فسويت الكوسا بالجبن
المقادير :
عدد 3 كوسا <— و تزيدين العدد حسب الكمية اللي تبين تسوينها
انا سويت حبتين لانا شوي في البيت … الوالدة و اخوي
2 جبن كيري
نص – حبة جبن حلوم مبشور
2-3 ملاعق طعام قشطة
جبن موزاريلا مبشور
ملح و فلفل اسود حسب الرغبة
الطريقة:
غسلي الكوسا زين و قشريهم
و قطعيهن شرايح بالطول مب سميكة وايد و لا رفيعة عشان يسهل طبخها و ما تتكسر عنج و انتي تشيلينهن و رجعت و غسلتهن مرة ثانية <— عقدة غسيل عندها 
المهم و فورته مع شوية ملح + فلفل اسود + طشونة كركم
و من بدا يلين شوي بندت عنه
انا التهيت شوي عنه و فار وايد و لين وايد >.<"
المهم عقب ما تخلصين من الكوسا اشخليهن و خليهن على جنب
هاتي حبتين الكيري و اهرسيهم بالشوكة في ملة و عقب حطي عليه القشطة و حركي لين ما تتجانس المكونات
و عقب ابشري عليه جبن الحلوم و حركي لين ما تتجانس المكونات انا رشيت على الخلطة شوية ملح و فلفل لانه الجبنة اللي خذتها مب مالحة -____-"
في صينية الفرن ادهني الصينية بشوية زيت و صفي شرايح الكوسا فيه
و عقب حطي الخلطة على شرايح الكوسا
و حطيها في الفرن لين ما تقرب تستوي و عقب انثري عليها جبن الموزاريلا
انا لاني كنت مب متفيجة ادور وين محطين البايركس و شفت الصينية جدامي فسويتها
تقدرين تسوينها بالبايركس و بيكون ارتب
و هني و عافية
لذييييييييييييذ شكله يبالي اجربها هالطبخه سهله وحلوه
يسلمو خيتووووو ^ـــــ^
yummy .gif "12 (88)")
yummy
تسلمن على المرور
لول انا يوم كنت احط الخلطة على الكوسا
عيبني طعمه و هو مفور قعدت اكل منه
يوم خلصت يطالعوني و يقولون ليش ما تاكلين قلت لهم و انا اسويه كنت اتهبش و الحين شبعت
تسلمين على الطبق اللذيذالسهل
يسلموووووووووووووووووووووو لذيذ وخفيف
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن