طريقتي في عمل المحشي ورق عنب روعة وسهلة واايد جربوها لا تفوتكم

عيش مصري مغسول .
3 حبات طماطم مقطعة صغار .
بقدونس مفروم .
ملح الليمون .
3 حبات ماجي دجاج .
ملح .
زيت زيتون.
سمااق .
بطاطس مقطع دواائر .

الطريقة :

نحط العيش المغسول في وعاء ونحط وياه الطماط والبقدونس وملح وحامض الليمون وسماق ( ع حسب رغبتكم يعني تبونه حامض زيدوا حامض الليمون والسماق والعكس ) وخلطووه مع بعض بلااا غاااز بلاا صلصل بلا عوار راس
ونلف الورق عنب بهالخلطة البسيطة , ونحط البطاطس ف جدر ونحط فووقهم الورق عنب وصب زيت زيتون شوي عليهم ونخلي الجدر ع صوب لين ما نخلص من الخلطة العجيبة

ف جدر ثاني نصب ماي 3 اكواب وسط وكوبين وسط زيت زيتون و3 علب الماجي وحامض الليمون وملح ( ع حسب الرغبة يعني مثل ما قلتلكم فوق تبونه حامض زيدوا حامض الليمون والعكس ) ونخلطهم مع بعض ونخلي الجدر ع ناار لين ما يثوور يعني تقريبا 10 دقايق .

عقب حطوا هالخلطة على جدر المحشي وصكروا عليه بصحن عشان يتماسك وما يتفتح
وخلوه ع النار ساعة وربع وبالعافية ..

والله انه طعمه خياااال بيكووووون وراح تستانسون منه وكل اسبوع راح تسوونه وفوق كل هذا ماشي اسهل واسرع من هالطريقة ..

انا من يومين سويته وصورت شكله النهائي وووبحطلكم صورته