فديتج والله يادلوعه عورتي قلبي
مايشوف شر إن شاءالله وليدتج فديته
صراحه ماعرف شقولج صح عندي عيال الحمدلله بس ماكد انحطيت فهالموقف الله يعينج
ماعرف شو اقترح عليج بس ممكن مثل ما تقولين اشبعيه قبل الساعه 2ونص وبعد شي ثاني سهريه لعوزيه لا تخلينه يرقد من العصر او المغرب عشان من تشبعينه الساعه 2ونص يرقد هلكان ماينش لج لين الصبح واستحملي الصياح شو بتسوين والله مرينا بهالحالات عوار وصياح صواية إنذار الحمدلله هذولا العيال يبولهم جبد سودا على قولة العيايز
فديته وليدج والله فخاطري لو اروم اكون معاج من الصبح فالمستشفى اونسج بس اكيد ريلج معاج
طمنينا عليه فديتج وهو اصلا شو فيه بسم الله عليه ليش عمليه بو6 شهور
الله يشفيه يارب ولا تذوقين حزنه أمين يارب العالمين
الله يكون بعونك يالغالية
وان شا الله يردلك سالم
الله يشفية ويشفى مرضانا ومرضى المسلمين
صح اللى قالتة الاخت ام التوت
حاولى ما تخلية ينام كتير بالنهار وقبل ما ينام فى الليل اعطية ماء غريب او مشروب دافى نعناع ينسون
او ممكن تحممية بماء دافى
عشان يهدى وجسمة يسترخى وينام
وان شا الله مايصير الا كل خير
امتى العملية ان شا الله
عشان ندعيلة بظهر الغيب وان شا الله يستجاب الدعاءله ولكل مريض
وطمنينا علية
دلوعه وينج
طمنينا وخبرينا متى العمليه عشان كلنا ندعيلج
الله يوقم ولدج بالسلامه
الله يساعدج اختي
ما يشوف شر ان شالله انا بنتي عمرها 3 سنوات وسوينالها عمليه قبل شهرين وكان بنج كامل والحمدالله .. صح هو خوف ومحاتاه بس شو تسوين كتبت ربج ..
انا طول الوقت كنت اصييح وخايفه ،، ويوم اشوفها ووااايد اتغمضني .. بس الحمدالله مرة على خير
بس انتي اهم شي انج تقرين عليه يوميا وتندعين في صلاتج انه الله يمرر العمليه عخير وتنجح ويصبرج فساعتها ،،
بالنسبه للاكل حاولي اتشبعينه بحليب صناعي او كل مهرووس قبل الفتره اللي بتوقفين عنه الأكل .. وحاولي انج ما اتخلينه يرقد من عقب المغرب لين الساعه 2:30 عشان يغط في رقاده وما ينش لين الصبح ممكن يا خذ غفوه كم دقيقه بس لا تخلينه ياخذ رقده
واذا انتبه فالليل حاولي تلهينه بالملهيه. اذا مب متعود عليها حاولي تعودينه عليها قبل كم يوم من العمليه
والله ان شالله يعافيه ويحفظه ويطمن قلبج عليه .. ..
شوفي حبيبتي أول شي توكلي على الله
أنا سويت لولدي عملية يوم كان عمره شهرين ونفس الشي ما خلوني أعطيه أي شي لين وقت العملية بس لا تخافين بيحطوله مغذي وحاولي تهدين عمرج أنا حطيتله مصاصه يوم كان يصيح مع انه ما يتقبل المصاصه أبدا واللي بيتعبج أول ما يطلع من العلملية عشان أثر البنج بس آخر اليوم ما بيحس بشي بيكون عادي والله يقومه بالسلامه
ولا تخافين وتوكلي على الله وادعي ربج يهون عليه
حبوبتي والله يا دلوعة ..
الله يقوم الصغنون بالسلامة ..
والله يصبرج
ويآجرج
طمنيني حبوبة