الوسم: القيصرية

أنا مربيه من سنة قيصري واستوالي فتق فالسرة بعدها بفتره وطبعا هو من آثار العملية الجانبية وحصل لي ترهل بس في البطن أسفل السرة. ..

راجعت عند أكثر من دكتور قالولي لازم عملية واليوم سرت مستشفى برجيل عند بروفيسور طاهر وقالي ألفتق وأيد كبر من داخل ولازم أسوي العمليه بأقرب وقت عشان ماتصير مضإعفات

ونصحني اخلي علاج الترهل عقب مع أني قريت فالنت انه الأغلبية يسوونها مع بعض ..

سؤالي هو : هل فيه حد سوتها ياليت تخبرني تجربتها و عند أي دكتور. ولو أبا أسويها برع شو أحسن دولة فهالعلاجات
ومتى أقدر أحمل بعد العملية ، دار رأسي حد يقول 6 شهور وحد سنة وحد سنتين ، أتمنى إلي صارلها هالشي ماتبخل علي بتجربتها كامله حتى لو على الخاص

وادعولي آتوفق في اختيار الدكتور الأنسب والله يسهلها.

انا سرت عند دكتور هندي في البلاد مستشفى ويلكير وايد شاطر جراح و قالي ما تحتاجين حاليا صغير الا اذا حسييتي بأي الم تعالي الطواري على طول و بنسويلج العمليه .. و سرت عند دكتوره في المانيا كنت اسوي جيك اب و هي دكتورة عامة مش تخصص قالتلي الفتحه كبيره ولازم عملية .. الصراحه ماعرف شو اسوي استخرت وايد و للحين ما سويتها ..

اغلبهم قالولي اذا سويتها احتمال الفتق السري يرد بعد اي حمل و اي ولادة ثانيه .. فـ قالي الدكتور دام مافي الم و دام ما يكبر الافضل تحملين كثر ما تبين و اخر شي سوي العمليه ..

حبيت افيدج بس و حاله عن حاله تفرق .. شوفي انتي كذا دكتور و دكتورة .. الصراحه انا ودي اسوي و في نفس الوقت خايفه .. شكل السر عندي وايد بارز بس خايفه اذا سويت يردلي مره ثانيه و كأني ما سويت اي شي ..

اهم شي وزنج ما يزيد و ما تشلين اشياء ثقيله .. والله ييسرلج امورج ..

بالنسبة للحمل اعتقد ما تحملين لمدة 6 شهور .. بس احتياط خليه سنه ..

انا بحاول احط اسئلة …و اللي عندها خبره او تجربة تجاوبنا و اللي عندها اسئلة تسأل و الكل ما بيقصر……

بنات بلييييييييييييييييييييييييييييييييييز لا تهملون هالملف….

لان مرات في حوامل مقررين عليهم عملية…ومرات اللي بتربي طبيعي وقت الطلق و بعد المعاناه يقولون لها عمليه فالكل ان شاءالله يستفيد…

شو احسن الولادة بعملية في مستشفى المفرق و لا الكورنيش..؟؟

وهل العمليات في كل المستشفيات نفس الشي..؟ وايد يقولون العملية وحده بس اهم شي العناية بعدين عشان ما تلتهب..

كيف عنايتج بعد الولاده من ناحية المشية؟ و طريقة القعده..؟ و الرضاعه..؟ و الاهتمام في البيبي .؟ هل حد يهتم في البيبي مهم عشان ما تلتهب الخياطة و لا عادي ممكن تهتمين في البيبي بس بطريقة ما تضرج..؟

لان وايد يقولون بنات انهم ياخذون الطاولة حق التغيير و السبوح عشان ما تم الام تتحرك وايد.؟ والبعض يقولول عادي ع السرير التبديل……..؟؟؟؟

هذا اسئلتي ..؟ جاوبوني و اللي عندها اسئلة تسآل…

http://forum.uaewomen.net/showthread.php?t=298452

طيف الغربة مشكوره ع الملفات بس انا ابغي موضوع خاص في الولادة القيصرية الملفات اللي موجودات بشكل عام عن الولادة..

بتخبركم عسب نفيد ونستفيد متى الوقت المناسب لحدوث حمل من بعد ولادة بعملية

يعني متى الوحدة تتريا تحمل عسب العملية القيصرية منو منكم حملت ع عيالها وهي مربية قيصري اتريا تجاربكم وارائكم ويزاكم الله عني الف خير

الموضوع والله لو تشوفونه عادي بس ترى مهم بالنسبة لي

دخيلكم لاتطنشون متى الحمل مناسب

………………………………………..؟؟؟ ؟؟………………………………………… .؟؟

من تجاربكم يالغاليات ومن معلوماتكم الموضوع مهم للغااااااااااااااااااااااية

فيها قص رقااااب …. اسولف فديتكم بس صج مهم الموضوع ……….؟

انا بعد ولادتي الاولى بالقيصرية حملت بعدها بست شهور (غباء، استغفر الله ) و النتيجه انا صار لي انفجار في الرحم وقت الولادة(الخياطه الداخلية مال القيصرية اتبطلت) لكن الحمدلله ان الله سلمني و سلم بنتي

بس اهم شي تريحين جسمج وترى جسم عن جسم يفرق

بنات…أنا مربية شهر 4 2024 و الدكتورة قالتلي لازم ما أحمل لمدة سنتين…عسب أربي طبيعي….بس سبحان الله…حملت و الحين في الشهر الثاني و حضرتي و لا أدري بالدنيا…. يوم السبت سويت فحص في البيت و طلعت حامل لأن الدورة مب منتظمة عندي و آخر مرة يتني شهر 2 ….و لين الحين ما سرت عند أي دكتورة….فبغيت أعرف هل في أمل أربي طبيعي؟و غير هذا كنت آخذ بندول هالفترة….بس الأزرق طبعا…فهل بيأثر؟ و كنت أستخدم كريم تكبير الصدر…لأن ريلي حاشرني…و هو اللي شارلي…بس ما أعرف إذا يأثر لأن ما مكتوب شئ.

و يزاها الله خير إلي بتفيدني…لأني أحاتي وايد

انا كنت ولادتي الأولى قيصرية والحين حامل ومتوكلة على رب العاملين والله سبحانه ما راح يخيب ظني

بنوته 11 تسلمين الغالية….في ميزان حسناتج

الي جربت ولا عندهااا اي معلومة ترد علي ضروري دخيلكم ساعدوني موعدي الاسبوع الياي للولادة ومب عارفه شو اسوي التخدير الموضعي ولا الكامل؟؟؟

وجزاااكم الله خير

يخدرولج مكان العمليه فقط عسب ماتحسين بشي بس ما انصحج فيه لانه يأثر على عظامج

الدكتوره قالتلي هالكلام بنفسها

وطبعا البنج الكامل افضل بواااااااااااااااااااااااااااااااااااايد …

الموضعي له آثار في المستقبل ،، لا سمح الله ((شلل نصفي)) لأنهم يضربونج ابرة في عظمة الظهر ووااااااااااااااااايد اتعور … واذا اتحركتي حركة بسيطة أو الدكتورة غلطت اشوي بتروحين فيها ((بسم الله عليج)) …

مهما حاولت الدكتورة تقنعج بالبنج الموضعي لااااااااااااا ترضين …

خواتي إلي ربن طبيعي بعد القيصرية الأولى و حملن بسرعه قبل السنة ..
شو إلي نصحوج به .. و طبقتيه و الحمد الله اسهلت ولادتج طبيعية ..

أنا أول حمل لي قيصرية و حملت بسرعه عقب سبه شهور .. و ألحين دخلت التاسع بشو تنصحوني يزاكم الله خير ..

انا نفسج ربيت بقيصري عقبها ب 6 شهور حملت والحين انا فالتاسع

عادي الدكتورة قالت اربي طبيعي بس مايقدرون يسوون لي طلق صناعي او تحاميل

اذا بيساعدوني بس اروم اسوي تقنية البالون

انا مربيه قيصيري من خمس اشهر احين بس نصحتني الدكتوره اني مافكر احمل الا بعد سنتين اونه عاد مدري اذا صج او لا

انا كنت قادره اربي طبيعي بالاول بس الماي خلص عن الجنين وولدوني قيصريه
..والدكتوره قالت لي قادره تربين طبيعي عادي ,,

شخباركم بنات

حبيت اسال يصير اللي والدة قيصري وصار لها سنة تمتسح لاني الصراحة حاسة ان النفس نازلة

او اذا عندكم حل للنفس النازلة لاتبخلون علي ..؟؟

واذا عادي المسح ممكن حد يعرف وحده تمسح براك

وتسلموون حبايبي