الاكله الأرشيف - امارتيات الخليج

احرقى زوجك بهذه الاكله هههههه ؟

أحـرقى زوجـك

الطبق اليوم المفضل لسنوات العمر

سيدتي ربة البيت السعيد إليك هذه الوصفة الهنيه التي ستجعلك بالسعادة غنيه

إليكي الطريقة :

* ضعي زوجك في قدر من الاهتمام والمراعاة وأوقدي عليه نار الحب والأشواق(بس هدى النار شويه عاد لا يحترق)

* واسكبي عليه من حنانك وعطفك (انتبهي ليغرق)

* ثم ملحيه بقليل من الابتسامة الدائمة (خليها خفيفة ولا تكثرين يقول مهبوله)

* ثم ضعي عليه شرائح من المزح والمرح الخفيف (لا تكثرين ترى النتائج ماهى بصالحك)

* واحذرى يدخل في المقادير شيء من الشك (ترى الطبخة تخرب كلها)

* ثم حركي المزيج بملعقة من الأعصاب الهادئة (الشكوى لله لازم تتحملين)

* بعد ذلك احكميه بغطاء من الثقة المفتوحة (ماهى العمياء انتبهى)

وبالهنا والشفا
م ن ق و ل

27 مرور…….اشعنه ماحد رد؟؟؟
يمكن مب حلو موضوعي…

عادي تحصل في كل المنتديات

خخخخخخخخخخخ

مشكوره عالطبخه الحلوه

عليا حبوبه تسلمين ع مرورج الطيب

ههههههههه حلووووووووووة

هاي المقادير ولا بلاش

لا والله حلوة هههههههههههههههههههههههههههههههههههههههههههههههههه ههه

كيف اسوي هالاكله

السلام عليكم شخباركم

انا امس رحت بيت اربيعتي وكانوا مسوين اكله عيبتني وااااايد ماعرف شو لأن ماعندي خبره فالطبخ بس احب اتعلم …

المهم هي شرات سلطه وفوقها خبز شرات الفتوش الصغير وعقب نفس روب وهذا الشي الاحمر اللي ننثره جنه سماق بلييييز بنات اللي فهمت شو اقصد اتقولي الطلريقه بالضبط خطوة خطوة لأتني ماعرف للاختصارات ….

وبعد كانت اختها مسويه باستا بالفطر اينمااااا ايــــــــــــــــــــــه تاكلين اصابعج معاها لذيذه …يعني لو وحده شاطره في الباستا اتقولي الطريقه وارد اعيد خطوه خطوه..

ادري انكم ماتقصرون واترياكم

ان شاء الله البنات يفيدونك

سمحيلي ما اعرف كيف يسوونها .. بس ان شااء الله البنات يسااعدوونج ….

وعادي فدييتج سألي ربيعتج مافيها شيء…

حياكن في اول موضوع لي فحياتي في قسم الطبخ<في صور لحقن.والاكله سريعه وسهله

بسم الله الرحمن الرحيم …

هذا اول موضوع لي واحب الكل يشاركني قريت عن اكله في منتدى ثاني ..وعيبتني وطبقتها وطلعت جناااااااااااااااااان والكل مات عليها :1 (55): ..فيالله نبدا رباعه …والاكله اسمها صينيه الشورما بالخضار يافندم <<هاي من عندي:1 (30):

المكونات ..<<حسب الرغبه

صدور دجاج
بطاطا مكعبات
بطاطا مكعبات
<<شكله مكعبات شكلنا بنعلب ترا خخخخخخ:1 (55):
خس مقطع صغير
طماط مفروم ولا مهروس
خيار مقطع صغير صغير
ملح وفلفل اسود
خلطة الحمص ( 2 علبة روب – 2 ملعقة طعام حمص جاهز – عصير ليمونة – شوية خل -نص ثومه مفرومه )
واخر شي بقدونس مفروم ….

نبدا انبهر الدجاج والبطاطا والباذنجان (ملح- فلفل- كركم شويه-شطه بودره )
ونبدا نقلي البطاطا لين يصير لونها ذهبي ومن عقبها الدجاج لين تحسون انته نظى-واخر شي الباذنجان …
ونحطهم كلهم في صينية الفابريكس<<صح اسمها :1 (46):
ونحط عليهم الخس والخيار والطماط
واخر شي انصب خلطة الحمص …وفوقه البقدونس المفروم
وهاي صورته

0702(003).jpg

وسلامتكم واسمحولي جان طولت عليكم وهني وعافيه :22 (20):

الصدور نقطعهن ؟؟؟

الأكلة رووووووعة وشكلي بسويها باجر

شكل الصينيه رووووووووعه، اي شي فيه باذنجان احبه، بروح للمطبخ ركض عسب اسوي الصينيه
تسلمين اختي ويعطيج العافيه

تسلم يمناج اختي

وبنجربها لابد

المشاركة الأصلية كتبت بواسطة القمزية

الصدور نقطعهن ؟؟؟

هيه اول شي قطعين على طول مثل الاصابع وعقب مربعات صغار

الأكلة رووووووعة وشكلي بسويها باجر

سويها انا سويتها اول مره ياي يزروني فيها ريلي تخبل عليها :1 (43):

هههههههههههه شكلج جاكتني لووووول

مشكوووره حبيبتي
والف مبروك على قص الشريط

انت اختاري الاكله .وانا بطبخها **

السلام عليكم ورحمة الله وبركاته…
خواتي……..ها الموضوع….تقريبا نفس موضوعي الاول….
يعني انا بحطلكم اختيارات…….وانتوا اختاروا…..وان شاء الله…انا بعطيكم الطريقه……مع الصور….
بس الاختلاف…..اني هني بنزل الوصفات في نفس الموضوع……فارجوا المتابعه……
واذا اي وحده تبغي طبخه مب موجوده في الاختيارات…تحطها…وان شاءالله فالها طيب…..اذا اعرفها طبعا………
**في موضوعي الاول كان الطلب على المعكرونه بالجبن والباشاميل**من اختراعاتي**
وفعلا…انا نزلت الوصفه في موضوع منفصل……بس ما زال التصوييييييييييييت مستمرا…….
وهذا الرابط…..
http://forum.uaewomen.net/showthread.php?t=246820
**والدجاج بالسماق….
http://forum.uaewomen.net/showthread.php?t=263908
**ومجبوس الدجاج…..من اختراعاتي….
http://forum.uaewomen.net/showthread.php?t=245322
وفي خوات طلبوا
الكشري….

[IMG]

http://[url=http://www.wa6n.net/up][/url]

[/IMG]

اولا…المقادير…
1-4 اكواب عيش (انكل بنز)متوفر في السوق….وتقدرون اتسوونه بعيش مصري….بس مع انكل بنز النتيجه احسن لانه ما يعين….
2-2كوب عدس بني>>>>دائما العدس نص كمية العيش..(يغسل وينقع لساعه)
3-كيس معكرونه
4-مقدار فنجانين قهوه ثوم مفروم
5-بصل مقطع…تقريبا 5 حبات كبار للعيش+3 تقلى وتصفى للوجه(حسب الرغبه)
6-مقدار 5 حبات طماطم كبيره مضروبه في الخلاط….للصلصله
7- ملعقتين صلصة طماطم
8-علبة حمص مسلوق(دنجو)
9-مكعبات العلالي+ملح وفلفل اسود وفلفل حار
**الطريقه
1-نشيط البصل الى ان ياخذ اللون البني….
2-نضيف العدس وتقريبا 4 أو5 اكواب ماء
3-عندما ينضج العدس نضيف العيش<< لا يحتاج للنقع فقط يغسل
4-نضيف مكعبات مرقة الدجاج(4 حبات يعني علبتين ولا نضيف الملح إلا للحاجه) ونضيف رشة سنوت
وننتظره حتى ينضج
5-نسلق المعكرونه ونصفيها ثم نعيدها في القدر ونضيف قليلا من الزيت
6-لتحضير الصلصه…نشيط الثوم حتى يحمر قليلا…ثم نضيف عليه الطماط المضروب في الخلاط..وملعقتين صلصه..ومكعبين مرقة دجاج والفلفل الاسود والفلفل الاحمر حسب الرغبه.
ونتركها تغلي حتى تتماسك…ثم نضيف الحمص ونطفي النار….
————————————————————-
الاختيارات…
البرياني
الثريد
محشي ورق عنب
محشي ملفوف
محشي كوسا
مشوي لحم او دجاج
لفائف الدجاج بالجبن
مجبوس معكرونه
مرقوقه
..
..
واذا سويت اي طبخه ان شاء الله بحطها وان كانت مب من الاختيارات…….
وان شاء الله الموضوع (بعد التعديل) يعجبكم……

تسلمين اختي

محشي ورق عنب
و
مرقوقه

في انتظارج..

الثريد

المرقوقه

ماشاء الله على الطبيخ وبالتوفيق حبوبه

مشكورة

موفقه

منو تعرف طريقة عمل الاكله التايلندية كبتكون

ابي طريقة عمل الاكله التايلندية كبتكون وهي عبارة عن عيش تايلندي بالربيان والخضار لاني من فترة مسافرة تايلند واتولهت على الاكله لانها عن جد لذيذة فالي تقدر اتحصلي المقادير والطريقة جزاها الله الف خير

انا شراتج احب الاكل التايلندى وايد

درت المطاعم كلها لين حصلت المطعم اللى نفسه فى بانكوك ونفس أكلهم بالضبط

انا عن الطريقه ما عندى علم الغاليه

ريلي أيموووووت في الكبتكون لو عرفتو اطريقه خبروني

احد يساعدني ويصلح لي الخطا في هالاكله

مرحبا خواتي ابي اسوي عصيدة ومقاديري هي:
3 فنجان سكر مدوب حتى يصير سائل
2 كوب ماي يضاف على السكر بعد مايصير ساىل
1كوب طحين مشفشف وعقب انخله
1م/ص هيل
زعفران
دهنه عربيه

حمرت الطحين وخليته يبرد وعقب حطيت السكر عالنار لين صار سايل وحطيت فوقه الماي وخليته يغلي وحطيت الهيل والزعفران ومن قام يغلي اضفت الطحين بالتدرج وانا اضيف الطحين واشوفه ثقل احط سمن ملعقه تقريبا

المشكلة:
1- العصيده طلعت فاتحه وايد ليش؟ ماطلعت لونها بني ماعرف ليش افيدوني
2- طلعت ثقيله مش سايله شوي متماسكه جدا؟ليش بعد افيدوني

بكون شاكره لكم

إذا فاتحه وايد معناته انج ما حمرتي الطحين وايد ..حمريه أكثر
وزيدي ماي عشان تكون لينه أكثر وخلطي على طول عشان ما تتكتل العصيده معج …وإن شاءالله تضبط

مشكورة الوان الطيف

قصدج اخلط الطحين مع الماي وبعدين اجطها فوق السكر السايل؟

حمري الطحين زين وانخليه , وحمري الشكر وايد بس لا اتخلينه يحترق
وصبيه بالتدريج عالنار وحركيه باستمرار
واذا غلظت عندج , زيدي ماي حار شوي وشوي
مع التحريك المستمر بملعقة خشب او المشبك , عسب ما تتعقد
ولا اتحطين وايد سمن , ملعقة طعام وحده تكفي
وخليه على نار هادية جدا لتتماسك

المشاركة الأصلية كتبت بواسطة عطر 77

حمري الطحين زين وانخليه , وحمري الشكر وايد بس لا اتخلينه يحترق
وصبيه بالتدريج عالنار وحركيه باستمرار
واذا غلظت عندج , زيدي ماي حار شوي وشوي
مع التحريك المستمر بملعقة خشب او المشبك , عسب ما تتعقد
ولا اتحطين وايد سمن , ملعقة طعام وحده تكفي
وخليه على نار هادية جدا لتتماسك

هذا كان قصدي ماقصرت الأخت ..

برد اعيدها على وصفكم مع اني زدت الماي وماصارت سايلة قامت تغلظ اكثر يوم اخليها عالنار

بالتوفيق

ابا طريقه الشاينز رايس الاكله الصينيه

السلاااااااااااااااااااااام عليكم ^__________^

هلا حباااااااايبي جيف حالكم وعلومك واشحال الطبااخ اويااااااااااااكم^^

انا عاد اليوم اباكم اتخبروني عن طريقه الشاااينز رااااايس لانها وايد تعيبني انا اعرف مكوناتهاا الروبيان والدياي والبصل والبيض جنه بعد والعيش بس ماعرف اي عيش يحطون هل له ارز خاااص ولا الارز العااادي

وتحياااااااااااااااااااااااااتي لكل من اترد عليييي واشكرها من كل قلبي ربي يوفجها ياربهااا ويحقق لها كل امانيها ويسعدها يااارب

المقادير

4 فصوص ثوم
شريحه صغيره زنجبيل
زيت السمسم اذا عندج
دجاجه مسلوقه ومفتته ( وخلى الماي علشان تسلقين فيه العيش )
ملح وفلفل أبيض وتقريبا ربع كوب من صلصة الصويا
ملفوف مقطع شرائح
مشروم طازج او معلب مقطع شرائح
جزر شرائح
فلفل أخضر شرائح وفاصولياء مقطعه شرائح
وأغسلي تقريبا كوبين عيش وخليه ينقع نصف ساعه
وفي الأخير بصل أخضر مقطع شرائح او دوائر

الطريقة

اسلقي الدجاج وفتتيه
ضعي الأرز على ماء الدجاج واسلقيه نصف سلق
ضعي زيت السمسم على النار واضيفي الثوم والبصل والزنجبيل
بعد مايتحمر ضعي الملفوف والجزر والفاصولياء وبعد مايذبل ضعي الفلفل أخضر والدجاج
والملح والفلفل الأبيض وصلصة الصويا
واتركيه خمس دقائق واضيفي البصل الأخضر
واضيفي الأرز وحركيه واتركيه على نار هادئه وقدميه

واذا حابه تحطين فيه ربيان
اسلقي الربيان لمدة عشر دقائق في ماء وملح وبصل وثوم علشان زفرة الربيان تروح
واحمسيه مع البصل في بداية الطبخه واتبعي باقي الخطوات

هذي طريقتي في الأرز الصيني

وان شاء الله تعجبج

^_^

بس اشلون الطريقة لما ايكون فيه بيض …؟

صلصل الصويا بتحصلينها بالجمعيه -أسواق الإمارات
بصل الطوييييييييييييييل الأخضر إتقطعينه على شكل حلقاااااااااات بس إصغاار
جزر مبشوووووووور
بيض مقلي وعقب إتقطييينه إصغار
روبيان مطبوخ مع الإبهارات ( ملح -فلفل مطحوووون-كركم ) وبس
صدر دجاج تطبخيينه وعقب إتقطيينها إصغار
رز مطبووووووووخ

عقب إتيبين جدر وإتحطين كل المقادير وإشوية زيت وإشويت صلصل صويا وإذا إتبييين لووونه بني واااايد زييدي الصلصل وتخلطيييهم مع بعض عقب خليه على النار 5دقايق عشان الصويا وعقب بندي الغاز وصحتين وعافيه على قلبج

مرحب حبيبتي بالنسبه للبيض سويه بروحه في مقلى وحركيه بيكون نفس الكور الصغيره وحطيه اخر شي ع العيش.

يعطيييج العافية

http://forum.uaewomen.net/showthread.php?t=282019

يمي يمي ما اعرف شو اسمس الاكله

السلام عليكم…

من فتره ما دشيت هالقسم… والله للحين ما سويت ولا اكله.. دايما الف القسم واسيف المواضيع بس ما عندي وقت للمطبخ
الله يستر علي فبيت ريلي …
ابيكم بس تعلموني كيف احب المطبخ ويحبني خخخخخخخ

المهم ربيعتي طرشت لي هالطبخه بالايميل وحبيت احطها لكم
يلا نبداء بالمقادير:

صدور الدجاج

جبنة موزريلا

بقسماط

بصل

فليفله (فلفل بارد)

فلفل اسود

ملح

طحين

بيضتين

عيدان الاسنان

الطريقه :

نفتح الصدور من النص ونسويه مثل استيك

ونحط عليه فلفل وملح من الجهتين واذا عندك البقسماط مملح لا تكثري
الملح

ونقطع بشكل شرائح طويله الفليفله والبصل والموزريلا و الفطر يكون
جاهز

ونحط من كل شيء شريحه

ونلفه ونثبته بعيدان الأسنان

ونجهز الطحين والبقسماط والبيض في صحون
ونبدأ نحطه في الطحين وبعدها البيض وبعدها البقسماط

وبعدها نقليه بالزيت بس عشان نحمره شويه
وبعدها نكمل طبخه في الفرن
ولما نطبخه في الفرن تلاقين انه الزيت اللي قلينها كله طلع وطعمه جنان

وهذا بعد ما طلع من الفرن

هنئ وعافيه… اللي تجربها تقول لي رايها..

شكلها لذيذ

بجربها … وبقولج

مشكووووووره الغلا ع المرووور

عيل اتريا اول صحن منج ههههه

××

××

السلام عليكم ورحمة الله وبركاتهّـ

Yummmmmmy Yummmmmmmy

وجااان أيوووع خخخخ

تسلمين غاليتي { حــــ دلوعه ــــدي } على منقولج وعقبال ما اشووفج شييف فالمطبخ

تطبخين واطرشيلي ههههههاااي ,, صدقيني الطبخ سهل وممتع بعد

تعلميّ الطبخ من الحينهـّ ,, حبه حبه ابديّ بالسهل وعقب الصعب

يعطيج العافيه وفي انتظار يديدجـّ من ايدجّ

اقريّ عدل >>> يديدجـّ من ايدجـّ <<<

××

××

حلوووووووه
يسلمووو ع النقل خيتوووو

تسلمين على الطريقه

لذييييييييييييييييييييييييذه

تسلم ايدج عالاكله الحلوه

اللي ماجربو القرنبيط المقلي .صدق فاتتهم الاكله

هلالالا

والله انا وايد معجبه بها الاكله ماشاء الله …..يم يم

راس قرنبيط كبير
+4 بيضات
+4/1 طحين أبيض
حليب بودر نصف ملعقه
+شوي ملح
+شوي بهار أسود+شوي شطة(إختياري)
+زيت للقلي

الطريقة:

قطعي القرنبيط قطع متوسطة غسليه ملحيه ثم سويه على البخارخلطي( البيض مع الطحين مع الحليب شطة الملح و لبهار ) لتحصلي على عجينة تقيلة شوي
سخني الزيت
إغطسي القرنبيط في لخليط ثم قليه و حطيه على ورق نشاف ثم قدميه

ترا اللي ما طعمها فاته الطعم بصراحه

وبالهناء والعافيه

ودمتم سالمين

يم يم

امووووووووووووووووووووووووووت على هذى الاكلة

اموووووت عليه ايب خبز واحط داخله جبن ابيض وبطاطس مقلاي وقرنبيط مقلاي وباذنجان مقلاي وفلافل وداغوس وعادي شوي طماط خخخخخخخخخخخخخخخخخخخ بينفجر بس والله عجب

شكرا عالمرور

أنا وايد أيعيبنيه القرنبط

مشكووووره الغاليه

طريقه سهله ويبالنا انجربها

المشاركة الأصلية كتبت بواسطة أم شجون

أنا وايد أيعيبنيه القرنبط

منو تعرف هالاكله الهنديه

بنات منو تعرف هالاكله الهنديه هي مثل اللبن داخلها كور
مثل اكلت رسملاي بس رسملاي سويت وهالاكله مب سويت وممكن تناكل مع العيش

هل تقصدييين مثل هاي في الصورة ..خبريني عسب أترجم الوصفة وأنزلها

لا مو مثل هاي الاكله
الاكله اللي ابيها مثل الباكوره مع اللبن

تدرين شو ….إدخلي في الجوجل وإختاري صور وإكتبي " INDIAN FOOD" بيطلعلج موااااقع وااايد ..وإذا حصلنتيه خبرينا …

والسموووحة

يمكن تقصدين باكورة ويا اللبن

تطبخين باكورة هندية عادي

( طحين نخي _ بيكنج بودر او صودا _ بصل مفروم -فلفل احمر-كركم -يليلان ونعناع مفرومين -فلفل اخضر حار مفروم او بارد حسب الرغبة – شبت حسب الرغبة )

بعدين تخلطين المقادير ويا الماي لين ماتستوي عجينة شرات خبز الخمير والجباب واللقيمات وتخلينها تتخمر

وبعدين تاخذين بالملعقة مقدار وتقلينه شرات اللقيمات

بعدين تاخذين علبة لبن وروب وتعقين الباكورة فيه
وبعدين تقلين شويت سنود وتصبينه على الروب والبن ويا زيته وتحطينه في الثلاجة
وتاكلينه
عاد ما ادري اذا هذه هي الاكلة المقصودة

<img src="http://[img]http://www.up4uae.com/upfiles/0jg40849.jpg” border=”0″ alt=”” onload=”” onerror=”this.src=’/wp-content/tasbih.jpg’;” />[/IMG]

المشاركة الأصلية كتبت بواسطة لوليانو

تدرين شو ….إدخلي في الجوجل وإختاري صور وإكتبي " INDIAN FOOD" بيطلعلج موااااقع وااايد ..وإذا حصلنتيه خبرينا …

والسموووحة

دورت ما لقيت الصوره