بدش في الموضوع ..
انا بغيت اعرف كيف اكتسب ثقة عالية ..بحيث يكون لي حضور في المكان اللي انا فيه 
؟ بعطيكم مثال : انا الحينه اداوم في الوورك بلسمنت …وصارلي اسبوعين على الدوام ..وطبعا المكان اللي انا اشتغل فيه كل رياييل هنود + مواطنين ..وعندي 2 من ربيعاتي مال كلية وياي في الدوام ..المشكلة اني ما اخذ حقي …يعني يالسه فاضية من صبح لين العصر بلا شغل..خاطري اقولهم ان يعطون شغل بس ما عندي جرآة ..وخاصة ان بيئة العمل ما تساعد …وساعات اقول في خاطري لازم اكون واثقة من نفسي لاني ما اسوي شي غلط ..انا يايه اتعلم ..بس بعد احس ان شي معوقات اللي ما تخليني استغل هالشي …مثلا ساعات اقول : اويه هالريال شو بياخذ فكرة عني ,.؟ اويه انا يمكن سويت شي غلط لما رمست هالشخص ..أكيد يتكلمون عني..الخ،،
يعني وايد تيني مثل هالافكار فعسب جي انسحب في النهاية ..وثقتي يوم عن يوم بدال ما تزيد تقل …تعرفين في خاطري ان يكون لي حضور في هالمكان ..قبل ما اطلع من التدريب ابا اسوي شي ..بس احس اهم شي ثقتي بنفسي ..بس ما عرف كيف اطوره بهالمكان
اتمنى انجكم تساعدوني بهالحل كيف اكسب ثقتي بنفسي بهالمكان بدون ما احس اني اسوي شي غلط وألوم نفسي واحط كلام الناس في راسي…..وخاصة اني من النوع اللي ما يعرف يتعامل ويا شباب المواطنين لاني ما جد تعاملت وياهم قبل بأي مكان واول تجربه لي في الشغل
حبيبتي في اشغل ما في شي اسمه استحي لو انتي ما تسوييين شي غلط
مثلا امي موظفة يووم ما تحصل شغل تااخذ شغل غيرها منو ما يكوون حرمه او ريااال وتساااعدهم لو ليبووون اي شي
بل عكس هذا الشي يخلووونهم يفكرووون انج يايه عشااان تشتغلين مب يااايه تلعبييين
والله يوفقج الغلا
الغلا ف البدااايه اكيد ماراح يكوون عندج شغل
ف البدايه حاولي انتي تشوفين اللي حوليج ووتتعرفين عليهم
الشئ الثاني اذا ما عطووج شغل انتي بادري انج تطلبين منهم واذا بعد ما عطووج وحسيتي انج فااضيه حاولي اتيبين لهم افكار يديده او مثلا توزعين عليهم اوراق باسمج كمتدربه تحفز ع الشغل يعني حاولي تشتغلين من نفسج شغل تواصل بحيث ان اسمج يمر ع الجميع يعرف انج مدربه ونشيطه
شدي حيلج و بما انج حاسة بشوية خوف ورهبة .. سوي بروفا جي بروحج بينج وبين نفسج .. طالعي عمرج في المنظرة واتدربي عالكلام الي بتقولينه ..
وروحي لهم ثاني .. قوي قلبج شوي .. واطلبي منهم الشغل .. لا تتريينهم ايوونج و يتأمرون عليج
شووفي أول شي بتحسين بشي غريب كونج أول مرة تشتغلين وتختلطين بالرياييل .. بس عادي .. حطي في بالج انه الكل ياي يشتغل وانكم سواسية .. ومع مرور الوقت بتضحكين على عمرج وبتقولين كيف كنت وشوو صرت هههههه
انا كنت في ووورك بلسمنت…. وكنت اشتغل واشتغل واشتغل واشتغل …وبعديييييين تعرفييين شو اللي يستوي…
والمشكلة ما اكون فاضية… لدرجة وحد من بنات الكلية اتيني وتطلب المساعدة مني.. وتسالني عن معاني الكلمات و كيف… وليش.. يعني.. اساعدها.. وارتبلها .. وفي النهاية تنسب الشغل لها… وما تقووول اني ساعدتها او انا وهي اتشاركنا..؟؟ لا لا لا … تنسب الشغل و تعبي كله لها…
وجاااااااان ازعل.. من هاي الحركة…..
وتبت اني ما اسوي اي شي.. الا للناس اللي يستحقووون…
…
وانتي الغالية…..اذا انتي يالسة جي من دون شغل يعني غلط.. ادري انه هذا مب منج هذا الشي منهم لانهم ما يعطونج شي اتسوييينه وانا مريت بهالتجربة لين ما قمت انا واسالهم اذا في شي و لا لاء.. و اخبرهم اذا في شي.. تراني انا اللي بسويه… .
وجي انا احسسهم اني انا ابغي اسوي شي.. وجي بتشوفينهم يوونج ويعطووونج الشغل .. وانج حسستيهم انج على قد كلمتج وتكبرين في عينهم…..
.. اما انج انج تيلسين جي و ما تسالين…. طبعا ماحد بيسأل عنج…
انتي ابتدي وبتشوفينهم بيبتدون معاج… وهيك راح يتذكرونج ويقولون هاي صح تحب تشتغل ..
..
وموفقة الغالية..
خلج جريئة ولو ما عطوج شغل سيري واسئلي
يعنى ما بياخذون عنج فكره غلط دام انج تتكلمين في حدود الشغل
انا دوم كنت يوم ارومس البنات ولا الشباب اقولهم اختى/اخويه حتى استغربوا منى فالبدايه عقب تعودوا
انا نفس حالتج تماما واخس مع اني موظفة من 4 شهور والله انا من النوع اللي يحب الشغل واتعلم الشغل بسرعة واحب احصل المعلومات بس ما عندي الجراة مثل ما قلتي اطلب الشغل من الشباب المواطنين مع انهم وايد يساعدون بس اخاف يتعدوون الحدود اذا خذت وعطيت وياهم مع اني الحمدلله ما اتكلم الا في الشغل
.gif "12 (43)")
المشاركة الأصلية كتبت بواسطة دلوعة نونيa 
