السلام عليكم والرحمه … يامرحبا بكم … وياهلا فيكم …
اليوم عندي كمن طبق للفطور … فقلت انزلهم لكم ممكن تستفيدون منه
واذا عندكم افكار تحطونها لنا نستفيد منكم …
الطبق الاول
المقادير والطريقه …
نحمر البصل وثوم ثم نضيف اشوية طماطم وفلفل حار ..
نحط الملح وبهار وفلفل اسود ..
نخفق البيض ونضيفها على خلطة البصل ونضع عليها شرايح الطماط
وممكن نرش عليه جبن تشيدر مبشور يطلع امممم ..
وندخلها الفرن ونشغل عليها من فوق بس .. تقطع وتقدم وبالعاااااافيه
الطبق الثاني ..
الطريقه والمقادير …
طماط .. وبيض .. وزيت زيتون .. وممكن زيتون
نقطع البيص والطماط ونرشه بالملح وفلفل اسود حسب الرغبه
ونحط عليه زيت زيتون ..
يخلط مع بعض ..
وياكل بالعااااااافيه …
الطبق الثالث ..
المقادير والطريقه …
بيض .. وطماط .. ملعقتين جبن كرافت .. فلفل حار حسب الرغبه …
نحط اشوية ريت ونضيف له الطماط المقطع ونتركه لين يذوب
ثم نحط عليه البيض المخفوق .. ونحركه قبل لا نسكر عنه
نحط ملعقتين الجبن …
نصب عليه زيت زيتون حسب الرغبه .. وبالعااااااااااافيه …
الطبق الرابع ..
المقادير والطريقه ..
بصله .. طماطه .. بيض .. جرفه .. وبهار .. ملح .. ملعقة صلصه ..
نحمر البصل بس حتى يصفر ثم نحط الطماط ونتركه يذوب
نحط ملعقة صلصه حسب الرغبه والبهار .. نحط عليه نص كوب ماي
ونخليه يفور .. نحط البيض بدون خفق يعني عيون
ونحركه خفيف لين يستوي البيض .. حتى لا يتكسر
ويقدم ويكون بها الشكل …
الطبق الخامس ..
المقادير والطريقه ..
علبة فول .. بصله .. وطماطه .. صلصه .. بهار .. ملح .. كركم …
نحمر البصل والطماط نضيف له الصلصه ثم نحط عليه البهار والكركم والملح
نضيف له الفول ونخليه يطبخ .. واذا حابه تهرسينه او تخلينه بحباته …
ويقدم وبالعااااااااااافيه …
الطبق السادس ..
المقادير والطريقه …
علبة فول مهروس … زيت زيتون .. ملعقة طحينيه ..
نفتح علبة الفول ونحطها على النار نحط عليه زيت زيتون
عند التقديم نحط عليه الطحينيه .. وحبات الطماطم …
حسب الرغبه .. وبالعافيه ..
الطبق السابع …
المقادير والطريقه …
جبن للسلطه .. طماطه .. خياره .. خس .. زيت زيتون ..
تقطع السلطه وتخلط مع الجبن وزيت الزيتون وتقدم …
وبالعااااااااااااااااافيه ..
المشاركة الأصلية كتبت بواسطة ×أم نواري× 
