الوسم: القيصرية

مرحبا بنات

مشكورة اختي وايد وايد بس اتوقع والاحظ ان الاسعار ترتفع سنة عن سنة الله يعين بس اهم شي صحة الام الفلوس تروح وترجع وانفاقها في العلاج والصحه اهم شي الله يرزق كل ام اللي تتمناه …

العفو اخت مها العين
هذي هي الاسعار الحاليه لان الي اعرفه ان مستشفى الزهرا زادو اسعارهم

مشكورة على المعلومات اختي بس هاذي الاسعار مو ثابته بعد الولاده او وقت دخول المستشفى كل شي يتغير انا روحي جربت والله يعين الحريم ورياييلهم على الخاصة

أخاف أربي في مستشفى خاص… أخاف يقومون يسوون لي أشياء في جسمي والا في جسم البيبي مالها داعي لها اساسا بحجة أنها ضروريه وهي أصلا مش ضرورية بالمرة.

أسعار الولاده القيصريه
السعر العادي 14.200 على اساس الاقامه 4 ليال في المستشفى
والعرض الثاني ب 15.000 على اساس الاقامه 5 ليال
)انا تقريباً دفعت 17وشوي بس اصراحه رعايتهم وتعاملهم في قمة الروووووووووووووعه(شامل: ادويه و تطعيم مرتين للبيبي)

مشكوره الغاليه ويعطيج الف عافيه

الله يرحمنا برحمته يوم الا جذي الاسعار وكل يوم والثامي اتزيد

مرحبا الغاليات
بغيت استفسر عندكم عن الولاده في مستشفى الزهراء في الشارجه شو رايكم وخصوصا اللي جربوا يولدون بالعملية القيصرية
ردوا علي بلييييييز ترى هذي أول مره بولد عندهم وولادتي بتكون قيصريه وعند الدكتورة شما نواز
وحددت لي الموعد بعد شهر
بلييييز ساعدوني وخبروني عن تجاربكم لأني خايفه ومب قادره أرقد
ودعواتكم لي
أختكم …..
منويوافقني اني أولد هناك ومنوه تقول لأ
ردوا علي بسرعه

أختي أولا الله يوفقج بالسلامة
ثانيا زيغتيني ليش بتربين عند شما
انا ولدتني طبيعي وبهدلتني
والله العظيم لين الحين اعاني من الخياطة مع اني حامل وبربي بعد 5 شهور ان شاء الله
تصدقين وانا اربي تمت تفاتن علي وما فيها صبر ابدا قبل لا يطلع البيبي بدقيقة دخلت حضرتها
ووقت الخياطة عذاااااااب والله مثل ألم الولادة وانا حاطة الكمامة على وجهي وأصيح من الويع
أصلا أنا كنت بربي عند أميرة مثل طفلي الأول بس كانت طالعة اجازة وقالتلي بحول ملفج عند شما وما كنت اعرفها وقلت كله واحد
وأميرة واااايد أحسن وحنونة وصبورة وياج عند الولادة ومعظم الحريم اللي يسيرون المستشفى يحجزون عندها ولاحظي انج لما تسيرين الموعد تدخلين بسرعة ما تتريين عند شما لانه ما عندها زباين الزباين كلهم عند أميرة أكثر شئ ونفيسة
تصدقين اني بعد ما اربي سرت عند الدكتورة أميرة بعد الاربعين واشتكيت لها من الدكتورة شما وقالتلي بالحرف(غريبة ليش كل اللي حوليتهم عند شما يشتكون منها) وبعد راجعت الدكتورة جوان وقالتلي الخياطة كلها غلط في غلط
يا اختي والله قلبي عروني ذكرتيني بالمعاناة الله يخليج حولي عند الدكتورة أميرة وااااايد أحسن
مع اني في ولادتي الياية باذن الله بربي عند الدكتورة جوان
لانها استشارية ومن زمان اتعامل معاها
واختي ربت عندها من فترة ووايد تمدحها واعرف حريم ربوا عندها يمدحون كل المراحل
الله يوفقج يا الغالية ويهون عليج

هلا الغالية
بصراحه خوفتيني وااااااااااايد معقوله
دخليلج أنا صار لي فترة من شهري الثالث وانا أراجع عندها وبصراحه مثل ما قلتي وتحسين انها ما لها بارض عليج
ودوم فاضية وماتهتم وايد بس تسألني عن الحمل وتسويلي سونار وتكتبلي هالفيتامينات وبس حتى ولا مره كشفت على الالتهابات ولا سألتني عنها ولا عن آلام الحمل
والحين شو تقولين شو اللي أقدر أسويه موعدي عندها الأسبوع الياي وولادتي بتكون إن شاء الله 8-8-

واذا حولت عند أميرة بيحولوني عندها ولا لأ
ولاأشرد من المستشفى كله

الله يسهل عليج ان شاء الله

انا اعرف وحده كل المستشفيات قالولها عمليه بس سارت عند دكتوره وربت طبيعي

الله يسهل عليكن و يقومكن بالسلامه

تسلمون على هذي المشاعر الطيبية وادعولي أقوم بالسلامة

الله يقومج بالسلامه بس لا تنسين اطمنينا عليج والله بتمين في بالي…… وانشالله دوم بدعيلج

اختي الغاليه ربي يقوم اختك بالسلامه و تقر عينها بشوفة ضناها
انا ما جربت بس اختي الكبيره كل ولاداتها قيصريه بس كلهم في مستشفى الامارات الدولي في العين و صراحه ما عليهم كلام من اهتمام و عناية بالام و الطفل

هلا الغالية يارب يسهل عليها وعلى كل حامل امين

وما عندي فكرة عن مستشفيات ثانية بصراحة

الله يقومها بالسللامه يارب هي وطفلها…
انا ينات خالتي يسون قيصريه فالتوام بصراحه مب زيينين … ويتمن يعانن من العمليه 3شهور كاااامله .. غير هذا لازم مكان العمليه يلتهب ويطلع مد.
ودايما الدكتورات فالعيادات اذا الحامل احتاجت قيصريه يقوللها روحي الجيمي احسن.

ربي يقومها لكم بالسلامة
اناا الصراحة ما عندي فكرة بس حرمة اخوي
تشتغل ف الجيمي لاكن و لا مرة ربت عندهم
كله ف التوام و تمدحه ما شاءالله عليها عندها 4 بيبيات
كلهم عملية و لا مره اشتكت و الله ايسر اموركم

ربي يقومها لكم بالسلامة

ربنا معاها

ها الموضوع صعب نفتي فيه لان الموضوع مرتبط بحياة انسان
لازم تروح عند دكتورها اللي متابع وضعها احسن

نفس كلام الأخت على حسب وضعية اختج وكلام الدكاترة ….

الافضل تراجع عند دكتوره ثقه

تراجع دكتوه احسن

خواتي شو رايكن بمستشفى الجيمي وخاصة الرعاية للولادة القيصرية ونوع الخياطة مطوره والا القديمة

هلا الغلا
انا ما جربت الجيمي
بس جربت توام ومطوره ابدا الحين ما يبن اني مسويه عمليه جنه حد مشمخني شمخه صغيره هههه

سبحان الله نفس الموضوع شاغل بالي من يومين انا فاتحه ملف في الجيمي بس احتمال اولد بعمليه افكر اغير توام بس متعايزه خصوصا اني في شهري الثامن ياريت حد مجرب يعطينا رايه

صعب اروح توام لان هاليومين ولادتي .. بس ابا اطمن حاسة بخوف لدرجه يالسة ومااتحرك اخاف اربي

الله يسهل عليج ويسر لج أمورج

عايزة اعرف ايه اسعار المستشفيات فى ابوظبي واقلها اسعار وتكون خدمتها حلوة افيدونى بخبراتكم

لا اختي ما تقدرين تربطين بطنج لانج مسويه
عمليه قيصرية
بطنج بيرد مثل ماكان بس عن طريق الرضاعه الطبيعيه ومحتاج وقت ممكن ست شهور او اكثر

تقدرين تربطينها انا في قيصريتي سألت دكتورتي اقدر اربط بطني قالتلي هيه بس ما تلبسين المشد الكامل بس اللي عالبطن ولا تشدين تحت صوب العملية

اسالي دكتورتج اذا تبين تتاكدين او يوم تروحين موعدج الياي اسالي

عزيزتي مبروك ولادتك اولا وحمدلله عالسلامه
انا ولدت قيصرية,السواد والشعر الاسود على البطن كله يروح وحده مع الوقت والرضاعه,اما مكان الخياطه فيظل خط رفييييييع لونه بني
الترهل يحتاج رياضة,وبما انك والدة قيصرية انتظري حتى يرد الرحم مكانه وتلتئم الخياطه
المفروض بعد الأربعين تسيري الدكتوره تفحصك هل الرحم رد مكانه مثل اول,وهل الغرز اوكي او لا
المشد ما انصحك ,بتخافي على الخياطه,ما له داعي تعرضي نفسك لمششاكل

طبيعي لاتخافين كلها شهر ويرد مثل ما كان

بس لازم تاكلين اكل صحي وترضعين وبعد شهر تبدين رياضه خفيفة

تسلمون خواتي ع الردود
وعلامات التمدد كيف تروح شاركونا تجاربكم

احححححح لا تذكريني بالعملية ,, كل ما حاولت البس مشد هاييج الأيام احس اني بموت من الويع

طبعا يفرق من وحده للثانية,, حد جسمه يتحمل وحد لأ
الله يكون ف عونا وييسر أمورنا

هلا و غلا ..

فديتج ربي يعافيج انا مجربة كامل والحمد لله ماتعبت ولا شي بالعكس دخلت وخلصو شغلهم يوم كامل وبالباجر نشيت مافيني شي

ربي يعافيج يارب

الله يسهل عليج اختي

مجنونة ريلها .. تسلمين لي الغلا .. سمعت و قريت بكم مكان إنه النصفي اضراره اقل .. الله كريم حبوبه
اشكرج عالرد ..

الدبه .. تسلمين الغاليه عالرد .. و الله يسهل لج كل امورج يارب و ييسره لج ..

انا مريت بعمليتين قيصريات والحين فالحمل هذا قالوا لي قيصري والاسباب هي الحوض صغير والرحم مايفتح،،
ابنجوني نصفي والحمدلله من عقب العمليه اكون واعيه يعني مب مخدره ،،واحس باللي حواي،،طربي يسهل عليج وعلينا

الله يسهل عليج يارب

ام عمر .. تسلمين لي عالرد .. الحمدلله شوي ارتحت عن قبل ..

آهات الصمت .. تسلمين الغالية ..

هلا حريم

..

اللي اعرفه 6 .. بس امسات سمعت مرت يرانا تقول بيعطونها زياده

اسمع انها 6 وبعضهن يوصلن 8 على حسب صحتة المراة

انا مسويه عمليتين والثالثه بعد اسبوع بس الدكتوره ما قالتلي كم عمليه بقت لي بس الي اعرفه ع حسب بطانت رحم الام

مشكوووورات علا الردووود

المشاركة الأصلية كتبت بواسطة ام شعرغجري

انا مسويه عمليتين والثالثه بعد اسبوع بس الدكتوره ما قالتلي كم عمليه بقت لي بس الي اعرفه ع حسب بطانت رحم الام

لو سالتي الدكتوره كم باجي اتييب عيال اذا كانو بالعملية …مشكوره علا مداخلتج

مممممممممممم اتمنى الخوات اللي يعرفن عن هالموضوع يفيدونا

السموحه

حتى انا سمعت نفس الكلام
الله يستر

مرحبا خواتي……اللي تربي اول مره بقيصريه عادي تربي المره الثانيه طبيعي بس اذا ربيتي مرتين قيصريه الثالثه تكون قيصريه بعد

صراحه انا ماعندي فكره

تسلمون خواتي على المرور

والله يسهل علينا وعلى كل حامل ويسر ولادتها

لااااااااااااااااااااااا من جم يوم توه وحده من الاهل باول مولود لها كانت مربيه بقيصريه والحين حملت بعد بسرعه بنتها ما كملت سنتين الا سنه حليلهاا ومن يومين يابت بيبي وطبيعيييييييييييييي لا تشلين هم ابد الغاليه

وها مب اول وحده اعرفهاا وايد عندي امثله بسسسس قلت اقرب مثال فرش توه من يومين هههه