السلام عليكم ورحمة الله وبركاته
مراااحب يا حلوين .. حابه اخبركم اني بديت من اليوم اسوي هذا الشاي لان نتايجه واااايد روعه وخاصه اني شفت ناس جدامي استفادوا منها ..
طبعا الطريقه والمقادير جدا سهله وموجوده في كل بيت ..
تشربين كوب من هذا الشاي قبل نص ساعه من كل وجبه ( ريوق – غدا – عشاء )
بالنسبالي لاني طبيعي ماشيه على تنظيم السعرات اللي اكلها والحمدلله مرتاحه ف ما اعتمدت على اي خلطه لليوم لكني حابه اجربها لانها مفيده في كذا شغله ..
الأولى وهذا اول انطباع .. لما جربتها اليوم .. تحسين انها فعلا تهضم الطعام وبتحسين بيوع حتى .. بس يا ويلكم لو اكلتوا .. الحين بسير احط راسي وانام عسب ما اكل شي لووووووووووول .. تذكروا انكم ترومون تصومون في رمضان .. يعني ما راح تموتوا لو رقدتوا يوعانين وهذا سر نزول الوزن .. ( لا تتعشون متاخر وخاصه بعد الساعه 8 ) نصيحه
المهم اني للخلطه .. ومقاديرها وطريقتها ..
اول شي تحطين كوبين ماء على النار و في هذا الوقت تقومي بتحضير التالي ..
قطعة زنجبيل بحجم 2 انش مقشره ومقطعه الى شرائح رقيقه وتضعينه في الماء اللي على النار
وتحضري كميه من اوراق النعناع .. على حسب الرغبه لانها تخلي الشاي نكهته حلوه وجدا مفييد .. ومب مشكله لو كان نعناع جاف او طبيعي .. وتضيفينه للماء والزنجبيل وتخلينه يغلي ويكتسب لون وريحه يعني يكون اكتفى وشرب عصير الزنجبيل كله يعني بالتقدير 5 دقايق
بعدها تضيفين ملعقه صغيره مملوءه قرفه .
ومعاها ملعقة شاي اخضر ..
وتتركيه يغلي لفتره مش طويله وااايد علشان ما يصير مر .. بس خليه يفوور خفيف وشليه عن النار ..
بامكانكم بعد ما تبرد الخلطه تحطونها في زجاجه وتتغطى عدل وتترك في الثلاجه وتسخني الكميه اللي تبينها ..
و اللي تداوم تشل مرضعتها وياهااا .. خخخخخخخخخخخخخ
وبالتوفيق ..
سمعت انها تقضي على اضطرابات المعده وطبعا النعناع غني عن التعريف والزنجبيل كفيل بتنظيف المعده ومفعوله واايد رووعه ..
و سمعت عن خلطه جدااااااااااااااااااا مفيده وتشيل الامراض المعويه والسكري وغيرها وهي عصير الزنجبيل مع الماء في الخلاط ويشربون منه كوب في اليوم بس مش متاكده اي وقت يا ريت لو حد يفيدنا .. وتحياتي ..
المشاركة الأصلية كتبت بواسطة روح سلطان 