السلام عليكم و رحمة الله و بركاته
اشحالكن خواتي ^.^
اليوم يبتلكن صالونة المالح على طريقة الوالده الله يطول فعمرها .. و طبعا اهل الامارات خبرة فالمالح خخخ و محد ايوز عن المالح فالصيف و كلن له طريقته و انا يبتلكم اليوم صالونة المالح العربية
يالله مابطول عليكم نبدا بالمقادير بسم الله ..
بصلتين كبار مقطعات
4 طماطات + ورق صالونه + 1 فلفل حار
![](http://up.graaam.com/p14ic/c6b98f4fdd.jpg)
تمر هندي مودن فالماي علشان يذوب
![](http://up.graaam.com/p14ic/19996fba32.jpg)
بهارات ( بزار عربي ملعقتين كبار + ملعقة كبيره كاري + 4 لومي يابس + نص ملعقة كبيره كركم )
![](http://up.graaam.com/p14ic/fb5e87e34a.jpg)
و اكيييد المالح ( سمجة كامله و ربع ) و هذي صورة المالح مودن فالماي
![](http://up.graaam.com/p14ic/f440e8f79f.jpg)
طبعا بنات لازم المالح يتودن فالماي عالاقل 4 ساعات و نص عشان يخف عنه الملح
نبدا بالطريقة ..
اول شي نحمس البصل و ورق الصالونه و الفلفل الحار عالنار لين يحمر البصل
![](http://up.graaam.com/p14ic/008a441251.jpg)
و بعدين انحط عليه البهارات و انحوثه
![](http://up.graaam.com/p14ic/15822a7d4e.jpg)
و عقب الطماط و انحوثه
![](http://up.graaam.com/p14ic/d80c775ad2.jpg)
و انحط نص ملعقة كركم و الومي اليابس
![](http://up.graaam.com/p14ic/b338742346.jpg)
![](http://up.graaam.com/p14ic/171831e9a9.jpg)
و عقب 5 دقايق انحط المالح بعد مانصفيه من الماي
![](http://up.graaam.com/p14ic/bfdfefee1c.jpg)
و انحوثه و انحط عليه التمر الهندي و انصب عليه ماي بالقياس الي تبنه للصالونه
![](http://up.graaam.com/p14ic/7402d94121.jpg)
انغطيه وانخليه تقريبا نص ساعه لين تستوي الصالونه
و هذي النتيجة النهائية
![](http://up.graaam.com/p14ic/6b9875002f.jpg)
![](http://up.graaam.com/p14ic/7ae0d4c574.jpg)
و بالعافيه عليكم
![Ast Green](images/smilies/ast_green.gif)
ولا تنسن يابنات المالح مانحطله ملح نهااائيا