(( كلمة أسف تمحي الجرووووووووووووووج ؟
يصادفنا في أحيانا بل ربما غالبا اناس يخطون في حقنا أو يجرحوننا
بتصرف .. او موقف.. او بكلمه يلقون بها علينا بدون اي اعتبار
وبغض النظر عن ماتخلفه هذه الكلمه من ألم أو جرح
مهما كان حجمه ثم يأتون بعد فترة ويقولون لنا كلمة آسف …!
سؤالي هنا هل كلمة آسف تمحي الجرح هل تتقبلونها أم ترفضونها ؟؟
بإنتظار وجهات نظركم وارائكم ومداخلاتكم
دمتم بخير
تحياتي
ما اعتقد
يمكن في نفس الوقت يالي انقول فيها كلمة اسف نرتاح شويه
بس بعدين و خاصة يوم نقعد بروحنا
نفكر في الشخص يالي تاسفناله
ليش سوى جذيه فينا و كيف رضينا بعد كلمة آسف
السلام عليكم
سؤال مهم جدا …
بس من وجهة نظري مش اي جرح او الم ممكن كلمة ((( أسف))) تمحيه
سؤال بتحصلين عليه مليون رد
بس أعتقد اني ممكن أقبلها مرات ومرات لا
يعتمد على الموقف… وعلى الشخص اللي يتأسف
يعني مرات يكون الموقف بسيط وسخيف بس الشخص اللي يتأسف معروف عليه كثرة أخطائه ولا مبالاته وبعدين يقول آسف
يعني كلمة آسف عنده عاديه مستعد يقولها مليون مره فاليوم.. بس بدون نتيجة
ومرات يكون غلط كبير بس تحسين ان اللي يقول آسف يعنيها وكأنه ندمان وما راح يكرر الغلط.. هني ممكن اقبلها
يعتمد على الموقف والشخص.
يسلموو عالموضوع
المشاركة الأصلية كتبت بواسطة الــمــدلــلــه 
بس أعتقد اني ممكن أقبلها مرات ومرات لا
يعتمد على الموقف… وعلى الشخص اللي يتأسف
يعني مرات يكون الموقف بسيط وسخيف بس الشخص اللي يتأسف معروف عليه كثرة أخطائه ولا مبالاته وبعدين يقول آسف
يعني كلمة آسف عنده عاديه مستعد يقولها مليون مره فاليوم.. بس بدون نتيجة
ومرات يكون غلط كبير بس تحسين ان اللي يقول آسف يعنيها وكأنه ندمان وما راح يكرر الغلط.. هني ممكن اقبلها
يعتمد على الموقف والشخص.
يسلموو عالموضوع
اوافقج الراي 100% :1 (32):
انا عن نفسي ممكن اقبل في بعض المواقف والبعض الآخر لا
يعنى في وحدة وااااايد مأذتني وسببت لى الكثير الكثير من المشاكل .. وعلى مدى 3 سنوات وانا ساكته وهي كل يوم مطلعه لها قصه وكذبه وعقب تي تكلمني ولا جنها مسوية شي حتى كلمة آسفة أو سامحينى ما اسمعها( وهذا اللى يضايقني فعلاُ ) وأقول ما عليه يمكن حست بغلطتها وأطوف
بس …. آخر موقف سوته انها تتصل في ريلي وتقول له أدب حرمتك واضربها وتحرضه ضدي ….. شو تبوني اسوي فيها اسامحها لو يت وقالت كلمة آسفه … والحمدلله ريلي عارفنها عدل وعرف شلون يرد عليها ( للعلم هي عندها نية الحين وتبي تكلمني .. بس انا ما عندي نية .. جرحتني وآذتني نفسياً وكل يوم والثاني اقول بتتغير ..بس ما شي فايدة )
فهل لو قالت كلمة آسفة بتمحي الجرح ؟؟
انتوا احكموا