السلام عليكم
خواتي كيف اسوي الصورة عالكيكة فالبيت يعني جهاز والا لزقة والا كيف
انا سمعت ان في لزقة تنحط
خاطري اسوي بالبيت يعني حق اليهال
و بعد سوالف الزينة مثل الكرتونية السنافر او وردات وين ممكن احصلهم بسعر حلو مب غالي لان حصلت باماكن بس طشونة و غالي
للرررررررررررفع
هذا النوع له مكينة خاصة بالمخابز ما أعتقد ترومين تسوينها في البيت !!
لأنه حتى يوم تسيرين المخابز مب كل حد يروم يسويها عشان ما عندهم المكينة
الغلا الصورة صعب تسوينها في البيت … شرات ما قالت ياقوته لها ماكينة خاصة فيها ..
لكن تقدرين تخلين المخابز يسوونها لج .. اطلبي الصورة بس وانتي سوي الكيكة فالبيت ..
وعن الاشكال موجودة في الجمعيات … وتقدرين تسوينها بروحج بعد ..
اشتري العجينة الجاهزة وافرديها وقطعيها بقطاعات البسكويت لاشكال الورود مثلا او اي شي تبينه … واستخدمي اي شي عندج طرف سكين او شوكة او اي شي عشان ترسمين التفاصيل وتتفنين …
واذا كنتي تبين شكل ما عندج قطاعته … اطبعيه على ورقة عادية وقصيها … بعدين حطي الشكل فوق عجينة الايسنج عقب ما تفردينها وابدي قصصي حوالين الورقة .. يمكن تستصعبين الموضوع بس الشغلة سهلة صدقيني … اذا حسيتي الورقة العادية ما تثبت وياج استخدمي قطعة ورق مقوى او كرتون او اي شي ..
*
بس تقدرين تسوين هالشيء عن طريقه عجيـنه السكر او الفوندان
تلونينها وتقطعينها بالاشكال اللي انتي تبينها وبتكون احلى بوايد
والله يووفقج
في نوعيه مثل الزخرفه
هاي بتحصلينها مب مشكله تنباع ونتي تطبعيها بس ويطلع لج زخارف حلوه لحواف الكيك وممكن تحطيها ع الكيك كلها
بس الصور الخاصه مثل ماقالن الخوات طابعه خاصه للسويتات اظن بتحصلينها ع 700 درهم او اكثر
تسلمون خواتي
المشاركة الأصلية كتبت بواسطة شمس الامارااات 
