السلام عليكم جميعا ورحمة الله وبركاته الموضوع الله يسلمكم ان بنت اختي عطوها في المدرسة اوراق طلب منحة دراسية ولازم تعبي الاوراق وتسلمنهن للمدرسة الاسبوع الياي بس هي مب عارفة شو أحسن جامعة تقدم فيها جامعة أبوظبي أو جامعة زايد وفي نقطة ثانية مافهمناها وهي ان حد يقول ان البنت صاحبة المنحة تحصل راتب من وزارة شؤون الرئاسة(الجهة المانحة) لين تخلص دراسة وبعدين يشغلونها وفيه حد يقول لا؟ حد عنده فكرة عن الموضوع دخيلكم ردوا علينا لو حتى بدعوة حلوة
المخلصة دايما اختكم في الله
عنبو ولارد واحد ترفعون به موضوعي ؟؟؟؟؟؟؟ ابد ماتعرفن شي؟؟؟؟؟؟؟؟؟؟؟ حتى دعوة ماشي؟؟؟؟؟؟؟؟؟؟؟؟؟؟؟؟؟؟؟؟
السلام عليكم اختي دلال
بالنسبة لجامعه زايد >>> هي جامعه حكومية ما تاخذ عليه منحه
وجامعه بوظبي هيه تاخذ اذا درجاتها اوكي..
وبالنسبه اذا هي تبى تعرف اي الجامعتين افضل:
انا من طالبات جامعه زايد بوظبي…. اذا هي شاااطرة بالانجليزي بتكمل دراستها بسهووولة ويسر
وان شاااااااء الله يوفقها
وفي نقطة ثانية مافهمناها وهي ان حد يقول ان البنت صاحبة المنحة تحصل راتب من وزارة شؤون الرئاسة(الجهة المانحة) لين تخلص دراسة وبعدين يشغلونها وفيه حد يقول لا؟
عن ها النقطة انا اللي اعرفه ان الوزارة تنفق عليها … وبالنسبه للتوضيف اضني بيوضفونها فالاماكن الحكومية فقط
والله اعلم
ان شاء الله تييب النسبة اللي تفرحكم … ويارب يوفقها
أختي ما في الحين تعيين عن طريق الديوان خلاص ( كان زمان وجبر )
واللي كان تعيينهم عن طريق الديوان حولوهم على مكان عملهم
ليش ما تسجل في جامعة الامارات العربية المتحدة
اعتقد ان هم اللي يعطووون منح حق اللي معدلهم مرتفع يعني حوالي 3500 ولاء 4000درهم
هذا والله اعلم
السلام عليكن جميعا ومشكورين انكم عبرتوني الغاليات بنت اختي بتدرس في بوظبي ونبغي نتأكد من مستوى الجامعات مشأكثر والمنحة مش مهمة بالنسبة لها لانهم في الاوراق وايد محددين التخصصات اللي لازم تدرسها اذا بتاخذ المنحة بس حبينا انعرف أكثر عن اللي درسوا في جامعة زايد هل مستواها نفس مستوى جامعة ابوظبي والا أحسن أو اسوأ؟؟؟
أنا قاعدة اتريا تراني لاتطنشوني
المشاركة الأصلية كتبت بواسطة طير_ الحمامي 
