الوسم: القيصرية

هلا خواتي شحالكم
فديتكم انا طلعت من الاربعين من اسبوع اللحين
يوم الاربعاء ألتهبت عندي العملية وقم يطلع دم رحت العيادة ونظفت لي الجرح وامس الخميس
بعد رحت ونظفوه حقي وسألت الدكتورة اذا الحركة أهي السبب قالت لا لا هذا طبيعي تستوي وايد وقلتلها انا ماأقدر كل يوم أي اكتبي لي الادويه وانا باخذها وبروحي بأنظفه فالبيت كتبت لي الدكتورة بس بخاخ أسبراي مكتوب عليه بيتادين وقالت عقمي الجرح ورشي عليه واذا عندج
كريم ميبو حطي بعد زين بس بخاخ بيتادين شو
فايدته شو يسوي لان في خياطه مبتبطله وهي اللي اتطلع دم بشكلها يخرع ماعرف بتلتأم وإلا لا
حد صار له جي والله إني خايفة

لا تحاتين الغاليه هذا شي عادي و بسيط
و طالما الدكتوره طمنتج لا مشكله ان شاء الله بياخذ وقته و يلتئم الجرح
بس تابعي عالدوا عشان الجرح ما يتلوث
و الف الحمد لله على سلامتج و مبرووووووووك البيبي

الف الحمد لله على سلامتج
عادي حبيبتي لا تحاتين
ان شاء الله سليمة
ومبروك ما ياكم

طمنتوني ربي يخليكم ويجزيكم ألف خير إن شاء الله
والله يبارك فيكم خواتي

هلا الغالية
بالنسبة للجرح لازم تهتمين وااااايد بنظافته وماتخلين شي يجيسه مثل سير السروال لانه بياثر عالجرح وكل مرة امسحيه مع قطع الاسبرتو هالمربعات اللي يمسحون فيها الجلد قبل مايعطون للمريض ابرة وبعدين رشي البيتادين
لاتشلين اشيا ثجيلة ولاتجهدين عمرج وايد لان المكان حساس
ومرهم ميبو وايد اوكي حق الجروح
اهم شي ماتخلين المنطقة رطبة لازم الماي مايكون موجود عالجرح من تسبحين علطول نشفي المكان زيييييين ورشي البيتادين او حطي الميبو وان شااءالله بيستوي زين

الله يعينك ماحبيت ادخل بدون مارد عليج

ان شاء الله حد يفيدج حبوبة
للرفع ^^

السلام عليكم ورحمة الله

الغالية في حبوب منع الحمل للترضع بس مب مضمونات وأسمهن سيرازيت

بس الأفضل تسألين الدكتورة

ومنكم نستفيد..

اشكركن على تفاعلكن مع الموضوع
ياريت اللي عندها خبره تقولي
والله اخاف اتخبل اذا حملت

سيرازيت ينفعن مع الرضاعة

الحمدلله ع سلامتج

سيري عند دكتوره احسن توصفلج

الله يسهل ويساعد

ويعطيينا ويعطيج القوه والشجاعه ^^

في الوقت الذي أبدت فيها أسفها لإنتشار العمليات القيصرية "بشكل وبائي" في مناطق مختلفة من العالم، أوصت منظمة الصحة العالمية بعدم اللجوء إلى الولادات القيصرية "إلا عندما تكون ضرورية طبيا".

تعالوا فهموا المستشفيات الخاصه
يستغلون ابشع استغلال وكله في سبيل الفلوس
حسبي الله عليهم

والله صح كلامج اختي خليجيه ،،
اصلا استغرب من بعض الدكاتره اللي يقولون هذا شي اختياري !
المفروض العمليه تتحدد على حسب ظروف الحمل وتعسر الولاده
الله المستعان ،،

لا تعليق

المشاركة الأصلية كتبت بواسطة khaleejiya

تعالوا فهموا المستشفيات الخاصه
يستغلون ابشع استغلال وكله في سبيل الفلوس
حسبي الله عليهم

اختي مب بس الخاص حتى الحكومة
لانه الطبيبة ف المستشفى الحكومي تاخذ أجر ثاني ع العملية غير الراتب!!!

بسم الله الرحمن الرحيم

انا بعد ابا اعرف

لما تحسي عمرج انج قادره تقعدي من غير انج مضايقه من الجلسه

يوم سألتو الدكاترة شو ردوا

أنا دكتورة في النور قالت أقل شيء 3 أسابيع

السلام عليكم ورحمة الله وبركاته
أخواتي العزيزات ولدت ولادة قيصرية يوم السبت ولاول مرة وعندي بعض الاستفسارات ارجوا من الخوات الي ربن بقيصرية مساعدتي او
الي لديها معلومات..

الغاليه الزوائد حول الجرح عادي فتره وبيروح
الاحساس بالتخدير انا استمر عندي 3شهور تقريبا
والوخز عادي انشالله فتره وبيروح بس الافضل تروحين للدكتوره اتوف الجرج يمكن فيه التهاب والا شي

وعليكم السلام ورحمه الله وبركاته

الله يسهل امورنا ولاتحاتين الغاليه ان شاء الله خير

الحمدلله علي سلامتج "والله يسهل عليج""
لللرفع

السلام عليكم

والله المستعان

حبيبتي انا ربيت بقيصيرية و كل الي قلتيه عاديه بس الزوائد علجرح ما صارت عندي
و انا شهر كامل بعد العملية يله قدرت امشي من الوجع خاصة لما اوقف احس مسمار بنص جرحي مشدود
و بلنسبة للمشد انصحج تلبسيه من الحين و تتحملي على عمرج لان البطن تترهل بلقيصرية اكثر من الولادة الطبيعية
و حمد لله على سلامتج

السلام عليكم ورحمة الله
مرحبا خواتي
يالغاليات متى أقدر أحمل مرة ثانية بعد العملية القيصرية ؟
و منو حملت على طول عقب العملية ؟
و كيف كانت تجربتها ؟؟
و هل ربت طبيعي او عملية مرة ثانية ؟

هلا الغاااااالية أولا اتري على عمرج على الاقل سنتين ونصف ……… هذا لمصلحتج ….
أما انج تبين تحملين بعد العملية على طوووول ما انصح بج لانه عااادي يسوون لج عملية قيصرية مرة ثانية
أنا اعرف وحدة ربت بولدها بعملية وبعد فترة حملت على طوول بتووم ربتهم بعملية وهي احين حامل بعد وقاييلين ليها خلاص اكيد عملية ……..

فإذا خاطرج تحملين اتريي على عمرج على الاقل سنتين هذا لمصلحتج

هلا اختي الجوهرة شو الاخبار عساج بخير؟
ما ابا اطول عليج لكن اللي قالولي في المستشفى انج اترومين تحملين بعد 7 شهور لكن الاحسن انج اتكملين سنة……………..

حبيبتي الجوهرة انا حملت يوم بنتي كملت سنة وكنت مربيتبها بعمليه والحين توني مربية من 20 يوم وربيت طبيعي والحمدلله

حبيبتي لمصلحتك اهتمي بحالك أكثر و قوي جسمك لأنو فقدتي الكتير

صحتك أسبق من كل شي لا تتسرعي

اشحالج اماراتية كيوت لا تصعبين الامور الله يسهل على الوحدة سواءطبيعي ولا عملية

يقولج الافضل انج تتريين على الاقل سنه بس انا اعرف وحده ماشاء الله عليها كله اتييب ورا بعض وبعمليه يعني اتكمل 5 او 6 شهور وتحمل ما صار لها شي بس كله ابعمليه والحين ماشاءالله عندها 4 الله يحفظهم انشاءالله

مرحبا صبايا
كيف الحال

أنا سمعت المدربة تقول 6 أسابيع بعد العملية تقدرين تسوين رياضة .. بس الأفضل تستشيرين دكتورة ..

صح 6 شهور لازم تترين

عادي تمشين على السير الكهربائي انصحج فيه …

اللي تخاف وقلبها ضعيف ماتفتح الرابط
http://www.layyous.com/Videoclips/c_s.htm
اتمنى ما يكون مكرر

واااااااااااااي والله أحس بطني اللي تقطع …

الحوامل بليييييييز لا تشوفوون …

مع اني مسويه قيصريه بس ماكنت ادري ان البطن فيه الطبقات كلها..سبحان الله
بس اول ماشفت البيبي يطلعونه اتذكرت ولديه اول مايابوه عنديه اول ماظهروه
صدق شعور لا يوصف الحمدالله على كل شيء
^.^

واااااااااااااااي بطني عورني وجبدي لايعه
انا ولدت بقيصريه بس ماتوقعت هالبلاوي حرام عليهم

واااااااااااااااااااااي الله يعين كل من ربت بقيصريه والله قلبي عورني

عاااادي لا يخوف ولا يلوع..
ترى عملية حالها حال اي عملية ثانية.. واصلا الحرمه مبنجه ماتحس بالدنيا..
بس الولاده الطبيعية رغم الالم ارحم بوايد… ولا؟

ربي يعينكم يا حوامل

بنات اللي ولدوا قيصري في ويلكير دبي شو كان نوع البنج نصفي خبروني كيف كانت طريقة البنج ابرة في الظهر ولا شو الطريقة اللي تم فيها البنج وشو نوع الخياط هل كان تجميلي ليزر ولا خيط ولا كبس وعند اي دكتورة
تهمني اجابتكم انا بكرية اول ولادة وناوية اولد في ويلكير دبي واعندي اي خلفية عن الموضوع لاني غريبة وحتى ولادتي حروح لحالي

اب اب اب اب
ان شاء الله حد يفيدج

للرفع

للرفع

انا اول ولادة لي كانت بنج نصفي
في غرفة العمليات حطولي ابرة في الظهر من عقبها ولاحسيت بريولي ولابطني
كان كل شي متخدر ههههههه
والامور كانت طيبة الحمدلله لاتخافين حبيبتي
وبيطلعون البيبي بتسمعين صوته وبتستانسين
الوجع شي لابد منه بس كله بأجره عند رب العالمين^_^
والله يخلي المسكنات والمضادات الحيوية
كلها كم يوم وبتطيبين بإذن الله
لاتشيلين هم الموضوع واتوكلي على الله
اما عن مستشفى ويل كير ماجربته شخصيا
بس في بنات بالمنتدى مربيات عند دكتورة بتافيا ويمدحوا العناية اللي بعد الولادة ^_^

وربي يقومك بالسلامة يارب

انا بآول ولاده مربيه بقيصريه وخذت بنج نصفي
في غرفة العمليات…حطولي شوي جل مخدر موضعي وضربوني ابرة البنج في آخر الظهر
وما حسيت طبعا بضربة الابره
وثواني ومن تحت صدري…….. بطني وريولي كامله تخدر وما حسيتبه
والخياطه كانت داخليه يعني خاطو من داخل ..ما كان يبين خيوط فوق البطن…
وانا ربيت في الواحه / العين

اما البنج الكامل ما ينصحون به يخليج مخدره ومكسله يوم كامل ..والبيبي بعد يطلع كسلااااااان

المشاركة الأصلية كتبت بواسطة ღღالزهراءღღ

اب اب اب اب
ان شاء الله حد يفيدج

مشكووورة حبيبتي

السلام عليكم اخواتي
انا صار لي من ربيت شهرين ولادة قيصرية وهي الثانية لي والى الان لم ينقطع مني الحيض مع العلم بانه خفيف ولا ينزل بغزارة
استفساري هو هل هذا طبيعي والى متى يستمر الحيض؟؟؟
ولكن جزيل اشكر

انا اربي قيصرية و نفاسي يكون شهرين ما اتجاوزه

و اوقات اذا التغذية ما اهتميتي فيها اتزيد فترة الحيض يعني انا لاحظت لما اهتم بالتغذية في فترة النفاس اتكون الفترة قصيرة لاكن لما ما اهتم اتطول عندي

اكيد ياختي مابعد نظف الرحم عندك ولا كنتي تاكلين اشياء زينه بالنفاس تنظف رحمك

انا طهرت بدري وانا مربيه قيصري بعد مثلك بس الحمدلله امي كانت تعطيني اشياء زينه تنظف الرحم وينزل كل الدم اللي فيه

للرفع