Mixed Berry
Pavlova
السلام عليكم ورحمة الله
وبركاته
الحلى اليوم سمي تيمنا
بالراقصة آنا ماتفيفنا بافلوفا راقصةباليه روسية، اشتهرت بإسلوبها الكلاسيكى و
برشاقتها و ,خفتها
الطبق خفيف ولذيذ وشكله راقي في التقديم
اللي راح نسويه ونحتاجه
( ملاحظة أنا ضاعفت المقادير لأن عددنا ما شاء
الله كبير )
بس كتبت لكم المقادير الأساسية واللي تبي الدبل تضاعف
براحتها
الميرانغ
الكستر
صوص
الفراولة
فراولة وبلوبيري
وراسبيري
الوصفة من موقع smitten
kitchen
المقادير
(( الميرانغ ))
4 بياض بيضات ( يفضل انه يكون بدرجة حرارة الغرفة
) لا ترمين الصفار راح نستخدمه للكاسترد
ذرة
ملح
1 كوب سكر ناعم ( مش مطحون =
سكر الكاستر) أو السكر العادي انا حطيت السكر العادي
1 م ص خل
12 م ك نشا
1 م ص فانيليا
الطريقة
سخني الفرن على
حرارة 130
حطي ورق البارشمنت على الصواني
واخذي قطاعه دائرية أو كوب وارسمي دوائر على الورق بالحجم اللي انتي تشوفينه مناسب
( بعدين اقلبي الورقة عشان ما يصيد الرصاص الميرانغ
)
افصلي البياض عن الصفار ( احتفظي بالصفار لان راح
نسوي فيه الكسترد )
واخلطي السكر مع النشا وخليهم على جنب
اخلطي
الفانيليا مع الخل وخليه على جنب
نخفق بياض البيض وذرة الملح وراح
نستخدم ( whisk)
السلك على سرعة منخفضة وشوي شوي نزيد السرعة لين المتوسط ، لين ما تحسين ان
الفقاعات اللي في البيض صغيره مثل اللي في الصورة " تقريبا 2-3 دقايق
زيدي السرعة للمتوسط – العالي شوي
شوي ضيفي السكر اللي خلطناه مع النشا بعد ما نخلص من السكر
نضيف الفانيليا والخل زيدي
السرعة حبة وحده وخليه ينخلط لين ما يصير عندج خليط لزج او منقار جامد 4 – 5 دقايق
او لين ما ترفعين الويسك من الخليط او البرهان
الثاني انج تقلبين المله وما يطيح اللي بداخلها
شوفو هني انا قالبه المله ( لو تلاحظون ان السكر
محبب في الخليط هاي لأني استعجلت شوي على آخر كمية السكر ) لا تصيرون مثلي عجولات –
خلكم على راحتكم
عشان ما يلعوزج الورق ويتحرك وانتي تشكلين الميرانغ حطي شوي من خليط
الميرانغ على أطراف الصينية ( راح يصير لج مثل الصمغ ويثبت
الورقة )
حطي الميرانغ في كيس الحلواني ( القمع اللي
استخدمته – قمع ويلتون 1m )
ابتدي ارسمي على الدوائر من الداخل
لين حدود الدائرة
وبعدين ارسمي دائرة على الاطراف الخارجية ( راح
تتكون لج حفرة في النص )
وهذا شكل الصينية قبل لا ادخلها الفرن
دخليها الفرن وخليها لمدة ساعه وربع
راح يكون لون الميرانغ الكريمي الفاتح جدا
والقشرة الخارجية راح تكون يابسة
هذا
شكل الميرانغ بعد ما ستوى
فترة ما يستوي الميرانغ اشتغلي انتي على الكسترد
تابع…,,