انا خايفه على سمعتي وصديقتي في ورطه كبيره

السلام عليكم ورحمة الله تعالى وبركاته

خواتي اعذروني فكري متشوش وبالي مو وياي واحس اني مو قادره اركز على اي شي سامحوني بس ابيكم توقفون معاي والله مالي غيركم انتو خواتي وانا ابي شوركم وابيكم توجهوني
انا لي صديقه معاي فالدوام صارلي معاها تقريبا ثلاث سنوات ونص يعني من بداية تعييني وهي تقريبا نفس عمري واحنا كنا بنفس المعهد لكن ما كنا نعرف بعض لكن فالدوام تعرفنا على بعض وبحكم ان احنا كنا في مكان واحد ومعزول هالمكان يعني بس انا وهي وعلى هالاساس احتكينا في بعض وايد يعني ترافجنا حيل والبنت اللي اعرفه عنها واللي اشوفه انها زينه وما عندها سوالف البنات والعلاقات والمكالمات مع الشباب وجذي بس تسولف عن هالسوالف واللي ما كنت احبه فيها انها تسولف عن الامور الزوجيه الخاصه اللي تصير بين كل زوجين بالتفصيل واحس ان عينها وايد زايغه على الرياييل وتدقق على الريال وجسمه وشكله وادق التفاصيل فيه وراح وقت ويا وقت وتغير مكان شغلنا وانا رحت لقسم ثاني مو بعيد عن قسمنا المهم هي قعدت تضغط علي اني ارجع وياها او اشاركها بمكتبها وانا رفضا حتى مره كنت عند مسؤولي القديم وهي دخلت معاي وقالتله جدامي انها تبيني وياها وانه انا موافقه بس هو يعرف اني انا ابي الفكه منها وعلى فكره هي دوم تقلدني بكل شي بكلامي باسلوبي بافكاري بلبسي واله يا خواتي انا مو من النوع اللي يقول انا مغروره وانا حلوه لا والله حشا اني عمري ما قلت عن نفسي حلوه او تفيخرت بشي لابسته او شاريته ودوم لما تقلدني احسها تاخذ فكرتي وعقب فتره تجي وتعلمنياها يعني تقولها لي وتنصحني فيها كأنها هي صاحبتة هالشي ولا كأنها هي اللي دوم تقلدني المهم مره جتني وقالت لي انها كلمت واحد وانه طيب ويواعدها بالزواج انا نصحتها لكن ما نفع وياها وكانت تسوي معاه اشياء ما اقدر اقولها لكم كانت تسوي هالاشياء وياه عالتلفون وتسهر للصبح والله اني ما توقعت منها هالشي يطلع منها لكني انا حاسه انها تمادتمعاه لاكثر من جذي والله نصحتها بس ما في فايده وقالت لي مره انا بتطلع معاه حتى قالت لي خلي تلفونج مفتوح علشان ادق عليج اذا بغيت شي وخليج عند التلفون وقالت لي تعالى معاي ابيج انتي اللي تاخذيني له انا رفضت المهم قعدت وياه ثاني يوم يت وهي مستانسه وفرحانه انها شافته وانه عاجبها بعدها بكم يوم يت وهي تبجي وقالت لي انا كنت مصوره معاه صور مخله بالادب اسمحولي بنات ما اقدر اقولها لكن اكيد تعرفونها صورها بتلفونه وهو الحين يهددها فيهم ويقول لها تطلعين وياي والا افضحج بالصور واروح للمنطقه اللي انتي فيها وانشرهم بلوتوث وارسل الصور لأخوج وامج او انج تدفعين لي مبلغ كبير والحين هي وياه بخناق وهواش والو امس مسؤولها اللي هو مسؤولنا القديم اللي كنا عنده قال لها انتي كذابه لو سمحتي ما ابيج تكونين بقسمي تخيلو يا بنات شنو الفشيله اللي بتصير لكنها احس انها جريئه وايد وعينها قويه لي الحين قاعده بنفس القسم وتداوم عادي ولا كأن شي صار وتدخل عليه وتروح وتجي عاااادي والمشكله تقول انها كانت بسبب خلاف مع وحده معاها بنفس المكتب بخصوص اوراق تخص القسم وتقول انها مظلومه وان المسؤوول ظالمها وان البنت هي اللي مكذبه عليها عنده لكن انا اعرف مسؤولنا ريال كبير وعود ومتدين ودايما قبل كان يقول لنا ان احنا بناته وكان يسامحنا وايد ودايما يخاف علينا وهو بالاساس معروف عنه انه طيب لدرجه كبيره وانا يا بنات خايفه على نفسي والشي اللي خوفني اكثر انه هو دايما يحب يضحك وياي على اساس اني مثل بنته يعني ضحك بسيط ابو مع بنته وكان دايما يسال عني اول امس شفته وسلمت عليه وكان ويهه ثقيل علي وعابس ويهه وما عطاني ويه انا بسرعه حسيت انه تغير علي بسببها وانا اساسا حاسه انه سالفة الخاف اللي صار مع السؤوول وعمع البنت مو حقيقي انا اقول انه يمكن الشاب اللي تعرفه يمكن ياي للدوام وفاضحها عند المسؤول لأنها تقول لي انه متهور ومهددها وقايل لها انه بيجي للدوام ويقعد ويا المسؤول والحين من شوي اتصلت علي المكتب وقالت لي انها الحين هو مرسل لما مسج وقايل لها انا الحين عند دوامج سوي اثنين قهوه انا جي بالطريق قلت لها والله ما ادري جان تقول لي يلهيله انا مشغوله وسكرت التلفون بويهي وانا يمكن انخطب والناس اكيد بيسألون عني ويسألون منو رفيجتها وصديقتها ومع منو تمشي انا خايفه وقلت لها انا خلاص ما راح ازورج بالقسم ولا شي قالت لي انا راح اجي عندج والله كل يوم تجي عندي وتسولف بصوت عالي عنه وعنالمسجات الي يدزها لها وتضحك وانا انحرج لما هي تروح لان المكان ضيق والكل احسه يسمع سوالفها بنات اله يخليكم قولولي ابي الحل وشكرا وانا اسفه اني دوختكم بكثر كلامي

سمحيلي بس انتي غلطانه

كان لازم من البدايه تبتعدين عنها وعن سوالفها وقوليلها رجاءا ما اريدج اتمرين علي مرة ثانية في مكتبي والا ببلغ رئيس القسم انج تضايقيني

والله يستر عليها وعليج يا اختي