مرحبا بنات
بغيت اسأل انا صار لي شهرين اتعالج عن الهرمون وأخذ جبوب الدوستنكس
بس اول مره تيني الدورة واحس ينبي يعورني بطني وظهري جنب واااااااااحد
نفس الشد من جهه اليسار ماني عارفة شو ها بس بموووووت
ابا اسير العيادة بس شو الفحوصات الي لازم اسويها
وينكم بنات
ربي يعافيج وماعليج شر ان شااء الله ,,
السلام عليكم ورحمة الله وبركاته..
شحالكن خواتي؟؟عساكن بخير..
خواتي انا عندي مشكلة فتأخر الدوره ونصحوني فالمرقدوش..ولامره جربته وعلى كثر مايمدحونه فخاطري اجربه..
فياليت اتفيدوني..اليوم هو اول يوم دوره عندي وابغي اخذلي مرقدوش ع اساس ينزلي الدوره عدل..
وانا اخذ حاليا ادويه اتخوز التكيس واتلين جدار المبيض عندي لانه سميك..اخذ كورتيزون وجلوكوفاج..بس ابغي اشياء طبيعيه عسب انزل الدوره عدل وانظف عندي الرحم..
فياليت كل وحده اتحط لنا تجربتها فالاشياء الطبيعيه اللي اتنزل الدوره..
وياليت اتقول كيف تاخذه..يعني مثلا الجرفه 3ايام الدوره تشربينها….<<مثال يعني
..
والسموحه خواتي ع الاطاله..
بس حبينا نفيد ونستفيد..
سوي حجامه وايد بينفعج خاصة اذا فيج الدوره .. بيشيل التكيس وكل مشاكل الرحم ….. عن تجربه
الغاليه ااجرفه تنزل الدوره
وبعد في عشبه اسمها قشعة المدينه
تبيعها تاجره هني فالمنتدى
تنظم الدوره وتنزلها وتنظف الرحم
وتنشط
اذا تبين رقمها حبريني
هلا حبوبه
شوفي انا دوم اشرب هالخلطه
** خلطة تنظف الرحم تنشرب من ثاني يوم دورة و لمدة 3 ايام**
١- ملعقه صغيرة قرفه مجروشه
٢- ملعقه صغيرة حلبه مجروشه
٣- ملعقه صغيرة حبه سوداء مجروشه
٤- ملعقه صغيرة كمون مجروشه
تاخذن هالمقادير وتحطينها في كوب الجبن الصغير
ثم تحطين ماء حار عليه وتنقعينه من الساعه12 بالليل الى الساعه 6 الصبح
على الريق ويشرب الصافي من النقوع.
واليوم الثاني نفس المقادير ولمدة ٣ أيام.
وهي وايد اوكي وتنظف واذا تبين بعد عندج الاناناس واشربي زنجبيل مع الحليب يوميا
وبصراحه البردقوش اذا تبين تشربينه اوكي
حطيه في كوب وحطي عليه ماي مغلي وخليه ربع ساعه وعقب اشربيه يعني نفس طريقة الميراميه
وحبيت ازيد لج معلومه
المشي كرياضه وايد تفيذ التبويض وتحرك كل خلايا الجسم
فعليج بالمشي لانه وايد زين
وربي يوفقج حبوبه ويعافيج ان شاء الله
ربي يعطيكن الف عافيه وماقصرتن ع الافاده..
الجرفه وااااايد اوكي
حبوبنه قبل لا تستخدمين اي شي سوي فحص حمل ممكن اتكونين حامل
اما الدورة ممكن اتنزلينها ب القرفة أو المرمية أو أفضل شي المردقوش
والله يرزقج بالذرية الصالحه
هلا بنات شحالكم شو اخباركم
حبيت اسالكم منو استعمل حبوب فيرتاب
50
وحبوب بروجيلوتون منظم للهرمونات
اللي جرب هالادويه يدخل يكلمنا عنها
أنا الدكتوره وصفتهم حقي قبل موعد الدوره
ب4 ايام. استغربت
وباقي كم يوم وبخلص حبوب تنضيم ودوره مانزلت
لليوم.
أباً رأيكم ونصيحتكم وخبراتكم
يعني حبوب ترفع دوره او بس تنظم
هلا حبيبتي حبوب برجتلوون تنظم الدوره تستخدمينها لين تخلصيين الشرييط ويفصل بنفس الساعه لانها هرمونات اما حبوب فيرتاب هاي منشطه للمبايض تستخدمينها من ثاني يوم بالدوره لمدة خمس ايام وبنفس الساعه وتترين عقبها ب6 ايام وتشيكين ع الاباضه واذا البويضات زينه تعطيج ابره تفجيريه وتحدد لج الايام وعقبها بسبوعين تفحصييين للحمل الله يرزقج يارب بالحممل السليم القريب ❤❤❤❤
هلا فديتج مشكووره
صح حبوب تنضم دوره بس هل ترفعها وتأخرها اولا
لانه الغريب بالموضوع الدكتوره صرفته لي قبل موعد دوره
وخبرتها هالشي انه دورتي منتضمه. وبتنزل بعد ٤ايام
حتي فيرتاب وصفته لي قبل دوره
مفروض الاثنين بعد دوره.
غريبه
ولليوم دوره مانزلت مستغربا
أنا
والقاتل لي تعالي اشوف وبيضه والابره
مشكووره ع المرور
اااااب
للرفع
السلام عليكم ورحمة الله
بنات انا الدوره عندي مش منتظمه يعني مرات تكون تاريخ 16 واخر مره كانت 28 ولحد الحين ما نزلت …واليوم سويت تحليل الحمل المنزلي طلعلي سالب وفوقه تحديد الخط الثاني بس خفيف
ما ادري اذا كان حمل او لا …وعشان جي ابا اعرف اذا في طريقه ثانيه عشان اعرف غير فحص الدم لاني ما ابا اتسرع وروح المستشفى..؟؟
وهل يصير الحمل قبل موعد الدوره الشهريه بايام ولا بعد الدوره ..؟
ياليت تفيدوني وتدعولي اكون حامل والله يرزق الكل ياارب
ان شاء الله حامل وتبشرينا
بس اكثر شي اتريي لين بعد 7 تيام
اذ ما نزلت سوي فحص مره 2
انا نفسج الدوره متلخبطه عندي وكل مره تتتاخر اقول خلاص حامل بس ما شي حمل صار
الحمدلله ع كل حال
والله يرزقك ويرزقني ويرزق كل محرووومه
انشالله حمل فديتج
الله يرزقني ويرزقكم يارب …ويعطيكم العافيه ع الرد
للرفع ….
اتت الدوره قبل موعدها بيومان و نزلت 3 ايام وتوقفت و عندي وجع بلعصعص و في اسفل البطن ونغزات على جهه اليسار
هل يكون حمل
اختي صعب التنبؤ في مثل هالامور لان الاسباب كثيرة والاعراض تتشابه
اضمن طريقة هي تحليل الدم الهرموني او خذيلج من الصيدلية فحص الحمل
اذا شي مغص و دم فاتح ممكن لا سمح الله يكون حمل خارج الرحم
اذا استمر الالم و خرج دم فاتح لابد من اسنشارة الطبيبه باسرع وقت
الله يطمن قلبج ان شاء الله
وقف الدم ما عاد نزل قعدت 3 ايام وراحت وعندي وجع في اخر ضهري و وجع في جانب اليمين واليسار 
سوي فحص منزلي
سوي فحص بعد أسبوع وان شاء الله حامل
السلام عليكم …
امممم ما اعرف وين احط هل الموضوع بس قلت بحطه اهنيه عشان اشوف نصايحكم واذا حد منكم يعاني مثل ربيعتي ….طبعا المشكله مشكلة ربيعتي وهيه مب مشاركه في المنتدى وحبيت انا اعرض مشكلتها …
هيه بنت 23 سنــــــــــــة …
يوم تيها الدورة الشهريهــ كرمتو زواع وعوار بطن فضيع ومرات ظهرها يعورها وكل مره جذي ..يعني كل شهر ع هل الوضع تتعب وااااايد ….ويوم تيها كله طايحه ف الفراش ورقاد …
للعلم هيه ضعيفه …وراحت فحصت وما قالو لها شي عطوها ادويه عاديه ومرات تاخذ ابر يعني ما شخصو حالتهـــا …
اللحين حد منكم يمر بهذي الحالة …
وشو تنصحونها وين تروح تتعالج ..
اذا تعرفون عيادات نسائية زينه خبروني يا دبي او الشارقه او عيمان …
والسموحه ع المغثه …
هلا اختيه همس.. بنت يراناااا احيدهااا جذه وكل شهر لازم يودونهااا الدختر وتتعب عليهم..
لدرجه خلاص اخوااانهااا قامو يعرفون كل شهر ليش من كثر ما تطيح عليهم ويعطونهااا ابره ماعرف شو هي
وبصراحه ما اعرف وين لازم تسير ..
والله يشفيهااا ان شاء الله
وبحفظ الرحمن…
^^
مشكورة ام سلطان ع الرد ..
هلا
عزيزتي أنا كنت مثلها حتى بعد ماتزوجت كنت أتعب 3 أيام نفس الشي لدرجة اني أودر ريلي وأرجع بيت أهلي
لكن يوم حملت عرفت السبب هو انقلاب الرحم إللي يسبب الألم
الله يعينها صدق عذاب الله يشفيها بصراحه ما أعرف شو العلاج
أنا اتعب يوم تيني بس ايلس اسوي رياضه .. واحطي مطااره بمااي حااااار طول الوقت
وساعات اسويلي جرفه او مرميه ..
والله نحن البنات مبتلشات بها الدوره اسميهم الشباب مفتكين بس يالله الحمدلله على كل حال
والله يعااااااافيها
الغاليه انا كنت جي قبل العرس
كنت اعااااني حيل ومقدر اتحرك ولاااااااااااااازم اخذ بروفين اكثر من 3 حباات
بس هذا عاادي مب شرط يكون فيها شي يعني يمكن انه عقب لما تعرس راح يخف شووي لني انا عقب العرس حمدالله صرت احسن
انا كنت نفس الشي كان يغمى عليه في المدرسه واتم كله طايحه على الفراش بس من عرست وبعد الولاده الحمدالله خف عني
خواتي العزيزات الدوره الشهريه مب طايعه تنقطع مني استعملت حبوب منع الحمل بعد ما انقطعت لي اكثر من عشرين يوم…..رحت سويتلي فحص يقولون تكيس بالمبايض …….عطوني علاج بس ما في فايده احس اني متبهدله من هذي الدوره ….شو اسوي
اختي سيري عند دكتورة تعطيج حبوب تقفل الرحم
هلا الغاليه انت من اي اماره
اذا من الشارجه في دكتوره فاطمه نوح استشاريه امراض نساء زوريها وان شاء الله تفيدج
والله اختي زين يتج الدوره لان الآلآم التكيس ما تنطاق اخس عن الالام الدوره وانشالله كل هالتكيس يروح مع الدوره بس احسن شي سيري راجعي دكتوره وخليها تشوفج هي انشالله بتحصلج العلاج
والله يشفيج انشالله من كل داء
الله يعينج الغالية
للرفع
ربي يشفيج عيوني ^^
حبيباتي انا كل شهر تيني الدوره طبيعيه يمكن تقدم يومين او تتاخر يومين بس المفروض هالشهر تيني تاريخ 20 ولين الحين ماشرفت وشكيت اني حامل و استخدمت جهاز فحص الحمل وطلعلي سالب يعني مب حامل هل معقوله تكون عندي خربطه في الهرمونات 
يمكن خربطه بالهرمون او تكيسات لانها تأخر الدوره افحصي
حللي دم احسن
هلا برنسيسه ..حللي دم اوضح أنا الفحص المنزلي يعطيني كله سالــب…
الله يرزقج كل خير ..وبشرينا إذا حامــــل
أن شاءالله تكونين حامل تبشرينا
مرات الحمل ما ايبين بفحص البيت
سوي فحص دم
ويمكن بعد لخلبطة هرمونات اذا كنتي تستخدمين مانع للحمل
والله يرزقج على قد نيتج
سوي فحص دم
السلام عليكم ورحمة الله وبركاته
الصراحه انا دورتي مخلصه تاريخ 10 من هذا الشهر واحين اشوف
أشويت دم غزكم الله وما عارفه ليش مع العلم اني امسويه مانع طبيعي
واخاف اكون حمل ….
ساعدونب وافيدوني دخيلكم….
خواتي أريدكن تساعدني الدوره عندي ما تنزل عدل كأنها في آخرها وأنا في 3 يوم الصراحه تعبت شو أسوي أو أشرب مشان تنزل زين
والسموحه
شربي اشياء حاره
واللي اعرفه القرفه تنزل
الدورة والله يعلم
للرفع
عزيزتي موب لازم الدورة تكون غزيرة في كل مرة
نحن عندنا فكرة أنه الدورة لازم تكون بـ الكمية المعقولة كل شهر
بس ايها شهر تكون بكمية قليلة هذا عادي .. موب شرط يكون الدم محتبس ولا نزل
فلا تضايقين نفسج ولا تفكرين فيها ..
ولو حابة تتطمنين روحي لدكتورة وخليها تسوي لج صورة راح تقولج جدار الرحم متكون بشكل بسيط
هـ المرة
اذا انتي متزوجه يمكن تكوني حامل
مشكورات خواتي و يزاكن الله خير
سبحان الله ووبحمده