الوسم: الدراسية

مثل ما تعرفن انا ادور منحة دراسية
قررت اني ادرس ف استراليا و سويت سيرج مكثف عنها و عن الجامعات هناك
حبيت المكان

لكن وايدين عارضوا

قالوا استراليا بعيدة و فوق كل هذا

اسعارها نااااااااااااااااااااااار

وايدين نصحوني بالولايات المتحدة
المناطق الريفية فيها رخيصة و حلوة و مناسبة للدراسة

شو رايكن؟ انا عن نفسي ما اعرف اي منطقة ريفيه هناك
يا ليت لو حد يفيدني بشوية معلومات عن المنطقة و الجامعات و انا بكمل بحوثي
و الاسعار و اذا تعرفين اي حد يدرس هناك

اترياكن بنات

تحياتي

خبروني بوسطن وصراحة ارتحت وايد لبوسطن
بس بعدج سألي ناس مجربة

وبالتوفيق حبوبة
ع فكرة السفارة الامريكية تطرح منح سنويا شهر 5 تقريبا عن طريق مركز اميديست
والمنافسة مب وايد عليهن لأن أغلب الناس ما يدرون

بنات سمعت من فترة انه بإمكاننا دراسة الشريعة الاسلامية عن طريق الاوقاف والتخرج بشهادة بكالوريوس او حتى يمكن الدكتوراه

بحيث انه ننضم للبعثة ودراستنا تكون في الخارج يعني في المغرب ودولة ثانيه ماعرف اي دولة بالضبط

وهذا الكلام اكيد مية بالميه بس ماعرف اذا للحين الباب مفتوح للتسجيل ولا خلاص !

المهم بنات اللي عندها اي معلومه ياليت تفيدنا .. او اذا حد من معارفها من البعثة ودارس ياليت تخبرنا كيف الدراسه هناك
وكم مدة الدراسه

انتظر ردكم

وانا نسبتي 85.8

غير ان جوازج لازم يكون من بوظبى .. بس

عندي سؤال محيرني .. أبغي أعرف متى الدولة تعطي منحة دراسية داخل الدولة يعني كم تكون نسبتج عسب يعطونج المنحة ؟؟ بس هذا سؤالي وأبغي منكم الجواب بارك الله فيكم ..

هم ياخذو من اعلى النسب يعني 99 , 98 اول شيء وهم نازلين لين ما تمتلي المقاعد

هلا بنات شخباركم

انا عندي دبلوم من التقنية وابا اكمل في الجامعة حق البكالوريوس

ماتعرفون اماكن نقدم فيها يعطونا منح دراسية لو 50%

شاكرة لكم حسن تعاونكم

ليش ما تكملين فـ التقنيه نفسها ؟

عندج مجال تكملين والحين صار النظام بالكليه حلو لان ماشي دبلون عالي على طول بكالريوس اما المده

4 سنوات..

بس لازم تستوفين الشروط بالاول:

الـGPA ما يقل عن 2 ونص و لازم تمتحنين ايلس و تيبين 5 in total و ما يهم اذا كان جنرال او اكاديمي وبس

هذا كل شي و في بعض الكليات يمتحنون بناتهم "جلنج" بدون ايلس و في منهم يطلبون الاثنين حاولي تتصلين

بكليتكم اذا بغيتي تكملين عندهم..

اما الجامعات الخاصه و المنح ما اعتقد فيه لان انتي من دفعه قديمه..

اما منح استكمال الدراسه اغلبها تكون للخارج و للمتفوقين و اعتقد تكون من الديوان مش متأكده..

التقديم اعتقد في جامعة الشارجة .. عند وحدة أسمها عليا ( سكرتيرة نائب مدير الجامعة)
بس ما اعرف اذا خلص التقديم و لا بعده ؟؟؟

و في منح يعطيها الغرير .. بس ما اعرف كيف التقديم لها و لا اعرف وين .. بس وحدة من معارفنا ماخذة المنحة الي فهمته انه يعطي المنحة لفرد واحد بس من العيلة

و في منح الكهرباء و الماء … بس الي اعرفه انها لخريجي الثانوية الجدد .. اما القدامى ما عندي فكره

و في منحة من مجلس ابوظبي للتعليم و ديوان شؤون الرئاسة .. بس هااي خاصة للمواطنين الي جوازاتهم من أبوظبي و العين

و في منح تقدمها .. ممم ما اذكر الاسم بالضبط بس هي في راك

و ممكن تقديمن جامعة عجمان … ترى عندهم نظام خصومات حسب الامتياز و ممكن يعطونج خصم 50% اذا معدلج امتياز

انا اعرف وحدة من اللذين لا يحملون اوراق ثبوتية (بدون حملة المراسيم) امممم و تبغي اتكمل

دراستها لان ماشالله عليها نسبتها 91.1 فالقسم العلمي.. و انتو تدرون انه الجامعات الحكومية ما تقبلها

فاللي تعرف مكان او مؤسسة تعطي منح دراسية لهذه الفئة
اتخبرني .. لانه والله حرام عقب هالنسبة ما تدرس.. و هي ماتروم عتكاليف الدراسة فالجامعات الخاصة

فاللي تقدر اتفيدني بشي.. يا اما تكتبه هني او اتراسلني عالخاص..

و السموحة منكن..

ممكن أعرف شو هي الجهات الي تهيء للطالب منح دراسية وبعثات للخارج ؟؟

ويزاكم الله خير

هههههه ضحكتيني بالواسطه

سكوو خارج الدوله

شرطة دبي