السلام عليكم
شخباركم صبايا … باقي على عرسي 3 ايام … ادعولي
بخبلاكم سالفتي مع فستان عرسي …
الله يسلمكم شفت فستان وعيبني وأجرته من عند وحده بس المشكله انه قصير علية والطرحة ما كانت عايبتني … وقالت لي مب مشكله وفديتج وحبيبتي و ولا تحاتين واذا ماعيبج الفستان اختاري اي فستان ثاني ومن هالرمسه … قلت لها مب مشكله … وقبل شهر تقريبا سرتلها وقلت لها بشوف اذا يايبه فستان احلا من اللي اجرته وما عيبني … وراويتها طريقة الطرحه اللي اباها وقالت فالج طيب …
المفروض اسوي بروفة القياسات واشوف الطرحة اللي مسوتلي يوم السبت هذابس قالت لي اسمحيلي عندي عرس تاريخ 25 ولازم اجهز 7 فساتين … قلت لها مب مشكله متى تتوقعين انج بتخلصين الطرحه ,.,, قالت يوم الاحد وبالكثير الاثنين …. قلت لها اوكيه
واتصلت بها يوم الاثنين الصبح وقلت لها الطرحه جاهزه … قالت لا والله موديه الفستان المغسله ومالحقت اسوي الطرحه … قلت لها كيف تودينه المغسله وانا مب مقايستنه بروفه اخيره وماتعرفين شكثر يباله تطويل … قالت لي خلاص انتي تعالي الحين وانا برده من المغسله .
طبعا سرت لها المحل وكان معاي نسيبي واختي … دخلنا انا واختي المحل وعقب شوي دخل نسيبي … وقالت له انت مع الخوات … نسيبي ضحك وقال لا انا راعي التكسي …وشوي قلنالها ليش مب على موعدج والمفروض اشوف الطرحه وانا ماعندي وقت والف شغله ورايه ,,, جان تصارخ وتقولي انتي يايه تتضاربين معايه ويايبه البدي قارد مالج وماعرف شو وتصارخ بطريقه ما تتخيلونها … وقالت حق نسيبي انت شو مدخلنك مع الحريم واظهر … قلت لها عيل ما قلتيلي هاي الرمسه يوم ييت اختار الفستان مع زوجي … جان تقول زوجج محترم وهذا لا ,.. قال لها نسيبي اللي ما يحترمني ادوسه
ورمسه من هني ورمسه من هناك جان ترفع السماعه واتصلت بالشرطه وقالت واحد في المحل ويبا يدوسني …
ويت الشرطه وتمت تصارخ وتسوي عمرها انها وايد متأثره وتترايف وتصيح …
المهم ان الشرطي قال ان السالفه ما تستاهل وهدى الموضوع وظهر …
بنات انا نفسيتي وايد تعبانه منها ,,, اخاف تخرب الفستان وانا ماعندي وقت ادور غيره … بس صدق اتفاجأت فيها … والله انها مب صاحيه … اتضاربت معاي بدون سبب وظهرتني انا الغلطانه وقالت حق الشرطي اني انا اللي متأخره على البروفه .. ونست اني تأخرت مراعاة لظروفها
انتبهوا يا بنات من المحلات … ترا اغلبهم يقولون شي ويسون شي ثاني …
الله يستر شو بيخربولي بعد غير الفستان 
الله يعينج الصراحه…
وان شاءالله يطلع الفستان حلو ومثل ما تبين……
خبيله هاي :S
الله اعينج الغالية
وان شاء الله مايخربون الفستان
ع كم اجرتيه؟؟؟؟؟؟؟؟؟
ودافعة كل البيزات وله النص؟؟؟؟؟؟؟؟ظ
الله يهديها!!
وان شاءالله فستانج يطلع مثل ماتبين .. والله يسهل عليج كل أمور زواجج
لا حول ولا قوة الا بالله
والله مشاكلهم مااتخلص هذيييل
الله يوفقج اختي
الله يعينج حبيبتي
العروس تكون نفسيتها تعبانه قبل العرس وهذي اتي وتزيدج
الله يسامحها
طنشيها حبيبتي وانشاالله يطلع كل شي اوكي ومثل ماتبغين