اشحالكن خواتي ^.^
اليوم يبتلكن صالونة المالح على طريقة الوالده الله يطول فعمرها .. و طبعا اهل الامارات خبرة فالمالح خخخ و محد ايوز عن المالح فالصيف و كلن له طريقته و انا يبتلكم اليوم صالونة المالح العربية
يالله مابطول عليكم نبدا بالمقادير بسم الله ..
بصلتين كبار مقطعات
4 طماطات + ورق صالونه + 1 فلفل حار
تمر هندي مودن فالماي علشان يذوب
بهارات ( بزار عربي ملعقتين كبار + ملعقة كبيره كاري + 4 لومي يابس + نص ملعقة كبيره كركم )
و اكيييد المالح ( سمجة كامله و ربع ) و هذي صورة المالح مودن فالماي
طبعا بنات لازم المالح يتودن فالماي عالاقل 4 ساعات و نص عشان يخف عنه الملح
نبدا بالطريقة ..
اول شي نحمس البصل و ورق الصالونه و الفلفل الحار عالنار لين يحمر البصل
و بعدين انحط عليه البهارات و انحوثه
و عقب الطماط و انحوثه
و انحط نص ملعقة كركم و الومي اليابس
و عقب 5 دقايق انحط المالح بعد مانصفيه من الماي
و انحوثه و انحط عليه التمر الهندي و انصب عليه ماي بالقياس الي تبنه للصالونه
انغطيه وانخليه تقريبا نص ساعه لين تستوي الصالونه
و هذي النتيجة النهائية
و بالعافيه عليكم
ولا تنسن يابنات المالح مانحطله ملح نهااائيا
تسلم ايد الوالدة الله يطول بعمرها والصراحة طريقتها حلوة وايد
تسلم ايد الوالدة وانشاءالله راح انجرب طريقتها
تسلم ايدها..
يعطيج الف عافيه الغاليه على المجهووووووود الرائع ,,,,,,,,
الله يعافيكن و تسلمن عالمرور الطيب
يسلمووووووووووووووووووووو