الوسم: الشرطة

الي ساكنهفي مدينة محمد بن زايد / فلل ضباط الشرطة /مصفح بغيت أعرف عن صالون
هناك اسمه استايل بيوتي صالون وين موقعه يعني في وحدة عارفة المنطقة زين تقدر اتدليني عليه
عندي ناس من دبي ويسألو عن مكانه وأن ماعرفته
في مجال للمساعدة
وشكرا

اللي اتعرف وين احصله تخبرني …

ولد اختي مشارك في الاذاعة المدرسية وبيمثل دور الشرطي

ويزاكم الله كل خير

انا فكرت فيها بس ما في وقت للتفصيل

خواتي الغاليات

مالي الا أنتو

لو سمحتو خواتي شو سياسة بدل السكن في الشرطة ؟هل يشرطون عليهم ان هو كزوج ياخذ بدل السكن او زوجته مع العلم انه الزوجة تستلم و دوامها يمنحها السكن بدون اي شرط مثل أدنوك سابقا.

وهل يطلبون بيانات راتب الزوجة

انطر مساعدتكم

المهم وحده من ربيعاتي قالت لي شو رايج تقدمين ع الشرطه النسائيه ف البدايه ما اخفيكم ضحكت لان ماشوف نفسي بالوظيفه هاي بس بعد مده يلست افكر وافكر .. قلت شو بلاها الشرطه النسائيه وايد هيبه ويكفي اي حد يغثني بزخه <<< اضحك معاكم

بس جد شو بلاها هالوظيفه .. ادري البعض عنده تحفظات عليها بس ابيكم تشاركوني رايكم

في حد قدم عليها ناس قريبه منكم مشتغلين بالوظيفه شوو انطباعهم

وكيف التقديم ،، ماحب تقولون اون لاين لان سالفه الوظايف كلها اون لاين مب داشه راسي احس بس يخرطون علينا ابا اقابل ناس واعطيهم اوراقي بيدي واعرف اراجع منو .

تكفون تفاعلوا معاي ابا نصايحكم ..

انضباط سر .. هههههههه

والشرطه اختي تحتاج تعليم كثير منهم يشتغلون داخل الشرطه بوظايف مكتبيه واقسام تكنولوجيا واداره ومستشريات وغيره …

انتي قدمي وشوفي شو الموجود .. وتدربي على الأقل تجربه .. اذا تحبين كمليها او تقاعدي وخلاص …..

بس تاكدي من شروطهم .. وانتي دارسه وعندك ماستر … الحمدلله … يعني عندك مزايا …

المهم اختي العمل رزق ماله خص بشي ثاني … في ناس عندهم اكثر من خمس شهادات بس مايحصلون عمل .. وفي انسان ماعنده الا ابتدائي ورجل اعمال ناجح!

عقليات …

وللعلم الاطلاع الحين الناس تضحك على حامل الشهاده .. ويقولون مامنه فايده … حتى بعض الجامعات في بلاد برع تطلب خبره

جزاكن الله الف خير

مجموعة فلبينيات وسخات يشتغلون في اوتيلات يقصون على ابوي وياخذون فلوسه مقابل
شي وسخ انا واخواتي خذنا الارقام من تلفونه واتصلنا كل الي يردون فلبينيات وسخات ويوم نشيك
وراه نشوف فواتير مشتري لاب توبات وموبايلات وسحوبات ب 4000 و 5000 وعطورات …الخ
وهو صارله اكثر من 6 شهور ما يصرف على البيت , اختي الي تصرف علينا
وصلت بينه وبين امي للطلاق ..نفسيتنا وايد تعبانة واختي المتزوجة ريلها دوم يسالها ليش الاوضاع
في بيتنا موب مستقرة وهي حامل بالشهر السابع كل يوم والثاني نوديها المستشفى من كثر ما هي تعبت نفسيا حتى ما قامت الحين تزورنا خايفة من ريلها واخوي الصغير اتصل بالارقام الي حصلناها بتلفون
الوالد وهدد الفلبينيات بالشرطة ولا شو يقولون نحنا الي بنودي رقمك للشرطة بكل وقاحة

ولا في منهم خدمات وفي منهم يشتغلون في اوتيلات ينظفون …………..
امي واجهت ابوي وانكر الموضوع وكل يوم مشاكل صبح ومسا
ونحن الي رايحين فيها ..تخيلوا اكثر من 100 الف درهم يصرفها على الوسخات ونحن ما شايفين شي من خيره …والي اكثر خايفين منه ان يكون فيهم مرض الايدز وينتقل حق امي

الله يخليكم الي تقدر تساعدني …نحن من راك …لا تبخل علي
الي ابوها او اخوها يشتغل في الشرطة او التحريات تطرش رسالة للاخت لامار
وبعطيها كل ارقام الفلبينيات الوسخات الي قاعدين يقصون على ابوي وبقية شبابنا المستهتر
نحنا اولى عياله بالحلال من الغرباء والي ما نشتريهم ببيزة

مشكلة ان نحن عيال ناااااااااااااااس وما نقدر نفضح عمرنا
اشوف بيتنا ينهدم يوم ورا يوم وما حد قادر يسوي شي
وامي كل ما تواجه ابوي يهددها بالطلاق والفضيحة
مقهورة من الفلبينيات يقصون عليه ويخون امي
وحارمنا من كل شي والساقطات ماخذين كل فلوسه وحلاله

والله من كثر ما انا مضايقة استحي اقول للسالفة لحد وما قادرة حتى استشير ربعي
علشان يساعدوني احس كثر ما اكتب ما رح اقدر اخبركم الالم والحزن والظلم والقهر الي
عايشين فيه انا واخواتي وامي الي كل يوم نشوفها تصيح ولا قادرين نساعدها
والفضيحة ما نقدر نخبر احد من اهلنا الكل بيتشمت فينا

ارجوكم ساعدوني يا بنات بلادي بننقذ ابوي وعيالنا من شر هالآسيويات
ارجوكم الي تقدر تساعد لا تتردد

شخباركم صبايا … باقي على عرسي 3 ايام … ادعولي

بخبلاكم سالفتي مع فستان عرسي …

الله يسلمكم شفت فستان وعيبني وأجرته من عند وحده بس المشكله انه قصير علية والطرحة ما كانت عايبتني … وقالت لي مب مشكله وفديتج وحبيبتي و ولا تحاتين واذا ماعيبج الفستان اختاري اي فستان ثاني ومن هالرمسه … قلت لها مب مشكله … وقبل شهر تقريبا سرتلها وقلت لها بشوف اذا يايبه فستان احلا من اللي اجرته وما عيبني … وراويتها طريقة الطرحه اللي اباها وقالت فالج طيب …

المفروض اسوي بروفة القياسات واشوف الطرحة اللي مسوتلي يوم السبت هذابس قالت لي اسمحيلي عندي عرس تاريخ 25 ولازم اجهز 7 فساتين … قلت لها مب مشكله متى تتوقعين انج بتخلصين الطرحه ,.,, قالت يوم الاحد وبالكثير الاثنين …. قلت لها اوكيه

واتصلت بها يوم الاثنين الصبح وقلت لها الطرحه جاهزه … قالت لا والله موديه الفستان المغسله ومالحقت اسوي الطرحه … قلت لها كيف تودينه المغسله وانا مب مقايستنه بروفه اخيره وماتعرفين شكثر يباله تطويل … قالت لي خلاص انتي تعالي الحين وانا برده من المغسله .

طبعا سرت لها المحل وكان معاي نسيبي واختي … دخلنا انا واختي المحل وعقب شوي دخل نسيبي … وقالت له انت مع الخوات … نسيبي ضحك وقال لا انا راعي التكسي …وشوي قلنالها ليش مب على موعدج والمفروض اشوف الطرحه وانا ماعندي وقت والف شغله ورايه ,,, جان تصارخ وتقولي انتي يايه تتضاربين معايه ويايبه البدي قارد مالج وماعرف شو وتصارخ بطريقه ما تتخيلونها … وقالت حق نسيبي انت شو مدخلنك مع الحريم واظهر … قلت لها عيل ما قلتيلي هاي الرمسه يوم ييت اختار الفستان مع زوجي … جان تقول زوجج محترم وهذا لا ,.. قال لها نسيبي اللي ما يحترمني ادوسه

ورمسه من هني ورمسه من هناك جان ترفع السماعه واتصلت بالشرطه وقالت واحد في المحل ويبا يدوسني …

ويت الشرطه وتمت تصارخ وتسوي عمرها انها وايد متأثره وتترايف وتصيح …

المهم ان الشرطي قال ان السالفه ما تستاهل وهدى الموضوع وظهر …

بنات انا نفسيتي وايد تعبانه منها ,,, اخاف تخرب الفستان وانا ماعندي وقت ادور غيره … بس صدق اتفاجأت فيها … والله انها مب صاحيه … اتضاربت معاي بدون سبب وظهرتني انا الغلطانه وقالت حق الشرطي اني انا اللي متأخره على البروفه .. ونست اني تأخرت مراعاة لظروفها

انتبهوا يا بنات من المحلات … ترا اغلبهم يقولون شي ويسون شي ثاني …

الله يستر شو بيخربولي بعد غير الفستان

وان شاء الله مايخربون الفستان

ع كم اجرتيه؟؟؟؟؟؟؟؟؟