مب عارفة من وين ابدا / أنا مأساتي ماساة والحمدلله على قضاءه ..
بدات من وصل عمري عشرين سنة تماماً / الكل كان يمتدح جمالي وتديني واخلاقي وثقافتي
تخرجت من الجامعة صغيرة لأن الله وهبني ذكاء والحمدلله وكرمت من قبل سمو الأميرة على مستوى المنطقة …
كنت افضل بنوته على مستوى العائلة / صح نسيت اخبركم اني يتيمة الأم و ابويه متزوج وتاركني
وانا عايشة ببيت مع اخوي واخواتي بروحنا ..
لما قربت اتخرج كنت قمة الوناسة والخفة كنت احس اني افضل بنت باعالم واسعد بنت ..
كنت احب كل بنات العائلة وووايد متواضعه معهم / كانوا يكدوا لي و يسوون لي مشاكل بس كنت
اعيها وانا اللي استسمح منهم …
خجولة جدا و مؤدبة حجابي كااامل ولا اعرف خرابيط المراهقات من مكالمات وغيره ..
ما اطلع من البيت وايد / اسخجل وواموت ولا امر من مكان فيه رجال …
حياء والله …!
المهم من كملت عشرين سنة مرضت وجاني سكر وانقلب حالي 180 درجة / تعبببببت نفسيا وجسديا
بس الحمدلله ..
رحت لزواج وتقدم لي شخص امه شافتني بالزواج وهو قبل كان شايفني بالسوق وشاف حجابي
هو ملتزم ..
المهم اعجبوا فيني جدا بس من عرفوا اني عندي سكر راحوا وقالوا ما ينفع الجمال مع المرض !!
ما زعلت وقلت خيرة والله بيرزقني افضل ..!
و استمر الحال يتقدموا ناس كل فترة وفترة لدرجة والله نسيت بعضهم ..
لكن كله يراجعوا ويقولوا ما نبغى مريضة …!
حتى عماني يشدوا بجمالي / ومرة واحنا جالسين في البيت قال ابوي كل شي فيك كامل لو بس
ما كنتي مريضة @
خالتي قالت لي خسااارة جمالك بيروح بالمرض وماحد يبيك !!
قبل شهرين زوج اختي ناس من عائلة غريبة عنا / اعجبوا فيني وقال لأختي بنخطبها حق ولدنا
جلست فترة وانا انتظر .
وقبل يومين قال خلاص ما نبغاها نبغى اختها الأصغر اللي من ابويا ..
قال لأن جمالها ما ينفع بكرة تجيب عيال مرضى !!!!!!!
انا الحينه بعرف ليييييييييش هالتحطيم وليش هالكلام القاسي !!!
انرين انا شو ذنبي !! ما تبون خلاص لا تجون من الأساس وتعطوني امل وبعدين تحطموني وتروحوا
استغفر الله يئست جدا وقلت خلاص انا هذى حياتي تعيسة وما بتتغير …
مرض مستحيل راح اتعافي منه لأنه مزمن …!
الكل يتزوج من بنات عائلتي وصديقاتي حتى الأصغر و المصيبة يتزوجوا الخطاب اللي جايين لي من
الأساس ..
وانا مكانك سر ،، كل يوم تضيق ظروفي اكثررررررو اكثرررررررررر
لي 12 سنة من وانا مراهقة ادعي الله يرزقني زوج صالح يخاف الله فيني ..!
الحينه خلاص عمري 26 سنة ولا حصلت شيء …!
البنات قليلات الأدب واللي يستعرضوا قدام الرجال كلهم تزوجوا وانا المودبة الخجوله لالالا ..!
مو اعتراض استغفر الله لكن احس باااالم وخيبة امل ..
فوق هذا بطالية لا شغل ولا شيء عجزت انا ادور ..
نفسي اغير نفسيتي واكون شخصية لها دور بارز و اقهر كل اللي خذلوني بيوم ..
و ارضى ان الله مو كاتب لي زواج …!
نسي اقول اني علاقة قوية جدا باخوي هو طبيب ويحبني ويخاف عليه واغلب وقته معي
لكن صار له مده يلمح بيتزوج ويقولي عن بنت اعجبته وانا اموووت مو حسد ولا غيره
لكن اعرف انه بكره يتزوج ويلتهي مع حرمته وانا اعيش الألم والحسرة وما اقدر اكون معاه مثل قبل
اكيد حرمته بتغار وبيبتعد عني مثل باقي اخواني ..
حتى مرة قالي مادري متي تتزوجين واشوف زوجك ..
ساعدوني الله يعافيكم
عسى ان تكرهوا شيئا وهو خير لكم
وعسى ان تحبوا شيئا وهو شر لكم
اصبري حبيبتي ان الله مع الصابرين
وادعي وتوكلي على الله وخلي املج في الله كبير
اختي نص بنات العايله عندهم السكر ودرجات كبيره وتزوجوا وجابوا العيال
لا تفقدين الامل بربج هذا اهم من كل شي
إذا لش رزق بتاخذيه
عليك بالإستغفار والصلاة على محمد وآله والفرج بجيش
لا حول ولا قوة إلا بالله العلي العظيم
غاليتي 
ويـــــــن 26 بعدج ماشاء الله شبـــــــاب
أصلا اهذا العمر تكون البنت فهمت الحياة ومرت بتجارب خلتها أقوى وزادت إيمانها
يعني في نظري يكتمل جمال الأنثى في عمر 25 وطالع
لا تشوفين عمرج كبيرة بعدهــأ الحياة جدامج ^^
وصدقيني غاليتي ,, رب العالمين عدل قضاء
سبحانه تذكري بالي وعدنا ,, جنات الخلد ونهر الكوثر ومالاعين رأت ولا اذن سمعت ولا خطر على بال بشر !!
كل هالجمـــال وعدنــا به رب العالمين ,, ويكون عندج شك ولو 1 بالمية انج مظلومة في الدنيــا !
حسى لله أختي
كل شي يستوي لنا لحكمـة عظيمــة من رب الخالق
لعله اختبار أختي لإيمانج وثباتج
الإنسان الصالح هو الي يشكر في كل الحالات
مب في الخير نشكر ويوم الشي ما يتماشى مع مرادنا نزعل ونوسوس >_<
صدقيني مافي شي في الحياة كلها يستوي لنا يكون غلط
ولو حتى موت الأحباب أو أخطر ما يمكن يي ببالج
كلها اشياء في مكانها الصحيح لسبب صحيح
حكمــة الخالق أكبر عني وعنج
فلازم تثقين في الله سبحانــه وتعالــى ,, وتتقبلين نفسج بكامل محاسنها وهفواتهــا
ويوم توصلين لهذي الدرجــة من جماليــة الإيمان
صدقيني كل ماهو جميل يستوي يتحقق في حياتج
لإن رب العباد عند ظننا به
ظني الخير وبتحصلينه
وكلام الناس أختي إذا إيجابي احتفظي به ^_^
وإذا سلبي ابتسمي واسمعيه من اذن وطلعيه من أذن
ماعليج من الجهلاء فقد خذي كلام العقلاء
والله يرزقج الصحـة والعافية و يسر لج ان شاء الله ^^
جزاكم الله خير ..
ادري ان لو لي نصيب باخذه بس أنا عارفه ان مالي نصيب !!
اصلي الحمدلله و استغفر واذكر الله وادعي كل ليلة وأقوم الليل
جاتني حالة اكتئاب وكله ضايق صدري .. احس أني مخنوووقه وابغي اصيييح
خاصة بعد السخيف اللي قالي كلام جارح جدا بعد ما عشمني والادهي يبغي
اختي من ابويا اللي اصغر عني ..
البنات اللي كنت معهم وأحبهم من العائلة وغيرها صاروا يخافوا من عيني
حتي صور ملكتهم و زواجهم ما يوروني إياها ..
وكل وحده خاشة تلفونهاا عشان لا يدق زوجها او خطيبها قدامي
صرت انطوائية كثييير كثييير …
و تجئني وساوس بالدين أعوذ بالله ،، اقول ليش أنا مع أني ما غلطت بشي
وليش وليش …
وحده من خواتي من ابوي قالت لي انتي مريضة من ذنوبك !!
والله يا بنات ما سويت شي وآني افضل منها من ناحية الدين ..
و قالت لي مرة اشوف شهادتك وكشختك ما نفعتك قصدها أني ما تزوجت !!
يا رب ثبتني و لا تفتني يااارب ..
غير كذا الشيطان يوسوس لي ويقول كيف تتزوجي وماحد يعرفك
طلعي وكلمي هذا وذاك وووو عشان يعرفونك وتركي حجابك عشان يشوفوا جمالك !!
احس كل البنات اذكي مني كل وحده حطت عينها علي واحد وتزوجته
وانا الخجل منعني والي إلان ماقدر أخالط اي رجال غريب لو بالشارع !!