السلام عليكم ورحمة الله وبركاته
عندي مشكله خواتي ماعرفت لها حل
الحمدالله علاقتي مع امي وايد قويه وانا معرسه وعندي أطفال بس الي اواجهه احب اخبر امي عن حياتي ويومياتي وهي فديتها تحب تسمع اخبارنا وعلومنا وتستانس لي دوم تحس اني قريب منها
وامي فديتها الله يطول بعمرها يارب تخبر اخواني وخواتي وهني مشكله
عندي اختي كبيره للأسف طبيعتها انانيه وفيها استغلال وسيطره يوم تسمع هل سوالف تحرض امي علي
وثاني شي تخبر اخوي الي وايد كلوز وياها ف يوم يصير أي موقف يبدا اخوي يقع علي كلام جارح
من اهانات وغيره على سبيل مثال انا احب اطلع وايد وهي بيتوتيه وطلعاتها محدوده ف يوم اخبر امي اني زرت مكان فلاني وعلاني هي تتحرطم تقول انه انا ماقعد ف بيت وهذا شي غلط وغيره بس طبعا مب جدامي من وراي ف اخوي مره قال لي انتي صايعه تعرفين ليش لانج ماتقعدين ف بيت ف صار يدخل ف اموري خاصه وهو طبعا حياته خاصه محد يعرف عنها شي
ف استويت حريصه وما أقول كل شي لامي مع انها تتضايق شوي بس صرت اخبرها بالأشياء ضروريه
اختي هذي الله يسامحها تطلع ويا اختي صغيره وانا لا وانا بس سبير مب شي أساسي
ويوم تحتاجني وماتلاقيني تزعل تقول انتي مب ويانا مع انه هي بلمره ماتوقف وياي ولا تساعدني
مثل يوم اربي مالها دور ابدا ولا تساندني يوم احتاجها ما الاقيها
ف شو حل برايكم ؟؟؟
تمت الموافقة
الكلمك الطيبة صدقة
الحل الالتزام بالصمت جدام امج وكل حد مو كل شي ينقال
قوي علاقتج باختج بهدية باي شي عشان ترد علاقتكم احسن عن قبل لأنه ما في شرات الأخت. .. ا
وليش اختج جي تعاملج أحس في سبب
المشاركة الأصلية كتبت بواسطة love rak 
قوي علاقتج باختج بهدية باي شي عشان ترد علاقتكم احسن عن قبل لأنه ما في شرات الأخت. .. ا
حبيبتي ممكن تكون إختلاف في وجهات النظر والآراء لا أسباب أخري ..يعني مثلا أنا وخواتي 8 كلنا شخصياتنا مختلفه ومختلفين في طريقة حياتنا ,, و بالنسبه للصداقات بينا قائمه علي من يتفهم الاخر أكثر فتفهمنا لشخصيات الغيرواحترام الرأي الآخر يجعل العلاقات أطيب وأفضل وليست انحيازات,,والإختلاف في الرأي لا يفسد في الود قضيه,,
يعني لا تاخذين الأمور بحساسيه ,,ثاني شي لاتتكلمين مع أمك في الأشياء اللي تسبب المشاكل مو لازم كل التفاصيل..بترتاحين أكثر.
الحل ما تقولين حق امج قصه حياتج بالتفصيل
قولي لها اشياء بسيطه فقط
عشان امج لا تروح تخبر اخوانج او اختج
وحاولي انتي تبادرين ويا اختج بالهدايا والمساعده بين الخوات ومن هالامور المعروفه
بالتوفيق