الوسم: الحركة

شو رايكم بهالحركة

بنات طرت على بالي فكرة رهيبة بس ابى رايكم واذا بتزيدون من خبرتكم وايد زين
المهم الفكرة كالاتي :
1.اولا احجز في مطعم هو يحبه للعشا طبعا
2. ثانيا بروح محل الورود اشري ورد ابيض (او احمر بس انا مليت من الاحمر خاطري فالابيض رمز صفاء ونقاء القلب بدى التفلسف عاد) المهم تقريبا 10 وردات يكفن
بعدين بالورق الحراري تسوين بطايق صغيرة تكتبين فيها كلام حلو
ونثبت على كل وردة بطاقة واتفق مع اللي بالمطعم ان لما نقعد انا وريلي كل شوي تييب الفلبينية وردة (مع البطاقة طبعا) وهكذا كل شوي وردة واخر شي توصل الهدية وتكون بسيطةو في علبة صغيرة
او (طريقة ثانية) ان الجرسونات يوقفن طابور عند الباب وكل وحدة معاها وردة
ويعطونه الورود
شو رايكم
اسمحولي يمكن الكلام ملخبط بس متحمسة اسمع رايكم

رهيييبه الفكرة….يا أم الأفكار…شكلي بلجأ لج في مناسباتنا الخاصة أنا وريلي في المستقبل….بس شو مناسبة هالحركة؟؟؟ عيدميلاده ولا عيد زواااجكم؟؟؟ إسمحيلي ععلى رزة الويه

أفاااااااااااااا شو ماعيبتكم الحركة عاد انا مب دوم اشارك بتزعلوني منكم
وبعطيكم من افكاري الفنتك

رووووعه … بيستانس أكيد

ما في مناسبة بس يت فبالي الحركة واحب دوم افاجىء ريلي كل اسبوع شي يديد
وانا حاضرة فديتج فالخدمة

فكره حلوة والله
بس لو تخلين العشى فغرفتج الخاصه بحركات رومانسيه ودفا بيكون بعد روعه

فالمطعم الكل بيشوووفكم ويمكن ريلج ينحرج

المشاركة الأصلية كتبت بواسطة غـــزل
فكره حلوة والله
بس لو تخلين العشى فغرفتج الخاصه بحركات رومانسيه ودفا بيكون بعد روعه

فالمطعم الكل بيشوووفكم ويمكن ريلج ينحرج

مشكورة الغالية عالرد
امممممممم احس صح كلامج بس اذا كنا فالكابينة روحنا وكل شوي توصل وردة ما في حد بيشوفنا وانا حابة اغير مليت من البيت والشموع

بعد ماراضيت ريلي . الحركة بتفصيلات اكثر بناءاً على طلب البنات

الغاليات انتو قريتو موضوعي عن يوم اراضي ريلي وطبعا انا اصلا ماكنت مخططه لهاليوم بالعكس كانت بعض الافكار مسروقة من مخططي ليوم الحب خخخخخخخخخ المهم انه في بنات سألوني عن تفاصيل اكثر وحركات اكثر فـ حبيت اني احط الموضوع عالعام بدال الخاص

اول شي اذاانتو متزاعلين وتبون تتراضون (الله لا اييب الزعل ان شاء الله بينكم وبين ازواجكم) ترى والله حركة الكلمات اللي علقتها عالسرير طلعت رووووعه و ريلي واااااااااايد حبها…. حطي اي عبارة اعتذار على حسب المشكلة وعلقيها اما عالسرير او في اي مكان تحبينة

اما الاشياء الثانيه اللي كان خاطري اسويها له في يوم الحب الحين بحط لكم ياها

كان خاطري اييب وردة احطها ع مقبض باب البيت من برى واحط وياها كرت صغيروووون وايد اكتب فيه كل عام وانت الحب عساس انه اول ما يبي يفتح الباب يشوف الورده …………..

اول ما يدخل (على حسب تصميم بيتج كيف لانه انا عندي اول مايفتح الباب يكون قدامة جدار يعني لازم يلف يسااار)
على هالجدار اللي مقابل الباب كنت ابغي اييب لوحة واييب اوراق ورد واكتب له كلمتين حب (او حتى يكفي كلمة أحبك انتي ممكن تحطين عمره مثلا 25 لانه عيد ميلاده) طبعا انا ابي استخدم اللوحة عشان ما اخرب الجدار بالصمغ خخخخخ
وطبعا بكون مبندة الليتات ومحطيه شمعتين على اطراف اللوحة (استخدمي الشمعدان اللي يتعلق فالجدار ويكون خفيف عشان لو ماتبين تثبتينه في هالمكان يكون سهل عليج اطلعينة عقبها )

بعدين ….. لانه في بيتي طابقين وريلي على طول يطلع فوق ….. ابي اييب خيوط شفافه (نفس اللي فالطاثرات الورقية ) واعلقها فوق واعلق في طرفها ورقة مكتوب فيها عبارة حلوة عشان تنزل بشكل مرتب فالدرج …. وكل مايطلع درجتين او ثلاث يشوف ورقة قدامه ….. حطي ورقة فيها بوسه … ورقة فيها قلب ورقة فيها كلمه …. انتي وابداعج
وممكن بعد اتييبين البالونات اللي متعبية غاز… عرفتي قصدي؟! تطلع كيووت جو حفلات يعني خخخخخخخ

بعدين عاد شوفي اول ما ريلج يوصل البيت وين يروح؟ غرفة النوم ولا غرفة ثانيه؟ وعلى هالاساس رتبي الغرفة اللي يدخلها وحطي له عبارات عالباب عالغرفة مثلا اللي تبينه يدخلها اخر شي ….. يعني مثلا (ممنوع الدخول الا لفوق الـ 18 <<< خخخخخخخخ دوم اقولها لريلي ويصفعني يقول مادري منو الياهل انا ولا انتي هع هع هع ) او اكتبي اي عبارة تثير فضوله عاد انتي ادرى بريلج

طبعا ترتيب غرفة النوم ….
انا في خاطري اييب قطعة قماش حرير بيضاا وافرشها عالسرير وانثر عليه اوراق ورود واحط الليتات اللي رمست عنها قبل بشكل حلوو….

وفالنص….. حطي الهدية

وفكرة حلوة للهدية خاصة انها عيد ميلاد ….
خلي الهدية تكون مع دبدوب كبير و حطي وياها بالونات وحركات حلوة ….. يطلع شكل الهدية حلوو وهي في حضن دبدوب والدبدوب ماسك بالونات ههههه كيوووت
بس ترى البالونات لها غرض احم احم
كل بالونة حطي داخلها ورقة واكتبي فالورقة اي عبارة انتي تبينها عتاب خفيف … بيتين شعر … شي في خاطرج زمان تقولينله ومستحيه … اي شي ويفضل لو يكون جريء…..
وبس خلاص احم احم

فالغرفة الثانيه

ابي احط كيكه صغيروونه على قدنا واحط فيها صورته واحط عدالها برواز داخله صورتي احم احم وانثر حوالينها ورد مجفف هالمره ههههههه

وعدالها احط باقة ورود حلوة واحط شموع صغيرونة حوالين الطاولة بشكل انييق عشان الاضاءة الرومانسية

هيه صح ولا تنسين العصير اهم شي يكون حركاااات لان الرياييل يحبون الحرمة اللي تتفنن بالعصاير وتسوي حركات خخخخخخخ

هالمره الكنبة بحط عليها قماش احمر حرير وبنثر عليها اوراق ورد ابيض

هيه صح نسيت شي مهم …

الحمام كييييييييف تجهزينة !!!
اذا حمامج صغير نفس حمامي مصيبة خخخخخخ بس شوفي الحل

عبي البانيو ماي دافي وحطي فيه رغوة وااايد وحطي املاح وزيوت استحمام … وعالرغوة حطي اوراق ورد طبيعي (طبعا هالشي جهزية قبل لا يوصل البيت بثواااني )
وحطي شموع عالمغسله وعالارفف وبندي الليت
طبعا جهزي عمرج <<< مب حق اللي في بالكم لااا هههههه
قوليله اليوم بعيشك بعالم ثاني …. وعاد خليه فالبانيو وسويله مساج ع كتفه ورقبته وراسه وافركيله جسمة وووووووو عاد ابدعي انتي (بس استحي خخخخخخخخ)

اما اذا حمامج كبير وايد (ياااحظج) وفيه مساحة تسوين فيها مساج خخخخخخخخخخ افرشي تحت واستغلي المساحة هع هع هع يعني من غير بانيووو بس شور
اول شي مساج بزيوت دافية وبعدين عالدش علطول ويكون الماي بارد <<<<< قمة الانتعااااش

عاد مابشرح بتعمق عيب خخخخخخخخخخخخخخ

المهم بسني واذا نسيت شي بخبركم عقب

سلملم

تسلمين ع الحركات الروووووعه

الصراحة خطيررررررررررررررررررررررررررررررررررررررررررررررر رررررررررررررررررررة

افكار حلوه…مشكوووره الغاليه

افكار حلوه…مشكوووره الغاليه
وعشت بحلم جميل

روووعه ، مشكووورة

حلووووووووووووو وااااااايد

عيبتني حركه تعليق عالسرير لان شبريتي تركب عليها ستاير ………….افكر اعلق ورد …………

جربوا هالحركة الليلة مع ازواجكم وادعولي

بسم الله الرحمن الرحيم

من الحيين اقولكن منقووووووووووووووووووووووووووووول

اخواتي الحبيبات
الله يسعد مساكم بكل خير
عندي فكرة ان شاء الله تعجبكم وتسعد ازواجكم

بعد ما ينمام زوجك ارسليله هالرساله على جواله عشان اول مايصحى يقراها وشوفي تعبيرات وجهه

وبشروني بالنتايج؟؟!!!

واليكم الرساله

حبي الغالي ما شاء الله ياحلوك وانت نايم الله
لايحرمني منك ينور حياتي
وانا اتاملك
مر بخيالي شريط حياتنا بكل مافيها
من طيبتك ..وحبك… وكرمك… وتفاهمك.. وشووووووووقك.. واخلاصك ..
ياحلوها من أيام الله يديمها علينا ويعيننا على ذكره وشكره وحسن عبادته
ويسعد صباحك ياقمر..
درتك المكنونه……ام عيالك

مره ثانيه اقولكن منقوووووووووووووووووووووووول

تعليقي: احس حركه حلوه ,, صح هوه مسج صغير بس بيفرح ريلج واايد,,
الله يديم السعاده بين كل حرمه وريلها ان شاء الله

دعواتكن لي @بدويه@

عاد انا ريي شوي ملقوف:1 (19): بعيد عنكم …من اطرش له المسج … بينش …. بيقراه …. وبينازعني لين ما تلوع جبدي وجبده عشان واعيته من النوم :1 (49):

بس ما عليج …. إلا اسوي هالحركه … بصراحه حلوه .. وهم مثل اليهال:22 (30): هالسوالف تعيبهم …

***** عاد هم مييييييح مول مايطرشون لنا شي عافانا الله …:1 (19):

المشاركة الأصلية كتبت بواسطة ام النوفين
عاد انا ريي شوي ملقوف:1 (19): بعيد عنكم …من اطرش له المسج … بينش …. بيقراه …. وبينازعني لين ما تلوع جبدي وجبده عشان واعيته من النوم :1 (49):

بس ما عليج …. إلا اسوي هالحركه … بصراحه حلوه .. وهم مثل اليهال:22 (30): هالسوالف تعيبهم …

***** عاد هم مييييييح مول مايطرشون لنا شي عافانا الله …:1 (19):

ههههههههههههههههههههههههه

لا حليلهم
هم صح شرا اليهال بس إذا سويتيله هالحركه وغيرها من الحركات الحلوه
صدقيني هوه بيعيبه هالشي
انتي ضرييه (عوديه) على المساج خلاف هوه بروحه بيضرا(بيتعود) وبيطرشلج

الله يوفقج ويا ريلج ان شاء الله

اندوج اختي … تلفونه كللللللللللللللللله مسجاتي خخخخخخ وتلفوني ولا مسج خخخخ فاضي

بس ان شاء الله ,الله يسمع منج

واااااااااااااايد حلوة الفكره ….بسويهااا

هههههههههههههههههههههههههههههههههههههههههههههههههه ههههه ..
ريلي مااظن بيعيبه ..

حركه روعه يسلمو

زوجي عنده نص مليون فقط والحركة 10%

خواتي ريلي سوا عملية دوالي من 6 اشهر وشي ،، قبل العملية كان صفرررررر بس الحمدلله بعد العملية طلعت حيوانات منوية ،،، فأبا احمل خاطري بنونو ينور حياتي،، وانا ما ابا اسوي انابيب لاني سويتها مرة وماحملت وطلع عندي تكيسات من المنشطات والحمدلله تعالجت ما فيني شي ،، ابا خلطة طبيعية للعدد والحركة ،،
ارجوكم محتاجتنكم

خليه يروح عند وااحد شاطر يسوي له حجامه .. و يعطيه خلطت عسل واعشاب

والله يرزقكم الذريه الصالحه ..

الله يرزقكم يارب

الله يرزقكم بالذرية الصالحه

الله يرزقكم عاجل غير أجل بولد الصالح يا رب

السلام عليكم ,,

خليه يكمل على الادويه والابر اللي يوصفها الدكتور بعد العمليه وايد مهمه واتسرع العلاج ,,,

ولكم بالعسل وعصير الرمان والرياضه الرياضه الرياضه تنشط الدوره الدمويه واتزيد الحركه باذن الله ..

المشاركة الأصلية كتبت بواسطة إمنوره بيتي
السلام عليكم ,,

خليه يكمل على الادويه والابر اللي يوصفها الدكتور بعد العمليه وايد مهمه واتسرع العلاج ,,,

ولكم بالعسل وعصير الرمان والرياضه الرياضه الرياضه تنشط الدوره الدمويه واتزيد الحركه باذن الله ..

الدكتور بس عطاه ادوية بدون ابر والحمدلله ريلي مداوم على العسل والرياضة مشكورة حبيبتي

حملة الحركة السبيل الوحيد لجسم صحي من تحب تشارك ,, حياها ,,,

السلام عليكم الغاليات

اشحالكم ان شا الله بخير ,,,

ما اعرف شو اقول والا من وين ابدأ ,,, على العموم انا وزني كان قبل فترة 147 كيلو واتوقع انه وصل الحين لين 150 او اكثر بعد لاني ما اسوي شي اصلا عسب ينزل يعني عادي لو زاد ,,, وطولي 166 سم تقريبا ,,, يعني تقريبا يبالي من 55 الى 60 كيلو انقصهم ,,, وممكن تشوفون هالموقع للي حابين يحسبون حق عمارهم

http://www.sehha.com/diseases/obesity/bmi.htm

المهم اللي لاحظته شو ان اغلب المواضيع تتكلم عن الاكل ,, ومشكلتي انا مب اكل لان كل اللي يعرفني ويعرف شو اكل وشو ما اكل يقول اني ممكن اخربط لكن اصلا اكلي مب واااايد صح انه مب صحي لكنه مب واااايد يعني اقدر اتحكم فيه يعني ما عندي شراهة في الاكل المشكلة اللي عندي اني في يوم من الايام كنت اعتبر من الناس الرياضيين لكن يوم عرست تعرفون ما شي حركة + حمل وولادة الله يخلي ما شا الله انتفخت وصرت ديناصور بعد الفيل يعتبر اضعف عني ,,,

فحبيت اني افتح هالموضوع للناس اللي يعانون نفس معاناتي او اللي عندهم نفس مشكلتي ,, (( عدم الحركة وليس الشراهة في الاكل )) …

اليوم شو : الاحد – 24/ فبراير / 2024

اوكي شو رايكم كل وحدة حابة تشترك طبعا في حملة الحركة السبيل الوحيد لجسم صحي ,, كل وحدة تاخذ قياس خصرها ولو تحب تكتبها هنيه اوكي ولو ما تحب بعد اوكي على راحتكم اهم شي انج تكتبينه لنفسج في دفتر خاص عسب يكون كمرجع لج ,, وكل اسبوع ( 7 ايام ردي قيسي مرة ثانية ) وكتبي حق نفسج نقصتي حتى لو عشر سم والا ما شي نقص ,,,

الحملة هاي اهم شي فيها هو شريط القياس مال الخياطين مب الميزان مال الكيوااات ,,, الغرض من هاي الحملة هو محاولة انزال الكرش عن طريق الرياضة مب عن طريق الحرمان ,, حتى الناس اللي عندهم شراهة يقدرون يشاركون بدون ما يقللون اكلهم او اي شي ,,,,

التمرين اللي المفروض انكم تسووونه هو تمرين ضغط البطن اتوقع ان الكل يعرف ( وهويوم تكونين ممدة على ظرج وحاطة ايديج ورا ظهرج لكن مب شابكتنهم ويا بعض يادوب الاصابع في كل كف تلامس اللي في الكف الثانية وترفعين راسج وظهرج وتمطينهم لناحية ريولج اقصى مطة ترومين عليها لكن مب وايد شوي شوي على عماركم عسب العمود الفقري وحليله لا ينتحر ,, !) سوري على الشرح اعرف اني ما اعرف اشرح بس اتمنى ان الصورة تكون واضحة ولو اي وحدة فيكم عندها موقع او رسم يشرح التمرين اتمنى انكم ما تبخلون علينا به ,,

ها هو التمرين الوحيد اللي راح نسويه لمدة شهر ,, يعني عقب شهر 24/ مارس / كل وحدة تكتب هنيه كم نقص قياس خصرها طبعا لو نقص ولو ما نقص بعد تكتب ,,

واللي يحبون يشاركون مشاركات مشجعة للاخرين ممكن انها تدش كل يوم وتكتب كم مرة سوت التمرين في كل يوم ,,,

وانا راح ابدأ ,,

قبل شوي سويت التمرين ( 20 مرة ) اول عشر مرات وعقب استراحة شوي وبعدين كملت العشر الثانيات ,,, وبصراحة انا اعتبرته انجاز بعد 9 سنوات انقطاع عن الرياضة ,, صدق يعتبر انجاز بالنسبة لي ,, وان شا الله انه يكون دفعة لي اني اكمل ,,

وعن موضوع قياس خصري ان شا الله باجر بحطه ,,, والله يوفقني ويوفقكم ان شا الله لما يحب ويرضى ,,,

وعساكم على القوة ,,,

@ اختكم في الله @

ام ناصر ..

تم قياس الخصر وطلع 56,5 انش يلله بنشوف عقب اسبوع جم بيطلع ..

بنات ملاحظة :

حاولوا تشربون على الاقل كوبين ماي قبل لا ترقدون والصبح قبل لا تفطرون بساعة ,,,, ( عسب تنظيف المعدة ) ,,,,

السللام عليييييييييييكم و صباح الورد يام ناصر ..

انا اول وحده بكون وياج و ان شاء الله من ارد البيت بشوف قياس خصري و برد اكتبه ..

بالنسبة لي بعد اكلي مب صحي بس قليل .. اللي بسويه هو المشي يوميا (3 كيلو و نص) + تمارين البطن مثل ما قلتي

و ان شاء الله نطلع بنتيجه عقب اسبوع عشان نتحمس اكثر

وعليكم السلام ورحمة الله وبركاته الغالية وصباح النور عزيزتي ,,

ان شا الله الغالية نطلع بنتيجة حلووة ,,, والمشي اكيد حلوووو + تمارين البطن النتيجة ان شا الله بتحسينها بسرعة والله يوفقنا ويوفق الجميع لما يحب ويرضى ,,,, عساج على القوة ان شا الله وحياج ,,,

@ اختكم في الله @

وانا حابة اشارك وياكم وبسوي ان شاء الله اليوم 20 مرة تمرين ضغط على البطن+ المشي على جهاز المشي لمدة 30 دقيقة

وخصري قياسه 35 سم

والله يوفقنا

السلام عليكم والرحمة

انا بعد حابة اشارك معاكم ، واريد انقص 5 كيلو، وقياس خصري 30انج مب سانتي ، اختي هواجس انا اتوقع انج حاسبه خصرج بالإنج مو سم..

واليوم انشاء الله ببدأ بتمارين البطن مع المشي

انا وياج حبوبه …..بس ببدأ بعد يومين لاني تعبانه

وانا معاكم في حملة الحركه وزني 76 كان 78 من3 اسبوع وامارس رياضة المشي وبس خلينا نستمر

اريد الوصول 55

علموني ياماكييرات هاي الحركة

خواتي لو سمحتوا أبغي أعرف كيف يسون الحركة اللي في آخر العين الزاوية الخارجية للعين كيف يسون العين الفتحة الخارجية ….

حد يقولي بالفرشاة…..وحد يقولي بالإسفنجة وحد يرسمها على طول علموني ياأخواتي الماكييرات….
وأبغي أعرف أفضل فرشاة للدمج ومن أي ماركة وشو رقمها
شاكرة لكم

والله ياليت اقدر افيدج ..

ان شاء الله وحده من الماكيرات اترد عليج الغلا

أنا بالإنتظار

سهله الغاليه تقدرين ترسمين خطين اساسيين بقلم الكحل فوق و تحت في بداية المكياج و بعدين ابدي حطي الايشدو

بحيث انج تحطين الايشدو و تدمجينه مع خط الكحل الي حطيتيه في البدايه و موهي الالوان لين تدرج

بعدين نظفي الفتحه بالكونسيلر علشان يتكون عندج خطين متوازيين و سيده وبس..

ان شاااء الله يساعدونج البنات

؟؟؟؟؟؟؟؟؟؟

ماعندي فكرة…
السموحه…

أطفال فرط الحركة ونقص الانتباه والضغوط النفسية على الوالدين .

أطفال فرط الحركة ونقص الانتباه والضغوط النفسية على الوالدين .

د. إبراهيم بن حسن الخضير.

الأطفال الذين يُعانون من اضطراب فرط النشاط ونقص التركيز المعروف ب (ADHD) ، والذي يكون فيه الطفل الذي يُعاني من هذا الاضطراب ليس لديه قدرة على التركيز ونشاطه زائد بصورة كبيرة وليس لديه قدرة على التواصل اللفظي مع الآخرين قد يُسبب مشاكل نفسية للوالدين في رعاية هؤلاء الاطفال اليومية مثل إطعامهم وتلبيسهم وأخذهم إلى دورات المياه، وبقية الرعاية اليومية التي يقوم بها الوالدان للطفل الذي يُعاني من فرط النشاط ونقص التركيز .

فقد وجدت الدراسات التي درست هذه الحالات بأن التعامل اليومي يُشكل ضغطاً نفسياً كبيراً على الوالدين مما قد يؤثر على حياة الوالدين الزوجية . كما بينّت دراسة أجريت في مدينة سياتل في ولاية واشنطن وأظهرت هذه الدراسة بأن الوالدين الذين لديهم طفل يُعاني من فرط النشاط وقلة التركيز يُعانون من ضغوطٍ نفسية شديدة تؤثر على علاقتهم الزوجية نظراً لأن الضغوط النفسية على الوالدين قد تجعل تبادل اللوم بين الوالدين على إنجاب مثل هذا الطفل الذي عكّر صفو حياتهم وخلق هذه الضغوط النفسية الصعبة.

وقد بيّنت الدراسات بأن الوالدين الذين لديهم طفل يُعاني من فرط النشاط ونقص التركيز يؤثر نفسياً بشكلٍ سلبي أكثر من الأطفال الذين لديهم اضطرابات حركية ولكن ليس لديهم مشاكل في التواصل ، كما هو الحال في حالة الأطفال الذين يُعانون من فرط الحركة ونقص القدرة على التركيز ، فتأثير الأطفال الذين يُعانون من فرط الحركة على حياة والديهم وأكثر ضغوطاً نفسية من تأثير الأطفال الذين يعُانون من اضطرابات في الحركة ، فوالدي الأطفال الذين يُعانون من فرط الحركة قد يُعانون من مشاكل نفسية حقيقية تقودهم إلى طلب مشورة من متخصصين في العلاج النفسي ، بينما والدي الأطفال الذين يُعانون من اضطرابات حركية لا يُعانون بنفس المستوى ولا يصل الأمر بهم إلى طلب مشورة من متخصصين في العلاج النفسي.

إن الأطفال الذين يُعانون من فرط الحركة ونقص القدرة على التركيز لديهم مشكلة اجتماعية ليست فقط للأهل والعائلة التي فيها هذا الطفل ولكنها مشكلة تهم المجتمع بشكلٍ عام ، وتكلفة المدارس أو المراكز التي تعنى بمثل هؤلاء الأطفال مُكلفة على الأهل ، فكما ذكرت سمو الأميرة سميرة بنت عبدالله الفيصل آل سعود في مقابلةٍ لها بأن تكاليف رعاية الطفل التوحدي (الذي يعاني من فرط الحركة ونقص القدرة على التركيز)

يُكلّف ما يُقارب خمسين ألف ريال ، بينما المعونات التي تقدمها الدولة لا تزيد على عشرين ألف ريال ، وهذا يضع الأسرة في مأزق مالي ، خاصةً الأسر ذات الدخل المحدود أو المتوسط. وكما ذكرت سموها فإن في المملكة ما يُقارب مائتين وخمسين ألف طفل يُعانون من هذا الاضطراب ، لذلك يجب أن تكون هناك رعاية أكثر من الجهات الحكومية المختصة برعاية مثل هؤلاء الأطفال كوزارة الصحة ووزارة الشؤون الاجتماعية ، فبقاء الطفل في المنزل يُشكل ضغوطاً نفسية على الوالدين ، خاصةً إذا كان كلا الوالدين يعمل في وظيفة تتطلب أن يبقى الطفل مع عاملة منزلية لا تُحسن التعامل مع طفل مُصاب بمثل هذا الاضطراب.

من الأمور الجميلة ، الجيدة هو وجود جمعية لرعاية مرضى التوحد في المملكة وتقوم بأنشطة جيدة في مساعدة أهالي الأطفال الذين يُعانون من هذا الاضطراب ويقوم على هذه الجمعية أشخاص متخصصون وأشخاص آخرون داعمون مادياً ومعنوياً ، وآمل من القائمين على هذه الجمعية أن تزداد أنشطتها لتشمل جميع مدن المملكة العربية السعودية ، لأن أنشطة الجمعية تكاد تكون مقتصرة على مدن محددة بينما هناك مدن وقرى كثيرة لم تصلها أنشطة هذه الجمعية.

المصدر: جريدة الرياض ، العدد : ( 15054 )

جزاج الله خير
الله يحفظ عيالنا ويعينا على تربيتهم ويصبرنا!!

انا الحمدلله والشكر له عيالي الثلاث يعانون من فرط النشاط وقلة الانتباه ,, لاكن اذا حبينا نصعب الموضوع يصعب واذا حبيناه يسهل والحمدلله علي كل حال

انا بنتي مريوم جي الله يعين
ويهديهم

وأنا عندي ولد يعاني ومحتارين فئة وللة الحمد اللة يعينا

دعن لهم هذا الحل برائي

الله يشفيهم و يعافيهم و يعينا على ترببيتهم و تعليمهم

أسهل علاج لفرط الحركة وتشتت الانتباه

السلام عليكم و رحمة الله وبركاته

الطب البديل له أثاره الفعالة وبدون أثر جانبية كما نعلم جميعاً

دعونا نودع الأدوية النفسية من الآن و استخدام الطب البديل الذي يعتمد على مكونات طبيعية

وأظهرت الدراسات العلمية في الأونة الأخيرة علاج رائع لطفل ad _hd فرط النشاط تشتيت الانتباه

وهو القهوة نعم القهوة فشرب نصف فنجان قهوة خفيفة فالصباح لمدة من 3 ل 6 شهور متواصلة

تستطيع علاج فرط النشاط وتشتيت الانتباه

فهي تزيد من تركيز الطفل و تقلل من نشاطه لتصل به إلى معدل الحركة والتركيز الطبيعي و هذا يفيد في

التعليم سواء بالمنزل او بالمدرسة بصورة واضحة

ياريت تستعملوها بس النتيجة مش حتظهر غير عالاقل بعد 3 شهور لأن اي علاج نفسي بيحتاج وقت

طويل زي ما كلنا عارفين

على فكرة القهوة ولاد كتير من اللي اشتغلت معاهم وصفهالهم الدكاترة بتوعهم و استعملوها وبجد

تأثيرها ممتاز في فرط النشاط وتشتيت الانتباه

جربوها وحتدعولي و على فكرة انا مدرسة احتياجات خاصة

ربنا يباركلكم في اولادكم و يعينكم على مسئوليتهم يارب
للأمانة منقول

موضوعج رااااائع
يعطيج العافيه

الله يعافيج أختي

أنا ولدي فيه فرط حركه بس كيف القهوه العربيه

اللي نشربها ولاغير؟؟

سبحان الله ..القهـــــــــــوه !!!

بس على فكره الفوشار (البوب كورن) له نفس تأثير القهوه فأنصحكم تستبدلونها فيه ..

و الله يحفظ الجميع يا رب ..

انا ولدي عنده حركة اي قهوة فيهم ؟؟؟؟

أنا ولدي يحب النسكااافيه …… بيكون نفس المفعول ولا ؟

وعيبتني سالفة البوب كورن يبالي أجرب

الله يهدي عيالنا ………..مخبليين فينا هههههههه

مدارس خاصة لافراط الحركة في ابوظبي

ارجوكم يابنات ابي مساعدتكم عندي ولدي بيخلص kg2 وفيه مرض تشتت الانتباه وافراط الحركة مااعرف وين اوديه ومو اي مدرسه بتقبله لان هالسنه الروضه كانت بتطرده من عندهم لولا اني يبتلهم مشرفه على حسابي الخاص تشرف عليه لان وايد عنيف
الحين انا محتاره ياربي وين اوديه ارجوكم ساعدوني المسكين حرام يقعد في البيت
لو في مدارس خاصه في ابوظبي لهذي الحاله دلوني عليها.

اللي تساعدني يارب ينحط في ميزان حسناتها ويفك ربي كربتها ويحقق لها ماتتمنى
آمييين يارب

اب اب اب
ان شاء الله حد يفيدج

ان شاءالله حد يفيدج اختي

بليييييييييييييييييييز ارجوكم ساعدوني

في مدرسه في ابوظبي خاصه حق هالحالات لأني اعرف وحده خبرتني من زمان بحاول اسالج عن هالمدرسه حاولي انج تتصلين في وزاره التربيه ويمكن يفيدونج

الله يشفيهم يارب ويدفع البلاء عن عيالنا,,,

أختيه ليش تسمون هالشي مرض والله قلبي عورني ,,,,

أنا ألاحظ عندنا عيال فالعائله وايد شياطين وحركيين وطول الوقت لازم حد وراهم والله والله أنهم يضربون اللي أصغر منهم واللي أكبر منهم بس سبحان الله درسوا وكملوا وعقلوا وألحين ماشالله من الشطار,, أذكر ولد أختيه كان حركي لدرجة أنهم يربطونه بالشيله فالبيت وبعد كان مايصك وألحين اسم الله عليه ريال أطول عني ,,,

يا بنات هذه الحاله هي اصلا نوع من الحساسية الغذائية الشديدة للسكريات والمواد الحافظة وبعض المواد الاخرى …..وعلاجها هي قطع السكريات عنهم واستبدال السكريات بسكر الفاكهة الطبيعي ومنع الشيبس والشوكولاته والاكثار من الخضار والفاكهة في طعامهم واعطائهم الاوميغا 3 وللاسف كل اطباء في الدول العربية يوصفون ادويه مثل الرسبيدال وغيرها اللي تخفف لكن ما تعالج هذه الحاله …اصلا في تدريبات تساعدهم على تقليل تشتت الانتباه وتداخلات جدا مفيدة تساعد حالتهم بس الاساس هي نوعيه الغذاء

فرط الحركة وتشتت الانتباه

السلام عليكم عزيزاتي،،
هذا الموضوع بخصوص الامهات اللي عندهم طفل أو طفله مصاب بفرط الحركة وتشتت الانتباه، حابين نستفيد من خبراتكم اذا تعرفون عياده او مستشفى معين فيه دكتور متخصص في علاج مثل هالحالات. بس مب اي طفل حركي شوي تقولون عنه مصاب بفرط الحركه، لا، لان هالاطفال تكون عندهم صفات معينه مثل:

• يمل بسرعه
• متسرع
• مخرب
• فوضوي
•عنيد
• صعوبة اتباع الأوامر
• مقاطعة الآخرين
• صعوبة البقاء جالس

انا عندي ولد عمره ست سنوات ويعاني من فرط الحركة وتشتت الانتباه وديته عياده فالشارجه وعطوه أدويه مافيها مواد كيماويه وما لها آثار جانبيه، صارله ست شهور ياخذها ولاحظت تحسن بسيط وبعده مستمر فالدواء وان شاء الله يستفيد وأبشركم يارب، وكذلك أوديه مركز لعلاج النطق لان النطق عنده مب واضح.

شاركونا حبيباتي وخلونا نستفيد من بعض، وربي ان شاء الله يشافي ويعافي كل مريض ويهدي عيالنا ويصلحهم يارب.

في انتظار مشاركاتكن ..

انا ولدى حركى واايد وذكى وكثر حركته

في الصف مخربه عليه كل المعلمات

يشتكون بس ما عرضته على دكتور مختص

الله يحفظهم ويهديهم

المشاركة الأصلية كتبت بواسطة زم_قمر_ان
انا ولدى حركى واايد وذكى وكثر حركته

في الصف مخربه عليه كل المعلمات

يشتكون بس ما عرضته على دكتور مختص

الله يحفظهم ويهديهم

آمين اختي.. بالضبط نفس ولدي دوم يشتكون المعلمات من حركته..

انا ولدي عندة فرط حركة وتشتت في الانتباه عمرة 5سنوات يأخذ جلسات في مركز النطق بس ماعرف أدوية تهديه شوية قبل سنه عطيتة مهدي كنت استخدمة في الليل قبل النوم عشان يساعدة على النوم لانه كان مايرقد يسهر لساعات متأخرة يمكن ساعتين ينام ويقوم والحمد استخدمة الدواء ورقد بس مازال يعاني من فرط الحركة
جزاك الله خير طارحة الموضوع وياريت نستفيد من الامهات

المشاركة الأصلية كتبت بواسطة العمراني
انا ولدي عندة فرط حركة وتشتت في الانتباه عمرة 5سنوات يأخذ جلسات في مركز النطق بس ماعرف أدوية تهديه شوية قبل سنه عطيتة مهدي كنت استخدمة في الليل قبل النوم عشان يساعدة على النوم لانه كان مايرقد يسهر لساعات متأخرة يمكن ساعتين ينام ويقوم والحمد استخدمة الدواء ورقد بس مازال يعاني من فرط الحركة
جزاك الله خير طارحة الموضوع وياريت نستفيد من الامهات

جميعا ان شاء الله عزيزتي..

نحن سآعات فالمدارس نواجه حالات من فرط الحركة صعب انه نتحكم فيهآ
مرات نستخدم طرق للتقليل من الحركة أو استغلال حركتهم في شي مفيد

نسوي أنشطة تناسب احتياجات هالطفل
لكن فعلا في أطفال صعب جدا انه يتقبلون وفي منهم تمشي معاهم

اللي جد متعبنا الأهالي لأنه مايعترفون بمشكلة ولدهم ويوم نطرحها عليهم يقولون تمرضون ولدنا غصب
لكن انا مستانسه يوم أشوف انه حد يطرح مشكلة طفله و مؤمن بأن في حالة اسمها فرط الحركة ADHD

أتمنى انه كل الأهالي يكونون مثلكم

المشاركة الأصلية كتبت بواسطة القيوآنيـه *~
نحن سآعات فالمدارس نواجه حالات من فرط الحركة صعب انه نتحكم فيهآ
مرات نستخدم طرق للتقليل من الحركة أو استغلال حركتهم في شي مفيد

نسوي أنشطة تناسب احتياجات هالطفل
لكن فعلا في أطفال صعب جدا انه يتقبلون وفي منهم تمشي معاهم

اللي جد متعبنا الأهالي لأنه مايعترفون بمشكلة ولدهم ويوم نطرحها عليهم يقولون تمرضون ولدنا غصب
لكن انا مستانسه يوم أشوف انه حد يطرح مشكلة طفله و مؤمن بأن في حالة اسمها فرط الحركة ADHD

أتمنى انه كل الأهالي يكونون مثلكم

تسلمين اختيه.. وهالحاله موجوده فالطب ومثل ماقلتي اسمها ADHD وهالشي من الله ولازم الواحد يرضى بقضاء الله وقدره ويصبر على تربيتهم ولازم الأهالي يتقبلون ويشرحون حالة الطفل للمدرسه عشان يعرفون يتعاملون وياه بالطريقه المناسبه.. بالعكس انا يوم سجلت ولدي فالروضه اول شي خبرتهم عنه ان هو فيه فرط حركه .. ودخلوه حصه كل يوم عند مدرسة التربيه الخاصه فالروضه..