
اما لبس الشتا اذا قصدج تريننج سوت الي هو نفس مال الرياضة.. في اشكال والوان ف محلات جوسي كوتور..
لبس السباحة ماعندي فكرة عنه
ادعيلي اولد بالسلامة
السلام عليكم ورحمة الله وبركاته..
هذي اول مشاركه لي ف هالمنتدى الرائع اللي الكل يشهد به واتمنى انكم تتقبلوني بصدر رحب ..
ندخل ف الموضوع..
حلمت بمنتصف رمضان حلم وفسرته عند مفسره وحلمت حلم ثاني تقريبا من اسبوع وفسرته عند نفس المفسره جزاها الله خيرا ورزقها من حيث لا تحتسب..
كلا الحلمين تفسيره واحد وهو بشارة زواج وهو خير علي .. المهم قلت بنفسي الحمد الله اللي الله انعم عليه هالحلمين وان شاء الله خير ونسيت السالفه .. من ثلاث ايام يا اخوات اتصلت اربيعت اختي الكبيره وقالتلها انا عندي لاختج الصغيره معرس محترم وعلى خلق ودين ومقتدر والحمد الله ..كلمتني اختي بالموضوع قلت اذا جاد في كلامه قوليلها اتكلم الريال على اساس انه أيي الدوام واشوفه ويشوفني ان طبعا سلام وبس لا اكثر ولااقل لا يسال اساله ولا غيره لاني ما بجاوبه وان شفته وارتحت له وهو شافني وارتاحلي ترى حياهم الله البيت واللي فيه الخير ربنا يجدمه ان شاء الله..
بتسألوني ليش ها كله ؟؟ ليش ما أيي البيت على طول ويتقدم واتشوفينه بينج وبين اهلج؟؟
كلامكم سليم بس انا سبق وتقدملي اشخاص كثيرين وكانت الشوفه الشرعيه وما صار نصيب.. والسبب اكثر شي احسه الام والاخوات نظراتهم لي وتصرفاتهم وطبعا ما اقول كلهم لا بس بعضهم ووالله هالشي يضايجني واااااااااايد ليش انا شوفيني الحمد الله دين وجمال واخلاق ونسب واحس حزتها اني سلعه يبوني بيشتروني ما يبوني لا والله البنت ما ارتحنالها … فأنا اصريت انه المره اليايه تكون الشوفه انا والشخص وبعدين ان ارتحت وارتاحلي يكلم اهله انه بيتقدم لي..
الرجاء احترام القناعات الشخصيه..
المهم اربيعت اختي كلمته وقالها خلاص انا باجر فاضي امر الدوام واشوفها قالت تمام .. اليوم اللي بعده طبعا بنت راشد للي هي انا في كامل اناقتها مع احتشامها وتتريا المعرس … يا المعرس على اخر الدوام بساعه لانه كان عنده شغل مهم بالدوام .سأل السيكيوريتي وين بنت راشد انا عميل ابغي اقابلها .. السيكيوريتي ما فهم وأشر على وحده مواطنه قاعده في ناحيه بعيده من شافها طلع وبعدها كلم اربيعت اختي وقالها بنت راشد ابد ما تناسبني قصيره وضئيله واااايد اللي يشوفها يقول بنتي .. قالتله متى شفتها قال من شوي قالتله توني امسكره عن بنت راشد وقالتلي لي الحين ما شفته!! قالها ها !!! كيف توه السيكيوريتي سالته واشر على وحده مواصفاتها كذا وكذا قالتله لا بنت راشد اداوم باك اوفيس ومواصفاتها غير .. قال ارجع دوامها واشوفها قالتله خلاص دوامها انتهى والبنت ما تقدر تتاخر اهلها يعرفون توقيت دوامها وروحت ف دربها للبيت… قال خلاص باجر اشوفها .. اليوم الثاني وبنت راشد اللي هي انا في كامل اناقتي واحتشامي واتريا المعرس وقلت بخاطري كل تاخيره وفيها خيره ان شاء الله.. قعدت اتريا لين 2 وبعدها اتصلتلي اربيعت اختي وقالتلي الولد يعتذر لانه بيتاخر في الدوام ويقول انه باجر بيي.. قلتلها دام انه اعتذر خلاص عذره معاه وكل تاخيره وفيها خيره.. واليوم اللي عقبه واهو اليوم الثالث وبنت راشد في كامل اناقتها واحتشامها وتتريا المعرس ..خخخخخخ
اتريا واتريا واتريا واتريا لين اخر دقيقه من الدوام وما شفته .. ولا هو اتصل في اربيعت اختي وانا كلمت اربيعت اختي قالتلي انا ما بتصل عشان ما يحط في باله انه عاقه عمرج عليه واذا هو مهتم بيتصل او حتى اخته بتكلمني.. وبس!!!
ملاحظه:
المعرس دوامه في مكان حساااااااااااااااس جدا جدا وأي وقت يطلبونه واول مره يوم يا البنك جد قبلها رمس وقال انه اليوم انا بكون فاضي وباقي ايامي كلها كراااف ف الدوام.
المعرس عمره 33 وانا عمري 22
ما خبي عليكم انه أيي على بالي واتخيل كيف شكله واعتقد انه هالشي طبيعي!!
بس اليوم هو قال انه بي الدوام وما شفته .. مب كان المفروض يعتذر !!!
هل اقول يا بنات اللي في الخير الله يجدمه ولا انسى الموضوع …
بليز أبي رايكم!!
خواتي ادري طولت عليكم بس تكفووون لا حد يدخل وما يرد ولو بدعوه حلوه منكم وصادقه…
وتقبلو موضوعي بصدر رحب
اللهم ان كان محمد خيرا لي وانا خيرا له اجمعني واياه عاجلا غير اجلا يارب العالمين
كلامج انا حاسة فيه يوم اتقولين ان الام والخوات يطالعون وكأنج سلعة لاني مريت بالموقف وايد لين قلت حق امي شو هذيل يدخلون السينما ويطمشون وعقب ما نبا ……. الخ
المهم انا من رايي انتي طنشي الموضوع ويمكن صدق مشغول
وصدقيني يوم ما بتحطين في بالج بتشوفينه جدامج وكل شي عفوي احلى من انج تتريين ….. بس خليج دوم كاشخة ^^
الله يوفق الجميع
اللهم ان كان محمد خيرا لبنت راشد وهي خيرا له اجمعها واياه عاجلا غير اجلا يارب العالمين
والله ، كل واحد وعذره معاه انت ماتدرين شلون الشغل ماشي وياه ..
أنت تصرفي كأن الوضع طبيعي مثل أي يوم ثاني ومتى ما جاك حياه الله ..
موفقة حبيبتي
الله ييسر لك امرك ويسعدك
المشاركة الأصلية كتبت بواسطة بنوتة حلوووه الله يسر امرج ويسعدج يارب
السلام عليكم ورحمة الله وبركاته
اعذروني جدا على رسالتي هذه ولكن بالفعل انا في أمس الحاجة لكم ، خواتي الصراحة انا وايد استانس يوم اسمع انه في بنات بيتزوجن وانه رب العالمين وفقهن ورزقهن الخير ، وفي نفس الوقت يحز في خاطري اني للحين ما تزوجت والله ما اعرف شقولكم الحمدلله انا صابرة ومحتسبة ولكن احس العمر يركض وانه في هذه الدنيا الكثير من المغريات التي تجعل الفتاة تقع في الخطأ والحمدلله انا ابعتد عنها بقدر ما استطيع ولكن يبقى الشيطان يزين لي الطرق المشبوهه ولكنني احاول جاهدة ان ابتعد عنها ما استطعت … قولوا لي شو الحل شو اسوي الصراحة ابغي اتزوج وافتك من الشكوك والظنون و الحيرة والوحدة اللي اعيشهم هل هناك حل لمشكلتي ؟؟؟
تحياتي
حبيبتي عليج بسورة البقرة يوميا وقيام الليل وكثري من الاستغفار
تسلمين غناتي وان شاء الله بسوي اللي قلتي عليه
يزاااااااااااااج الله الف خير يا رب
ادعي انه الله يرزقج بالريل الصالح
كل شي مكتوب ومقدر .. وقسمه ونصيب
الله يرزقج بالزوج الصالح الي يصونج و يحترمج و يحطج في عيونه
و الله يرزق بنات المسلمين أجمعين بالزوج الصالح
عليج بالصبر والدعاء اختي وان شاء الله ايي نصيبج وكل شي مقدر ومكتوب…
والله يوفقج ان شاء الله
حبيبتي حكمة رب العالمين تغلف حياتنا…. دايما شوفي الحياة من منظور إيجابي…. يعني على سبيل المثال :
تأخر موعد زواجج لأنه ممكن رب العالمين يباج أتطورين من نفسج وتتعلمين فنون الطبخ وفنون التعامل مع
الزوج وإلى آخر الأشياء اللي توصلج للمثالية فحياتج وتخليج زوجة صالحة……….
أتمنى أني أفدتج لو بالقليل وعلى فكرة كل اللي كتبته لج هو من ما اطبقه فحياتي إلى أن تقتضي حكمة ربي لي و
لجميع العفيفات بالستر والزواج……..
ويتفق رأي الدكتور هاني السبكي مع نصيحة الخبير النفسي الألماني «ريجنار بيير» أخصائي شؤون الزواج بجامعة جوتنجن الألمانية الذي قال في أحد حواراته الصحفية: «هناك ثمة خلافات جوهرية بين الرجل والمرأة في أسلوب التنشئة والعادات والتقاليد ، إلا أن أسلوب المفاوضة قد يكون الأمثل في تقريب وجهات النظر بدلاً من التهديدات والاتهامات التي يتم تبادلها بين الاثنين ، ولا تملي من تكرار مفاوضاتك مع زوجك بأسلوب هادئ، فمثلما تحتاج السيارة إلى صيانة دورية ومنتظمة تحتاج حياتك هي الأخرى للتنظيم المتواصل».
::::::::::::::::::::
والسمووووحه 
مشكووووره على النصيحه الحلوه ^^
شكرا يا قمر موضوع مفيد
مشكوره على النصيحه وكلامج ميه ميه ..
صدق كلامه .. ومشكوره اختي..
فعلا اكبر غلط ان الوحدة تعامل زوجها كانه مشروع التخرج او شخص محتاج للتاهيل والتربية
هلاااااااااااااااااااااااا يااااااااااا اخوااااااااااااااااتيي
طبعا انا كتبت هذا الموضوع لاني حاسة بقهر من زوجي الي ينسى احلى مناسبات فحياتي
اتصدقون اذا اجى يوم ميلادي احاول اذكره بهذا اليوم يطنش ويطلع ويا ربعة كانه متزوج ربعه مو حرمة ويقولي انا ما اؤومن بهل الاشياء ابدا واذا قرب عيدميلاد حد من خواته والله انه اول واحد يقدملها هدية ولا والحفلة تكون على حسابه بعد وانا مستغربه منه
الامس كان عيد زواجنا وانا عارة انه بيطنش لكن ابي افرح نفسي ليوم واحد رحت وتدلعت ولبست احلى لبسة عندي وعملت احلى مكياج ورحتله وقلتله اليوم عيد زواجنا وانا عازمتنك على عشى رومنسي بروحنا فاغلى مطعم اصدقون راح اتصل فخواته يعزمهم معنا وانا انقهرت لان كل السهرة هم يتكلمون ويطنزون علي لانهم يضبعو علي احل يوم فحياتي طبعا الشرهة علي لاني فكرت اعزمة مع ان المفروض اهو يتذكر اتصدقون انه ما قالي كل عام وانتي بخير بهل المناسبة ما اعرف ايش بينقص منه
بصراحة قمت ابكي بحرقة قدامهم ومامصدقة الي يصيرلي مع اني احترم خواته لكن هم ابدا ما احترموني حتى اهو
لا تبخلواااااااااااااااا على بنصايحكم
لا اعرف كيف ارد عليكى ..لقد نسى زوجى انا ايضا يوم ميلادى رغم اننا فى اول زواجنا ولكنى عذرته لانه مرهق جدا فى عمله وعنده مشغوليات كثيره لكن هذا لم يمنعنى من الحزن فى داخلى وبالنسبه لاحضاره اخوانه فى مناسبه زواجكم ..ربما ظن ان هذا تفكير جيد او اراد ان يتشارك فرحته مع اخوانه … هذا الرجل يحبك والا لما اختارك من دون البنات وتزوجك اى انه بعزيمته اخوانه ربما ظن ان هذا سيبهجك واعلمى ان الرجال يفكرون بمنطق مختلف عن النساء لهذا نحن دائما على اختلاف فى وجهات النظر وبصراحه كان ضعف كبير بكائك امام اخاونه وتصرف ينم على عدم النضج الفكرى حاولى تكونى اقوى امامهم بصبرك وكبحك لمشاعرك وبعدين اتكلمى مع زوجك على انفراد لا تعطى الفرصه لاحد ان يرى دموعك بسهوله لان الدمعه غاليه يا اختى وفى موقف كهذا تصرفى بلباقه ورحبى بالناس اكبر ترحيب حتى يحبوكى ويحترموكى ولا يحسون انك الدلوعه الصغيره…انا لا اعلم ماذا ظنوا الان بعد بكائك امامهم ؟؟؟؟بجد هذا تصرف غريب سيتطلب منك مجهود كبير لمحوه من ذهنهم ..اصبرى واعلمى ان المراه عاطفيه على عكس الرجل لهذا لا تستعجبى من رده فعله وعزيمته لهم
حبيبتي لا تزعليين عمرج:1 (85):
الغلط منه مب منج،، شكلهم في البيت مايساعدونه على هالشي والدليل إنه ما إستحوا وساروا معاكم في هذه المناسبه ولا حاولوا يعتذروون :1 (7):
والمفرووض تعزييين بنفسج وترفعين قدرج جدامهم،، ولا تخلينه يحس إنه تنتظرين تقديره:1 (31):
وخلي خواتج أو صديقاتج يبعثولج هدايا في مناسبات مختلفه،، مثل يوم ميلادج أو حتى زواجج،، وراويه شو يايبيلج ولا تقوليله كنتي تتوقعين أو المفروض هو إييب..:1 (8):
كوني كوووووووووووووووووووووووووووووووووول:1 (32):
أو حتى تسويين حفلتج في بيت أهلج علشان يحس،،، إتعدلي وتكشخي وقولي أهلي مسويلي حفله علشان المناسبه الفلانيه،،
أو عندنا حفلة حد من أهلي واشتري هديه معاه أو حتى من دونه وراويه شو يبتي..:1 (35): :1 (20):
وفي نفس الوقت لاتنسين مناسباته،، حاولي تفاجئينه بهديه في يوم ميلاده،، أو ترقيه أو حتى من دون مناسبه،،
راويه إنه من طبعج تهتمين من دون ما تنتظرين مقابل:22 (5):
وشوفي إهتمامه بعدين،،، بيحاول يلفت إنتباهج بهديه أو حفله من خاطره،، عاده حزتها قدرييييه عدل وراويه مقدار هديته حتى لو كانت بسيطه:1 (35): :1 (69):
هلا وغلا
لانسبة لي ماله عذر لأني في كل تيلفوناته حاطة تذكير … ممكن احتفل فيوم زواجنا اسويله شي وآخذله هديه بس عن يوم الميلاد بس اطرشله مسج وما احتفل بالهامناسبة ,,,,,,
والاحتفال يكون بسيط وغير مبالغ فيه بس عشان يستانس …
وما اعتقد ينسى لأن يوم ميلادي وميلاد بنتي ورا بعض ههههههه
بس اذا صار ونسى اممم اشوي بزعل
مشكككورة
كيف ما ازعل يا خواتي وانا قايلتله اني عاومتنك على جلسة رومانسية احنا الاثنين حتى ما قالي انه بيجيبهم معنا انا انصدمت بالحركة هذي انا ما ابي منه هدايا او اشياء مادية انا اريده يحسسني بهذي المناسبة لاني انسانة حالي حال البنات الثانيات وانا مانسيت ولا مناسبة حاله بالعكس انا ارتب من اسابيع علشان افاجئه حتى كلمه شكر مافي حتى لو عزم خواته لكن ما يطنشني طول السهرة ويجلس يكلم خواته لين مانطلع كانه يغيظني
شو اقول عن عمري انا سويت له حفله وخسرت بيزات
وهدايا كله ماراكات
وقلته عاد انته لازم تحوطنا قال مااقدر سيري معا السايق
قهر
شفتو هذول رياييل اليوم
السلام عليكم ..
يا أخوات بخبركم عن شي يسويه زوجي وأتمنى من الله انكن تردون بصراحه لأني ما أعرف شو السبب
اللي يخليه يسوي هالشي ..
انا زوجه ثانيه ،، وأدري بتقولون مثل ما قبلتي انج تكونين الثانيه اصبري واتنازلي ،، بعد الله
سبحانه جعله نصيب وقدر هالشي ..
أنا خلاص متنازله عن أشياء وايد وساكته وصابره ، بس العيال شو ذنبهم ؟؟!!
بخبركم شو الموضوع ..
زوجي مدخل بناته الصغار من حرمته الاولى نفس المدرسه اللي فيها عيالي ، بس في مبنى منفصل
لأن وحده نظامها بريطاني والثانيه غير ما أدري شو اسمها ، المهم بناته يطلعن الساعه 2 ،
وبنتي بعد تطلع نفس الوقت وهي في الروضه بس اتم تنتظر اخوها يعني ولدي الأكبر لين يخلص
تقريبا 40 دقيقه وعقب اتيبهم دريولية أمي ، وولدي يقولي كل يوم يطلع يشوف اخته راقده على
طاوله صغيره حذال الصف من التعب مسكينه ..
وابوهم يمر على بناته الثانيات وياخذهن ويخلي بنتي تنتظر أخوها ، مع ان بيتنا على دربه ،
وهذا الفعل يوميا سواء كان يومه عندهم ولا عندنا .
انا ما أقدر أفتح حلجي بكلمه لأني أدري بس مجرد ابدأ بيطيح فيني طيحه ..
والله إن الظلم ظلمات .. الله يجعلني أرقد مظلومه ولا ارقد ظالمه .
هانت عليه بنته !!
يعني هذي بنته مب بنت ريلج السابق مثلـاً
قلنا يعدل بس مب جي @___@
استغفر الله ، لا تعليئيئيق ..
خل الدريوليه تمر مرتين شو خانتها بعد
لا حول ولا قوة الا بالله
حبيبتي انتي تقدرين تتنازلين عن حقج لكن حق عياالج حرااام الي يستوي
بنتج بنته حالهاا من حاال عياااله .. والله مااا ادري كيف قلبه وطريقه تفكيره !!!!!
ع العموم حبوبة كلميه هذاا حق عياالج يمكن يسمع ويترااجع عن تصرفااته فديتج
الحين العياال صغااار ماا يفهمون يمكن !!
لكن بااجر بيكبرون وبيحسون بالفرق بينهم وبين خوااانهم وبيكرهون بعض من تصرفاات الكباااار !
مب ذنبج انج الثاانيه مداام الشرع حلل هالشي لاتفكرين بسلبيه وتضيعين حقوق عياالج وحقوقج ^^
استغفري بنيه اصلاااح الحااال وادعي ربج يغير تفكيره ويحنن قلبه على عياااله حبوبة
الله يهدي النفوس ياارب
خلي الدريول يمر مرتين
وهو لا تكلمينه ولا تعورين راسج
يمكن والله اعلم بينه وبين مرته اتفاق انه عيالج ما يركبون مع عيالها في نفس السيارة !!
ما تعرفين شو سبب الرفض العميق ؟ اكيد عنده سبب سوا مقنع ولا مش مقنع
انتي هامنتج بنتج صح ؟ عيل طرشي الدريول مرتين
و ابعدي عن المشاكل
لا حول ولا قوة الا بالله … اشهالقلب اللي عليه … هانت عليه بنته … لازم تشوفين لج حل معاه وما تسكتين وتتنازلين عن حقوق عيالج اللي هم عياله بعد …
المشاركة الأصلية كتبت بواسطة افناان ألحين خلي سالفة الدريوليه انا اتكلم عنه هو وتصرفه ،
اصلا انا ساكته وباعده عن المشاكل ، هذا موقف واحد عيل لو أقول بعد وبعد مكثرها من مواقف .
الله يكون بعونك كان لزم يكون بينكم اتفاق علي كل كبيرة وصغيرة بس للأسف التنازلات تضيع الحقوق 000