الوسم: العملية

هلا خواتي شحالكم
فديتكم انا طلعت من الاربعين من اسبوع اللحين
يوم الاربعاء ألتهبت عندي العملية وقم يطلع دم رحت العيادة ونظفت لي الجرح وامس الخميس
بعد رحت ونظفوه حقي وسألت الدكتورة اذا الحركة أهي السبب قالت لا لا هذا طبيعي تستوي وايد وقلتلها انا ماأقدر كل يوم أي اكتبي لي الادويه وانا باخذها وبروحي بأنظفه فالبيت كتبت لي الدكتورة بس بخاخ أسبراي مكتوب عليه بيتادين وقالت عقمي الجرح ورشي عليه واذا عندج
كريم ميبو حطي بعد زين بس بخاخ بيتادين شو
فايدته شو يسوي لان في خياطه مبتبطله وهي اللي اتطلع دم بشكلها يخرع ماعرف بتلتأم وإلا لا
حد صار له جي والله إني خايفة

لا تحاتين الغاليه هذا شي عادي و بسيط
و طالما الدكتوره طمنتج لا مشكله ان شاء الله بياخذ وقته و يلتئم الجرح
بس تابعي عالدوا عشان الجرح ما يتلوث
و الف الحمد لله على سلامتج و مبرووووووووك البيبي

الف الحمد لله على سلامتج
عادي حبيبتي لا تحاتين
ان شاء الله سليمة
ومبروك ما ياكم

طمنتوني ربي يخليكم ويجزيكم ألف خير إن شاء الله
والله يبارك فيكم خواتي

هلا الغالية
بالنسبة للجرح لازم تهتمين وااااايد بنظافته وماتخلين شي يجيسه مثل سير السروال لانه بياثر عالجرح وكل مرة امسحيه مع قطع الاسبرتو هالمربعات اللي يمسحون فيها الجلد قبل مايعطون للمريض ابرة وبعدين رشي البيتادين
لاتشلين اشيا ثجيلة ولاتجهدين عمرج وايد لان المكان حساس
ومرهم ميبو وايد اوكي حق الجروح
اهم شي ماتخلين المنطقة رطبة لازم الماي مايكون موجود عالجرح من تسبحين علطول نشفي المكان زيييييين ورشي البيتادين او حطي الميبو وان شااءالله بيستوي زين

الله يعينك ماحبيت ادخل بدون مارد عليج

ان شاء الله حد يفيدج حبوبة
للرفع ^^

حطي ايدين بو خيله عشات يلأم الجرح بسرعة

اما عن الاغذية ما اعرف

والله ما أدري ,,,,,,,,,,

بس سوي بحث في قوقل

ماعرف ولله كان خاطريه اساعدج اسمحيلي

السلام عليكم

بنات أنا حامل في الثامن وبعد الولادة باذن الله أريد أسوي خياطة تجميلية لأن الصراحة زوجي يفكر يتزوج بليييييز شو أحسن دكتورة اللي تعرف تخبرني ضروري الله يخليكم

والله اختي ما عندي فكره

مشكوره

الله اكبر صدق حد من رياييل ما فيهم خير بدال ما يحطج بعيونه لانج ام عياله
يفكر يعرس علشان شوووووووووووو ………. استغفر الله العظيم
الحرمه تحمل وتربي وتتعب والريال عالبارد المستريح يبا يعرس
عالعموم فديتج ما عندي فكره ان شاء الله البنات يساعدونج

مشكووووووورة الغاالية بس يا بنات الي تعرف تخبرني بلييييييييز

هلا اختى مسويه فى العين عياده خاصه وثانيه مسويه في بوظبي

دكتوره جوان يمدحون خياطتها وااااايد

هذا اول بيبي لج؟

رجال اخر زمن دايرين على سوالف فارطه كنه الوحده مالها قيمه اختي عنديج دكتره اسمها دينا عبدالله بدبي تسوي العمليه اذا بغيتي اي معلومات طرشيلي على الخاص ****لله افيديج

السلام عليكم ورحمة الله وبركاته

الله يسهل عليج

صلي وادعي اخر الليل وان شاء الله بتتسهل امورج

الله يسهل عليج ان شاء الله

عليج بالسجووود حبيبتي سبحان الله هالطريقه له مفعووووول عجيب ..
ولاتحاتين اذا عقب اسبوع بتدخلين التاسع او حتى لو دخلتي التاسع والراس بعده فووق ..
لانه فيه اجنه سبحان الله حزة الولادة والطلق يتغير وضعهم ..
ف لاتحاتين وان شاء الله خير ..

عليج بالسجوووود الغلا والا الحبي نفس البيبي>>>ان شاء الله فهمتيني
وان شاء الله الله بيسر امرج
ونفس ما قلولج البيبي يتغير وضعه في الطلق وجي
يعني مثلي وقت الطلق راح فووووووووووق واضطريت اسوي عمليه
بس ان شاء الله ان شاء الله هالمره اولد طبيعي ياااارب

ادعوووووووووووووووووووووولي اربي طبيعي

اللهم لا تترك فقيرا الا اغنيته
و لا غنيا الا زدته ,, و لا مريضا الا شفيته
و لا محتاجا الا اعطيته ,,و لا ممتحنا الا نجحته
ولا حيا الا رزقته ,,و لا ميتا الا رحمته
و لا عاجزا الا قدرته ,,ولا ضعيفا الا قويته
ولا كافرا الا اسلمته ,,و لا مظلوما الا نصرته
و لاظالما الا اصلحته ,,و لا ظالا الا هديته
ولا ضريرا الا اسعفته ,,و لا بعيدا الا قربته
و لا متفرقا الا شملته ,,و لا مسكينا الا اعنته امين يا رب العالمين

اتوكلي على الله حبووووووووبه وان شاء الله تربين طبيعي

بسم الله الرحمن الرحيم

انا بعد ابا اعرف

لما تحسي عمرج انج قادره تقعدي من غير انج مضايقه من الجلسه

يوم سألتو الدكاترة شو ردوا

أنا دكتورة في النور قالت أقل شيء 3 أسابيع

السلام عليكم ورحمة الله
مرحبا خواتي
يالغاليات متى أقدر أحمل مرة ثانية بعد العملية القيصرية ؟
و منو حملت على طول عقب العملية ؟
و كيف كانت تجربتها ؟؟
و هل ربت طبيعي او عملية مرة ثانية ؟

هلا الغاااااالية أولا اتري على عمرج على الاقل سنتين ونصف ……… هذا لمصلحتج ….
أما انج تبين تحملين بعد العملية على طوووول ما انصح بج لانه عااادي يسوون لج عملية قيصرية مرة ثانية
أنا اعرف وحدة ربت بولدها بعملية وبعد فترة حملت على طوول بتووم ربتهم بعملية وهي احين حامل بعد وقاييلين ليها خلاص اكيد عملية ……..

فإذا خاطرج تحملين اتريي على عمرج على الاقل سنتين هذا لمصلحتج

هلا اختي الجوهرة شو الاخبار عساج بخير؟
ما ابا اطول عليج لكن اللي قالولي في المستشفى انج اترومين تحملين بعد 7 شهور لكن الاحسن انج اتكملين سنة……………..

حبيبتي الجوهرة انا حملت يوم بنتي كملت سنة وكنت مربيتبها بعمليه والحين توني مربية من 20 يوم وربيت طبيعي والحمدلله

حبيبتي لمصلحتك اهتمي بحالك أكثر و قوي جسمك لأنو فقدتي الكتير

صحتك أسبق من كل شي لا تتسرعي

اشحالج اماراتية كيوت لا تصعبين الامور الله يسهل على الوحدة سواءطبيعي ولا عملية

يقولج الافضل انج تتريين على الاقل سنه بس انا اعرف وحده ماشاء الله عليها كله اتييب ورا بعض وبعمليه يعني اتكمل 5 او 6 شهور وتحمل ما صار لها شي بس كله ابعمليه والحين ماشاءالله عندها 4 الله يحفظهم انشاءالله

:salam_allah
الموضوع امبين من عنوانه الي عندها سؤال عن العملية القيصرية تسأل و الي عندها خبره و مجربه تفيدنا يزاكم الله ألف خير
أنا عن نفسي سويت العملية من 15 يوم و عندي أساله وايد و ياليت تفيدوني و يستفيد الجميع

للرفع

هلا خوااتي

الحين انا كملت شهرين ما احس بشي من برا بس العملية الداخلية تعورني لما اتحرك بقو او اشل شي ثقيل

انا امسوية عمليتين قيصريتين عادي حبيبتي انا في كل الجهات بس من البداية عليج بالحذر ماتشلين شي ثقيل ولا تنقزين فجأة واتحاولين اتنظفين مكان الجرح واتجففين المنطقة … اما عن اليلسة عادي ايلسي ورضعي بس حاولي اتريحي عمرج اشوي ومارسي حياتج الطبيعية والله يسهل عليج الغالية…

كفو و وفوا الخوات ..
انا ربيت بعمليه تعبتني و هلكتني ..
كنت وااااااااايد اخاف منهاا .. كانت تعور .. يوم اضحك يوم ايلس يوم اقوم .. و تميت اكثر عن اسبوعين ارقد ع ظهري لا يمين و لا يسار .. و ما اروم ايلس ع الارض .. هلكتني هلااااك ..و امي فديتها كانت تعابلني و كنت اقفز فجأه كل ما تصيح .. و يوم اعرق تحرقني العمليه .. و الحمدلله ع كل حال
ياارب يكتب لي الحمل الثااني طبيعي و آخر مره اربي بقيصريه

لا تذكروووني بالقيصري .. ان شالله هالولاده تكوون طبيعي

مشكوووووووورين خولتي على الردود الطيبة الله ايطمنكم مثل ما طمنتوني

يزاكم الله ألف خير

مرحبا صبايا
كيف الحال

أنا سمعت المدربة تقول 6 أسابيع بعد العملية تقدرين تسوين رياضة .. بس الأفضل تستشيرين دكتورة ..

صح 6 شهور لازم تترين

عادي تمشين على السير الكهربائي انصحج فيه …

بنات اللي ولدوا قيصري في ويلكير دبي شو كان نوع البنج نصفي خبروني كيف كانت طريقة البنج ابرة في الظهر ولا شو الطريقة اللي تم فيها البنج وشو نوع الخياط هل كان تجميلي ليزر ولا خيط ولا كبس وعند اي دكتورة
تهمني اجابتكم انا بكرية اول ولادة وناوية اولد في ويلكير دبي واعندي اي خلفية عن الموضوع لاني غريبة وحتى ولادتي حروح لحالي

اب اب اب اب
ان شاء الله حد يفيدج

للرفع

للرفع

انا اول ولادة لي كانت بنج نصفي
في غرفة العمليات حطولي ابرة في الظهر من عقبها ولاحسيت بريولي ولابطني
كان كل شي متخدر ههههههه
والامور كانت طيبة الحمدلله لاتخافين حبيبتي
وبيطلعون البيبي بتسمعين صوته وبتستانسين
الوجع شي لابد منه بس كله بأجره عند رب العالمين^_^
والله يخلي المسكنات والمضادات الحيوية
كلها كم يوم وبتطيبين بإذن الله
لاتشيلين هم الموضوع واتوكلي على الله
اما عن مستشفى ويل كير ماجربته شخصيا
بس في بنات بالمنتدى مربيات عند دكتورة بتافيا ويمدحوا العناية اللي بعد الولادة ^_^

وربي يقومك بالسلامة يارب

انا بآول ولاده مربيه بقيصريه وخذت بنج نصفي
في غرفة العمليات…حطولي شوي جل مخدر موضعي وضربوني ابرة البنج في آخر الظهر
وما حسيت طبعا بضربة الابره
وثواني ومن تحت صدري…….. بطني وريولي كامله تخدر وما حسيتبه
والخياطه كانت داخليه يعني خاطو من داخل ..ما كان يبين خيوط فوق البطن…
وانا ربيت في الواحه / العين

اما البنج الكامل ما ينصحون به يخليج مخدره ومكسله يوم كامل ..والبيبي بعد يطلع كسلااااااان

المشاركة الأصلية كتبت بواسطة ღღالزهراءღღ

اب اب اب اب
ان شاء الله حد يفيدج

مشكووورة حبيبتي