شو تختارين ؟؟ الشباب و الطاقة بالاضافة للدلع ام الكبر و الاتزان بالاضافة الى الضعف!!

السلام عليكم
مرحبا خواتي
اسمحولي لاني بختصر الموضوع و بكتب بسرعة بسبب ضيق وقتي … بس يا خواتي اتمنى من كل قلبي تساعدوني في هاي المشكلة اللي محيرتني وااااااايد و مش قادرة اختار الصح !! لان كلا الامرين لهم ايجابيات و سلبيات … بس السؤال ايهما افضل ؟؟؟

المسألة تخص الخدم !!

كانت عندي خدامة فلبينية قوية ماشاء الله و نظيفة و تهتم في عيالي … بس تبغي التحرر تبغي تلفون تتدلع و مرات اكره حركاتها البايخة و هي شابة عمرها 32 سنة … و عيالي كانوا يحبونها لانها ظاهريا و اللي كنت اشوفه كانت مهتمة فيهم و نظيفة و البيت مرتب و علمتها الطباخ و ماشاء الله استوت احسن عني … و واااااااايد غامضة ما تعرفين شو قلبها !!!

لكن يوم اكتشفت ان عندها تلفون واجعتها وااااااااايد و صارخت عليها وقالت ما بتشتغل عندي تمت عند الوالدة في بيتهم … تقول انا ابا اتصل في عيالي باستمرار و ماقدر استغني عن التلفون ..

خليتها و كمن مرة قالتلها الوالدة ردي عندهم قالت ما تبا خلاص بتسافر …

و على اساس انها ما بتي خلاص استقدمت خدامة ثانية نيبالية كبيرة في السن عمرها 42 سنة بس انصدمت شكلها 50 سنة مب 40 و لا تعرف شي معنها مشتغلة في السعودية سنتين و انا كلمت الحرمة السعودية و كانت تمدحها واااااااايد … المشكلة انها وصخة و ما تعرف النظافة و لا الترتيب و لا تعرف حتى تكوي و كبيرة شوي ما تروم تشل عيالي … بس واااااااااااااايد طيبة و واضحة و صريحة و تحبني و يوم ارد من برا تي عندي جان ابا اي شي او شاي او ماي عشان اتيبلي … و تحاول ترضيني حليلها … و تتكلم وايد و تسولف يا حليلها والله وايد تغمضني …

الحينه هييج اللي عند الوالدة قالت بترد .. بس تبا تلفون … قلت مب مشكلة بخلي وياها التلفون حتى انا اتواصل وياها يوم اكوون برا … و اسال عن العيال حتى !!

و انا محتارة هل هاي بتصلح لي عقب ما واجعتها مع انها مخبرة الوالدة انها تحب البنات و تبغي ترد لي وانا بصراحة شغلها وايد يعيبني و فيها قوة ما شاء الله و نظيفة و مرتبة و احصل كل شي جاهز من غير ماقول لها ..
و اليديدة مسكينة و طيبة وعلى نياتها و تحبني احسها مب مثل هييج ماعرف شو نواياها … بس وصخة و ما تعرف شي مووووووووووولية و ترفعلي الضغط وااااااايد و كل شي ملخبط و لا تعرف تكوي حتى !!

شو اختار يا خواتي و شو اسوي و كيف اقرر !!!

و الله ماعرف كيف اتصرف …
للعلم انا ماخلي عيالي ويا الخدم روحهم لازم تحت اشراف حد .. الوالدة او ام ريلي او خواتي او خوات ريلي او اي حد ثقة …

خبروني خواتي وايد ضايجة !!

انا بصراحة اميل ارد الجديمة بس اليديدة وايد تغمضني لانها تحبني و اخاف اندم … بس مب قادرة اتحمل الوصاخة و اني اخدمها بدال ما تخدمني كون انها مش عارفة اي شي !!

خواتي ماعرف شو كتبت بسرعة بسرعة و اتمنى انكم فهمتم علي …

اتريا ردودكم و اقتراحاتكم

الله يعينج والله مشاكل الخدم وايد…بس انا أشوف انج مدحتي الجديمه وايد واذا انتي ماشايفه عليها شي من الخرابيط بخصوص التيلفون..حبيبتي رديها لان وايد خدم الحين عندهم تيلفون وصدقيني التيلفون مايشكل خطر ع الخدامه بس انتي خلج امراقبتها على طول بس بدون ماتلاحظ هالشي..وانتي تراج مش معتمده عليها وايد على عيالج يعني لازم حد من اهلج يشوفها يوم اتشل عيالج…
يعني من صوب عيالج محلوله بس من صوب التنضيف ترا على مدحج حقها صدقيني مابتحصلين خدامه بهاي النظافه…رديها ترا الشغل والنضافه مب عند أي خدامه….

استخيري على ردة الاولى ,,,, واذا فيها خير بترد

واذا مافيها مشكله احتفظي فيهم الاثنين ,,, والثانيه بتساعد الاولى

المشاركة الأصلية كتبت بواسطة ,,ورد جوري,,
الله يعينج والله مشاكل الخدم وايد…بس انا أشوف انج مدحتي الجديمه وايد واذا انتي ماشايفه عليها شي من الخرابيط بخصوص التيلفون..حبيبتي رديها لان وايد خدم الحين عندهم تيلفون وصدقيني التيلفون مايشكل خطر ع الخدامه بس انتي خلج امراقبتها على طول بس بدون ماتلاحظ هالشي..وانتي تراج مش معتمده عليها وايد على عيالج يعني لازم حد من اهلج يشوفها يوم اتشل عيالج…
يعني من صوب عيالج محلوله بس من صوب التنضيف ترا على مدحج حقها صدقيني مابتحصلين خدامه بهاي النظافه…رديها ترا الشغل والنضافه مب عند أي خدامه….

انا مع اختي في اللي قالته
بس احب اقول لج اهم شي انج اتصلين صلاة الاستخارة وانشاءالله اذا فيها خير بترد او ان الله بيبعدج عنها اذا كانت نواياها مب زينة …
انا مثلج كانت عندي خدامة فلبينية نفس مواصفات خدامتج لكن اتدلعت وانا ما حب ادلع الخدم المهم ما بغت تشتغل وفي الاخير صليت استخارة والحمدلله على كل حال سفرتها ويبت غيرها والحمدلله اللي عندي الحين زينة والله يثبتها انشاءالله..

دام عيالج تحت نظر أهلج فأشوف الأولى احسن دام شغلها نظيف بس الثانية من كلامج بروحها يبالها خادمه تخدمها والله يعينج حبوبه

استخيري على ردة الاولى ,,,, واذا فيها خير بترد
و اذا عالموبايل اشترطي عليها ان الموبايل يكون عندج و وقت ما تبا تتصل او اتطرش مسج تعطينها اياه و بهاي الطريقة اتكونين مسيطره عالوضع

ردي الجديمه وعادي يكون عندها موبايل لأن كل الخدم عندهم….المهم انها ماتطلع من البيت بروحها او تختلط بخدامات الفريج ولا الأهل(هالشئ صعب السيطره عليه)

والبنغاليه خليها تخلص عقدها عندج ورخصيها عقب.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.