الحمد لله جهزت الصوغة تعالو جوفوا

عزيزاتي الحجيات

الله يسهل ويكتب لنا ويتمم لنا على خير اداء فريضة الحج

ويرجعنا سالمين غانمين الى وطنا

بذنب مغفور وسعي مشكور

اللهم امــــيـــن

حبيباتي اكيد كل وحدة منا بيونها اهلها وصديقاتها ومعارفها
وكعادتنا في الامارات لازم نقدم صوغة للي يوصل ويسلم على الحجاج

وبما ان اغلبنا نرد من الحج هلكانين

فأحسن نرتب امورنا من الحين
ونرتاح يوم نرد قبل لا ايونا ضيوف ولا نرتبش في الاسواق

بخبركم شو سويت

اول شيء حطيت قائمة بالناس اللي اكيد بيوني ان شاء الله ( اهلي + صديقاتي+ جاراتي ومعارفي)

طبعا الناس المقربين قرابة درجة اولى غير مثل امي وام ريلي وهكذا بزيدلهم في الصوغة

وانا حطيت 5 زيادة احتياط على العدد، طبعا يعتمد كل واحد وعدد معارفه

طبعا سجادة الصلاة اهم عامل في الصوغة، ويقولون في سوق الراس بالجملة وايد اشياء روعة واسعارها معقولة

حتى اذا بغيتي شيل الصلاة والقطع كل شيء هناك

حتى في المنتدى بنات يبيعون وجوفي اللي يناسبج

وحطي كل شيء في اكياس الصوغة وحطيها في مكان بعيد عن يد الاطفال يخربون تعبج

ماشاء الله الحج مكلف جدا عندنا، حلو الواحد يوفر خاصة اذا وااايد ناس بيهنونه بالحج

ثانيا فكري كيف بتستقبلين الناس

مثلا بتعزمينهم كلهم مرة وحدة
او
مرة اهلج واقاربج من صوب اهلج

ومرة اهل ريلج ومعارفج صديقاتج

يعتمد على العدد اللي عندج

نقول حددتي عزيمة الضحى حق الحريم الكبار والحريم اللي ما يشتغلن، الضحى طبعا يعني خفايف فقط

يبي ورقة وقلم وسجلي شو بتسويلهم
مثلا معجنات ( بتسوينها في البيت ولا بتطلبين من برع ومن وين )
وحدد كل الاصناف
طبعا تقدرين توزعين المهام على خواتج يعني حد يسويلج طبق او ينسق طاولة الطعام ويساعدج في التحضير

واذا حددتي عزيمة ثانية المساء
طبعا الاصناف بتختلف وبتصير كعشاء
وعدديها وكتبيها
وهكذا

طبعا حطي اكياس الصوغة على طاولة قرب الباب ، ويوم بتودعينهم عطي كل وحده كيسها

واذا انتي بتحطين حق ناس معينين صوغة غير افضل كتبي الاسماء على الاكياس

لا تتكلفين وايد في الصوغة خليها شيء بسيط ومتعارف عليه

انا بخبركم شو حطيت في الصوغة العامة:

اكياس اشتريتهم بالجملة من رامز، وفي في سوق الراس اذا رايحة تشترين اغراضج من هناك

كرتون فيه سجادة صلاة جدا راقية مع بوصلتها خذتها من المكتبة الاسلامية، كان سعرها 25 ، قلتله ابغي كمية قالي ب 22، المهم خذتها في الاخير على 20 ويمكن تحصلونها اقل

طبعا في منها ألوان النقش وردي وازرق حتى النقش مختلف والخام جدا روعة، في احلى عن هذه الصورة بس هذه اللي بقت بعد ما حطيت الصوغة في الاكياس

الصراحة كان عاجبني طقم جدا روعة من الاخت غلا زايد وكنت جايفه نفس بضاعتها عند الوالدة وحلوة جدا بس ما صار لي نصيب

خذت خواتيم التسبيح، قالي ب 4 ومع اني مذكرة ان اخر مرة قالي ب 3:30 ما طاع عطاني ب 4 ونزلي 10 من المجموع ) قالي انا شارنه بغالي ، بس في حد يبيعه ارخص اشتروه الحين في الرخص

ويوم رحت المكتبة اللي حذاله قال بيعطيني ب 2,5، الحمد لله على كل حال من رزق هذاك الريال

عشان جي لازم حبيباتي تلفن وتدورن مب على طول

حد بيقول ما فرقت 1 ، اذا كنتي تشترين مثل 100 حبة، هذه الدرهم يعني 100 درهم زيادة

واشتريت مصاحف على العدد الحجم العادي، ولا تاخذين الصغير ترى محد يقراه، انتي ماخذتنه عشان يقرونه وتاخذين اجر

وعلب من اسواق التخفيضات عليها اسم الله ب درهمين ، وحطيت فيها قطع دخون من الزين

ومطويات

وباقي التمر بشتريه طبعا من هني عندنا في المحلات تمور سعودية فاخرة ما عندنا وقت في الحج نضيعه في الاسواق

بشتري من مكة فقط ماء زمزم

طبعا للاقارب من الدرجة الاولة بضيف قطعتين من الزين او قطعة وشيلة صلاة

نصيحة مني رتبوا كل اموركم من الحين

والله ايسر لنا جميع ويعطينا ولا يحرمنا

اختكم في الله

هنووده

المشاركة الأصلية كتبت بواسطة أم حمــد3

الله يتقبل منج يااااااااااااااااااارب
تروحين وتردين بالسلامه

وعقبااااااااااااااااااالي اروح اذا الله عطانا عمر

اللهم امــــــــيــــــــــن

الله يرزقج وايسر امورج

ان شاءالله تردون بالسلامه وربي يتقبل طاعتكم