الوسم: الولاده؟؟

مرحبا الغاليات شحالكم عساكم بخير حبيت اسالكم اللي مجربه الزعفران مع الماي ورد لتسهيل الولاده
متى اخذه اول مااحس بالتقلصات وهل يفتح الرحم بسرعه … اللي عندها خبره لاتبخل عليه
ولادتي جريبه عقب يومين والله يسهل على الجميع ويرزق كل محرومه اللهم امين….

حبيبتي اترومين تشربينه اذا ياج العوق .. يعني اشوية ويع

وعن تجربه .. دقني ويع خفيف وعقبها شربته ومشيت تقريبا نص ساعه او اقل .. ماشوف الا دقني ويع الولاده على طووول وماخذت نص ساعه الا وانا مربيه ولله الحمد

تاا انا سهل ولادتي

الله يسهل عليج أختي وتقومين بالسلامه يااارب
وتفرحين بالنونو.. ويسهل علينا
..
استفسار بسيط عن الماي الورد والزعفران
كيف طريقتة بالضبط؟؟ والكمية؟؟
ياليت تفيدونااا
والسموووحه

تحطين الزعفران في غرشة ماي الكبيره او الصغيره وترجينها شوي وتشربين منها كل شوي الصرااحه انا شربتها يوم كان فيه الويع واول ما خلصة الزجاااجه رجعة وعلى طووول ربيت

الله يسهل علينا جميع ان شاء الله

المشاركة الأصلية كتبت بواسطة كلي محبة

حبيبتي اترومين تشربينه اذا ياج العوق .. يعني اشوية ويع

وعن تجربه .. دقني ويع خفيف وعقبها شربته ومشيت تقريبا نص ساعه او اقل .. ماشوف الا دقني ويع الولاده على طووول وماخذت نص ساعه الا وانا مربيه ولله الحمد

وانا نفس الحاله

للرفع

يعني نخلط ماي ورد و زعفران و ماي الدبه الصغيره؟؟

السلام عليكم …
هلا بناات شحالكن .؟
بالاول ادعولي الله يسهل على ولادتي لاني الحين بشهري الاخير.. ومو باقي الا القليل …ولله الحمد ..
ثاني شي ابي اعرف شو الاعراض اللي تكوون قبل الولاده بيوم او يومين ؟؟
عسب اتهيأ للولاده ….

تسلمين اختي عالموضوع وانا بعد ماباقيلي شي واريد استفيد شراتج

بالنسبة لي انا والعياذ بالله من انا

الله يسهل عليكن خواتي وعلي بعد ادعولي بالسهاله …

اااااااممممممممم
قبل ثلاث ايام من ولادتـــــــي
فتحولي الريط..
و طول هالثلاث اياااااام احس انه بطني كل ماله ينزل…
و فاليوم الثالث اول ما قمت من الرقاااااااااد حسيت بشي ينزل "كرمكن الله" بين اريولي
اقول معقوله ابول بلاشعوووووور!!!
طلع الماي مال البيبي ينزل يوم اتحرك بس..
صبرت لييييييييييييين العصر و سرت المستشفى و قالت الدكتوره هذا الماااي مال البيبي بس انا كنت ما احس باي وييييييييع
ف قررت اني اطلع و اسير البيت …
ركبت السياااااااااااره انا و الوالده و كان ابويه اللي امودني…
"انا ساكنه ف عيمان و اسير مستشفى دبي"
اتخيلوا عاااااااد الدرب كان اوكي بس حسيته طويييييل لاني كنت احس بالاوياااااع اتزيييييييد على كل لفه و مطبه ^_^
و من وصلت البيت و نزلت من السياره بعدني فالكرااااااااج
جاااااااااااان ينزل المااااااااااي و استوت تحتي بقطعه عوووووده اتروعت و زقرت امايه…
و ردينا ركبنا السياره و رجعنا عالمستشفى "كان ابويه عنده راااااااااالي بين السياااااااايييير"

و يرزقنا الذريه الصالحــــــه ^_^

انا قبل اسبوع نزلي ماي اشوي مو وايد وتم بطني يعورني ويوم ثاني بعد نفس شي بعدين راااح
والحين الحمدالله ماياني شي

اانا كنت اول شي احس بألام خفيفه في اسف البطن بس كنت مطنشه واتحسب عادي وبالصدفه دخلت الحمام وانت تكرمون شفت في ملابسي قطرتين دم استغربت قلت شو السالفه انا حامل مستحيل هاي الدوره وكان الدم غير مو مثل الدوره فاتح واااايد المهم زغت وخبرت ريلي وهو عاد ماصدق اتصل في امه وخبرها فشلني خخخخ المهم قالت له حرمتك اليوم ولا باجر بتربي … وتم الويع يزيد شوي شوي تميت لين اليوم الثاني بليل ريلي راقد وانا مب قادره ارقد من الويع تميت اتقلب لين الساعه 3 وعقب حسيت خلاص فيني صيييياح ووعيت ريلي وخبرته وبعدين خبرت امي وودوني المستشفى وتميت اهناك لين الظهر وربيت … اما الماي مانصب عني الدكتورة هي اللي طرت الكيس فانصب .. هو غالبا الماي او الدم يكومن العلامات الاكيده للولاده واكيد اللام .

انا بعد نزل علي دم خفيف وخبرت امي قالتلي ان اليوم ولا الفجر بتربين واترريتت لين في الليل طبعا عطتني الوالده خروع ويا عصير البرتقال ومن عقبها بدى الويع يشتغل كلساعة كل نص ساعه كل عشرين دقيقة وبعدين عاد سرت المستشفى تميت من الساعة 12 الين 2 اتويع على الساعة 6 الفجر ربيت

مرحبا اخواتي رجعتلكم بعد فتره طويله
بغيت اسالكم سؤال لماذا يبكي الطفل عندما يولد من غير دموع ؟؟
لاني دورت عليه في جوجل ماحصلته

اي دونت نوووووو

السلام عليكم ورحمه الله وبركاته

ما عندي فكره حياتي …

لغاليه ماعندي طريقه (توني ما مريت بهالشي)

انا ان شاء الله بتبع طريقه ربيعتي.

تسلمن خواتي

وان شاء الله اتبع نفس اكلها ونظامها

انا بخبرج طريقه انا بمشي عليها عقب
ماربي بالسلامه

بس لاتنسين الاكل الحلو الدهني لا

شرات ما قالت اختنا رومانسيه
خذي آلة المشي والسيكل انا عنيه وزني يزيد وايد بالحمل واتبعت هالطريقه في حملي الاول والحمدلله نزل من وزني في 3 اشهر 16 كيلو
ابتعدي عن العيش ولو خاطرج فيه خذي كميه اصغر شوي من اللي تاكلينه وبعد الحلو ابتعدي عنه
وحاولي اذا تتعشين تخففين يعني لا تاكلين شي ثجيل وعليج بالسوائل وخاصه الماي عشان البيبي ولانه بتحسين بالشبع
يعني لا تحرمين نفسج بس خففي من الاكل وعليج بعد كل وجيه تمشين على الاله ولا السيكل نص ساعه ما بنقولج ساعه واكثر لان الحين عندج بيبي تهتمين فيه بس على الاقل نص ساعه

ومنكم نستفيد^_^

السلام عليكم خواتي المكرشات ^^

انا مستعيله ع الولادة ،، والله العالم لسبب صعب ابا اربي قبل موعدي

دام ماعندج سبب ،،، واذا تحبين ضناج صدق ،،، ادعي الله يتمم لج على خير

حتى اذا انتي متوله ع البيبي ،،، بعد ما بشوفينه ،، بيكون ف الحضانه بعيد عنج

الله يكتب لج الي فيه الخير

الغالية مب زين ها التفكير……..في السابع البيبي ايكون تعبان..و ايعاني من مشاكل وايدة تنفس و قلب…ادريبج متولهه بس ما يتروالي ودج اتعبينه ..خلي ايي مرتاح في التاسع و ايرد ياج البيت على طول
الله ايتمملج حملج على خير و تعوذي من ابليس

والله ضحكتيني هههههههههههههه
انا بعد هذا اول حمل لي والحين انا بداية التاسع ومستعيله عشان تعبت من الحمل ,,,

بس راي من راي البنات اصبري عشان يوم تربين تشيلين الياهل وياج ما يتم بعيد عنج ,,,,

لاااا غنااتي شو هااا التفكيـــــــــــــــــر .. ؟؟

نصيحه منــــــــــــــــــــــي .. كل شي في وقته حلوو ..

استغفر الله شو رد عليج

السكوووت ابرك يوم الله بيريد بينزل

الله يسهل عليج
امشي و احطي زعفران بالماي .. واايد اوكي

و لو زاد روحي المستشفى

هلا الغاليه الله يهون عليج يارب
انا بعد كنت شراتج حامل فبكري والحمدلله ربيت من شهر ^^
شوفي الغاليه سيري شيكي احسن لج لن الاعراض تختلف من وحده لوحده انا كنت كل 3 دقايق يقبضني الويع وصح يكون شرات الم الدوره بس على اقوى كنت احسب لروحي بين الويعه والثانيه كم دقيقه بس مانزل شي علي
دامج جيه يمكن تكون ولاده لني يوم سرت المستشفى كانت النفس فاتحه عندي 5 سانتي يعني ولاده سيري احسن وربي يقومج بالسلامه

الله يسهل عليج يا رب … ما عندي تجربة سابقة بس اعتقد اعراض مخاض

سيري المستشفى احسن
التساهيل من رب العالمين

اذا زاد الالم وما نزل لج شي .. روحي المستشفى احسن … بس اذكر انه انا كنت شراتج حسيت بالالام شرات الدوره وخاصه ظهري … حسيته بينكسر ههههه…. و سويت لي ماي حار و حطيته ورا ظهري ورقدت وفجاة قمت من الرقاد وجفت الدورة تنزل … ورحت ع طووول المستشفى وربيت بعدها الحمدالله بالسلامه ….

الغاليه شكلها اعراض طلق

و الله يسهل عليج يا رب و عقبالي

بنات عادي أسويلي التفه أو الحبه الحمرا وأشربها قبل الولاده شفتها فمنتدى وهفت نفسي عليها ؟؟عادي

بنت عمتي وخالتي يشربونهااا

بس لاتكثرين منها

المشاركة الأصلية كتبت بواسطة الحياة

بنت عمتي وخالتي يشربونهااا

وهم حوامل
والحمدلله

بس لاتكثرين منها

فدييتج الغااليه مشكووووووووره عيل طيران عالمطبخ

لا ..لا ..لا اتحملي تشربين الحبة الحمرا مول مب زينه للحامل ..
اتنزل البيبي .

اللي اشووفه عاادي ماتاثروا

بس لو كنت في الشهور الاولى ممكن تخافين اكثر
لا تشربينها

ااااااااااااااااااب

عااادي فديتج عن نفسي بولدي البجر تميييت بعد الأربعيين 8 شهور ونزلت عندي

لا تحاااتين

اب اب اب
ان شاء الله حد يفيدج

طبعا يخصة لان الرضاعة اتلخبط مواعيد الدورة والعظام تتكسر ..امهات مأجورات باذن الله .. انا احيد مع الرضاعة وايد اتعب من لخبطة الدورة انتفاخ في البطن وعوار في الظهر من غياب الدورة ..وكله باجره ان شاء الله

لا عادي حبيبتي انا ما اتيني الحين من 10 شهور لاني ارضع طبيعي..

السلام عليكم..

انا سمعت بس ما جربت ….يمكن اجرب هذي المرة لان وايد متضايقه من شكل كرشتي خخخ…بس الي اعرفه ان الزنجبيل حار يعني لاتكثرين منه شوي شوي