الوسم: الخطاب

توكلي على الله إذا تحسين عمرج مرتاحه

لا شيء مما ترى تبقى بشاشته
يبقى الإله ويردى المال والولد
لم تغني عن هرمزٍ يوما خزائنه والخلد قد حاولت عاد فما خلدوا
ولا سليمان إذ تجري الرياح له
والإنس والجن فيما بينهما برد
أين الملوك التي كانت نواهلها
من كل أوبٍ إليها راكب يغدو
حوض هنالك مورودٌ بلا كذب
لا بد من وردهِ يوما كما وردوا

بدات من وصل عمري عشرين سنة تماماً / الكل كان يمتدح جمالي وتديني واخلاقي وثقافتي

تخرجت من الجامعة صغيرة لأن الله وهبني ذكاء والحمدلله وكرمت من قبل سمو الأميرة على مستوى المنطقة …

كنت افضل بنوته على مستوى العائلة / صح نسيت اخبركم اني يتيمة الأم و ابويه متزوج وتاركني

وانا عايشة ببيت مع اخوي واخواتي بروحنا ..

لما قربت اتخرج كنت قمة الوناسة والخفة كنت احس اني افضل بنت باعالم واسعد بنت ..

كنت احب كل بنات العائلة وووايد متواضعه معهم / كانوا يكدوا لي و يسوون لي مشاكل بس كنت

اعيها وانا اللي استسمح منهم …

خجولة جدا و مؤدبة حجابي كااامل ولا اعرف خرابيط المراهقات من مكالمات وغيره ..

ما اطلع من البيت وايد / اسخجل وواموت ولا امر من مكان فيه رجال …

حياء والله …!

المهم من كملت عشرين سنة مرضت وجاني سكر وانقلب حالي 180 درجة / تعبببببت نفسيا وجسديا

بس الحمدلله ..

رحت لزواج وتقدم لي شخص امه شافتني بالزواج وهو قبل كان شايفني بالسوق وشاف حجابي

هو ملتزم ..

المهم اعجبوا فيني جدا بس من عرفوا اني عندي سكر راحوا وقالوا ما ينفع الجمال مع المرض !!

ما زعلت وقلت خيرة والله بيرزقني افضل ..!

و استمر الحال يتقدموا ناس كل فترة وفترة لدرجة والله نسيت بعضهم ..

لكن كله يراجعوا ويقولوا ما نبغى مريضة …!

حتى عماني يشدوا بجمالي / ومرة واحنا جالسين في البيت قال ابوي كل شي فيك كامل لو بس

ما كنتي مريضة @

خالتي قالت لي خسااارة جمالك بيروح بالمرض وماحد يبيك !!

قبل شهرين زوج اختي ناس من عائلة غريبة عنا / اعجبوا فيني وقال لأختي بنخطبها حق ولدنا

جلست فترة وانا انتظر .

وقبل يومين قال خلاص ما نبغاها نبغى اختها الأصغر اللي من ابويا ..

قال لأن جمالها ما ينفع بكرة تجيب عيال مرضى !!!!!!!

انا الحينه بعرف ليييييييييش هالتحطيم وليش هالكلام القاسي !!!

انرين انا شو ذنبي !! ما تبون خلاص لا تجون من الأساس وتعطوني امل وبعدين تحطموني وتروحوا

استغفر الله يئست جدا وقلت خلاص انا هذى حياتي تعيسة وما بتتغير …

مرض مستحيل راح اتعافي منه لأنه مزمن …!

الكل يتزوج من بنات عائلتي وصديقاتي حتى الأصغر و المصيبة يتزوجوا الخطاب اللي جايين لي من

الأساس ..

وانا مكانك سر ،، كل يوم تضيق ظروفي اكثررررررو اكثرررررررررر

لي 12 سنة من وانا مراهقة ادعي الله يرزقني زوج صالح يخاف الله فيني ..!

الحينه خلاص عمري 26 سنة ولا حصلت شيء …!

البنات قليلات الأدب واللي يستعرضوا قدام الرجال كلهم تزوجوا وانا المودبة الخجوله لالالا ..!

مو اعتراض استغفر الله لكن احس باااالم وخيبة امل ..

فوق هذا بطالية لا شغل ولا شيء عجزت انا ادور ..

نفسي اغير نفسيتي واكون شخصية لها دور بارز و اقهر كل اللي خذلوني بيوم ..

و ارضى ان الله مو كاتب لي زواج …!

نسي اقول اني علاقة قوية جدا باخوي هو طبيب ويحبني ويخاف عليه واغلب وقته معي

لكن صار له مده يلمح بيتزوج ويقولي عن بنت اعجبته وانا اموووت مو حسد ولا غيره

لكن اعرف انه بكره يتزوج ويلتهي مع حرمته وانا اعيش الألم والحسرة وما اقدر اكون معاه مثل قبل

اكيد حرمته بتغار وبيبتعد عني مثل باقي اخواني ..

حتى مرة قالي مادري متي تتزوجين واشوف زوجك ..

ساعدوني الله يعافيكم

ادري ان لو لي نصيب باخذه بس أنا عارفه ان مالي نصيب !!

اصلي الحمدلله و استغفر واذكر الله وادعي كل ليلة وأقوم الليل

جاتني حالة اكتئاب وكله ضايق صدري .. احس أني مخنوووقه وابغي اصيييح

خاصة بعد السخيف اللي قالي كلام جارح جدا بعد ما عشمني والادهي يبغي

اختي من ابويا اللي اصغر عني ..

البنات اللي كنت معهم وأحبهم من العائلة وغيرها صاروا يخافوا من عيني

حتي صور ملكتهم و زواجهم ما يوروني إياها ..

وكل وحده خاشة تلفونهاا عشان لا يدق زوجها او خطيبها قدامي

صرت انطوائية كثييير كثييير …

و تجئني وساوس بالدين أعوذ بالله ،، اقول ليش أنا مع أني ما غلطت بشي

وليش وليش …

وحده من خواتي من ابوي قالت لي انتي مريضة من ذنوبك !!

والله يا بنات ما سويت شي وآني افضل منها من ناحية الدين ..

و قالت لي مرة اشوف شهادتك وكشختك ما نفعتك قصدها أني ما تزوجت !!

أحد الصحابه كان يضيق بزوجته جداً ..لأن صوتها عالٍ دوما ..وتعرفون أن من النساء من لديها حنجرة دائمة الصياح ….فالصحابي من ضيقه ذهب يشتكي الى أمير المؤمنين
سيدنا عمر بن الخطاب فذهب ليطرق الباب فوجد صوت زوجة عمر يعلو على صوت عمر ويصل الى الشارع فخاب أمله ومضى..وبينما هو ينوي المضي اذا بعمر يفتح الباب..

ويقول له : كأنك جئت لي..
قال: نعم ،جئت أشتكي صوت زوجتي فوجدت عندك مثل ما عندي ..
فأنظرالى رد عمر وعاطفته
يقول’ تحملتـني..غسلت ثيابي وبسطت منامي وربت أولادي ونظفت بيتي ،تفعل ذلك ولم يأمرها الله بذلك ،إنما تفعله طواعية وتحملت كل ذلك ،أفلا أتحملها إن رفعت صوتها’
"وليس كرجال اليوم يتزوجها ولايحسن اليها ويعتقد انها من واجبها ان تعمل كالخادمة واذا ضاقت بها الحياة وضاقت به ورفعت صوتها استنكر ذلك فهو رجل وهي امرأة او خادمة مضمونا "
فهذا هو الحب والعاطفة الحقيقة وهذي هي المعاملة الحسنة للزوجة .

استغفر الله وأتوب اليه لا اله الا انت أني كنت من الضالمين

أختكم فالله ام عبادي

دينا أعظم دين .. لأنه يحمل مثل هذي التفاصيل الصغيره .. والأمثال المنيرة حقيقةً .. الحمد لله على نعمة الإسلام ..

ماعرف ليش خاطري اخبركم سالفتي مع اني اعرف انه مافي حل

بنات انا عمري 28 سنه وايد اخطبوني بس كله او انا ما ارضى او امي

عني انا ما ارضى لانه امي ما تخليني اشوفهم وانا ما اقدر اتزوج واحد ما شفته ولا حتى كلمته لو كلمه وحده عالاقل اسلم عليه اشوف كيف بتقبله

وعن امي مرات احس انها معتمده عليه وما تبيني اعرس مع انها دوم تقول عرسي وانتي كله ما ترضين وكل ما حد يقولها ليش ما تعرسين بنتج تقول هي ما ترضى وانا اقول لا هي ما تخليني اشوفهم والسالفه مالها نهايه ربيعاتها وخالاتي ينصحونها بس مافي فايده

من اسبوعين تقريبا كنت في الجمعيه ويا امي انا رحت عنها قسم الشاي ادور لي شاي اخضر وطولت في هالقسم لاني كنت اقرا شو مكتوب على كل نوع وحسيت بواحد يدور مثلي المكان ما كان فيه غيري انا وهو تميت يمكن 10 دقايق وهو بعد تم ياني قالي لو سمحتي ممكن اسألج شي بس مستحي منج قلت اكيد يتحراني خبيره شاي ويبا ياخذ حق بيته نفس النوع الي انا باخذه

قلت له امر قالي انتي معرسه او مرتبطه؟ قفطت ماعرفت شو اسوي تمنيت لو ما قلت له امر قلت له لا قالي انا بصراحه ادور بنت الحلال وانتي من دخلتي حسيت ما شاء الله عليج ملفته وحاب ارتبط فيج وانا منحرج واسف اني رمستج
جرئ بصراحه وايد واحرجني قلت له انا مابا اعرس قال ليش قلت له بس الحين مابا اعرس قالي بس انا بترياج ليما تقبلين قلت له لا قال ليش انا فيني شي مب زين قلت له انا ماعرفك والله يوفقك مع بنت الحلال حسييت به تحطم وتم يلح قال لو سمحتي فكري قلت له الله يوفقك وصديت

وبعدها بكم يوم شافتني ربيعتي وقالت لي اباج حق اخوي وطرشت لي صورته وربيعتي الثانيه قد مرمستني عن 2 ربع ريلها يبون يعرسون وهي مرشحتني انا وربيعتي وحده غير بعد مرشحتني حق واحد من اهل ريلها يعني في وايد خطاب بس قلبي ما يبا ولا حد منهم يعني ماعرف كيف بتزوج بهاي الطريقه !! فهموني كيف الوحده تقدر تاخذ واحد ما تعرفه بالمره؟؟؟؟؟؟؟؟؟

مرات احس قلبي مقبوض من حد يرشحني لحد او حد يقولي اباج احس اكره الزواج ماعرف ليش ايني هالشعور مع انه يوم اكون بروحي او اشوف ربيعاتي مع عيالهن اقول انا خلاص هالمره بوافق بس من ايني حد اتغير احس بضيقه واقول لا ماعرف ليش؟؟؟