الوسم: المنح

بنات ابي اسأل عن المنح الدراسية لطلبة الثانوية العامة بخصوص الجامعات الخاصة جامعة عجمان او دبي او غيرها كيف اقدر احصل عليها وين اقدم الطلب وفي اي موقع او مؤسسة لاني اعرف وحده متخرجة ونسبتها 97 وتبي تقدم على منحة تساعدها تدرس بالجامعات الخاصة وبنفس الوقت ماتقدر على انها تدفع كل مبالغ الجامعة الخاصة ممكن ادلوني على طريقه احل ليها مشكلتها ، اهي مواطنه بس ماتقدر اتروح جامعة الامارات لظروفها الخاصة ساعدوها عسى الله يفرج عنكم همومكم بحق هالشهر ؟

وانا نسبتي 85.8

غير ان جوازج لازم يكون من بوظبى .. بس

هلا بنات شخباركم

انا عندي دبلوم من التقنية وابا اكمل في الجامعة حق البكالوريوس

ماتعرفون اماكن نقدم فيها يعطونا منح دراسية لو 50%

شاكرة لكم حسن تعاونكم

ليش ما تكملين فـ التقنيه نفسها ؟

عندج مجال تكملين والحين صار النظام بالكليه حلو لان ماشي دبلون عالي على طول بكالريوس اما المده

4 سنوات..

بس لازم تستوفين الشروط بالاول:

الـGPA ما يقل عن 2 ونص و لازم تمتحنين ايلس و تيبين 5 in total و ما يهم اذا كان جنرال او اكاديمي وبس

هذا كل شي و في بعض الكليات يمتحنون بناتهم "جلنج" بدون ايلس و في منهم يطلبون الاثنين حاولي تتصلين

بكليتكم اذا بغيتي تكملين عندهم..

اما الجامعات الخاصه و المنح ما اعتقد فيه لان انتي من دفعه قديمه..

اما منح استكمال الدراسه اغلبها تكون للخارج و للمتفوقين و اعتقد تكون من الديوان مش متأكده..

التقديم اعتقد في جامعة الشارجة .. عند وحدة أسمها عليا ( سكرتيرة نائب مدير الجامعة)
بس ما اعرف اذا خلص التقديم و لا بعده ؟؟؟

و في منح يعطيها الغرير .. بس ما اعرف كيف التقديم لها و لا اعرف وين .. بس وحدة من معارفنا ماخذة المنحة الي فهمته انه يعطي المنحة لفرد واحد بس من العيلة

و في منح الكهرباء و الماء … بس الي اعرفه انها لخريجي الثانوية الجدد .. اما القدامى ما عندي فكره

و في منحة من مجلس ابوظبي للتعليم و ديوان شؤون الرئاسة .. بس هااي خاصة للمواطنين الي جوازاتهم من أبوظبي و العين

و في منح تقدمها .. ممم ما اذكر الاسم بالضبط بس هي في راك

و ممكن تقديمن جامعة عجمان … ترى عندهم نظام خصومات حسب الامتياز و ممكن يعطونج خصم 50% اذا معدلج امتياز

انا اعرف وحدة من اللذين لا يحملون اوراق ثبوتية (بدون حملة المراسيم) امممم و تبغي اتكمل

دراستها لان ماشالله عليها نسبتها 91.1 فالقسم العلمي.. و انتو تدرون انه الجامعات الحكومية ما تقبلها

فاللي تعرف مكان او مؤسسة تعطي منح دراسية لهذه الفئة
اتخبرني .. لانه والله حرام عقب هالنسبة ما تدرس.. و هي ماتروم عتكاليف الدراسة فالجامعات الخاصة

فاللي تقدر اتفيدني بشي.. يا اما تكتبه هني او اتراسلني عالخاص..

و السموحة منكن..

رمسي ديوان الشـآرجه بحد ذاتهم ,, مش ديوان المنطقـة الشرقية ,,

انا طلبت للباجلر ومارفضوا !! بس ماخذتها لاني ماحتايها الحين ,,, ان شاء الله للماستر بقدم مره 2

دامج من اهل الشارجه ,, مستحيل يرفضون يدعمونج ,, بس للماستر شي شروط لو تبين منحه ,,

لازم معدلج فوق الـ 3 ف الباجلر ,, عسب تستحقينها ,,

شي جامعات بروحها تعطيج وتطلب معدلات معينه ,, مثل 2.5 وفوق ,, او 3.8 وفوق ,, كل جامعه لها شروط معينه ,,

ديوان الرئاسه بعد بيعطونج بس لازم معدلج يكون فوق الـ 3 ف كل المواد , وفي التوتال ,, ولازم تحافظين عليه علشان لا تنسحب عنج المنحه ,,

الله يوفجج حبيبتي لما يحب ويرضى

و ان شااااء الله بكلمهم

يزاج الله خير يا الغاليه وربي يوفقج

ان شاء الله يكون موضوعي بمكانه الصحييح

أنا أدرس بكلية التقنيه باكلريوس فالـ IT .. باقيلي سنتين ونص ان شاء الله
ودي اسأل عن المنح الدراسيه .. وين أقدر اقدم على منحه دراسيه ؟
أدري بتقولون بدري ههههههههه ..
ياليت اللي تعرف تساعدني ضروري الله يجزاها خير
معدلي فوق الـ 3 الحمدلله .. لكن نسبتي بالثانويه العامه مش عاليه ..

اتمنى اتمنى اتمنى تدلوووني على اي مكان اقدم فيه
ومشكورااات مقدما خواتي : )

ان شاء الله يكون موضوعي بمكانه الصحييح

أنا أدرس بكلية التقنيه باكلريوس فالـ IT .. باقيلي سنتين ونص ان شاء الله
ودي اسأل عن المنح الدراسيه .. وين أقدر اقدم على منحه دراسيه ؟
أدري بتقولون بدري ههههههههه ..
ياليت اللي تعرف تساعدني ضروري الله يجزاها خير
معدلي فوق الـ 3 الحمدلله .. لكن نسبتي بالثانويه العامه مش عاليه ..

اتمنى اتمنى اتمنى تدلوووني على اي مكان اقدم فيه
ومشكورااات مقدما خواتي : )