التصنيف: مشكلتي – لكل مشكلة حل

تمت الموافقة
الردود طبيعية طالما لم تصل لدرجة التجريح
وتبقى آراء بشر يعتريها الخطأ والصواب
فاختاري ماهو مناسب لحل المشكلة فقط

بدخل ع طول ف مشكلتي بس بوضح لكن نقطه اني مب يايه اشتكي من أمي أنا بغيت تشوفولي حل او طريقه لاني تعبت من كثر ما اقولها جربت اني ايلس وياها بروحنا واقول لها امايه انتي تجرحيني عند الريال وانتي هب حاسه فعمرج أتم اسبوعين او اكثر ما تجرحني بس عقب يوم يرمسها وتتحمس تجرحني هي اتقوول تطلع الكلمات بعفويه بس هي ماتعرف انه اللي تقوله شي يجرحني مثلا خطيبي يحب يقصد جدام امايه عني يقصد ف عيوني وترد عليه وين هاي عيونها حلوات إلا هن صغار وتضحك معنه عيوني هب صغار بس هي إلا إلا تجرحني حتى والله ايلس ع اعصابي يوم يتصل بها يسأل عنها أو شي خطيبي وايد يحب يمدحني بس امايه تخرب الجو يعني والله اكون مستانسه يوم اسمعه يرمسها ويسولف بس هي …..تعبت والله ليش جيه تسوي فيني صياح وصحت جدامها تتأثر وعقب عادي ترد حليمه لعادتها القديمه انا اخاف عقب يوم نتزوج ايلس هو يجرحني وماتكون لي شخصيه عنده..

تمت الموافقة
الكلمة الطيبة صــــــــدقة

الله يتمم لكم على خير ويجمع بينكم بالخير , آمين .
أختي أشوف امج عفوية وتاخذ راحتها مع ولد أخوها وتمزح معاه , ما قصدها تهينج او تحرجج , وهو الطبيعي انه ياخذ كلامها بمزح لأنها عمته. الموضوع ما يحتاج تزعلي وتصيحي وتخذي في خاطرج , يوم امج تمزح وتقول له عيونها صغار قولي لها : بس عيوني حلوات طالعة عليج . أمج فرحانة فيج وفرحانة بخطيبج , وما تبي تحسس خطيبج انها في صفج علشان تحسسه انها بمثابة أمه بعد وانه له نفس المنزلة وأنج ما أحسن منه . ويمكن أمج من النوع اللي تنحرج من تغزل خطيبج فيج قدامها وهذه ردة فعلها . أختي لا تكبري الموضوع واستمتعي بقرب أمج والله يتمم لج على خير .

اختي لا تتحسسين من امج يمكن هي مب عارفه ترد أو تحب تمزح جذي عادي أغلب الأمهات يتصرفن بهالطريقة
لا تبينين حق خطيبج انج زعلانة او متحسسة والله يوفقج

عيل لو اقولج ع مواقف امي على أيام الخطبة
عادي الأمهات عفويات حبيبتي انتي رقعيها بكلام حلوو

أمدحي نفسج

هالشي عادي ، لا تحاتين أهم شي الريال شارنج و مابيمدح إلا وهو شايف الزين

حليلها امج مبين عليها طيوبه وعلى نياتها تبا بس تسوي جو ماتقصد تعيب عليج
هونيها وتهون لاتكبرين الموضوع

السلام عليكم حريم

تمت الموافقة
الكلمة الطيبة صــــــــــدقة

صباح الخير
الله يهديه ويصلح حالو يا رب
ادعيلو
ممكن يتغلا غليكي
والف مبروك ع النونو الصغير يتربى بعزكم يا رب ويكبر ويحمل اسمو ويجعلو ربي قره اعينكم يا رب

الله ايسر امرج والف مبروك ع البيبي

الحمدلله ع سلامتج فديتج و يتربا البيبي ف عزكم
هو لانه عصبي زعول بسرعه حاسبي ع كلامج هالنوع هو يقولج جذابه عادي بس ان قلتيله يعصب

الله يهديه ويسخره لج ❤

الغالية الاحترام واجب بين الزوجين طبيعي مايرضى تقوليله انت كذاب ولا تحنين في الاعتذار ليش تعتذرين 20 مرة اصلا الريال مايهمه الاعتذار بقدر ما يبا تغيير في تصرفاتج و طبيعي يعصب انا لو أنسى النقاب اكيد مابيرضى بيشوفه لا مبالاة مني وعادي يكنسل كل شي
ما ذكرتي موقف يخلينا نشوف انه عصبي بدون سبب انتي الحين تعبانة ومب محتملة ردة فعله اعتبريها نخوة منه و طيبي خاطره
حاولي تكون نظرتج إيجابية مب نفسيتي وتعبانة
غيري نفسيتج أحمدي ربج ع المولود اللى بين ايديج غيرج يتمنى و شوفيه يكبر باهتمامج لبسيه أحلى لبس ورتبيه طرشي الصورة لأبوه ومكتوب معاها كلمة حلوة و خلج إيجابية ومتفائلة وانتبهي لكلامج بتشوفينه يتغير معاج
اشكريه وبيشكرج
قدريه وبيقدرج
ومن اول موقف ينرفز لاتردين عليه سكتي عنه روحه يمكن يرجع يعتذر ويعوضج ودايما توقعي من ربج الخير وشوفي النعم وتمتعي فيها

موفقة الغالية

الله يسخره ويحنن قلبه لج ..

السلام عليكم ورحمة الله وبركاته

تمت الموافقة
الكلمك الطيبة صدقة

الحل الالتزام بالصمت جدام امج وكل حد مو كل شي ينقال
قوي علاقتج باختج بهدية باي شي عشان ترد علاقتكم احسن عن قبل لأنه ما في شرات الأخت. .. ا

وليش اختج جي تعاملج أحس في سبب

حبيبتي ممكن تكون إختلاف في وجهات النظر والآراء لا أسباب أخري ..يعني مثلا أنا وخواتي 8 كلنا شخصياتنا مختلفه ومختلفين في طريقة حياتنا ,, و بالنسبه للصداقات بينا قائمه علي من يتفهم الاخر أكثر فتفهمنا لشخصيات الغيرواحترام الرأي الآخر يجعل العلاقات أطيب وأفضل وليست انحيازات,,والإختلاف في الرأي لا يفسد في الود قضيه,,
يعني لا تاخذين الأمور بحساسيه ,,ثاني شي لاتتكلمين مع أمك في الأشياء اللي تسبب المشاكل مو لازم كل التفاصيل..بترتاحين أكثر.

الحل ما تقولين حق امج قصه حياتج بالتفصيل

بالتوفيق

بنات انا جميله بشهاده الكل و الحمدالله ما ناقصني شيئ ومثقفه لكن انا في بالي شغله و اتمنى تصير اخذ شخص من ذوي الاحتاجات الخاصه يعني شخص اعمى خاطري و الكل معارض هذا الشيئ انزين ليش دامني انا مرتاحه ودايما اندعي انه يرزقني شخص ما يجوف من يوم صغيرة وانا هذا الشيئ في بالي

تمت الموافقة

الكلمة الطيبة صدقة

اذا خيره لج الله يرزقج باللي تتمنينه

بس غريبه ليش هالامنيه

مافيها شي ، الله يرزقج بالعكس وحدة من أهلنا عايشة مع زوجها من هالفئة و الله مسعدهم ، مع ان البنت فعلا جميله و خلوقة

الزواج نصيب ..لا تفكرين وايد اللي فيه خير بيستوي،،مهما نرسم امنيات ونتخيل يمكن الواقع يكون شي ثاني وطبعا الي الله كاتبنه اخير من كل شي

ماعرف هل انتي عاطفية جدا أو لج سبب آخر
لكن ما تخافين بأجر ماتتحملين الحياة معاه وبتقضين عرسج الكل قدر يشوفج كاشخة إلا ريلج و يمكن مع الوقت ما تتحملين انه أعمى ومع المشاكل تعايرينه؟؟؟
وامور كثيرة ما راح اخلص لو اكتبها فكري فيها عدل فديتج
انا ما أقبل من قدرهم ابد لكن رياييلنا يشوفون و يا الله نحاول نرضيهم ونتعايش وياهم
واكيد انج بتتعبين معاه وبتكونين الكل ب الكل للبيت والعيال والطلعات غير وبتعيشين بظرف مختلف
اذا ما بترومين عليه فلا تظلمين انسان أعمى لمجرد عاطفة عابرة

ماقولج لا بس لو انتي قويه حق شيل وحط يلا دربج اخضر بس لو انتي ماترومين ابعدي هالفكره منج

السلام عليكم ورحمة الله وبركاته
انا صاحبة هذه المشكلة https://forum.uaewomen.net/showthrea…طµط§-ظ…ط¯ظ…ظ†-ظ„ظ„ط­ط´ظٹط´
حابة اخبركم انه اسمعت نصائحكم وتركت الموضوع، مع انه كان في كثير ضغوطات وير شغلات صارت انا ندمانة انها صارت، بس انا حاليًا نهيت الموضوع نهائي وضليت على نصائحكم،حتى انه الشب عمل المستحيل علشان يكون من نصيبي وانا خائفة لانه قال لن يتزوج غيري ولو بالغصب وانه بده يعمل بحاله ايشي اذا ما كنت اله وشغلات ما راح تعجبني، انا خائفة من ايش ممكن يساوي، مع انه نهينا الموضوع واخي نهاه وقال له بدناش اياك، وكل ايشي نصيب وانا أخبرت امه عندما اتصلت فيا وقلت لها الله يخليكي انا لا اريد ابنك وخليه يتوقف عن مضايقاني في اتصالاته ف انتِ لديك بنات، وبتخافي عليهم، فردت وقالت كل ايشي قسمة ونصيب، بس انا خايفة يعمل ايشي عنجد ولا الحكي هاد بس مجرد انفعالات وسوف تذهب في حال سبيلها؟
ومع انه واكأدلي انه لم يعد يتعاطى الحشيش بس في ايشي ضايل جواتي خلاني ما احبش ارتبط فيه، لأَنِّي اكتشفت انه مدمن من 4 سنين وياخذ شغلات غريبة وعجيبة.
أشكركم كثيرًا على نصائحكم الجميلة وأتمنى منكم ان تدعوا لي بالزوج الصالح الذي يخاف الله فيا، وان يبعد عني هذا الشخص ويبعد المشاكل عن حياتي، والعربي بالهداية والصلاح ف انا ورب الكعبة اريد ان استقر وأنسى حياتي الماضية، وان لا افكر كثيرًا فيها.
أرجوكم ادعوا لي دعوة في الغيب ف دعوة الغريب مستجابة.

تمت الموافقة
أسأل الله في هذه اليوم المبارك بالزوج الصالح الذي يسعدك عاجلا غير اجلا
ويعطيك الله من واضع فضله حتى يرضيك
ثقي بالله وادعي بالثلث الاخير من الليل وفي اوقات الاجابة والخير قادم بإذن الله
ولاتقلقي من تهديداته فالله خير حافظا وادعي الله ان يكفيك فيه بما شاء

جوفي ها من الحين بدأ يهدد ويظهر تصرفات غير سوية
كيف لو انتي في ذمته وحب يمشي رايه بالغصب بيحصلج جاهزة يدامه وبيمارس قوته اللى حاب يظهرها
ادعي ربج يكفيج شره وحصني نفسج و اقطعي أي اتصال وياه
و لا تخافين الدنيا مب فوضى

الله يرزقك الزوج الصالح ,,ويبعد عنك السوء

مشكلتي باختصار
كنت احب شكلي ، راضيه بخلقة الله ماعندي اي اعتراض ، و راضيه بكل شي الله عطاني اياه و بالعكس اشكره كل يوم ع اني بنت كاملة الخلقه واستودع الله كل اعضائي يومياً واحمده اني ييت ع الدنيا كامله وسليمه

تمت الموافقة

ولا تضايجين حالك الناس أذواق ما بتشوفين ملكات الجمال اللي أحيانا يختارونهم ..وانت تقدرين تظهري جمالك ببيتك من أساليب وروح ساحره ..وبالنسبه للناس اللي ماعندها أخلاق وتنتقد في شكل الغير ما يستاهلون تاخذين برأيهم..هذول ما يعجبهم إلا التغنج والفتاه الرخيصه ..خليك واااثقه من حالك ..واقرئي ورد يومي من القرآن وكل ألم تحسيه بنفسك تؤجرين عليه وقولي(إنا لله وإنا إليه راجعون)

هلا فيك
اختي الكريمة
أنتِ تفتقدي الثقة التي كانت مسبقا تمتلكينها حينما كُنتِ مقتنعه بشكلك
ولكن يبدو أن كلام المجتمع أثر بشكل سلبي مما أثر على نفسيتك بشكل كبير
سأخبرك كلمات أتمنى التدقيق بها :
خلقنا الله في صورة علينا ان نحمده عليها فاعتراضنا يعد اعتراضا على الخالق جل وعلا
واهم مافي الموضوع ان تكوني راضية عن الخلقة التي خلقك الله بها
ورؤية المجتمع لك وانتقاداتهم كلها لاتُلقي لها بالا ولابد ان تعرفي ان المجتمع لن تستطيعي تغييره
فلو كان أمرا سهلا لاستطاع نبينا محمد صلى الله عليه وسلم أن يُقنع الناس بدين الله
إذا ارضاء الناس غاية لاتُدرك
طبعا لم تذكري لنا عن مدى اهتمامك بمظهرك من دونه ولذا نصيحتي لك :
اهتمي بنفسك كونك أنثى والأنثى بطبيعتها تهتم بالجمال في حدود
اهتمي ببشرتك إن كانت مجهدة متعبة وضعي بعض الاقنعة الملائمة لبنوع بشرتك
اهتمي بصحة شعرك واهتمي بتغذيته
اهتمي بجسمك وبوزنك بحيث يكون متناسب مع طولك وتفاديا للأمراض
ارتدي الملابش المناسبة للون بشرتك ولوزنك
ضعي الماكياج المناسب فبعض الماكياج يخفي عيوب البشرة المجهدة
كوني واثقة في كل مكان تتواجدي فيه ولاتلتفتي لهمساتهم ولاتعيريها اهتماما
لأنه لو كنتِ ملكة الجمال لربما وجدتِ من ينتقصك في اي امر اخر
وجملي نفسك بالاخلاق والروح الجميلة وصدقيني
واحمدي الله انه خلقك بصحة وعافية في وقت تجدي الغير يتمنى الصحة التي تمتلكينها
قد تقولي البداية صعبة … لن اكذب واقول سهلة وبنفس الوقت ليست صعبة
فقط البداية ستكون منك ….. تحتاجي لفترة حتى تعيدي الثقة لنفسك
وأتمنى أن أجد تعقيبا بعنوان مغاير جدا يعطينا انطباع أن الأمور أصبحت على مايرام

موفقة

حبيبتي انتي لا تهتمين لكلام الناس الله خلقنا فأحسن صوره تبارك الخالقين
اهم شي القناعه بالجمال ولو كان بالقدر البسيط !
مب لازم تكونين حوريه عشان تعجبينهم ! اهم شي انتي تشوفين ملامحج حلوه
وانتي بنفسج قلتي انا ماشوف فيني شي ،،
اذا انتي ماشفتي هالعيب اللي يتكلمون عنه معناته هذي ناس مريضه
الجمال اذواق صدقيني مب كل الناس ماتعجبهم ملامحج يمكن هذول اللي صادفتيهم بس
و الله المستعان على تصرفاتهم اللا مسؤوله والله انهم بيتحاسبون على كل كلمه جرحوج فيها ،،

موفقه عزيزتي

الله خلقنا باحسن تقويم مافي اي انسان قبيح

الي عليج لا تعطيهم بال واهتمام خلج واثقه من نفسج انتي مب نافصنج شي .. العيب فيهم هم

حبيبتي مافي وحده خسفه
في وحده عرفت لنفسها ووحده لا

يعني يوم كنت فالمدرسه كانو يعطوني نسبة جمال
والحين اعلى
ليش لاني عرفت لنفسي عرفت شو اللي يناسبني وشو لا

السلام عليكم ورحمة الله وبركاته
صار لي متزوجه7شهور و الحمدلله الف مره عندي زوج مو مقصر علي بشي لكن في مشكله بينا ودوم تصير ان لما يكون عندي فالبيت مافي احلى من كلامه و يحبني و غرقني بكلام الحب ولا يذم فيني شي لكن من يكون الدوام او يطلع من البيت يدق يقول لي يابنت الناس ضعفي و اباج تضعفين و انتي لازم تضعفين مع ان انا مو متينه بس مربربه الفرق الى بين وزني و طولي بس 10كيلو ادري بتقولون اضعفي وانا حاولت اضعف وايد بس ما استمر الى عرفت منه ان اهو يحبني جي و يعجبه جسمي بس يبي جسمي احلى من جسم حريم اخوانه و خواته يعني بذمتك اهو ليش يهتم لهم اكثر مما يهتم ويفكر بمشاعري كل ما يقول لي اضعفي احس اني مقصره معاه و اقعد اصيح من غير لا يعرف ادريبه مايرضى علي اصيح ما ابيه يطالع غيري ولا يفكر بغيري قبل الزواج عرفت ان يرمس وحده واهي الى رمستني وسكت مابى اخرب الى بينا مو حبيته خمس سنين عسب اي يوم او تي وحده تفرقنا تزوجنا الحمدلله والله ستر علينا خواتي طلبتكم انصحوني كيف اضعف و الله هالشي الوحيد الى بيخرب زواجنا للتوضيح اهو رياضي و يحب الهيلثي فود وغيره يعني يحب يشوف جسمي فتنس ما يقول لي شي جدامي بس من يطلع من البيت يدق ويقول انتي كذا و كذا وكذا

تمت الموافقة
الكلمة الطيبة صـدقة

وعليكم السلام حبيبتي ليش ماتتبعين رجيم دكتور نيوترشن وتشتركين في جيم لمدة كم شهر وبيترتب شكل جسمج وبتحسين بفرق والله يوفقج

اول ما تصحين الفير
اشربي قلاصين ماي وتقدرين تعصرين ف كل قلاص نص ليمونه يعني ليمونه كانل الفير

الله يسعدكم

المشاركة الأصلية كتبت بواسطة تفاحتي

اول ما تصحين الفير
اشربي قلاصين ماي وتقدرين تعصرين ف كل قلاص نص ليمونه يعني ليمونه كانل الفير

خففي من الاكل وكلي الاشيا المفيده وانتي عارفتها
اشربي فيتامين سي بعد الفطور
عشان يتم بشرتج وصحتج زينه ما تكونين باهته
كلي سلد قبل الغدا
واقطعي العيوش وعليج بالمشويات ولو انتي مرتطه مع اهل البيت كلي الموجود وقللي الكربوهيدريت
حاولي يوميا تمشين اقل شي 40 دقيقه واكثر شي ساعه
لان بعد اول 20 دقيقه الجسم يبدأ يحرق الدهون بشكل اسرع

وجبه العشا خفيفه جدا المهم كلي قبل موعد النوم ب 4 ساعات
يعني قبل الساعه 7 خلاص وقفي اكل وعند الماي او انانس وكيوي
لان الفاكهتين تحرق الدهون
والبابايا بعد زينه لان تنظف البطن

المهم جسمج محتاج مشي وتخفيف اكل
بعد ما تخلصين مشي
سوي الاسترتش
وهذي اهم شي لان يشد الاماكن اللي تبينها لان العضلات اتكون راخيه وتنشد مع الوقت

ولا تنسين رياضه الاسكوات عشان الخلفيه مع الريجيم والمشي تذبل
الاسكوات بيرسمها وبيرتبها

الريجيم
ماي
تخيف اكل

ومشي
وامووووووووورج عال العال

الله يسعدكم

الأخت( تفاحتي )كفت ووفت . عشرة كيلو بتقدري تفقديهم ببساطة لو اتبعتي نصايحها . الله يوفقج

حبيبتي كل ريال يحب يشوف حرمته احسن حرمه ف العايله مش بس ريلج يعني الشي طبيعي لاتتحسسين

الله يخليكم لبعض ولا يفرق بينكم 💗

تفاحتنا الحلوة ماقصرت وازيد ع كلامها بدل المقالي كلها خليها مشوي مثلا السمج اشويه والكباب والبرجر كله مشوي بللفرن وبعدي عن المقالي والفاست فوود لانها تنفخ ..وخلج ع الخبز الاسمر ..
والله يعينج ويسخره لج ..
وهاي لو فيها خيير ماجان يت وخبرتج انه يكلمها قبل العرس ..لكن زين سويتي ماعلمتي ريلج .

الله وفقكم ويسعدكم