الوسم: الإكتئاب

بس والله حبيبتي الخيـــــــــــــــــــــــر فيهم ،،

" الاستغفار"
"قيام الليل " .. بس بشرط مع التفاءل و اليقين إنه الله بيشفيهآآآآآ ..

وبإذن الله فالها الشفآآآآء …

لازم تقتنع إنه الاستغفار وقيام الليل فيهم بركة الشفاء !!

بنات حبيت احطلكم تجربتي الشخصية مع هالمرض الشرير والله اني ما أبالغ عشان انقذ اي وحده قبل لا يتغلب عليها وهيه مب عارفة لأنج يوم تعرفين حقيقته تغلبينه لكن يوم ما تعرفينه يغلبج وجهلنا فيه هو سر تغلبه علينا

السالفة وما فيها الله يسلمكم كانت حياتي مستقر ومريحه ومستانسة وماعندي اي مشاكل الحمدلله ومركب حياتي يسير بخير بدون معكرات وانا كانت عندي الآم قديمه في الكتف وهاي الام عاديه مالها اي ارتباط بالمرض موضوعناصرت يوم ايي انام احس ان صدري مضايق ومب قادرة اخذ نفسي كامل وشةي شوي تقبضني رعشة بجسمي وفيني مثل حالة الحوف يعني مب رعشة برد وتاخذلها فترة وتروح بس كانت بليل المهم طنشتها كالعاده عندي مشاكل بسيطه في النظر فكانت تسبب لي الآم راس وهذا بعد عادي بس بعدين دخل الشيطان اعوذ بالله منه وصار يوسوس لي اكيد سببه مرض خطير مره كنت اطنش ومره اسمع وعلى هالحالة لين ماصارت الأفكار ما تفارقني واي مكان كنت افكر فيه كنت اتألم منه مجرد التفكير فيه ليش لأن صار عقلي مرتبط بجسمي ويتحكم فيه مجرد ما افكر لدرجه لو اقولكم اني يوم افكر انه قلبي يدق بسرعه كنت القى قلبي يدق عاد هذا كل وانا بعدني ما اعرف شو فيه صار الآم الكتف العاديه اللي فكرت وايد فيها صارت تصاحبها حراره انا اللي احس فيها بس اللي يلمسني يلقاني طبيعية وشوي وهاي البداية مالي المهم صرت احس بلوعه ما اقدر اكل والنوبة الرعشه صارت تصيرلي بشكل يومي كل ما ايي ارقد احس اني بموت وامتنعت عن شرب الماي لين صارلي جفاف طبعا هذا كله وانا احوط من دكتور لين دكتور وكل التحاليل طبيعية ومن مستشفى لين مستشفى وامتنعت عن الطعام والشراب ونزلت خلال الأيام اللي انقطعت عن الطعام والشراب 10 كيلو وصابني جفاف وطبعاً هذا مصحوب بضيقة الحاطر كلة اصيح ومب قادرة اتكلم وبعدها صرت عايشه مثل واحد حاطينه في قفاعة اسمع بس فاقد التواصل مع الناس كيف انا روحي ما ادري اللي متعودين علية اني رماسة ما اسكت انصدموا يوم شافوني قاطعه التواصل وفوق هذا كله ارفض الدواء والحرارة صارت ماسكة جسمي كامل كنت اقولهم انا احترق اقعد اشوف ايدي وريلي وجسمي لكن اللي حوالي عادي ومره كنت سايره لدكتور باطني وهو اللي نصحني بالنفسي بعد ان اطلع على تحاليلي وأتأكد انها طبيعية في البداية ريلي تردد خايف علية من كثر ما خذت ادويه مالها داعي عند كل دكتور اروحله
المهم رحنا لدكتور النفسي وسألني عن كل الآعراض اللي صابتني وكل ما يسألني اقوله هيه فيه صارلي ايوا نعم قالي هذا هو الإكتئاب وعلاجه موجود وكنت مب مصدقه انه المرض اللي عندي له علاج واخيراً بلقى الحل والعلاج وعطاني الأدويه وطلعت البيت وبعد كان لازال فيه تردد وعدم ثقة يعني مازلت اعاني اعراض المرض والمهم بعدها بيومين زادت حالتي سوء واضطوا يدخلوني المستشفى عشان اخضع للعلاج تحت المراقبة الطبيه المهم دخلت وبتردد شديد من زوجي اللي كان رافض دخولي المستشفى النفسي والبقاء فيه بروحي قال للدكتور انا بخذ اجازة وبجابلها وبتابع ادويتها بس ماتم هنه بروحها قاله مافيه فايده هيه كانت عندك بالبيت وحالتها ساءت المهم حطوني بالمستشفى وادويه ومهدئات تدريجية للزيادة وبعدين درجوها للنقصان مع ادويه علاجيه وادويه تساعد على النوم طبعاً مع جلسات مع الأخصائيات شوي يسولفون ايبون لي مجلات كتب يعني يشغلونا شوي على رياضه المهم كملت اسبوع وريلي طلب خروجي واكمل علاجي في البيت تحت اشرافه وطبعا طلعت وطول هالفترة ومن بدايت مرضي كانت معايه اختي اللي كانت اتابع ولدي وعيالي لأني انا مريضه وريلي معايه والعيال على الله وعليها ماقصرت المهم لما طلعت من المستشفى صارتلي النوبات بس ريلي ويايه ساعدني ترى على فكرة وايد مهم انج تلقين اللي يوقف وياج عشان تتخطين صعاب هالمرض وتميت على مهدئات مخففه لمدة شهرين لين اقطعوها بالتدريج وبعدين المنوم بعد قطعوه بعد المهدئات بشهرين تقريبا واستمريت على دواء واحد وهو( السيبراليكس ) اللي لين الحين استخدمه حبة وحده باليوم وصاري الحين سنتين استخدمه وظيفته يضبط معدل هرمون السيروتوتين في المخ قريت وايد عنه والحمدلله انا اليوم طبيعية امارس حياتي بشكل طبيعي وتخلصت تقريبا من كل الأعراض الفضيعه اللي ما اتمناها لأحد وقلت في نفسي اني لو اقدر اساعد اي حد قبل يدخل دوامت الإكتئاب وما يقدر يطلع منها
وبعد عرف أشياء من تجربتي مرضى الإكتئاب ليش ينتحرون مب ضعف ايمان لا مخهم وتفكيرهم يقودهم وهذا انا وصلت له لكني رجعت في الوقت المناسبوتدرون متى وصلت له يوم كنت احس بالحررة بجسمي كنت اتخيل نفسي راح اشتعل بعد اشوي كنكم تقولون بترول يمشي بجسمي مب دم وكنت اتعذب من هالألآم وقب صرت ادعي الله يارب تاخذني طبعاً المريض والانان بطبعه عجول فيفكر انه هو يتخلص من نفسه مدام الله ما استجاب له اخذه
وانا لو كنت اعرف كان ممكن اتجاهله وانساه بس لآني ما اعرفه ركزت معاه لين انحبست داخلة وطلعت منه بالأدويه لكن غيري يقدر يتجاوزه بتجاهل اعراضه
هاي قصتي حبيت اخبركم فيها عشان الكل يستفيد وبعيد الشر عنكم قبل الدخول في متاهاته
واي استفسار انا حاضرة على العام والخاص عشان الكل يستفيد

بعد بغيت انصح البنات اللي يعانن من بعض هاي الأعراض ترى زيادة نشاط الغدة الدرقية تسبب الرجفة والخوف والضيق وهاي بعد اكتشفتها خلال رحلتي المرضية يعني سوا تحليل لهرمون الغدة الدرقيه اولا

حلو الواحد يشارك الناس

تبين الصدق .. صار عندي وعي في موضوع الاكتئاب ..^_^