الوسم: السماق

حياكم الله خواتي كلكم ..رجعت لكم هالمرة بوصفه يديده بس مب ايطاليه مثل كل مرة

هالمرة عيالي الله يحفظهم ساعدوني وسوولي زيطه وزمبلطيه خخخخخخخخخخ
بس ايونسوني فالمطبخ فديتهم..

سوينا دياي مشوي بالسماق والليمون طلع وااايد لذيذ وتعلمته من ام ريلي الله يطول بعمرها..
والحينه بحط لكم الصور بالتفصيل الممل ..

دجاجه كامله مغسوله ومقسومه نصين وخليتها بالجلد عشان الشكل فالاخير
لو حبيتي ممكن تشلينه..
ملعقه طعام ملح ورشه فلفل اسود..
3ملاعق طعام سماق ..رشه جوزة الطيب
ليمونه معصورة..
بقدونس مجفف او طازج تقريبا ملقعه طعام..
ملقعه صغيرة قرفه مطحونه..
فصين ثوم تقصينهم صغااار..وربع فنجان زيت زيتون
رشه خل يعني شي بسيط ..وربع كوب ماي داافي

لو حبيتي حطي فلفل احمر مجفف يطلع رووووعه بس ماحطيت عشان الصغاريه وهذي صورته

خلطنا كل المقادير اللي ذكرتها ..مثل ماتشوفونه مندمج فالشغل

حطينا الخلطه عالدياي وهي في صينيه الفرن وخليت الفرن على درجه 200

وهذا شكلها ..
عقب دخلناها الفرن لمده ساعه.كامله وغطيتها بالقصدير خليناها ترقد فالفرن ع قولتهم ..واخر ربع ساعه تشلين القصير عشان تتحمر من فووق ..

وهذا الشكل النهاائي ..حطيت وياها عيش ابيض مشخول وسلطه^*

وهني بعد

وحيا الله سنيورات الامارات..

ماااااااااااااشااااء الله حلوووة

جاااااري الحفظ والتجربة

ربي يسلم يدينج وايد الصغنون بعد ^^

أختي أنا أسويها بهالطريقة ،
أييب دجاج بدون عظم وأفوره ف الماي ساعة تقريبا ،
وعقب أقطعه قطع صغيرة مره .. وأحمس بصل بزيت زيتون وعقب ما يحمر
أضيف الدجاج .. وأحط له ملح وفلفل وسماق .

عقب هاتي خبز لبناني ،
ضيفي له اللي تحبين .. حمص أو روب
خس وخيار وبطاطس مقلي .. وشوية من الدجاج
ولفيها وعليج بالعافية

المقادير

للدجاج:
دجاجة مقطعة أربع قطع
عود قرفة
2 ورقة غار
1 ملعقة صغيرة هيل بودرة
2 ملعقة صغيرة ملح
رأس بصل كبير
3 ملاعق طعام زيت نباتي
للبصل:
1 كوب بصل مقشر ومفروم مكعبات
4/3 كوب زيت زيتون
3 ملاعق صغيرة سماق
ملح حسب الرغبة
*الطريقة
نضع الزيت النباتي في قدر ونسلق فيه الدجاج مع القرفة والهيل والملح والبصل وورق الغار في كمية من الماء.
نقشر ونقطع البصل إلى مكعبات.
نقليه بزيت الزيتون حتى ينضج مع تغطية القدر وعلى نار هادئة.
نضيف الآن السماق والملح للبصل.
بعد نضوج الدجاج نضع القطع في صينية للتحمير.
نضيف الآن البصل للدجاج ونحمره لفترة بسيطة ويقدم مع اللبن.

مبارك عليكن الشهر والله يعوده علينا وعليكن وبالخير واليمن والبركات

خواتي انا بغيتاتخبركن عن السماق؟؟؟؟؟؟ شو هو السماق؟؟؟؟ من وين اشتريه وكيف شكله ؟؟؟

وشي ثاني ابه اعرف طريقة اكله تكون محشايه بالبطاطا او الجبن

وسلمتن

السماق ايي لونه أحمر مطحون يعطي حموضة حلوة

نحطة في السبانخ و في الفتوش بعد

يعطي للاكله حموضه حلوة .. انا ما استغني عنه مع السلطات ..