الوسم: الوظيفه

امر بظروف خلتني احتار بين امرين

الاول: اكمل دراستي الجامعيه .. وما تعرفين مصيرج تكملين او لا ، علما بان الجامعه لها اسم قوي في الامارات

انا الحين مخلصه ثانويه ومن القسم العلمي بعد ونسبتي ف الـ 90 وبدخل كلية التقنيه العليـآ .. وين المشكله ؟

لان اصلا اكثر طلبات التوظيف ع بنــآت التقنيات .. انا مانقص من جيمة الجامعيـآت بس حتى ف الارشـآد هذا كلامهم ..
وان افضل المدرسين الاجانب ف التقنيات بعد ..

ماريد اضايجج بس استغربت انج تقارنين بين الجامعه والتقنيه مع ان كلهن ف نفس المستوى وكلهن لهن مستقبل كبير ان شاء الله ..

صلي استخاره غناتيه وشاوري هلج وما خاب من استخاار ولا ندم من استشار ..

هاذا اذا كنتي محصله شغل

اذا ما حصلتي شغل بعدج اتفرغي للدراسه احسن لج

وبالنسبه للخطبه

اذا الريل موجود اتفقي وياه

اذا مب موجود

وشكرآآ..

شحالكم بنات….مادري موضوعي وين ينطرح بالضبط هالقسم والا بثاني اعذروني
بغيت اطرح موضوعي لاني مضايجه قلت يمكن رب العالمين يتقبل دعاء وحده فينا

بنات انا ريلي مفنش من 9 شهور ويالس بدون شغل وقدم بكذا مكان بس محد اتصل به وكله يتسلف من عند اخوه وعليه مديونيه بالبنك واحين البنك يطالبه بحقوقه المشكله هو ما كان يبغي يفنش بس واحد شجعه وعطاه أمل بوظيفه ثانيه

المشكله ومافيها خاطري اطلع ….اسافر ….اشتريلي اغراض ….اغير لوكي …..والله ما قدرت اشتري الي فخاطري وفيه اشياء وايد فبالي اسويها والله مليت من كثر ما ترييت انه يداوم

ادعوله بنات الله يرزقه بالوظيفه

واضح انج تبين تشتغلين بس للتقليد لأن اللي حواليج يشتغلن

بس كل وحدة و ظروفها،، اذا مب محتاجة و زوجج يشتغل فأحسن شي تستغلين وقت فراغج بشي يفيدج دنيا و آخرة مثل حفظ القرآن والمشاركة في الأعمال التطوعية الرسمية أو بالأشغال اليدوية وتتصدقين بها

جابلي عمرج وعيالج وقضي وقتج بأشياء تفيدج

انا ما اشتغل وعندي بنتين ومسوتلي جدول انش الساعه 7 اسوي رياضه

واتريق واذا عندي شغل بطلع واذا ماعندي شغل بطلع لي شغله فالبيت

واحين ابا ادخل تحفيظ قران ان شاءالله ..

يقولي دام ريلج قادر ع صرف البيت شو تبين فالوظيفه

وباجر اكيد بتاخذين قرض لسياره او لشي ثاني

طبيعي كل حرمه تشتغل واسالي اللي يشتغلن كل وحده ماخذه قرض لظرف معين ومتبهدله وايد

ف شو تبين بعوار الراس دام ريلج قادر ع صرف البيت

وشي دايما انا اقوله ما في فلس يبقى لج بالعكس بتزيد عليكم المصاريف

كل ما زاد دخل البيت زادت الطلبات

ف خلج جي بدون وظيفه وجابلي ريلج وعيالج

خواتي عطوني رايكم افكر استقيل من وظيفتي وافكر اوصل بنات الجامعه او الكليه بتقولون ليش يعني لعدة اسباب تعبت من الوظيفه وضغط العمل فيها (10 سنوات ) بنتي بتبدا تروح الروضه وما ابغيها تروح بروحها (خوانها وخواتها كنت وياهم لين دخلتهم المدرسه وبعدين اشتغلت ) افكر بتوصيل البنات للجامعه تضنون فيه بنات يبغون حد يوصلهم .مادري ما اتوقع ايلس فالبيت بدون شغل ابغي اشغل وقتي شورن علي خواتي

انتي مافكرتي بالتقاعد !؟ يعني صارلج ماشاء الله 10 سنوات ليش ماتصبرين بعد !؟
وعقب بتقعدين في بيتج معززه مكرمه وراتب يمشيلج بعد التقاعد

يا اختي شو تبين بالبهدله والتوصيل
عالأقل انتي بوظيفه حكوميه احسن

وبعدين اذا مب عاجبتنج وظيفتج تقدرين تقدمين في اماكن ثانيه حكوميه

ومعقوله 10 سنوات ماعطوج ترقية او تحفيزات !!

انا يايه عندي مشكلة بسيطة وابغيكم تساعدوني وتقولون لي شو لازم اسوي

لان التفكير كلا مخي وراسي

الله يسلمكم انا اشتغل وراتبي زين ولله الحمد

ريلي من فتره قدم استقالته و وافقو عليها بعد رفض كم مره

الشغل ما كان عايبه وكان عنده مبلغ ف البنك قال بقدر ادبر عمري الين الاقي لي شغل ف مكان ثاني

احينه صار له اكثر عن سنه بدون شغل غير جيه راح كل مكان وحط اوراقه وف توطين واكثر عن مكان بس محد طايع يقبله لان شغلته قبل شوي حساسه

المشكلة احس صار يتحسس من هالشي انه مايشتغغل وصصايرة تستوي وايد مشاكل بينا احس هو متوتر ويحاتي

وانا بين فتره وفتره احاول اشيك ع حسابه من المسجات اللي اتييه من البنك

احينه مووووووول لي عنده مايسد شهرين قدام

انا مستوية مول ما اطلب منه وهو وايد يضايق من هالشي بس انا مابا اكلف عليه انا يالسه اصرف ع عمري وع العيال بس هو مب طايع يشل درهم واحد حق عمره

ويتم يحسسني انه انا وهو مب واحد

غير جيه بنات اخوه يشتغل وحرمته تشتغل ويرد يطلب منه فلوس ومابتصدقون يطلب مبالغ كبيره من ٥٠ الف وفوق وريلي يعطيه

الين احين خلاص ماصار عنده شي ويوم يقول لاخوه رد لي عليك يقوله عقب احينه ماعندي

المشكله اخوه يطلبه ف اشياء كماليه

يعني تخيلو قبل كم شهر خذا عن ريلي ٦٠ الف عشان يشتري يخت

وريلي عطااااه واحينه ولا يشوفونه حتى حرمته مول ماتشوفه ٢٤ ساعه ف البحر

اي شي يبونه يقوولون لريلي وهذيل اهله وماباه يقصر وياهم بس كله ع راسه وكله هو يسويليهم
والباقين ولا كانه له خص

—-

اخر شي بقول موقف صار وحسيت اني لازم اسوي شي

اخوه كل مره يطلع فيها البحر لازم يخسر اقل شي ٤٠٠٠ بترول ع تنظيف مكاين وغيره ،،،، ريلي تم يغلط ع اخوه بكلمات ويسب لانه يطلع ربعه وهو يدفع عنهم كل شي ،،،،، يقول ولا واحد من ربعه قاله لا خلها علينها وهم يوومياااااااا يطلعووووون قال شو من ربع هاييل مايستحون

>> يتكلم عن عمره يقول انا لو طالع ويا ربيعي بسيارته ويسير يعبي بترول احلف عليه اني انا لي اعبي ع حسابي ويوم نسير نتعشى انا لي ادفع

ف حسيت ماعرف وايد اضايقت من كلامه يمكن هو مايقصد شي بس انا حز ف خاطري لان ماقد قلتله تبا شي ولا ف خاطرك شي

انا مابقصر

بس مره صار موقف وجد عقبها ماتجراءت اسويها

كنا طالعين نتغدا ويوم يا وقت الدفع انا دفعت ،،،، تعرفون طالعني بنظررررة خلاني اصيح منها
ويلس يقول كلام وايد ماذكره لانه من فتره وايد طويله

ومره ف العيد ماعرفت شو ايب له هدية قمت سويت له باقة كلها بيزات تعرفون شو سوا ف البداية ماطاع ياخذها وقللتله شفيك هاي عيديتك ،،، قام سحب من حسابه دبل المبلغ لي حطيته وعطاني ،،، انا زعلت ع الحركة

بس احس هو كانه يقول انا ماشي ناقصني وهو بالعكس احس الموضوع ماثر فيه

واخر موقف صار قبل كم شهر اخوه لي اصغر عنه كان شخص يطلبه بدين حول لا١٠ الاف وراح ريلي وسدده عن اخوه ،،، وعقب هالسالفه اخوه توظف ف مكان حلو ما شاء الله وبراتب حلو ،،،، اخوه اول ماستلم الراتب يا عند ريلي قاله شي ف خاطرك ،،،،، تعرفون شو ردت فعل ريلي ،،،،، يا عندي معصب يقول شو هاييل يتحروني بحاجة حد منهم ؟؟ الحمدالله مابا شي من حد واقدر اعيش واعيشكم لحد ايي يسالني عن حاجتي ولا شو ناقصني

اعرف وايد رمست ودخلت ف اكثر من موضوع واغلبكم مايعرف شو السالفه هههههه

بس لي ابا اعرفه شو لازم يكون موقفي ،،، اعطية حتى لو هو مايرضى ياخذ عني؟ اطلب منه مثل قبل عشان لا يتحسس ؟ لان اعرف والله لو اقوله ابا الشي الفلاني بيبه لو شو عشان جيه ما اطلب واقوله يوم بيكون ف خاطري شي بخبرك

خبروني كيف اتصرف وياه

عفواً اختي لا تعرضين عليه اي مبلغ مالي

لانج تطعنين في رجولته (هذا من وجهة نظره) و بعد تزيدينه احساس بالنقص و العجز

ما شاء الله على ريلج طيب و قد مسؤولية لكنه تسرّع بأن يقدم استقالته قبل مايحصل على فرصة وظيفية ثانية

الله يسهل أموره و يحصل على وظيفة مناسبة له

المهم انتي شو تسوين؟؟!!

لاتعرضين عليه فلوس نقد نهائياً

اذا حاسة انه ممكن يفتح تجارة و يديرها ممكن تعرضين عليه فكرة مشروع او تطلبين منه فكرة مشروع و هو يستثمر فيها فلوسج

بس حسسيه انه مب مساعدة لكن لأنه هو "أذكى منج و قادر على تحمل هذي المسؤولية و انتي ماتثقين تعطين حد غيره هذا المبلغ و لأنه ريّال بيراكض و يجابل المشروع و انتي ماعندج و قت لان بعد دوامج تجابلين عيالج" طبعاً هذا الكلام اللي بتفهمينه اياه اذا حبيتي الفكرة

اذا ما رضى ممكن يستغل هذي الفترة ياخذ دورات ممكن تفيده في شغله مستقبلاً

وقت هو مب موجود في البيت استغلي هاتي اغراض البيت بسرعة قبل ما يوصل
لأن مشهد انج انتي اللي تسدين حاجة البيت و العيال بتكون مؤلمة بالنسبة له

انتي اللي عليج انج بالخش والدس حطي في بوكه 500 .. خرده مب 500 كاملات

يوميا حطي عشان ما يكون محتاج او يتحسس منج وانتي تعطينه او تحطين في حسابه

جذي بتساعدينه وتقدرين تطلبين منه أشياء بسيطه

وحسب حاله بوكه اذا في مثلا 100 حطي 100 زياده او 200 زياده

عشان ما يشك

بس حاولي تقدرين ريلج لان ريلج فعلا انسان طيب …خليه يقدم في أدنوك الحين يبن وايدين

خالتي حلمت عني ، اني توظفت ف جامعة الشارجه

عمري 22 متزوجه و ماعندي عيال
وما اشتغل ، وملتزمه بصلوتي و اذكاري

وخالتي عمرها 24 و غير متزوجه ، وما تشتغل
الحالة الذينيه ملتزمه بصلوتها و اذكارها

بين فترة وفترة كنت ادخل المنتدى واقرى قصص البنات
اليوم انا ابى افضفض لكم

انا تخرجت سنه 2024 شهر واحد وبعدها بثلاث شهور عرست وحملت
فشي بديهي اني ماقدمت على وظيفه الاني مابكون فاضيه
المهم ربيت وصبرت قلت في خاطري ولدي اولى من الدوامات
بعدها بفترة زايد المسؤليات والطلبات وايد وحده ماتصفق
فمن بدايه 2024 و وانا ادور واقدم كل مكان ماخليت دائره ماخليت وزارة
والكل يقول ماشي وظـــــــــــــــــــــــايف ولا شومن الشهادات عندج واتوقع لو عندج الشهاده الي
تناسب بيقووولون ماعندج خبره

للعلم انا بكالريوس تربيه .. وكل ماراجع قالولي تربيه وين نحطج ولا مافي وظيفه
حتى اني ياست قلت بطوع حتى التطوع ماياخذون عيل من وين بيب الخبرة ؟؟!!!!!

ادري بتقولولي قدمي في وزاره التربيه .. لكن مالي خاطرفي التدريس ..

يعني مايعيبهم الي عنده بكالريوس ولا لي عنده شهاده ثانويه
حسسوني كانه كل واحد مشتغل الحين في اي دايرة عنده دكتوراه مب جنه حالهم من حالي
يمكن مب مكمل تعليم وشغال بواسطه
يحسوونك ان شهادتك ولا شي جني ياييبه ابتدائي

حرااااااااااااااااااااااااام خافوا الله

دوووووم ادعي ربي انه يكتب لي وظيفه غير التربيه
ادوام وبعدها ارد لولدي وبيتي وريلي اجابلهم
اشل بعمري وخف على ريلي من مصاريف وطلبات
بنات تعبت ويأست اني احصل لي مكان يقبلني بشهادتي وبمعاش محترم

ضااااااااقت فيني الدنياااا … صرت بسرعه اعصب مالي خاطرفي شي
حتى ولدي .. كل سرحانه واحاتي من باجر

ياكثرما استغفرت ودعيت
وكل يوم اقول باجر باجر

خاطري افرح وحصل وظيفه غير التدريس
حتى لو بمعاش 12ز000 الف

انا متخرجة من 2024 وللحين مالقيت وظيفة ! يعني على الاقل انتي احسن مني شوي وبعد ماشاء الله متزوجة وعندك ولد

ان شاء الله تحصلين وظيفة زينة ياااارب

يعني خواتي الدنيا ماشيه بالواسطات ونحن خبر خير

عندكم واسطه بتشتغلون ماعندكم يلسوا في بيوتكم احسن لكم
والله نحن محتاجين الوظيفه وغيرنا مب محتاج يحصلها بالواسطه
ونحن واسطتنا الله سبحانه وتعالى والله كريم

رايت بان بنت خالتي تهاتفني وتسألني عن اخباري فقلت لها بأني وشقيقتي توظفنا في البلدية .. قلت البارحة لم نكن موظفات واليوم سبحان الله توظفنا.

البيانات:
متزوجة لي ذريه عاطلة
شقيقتي موظفه بشركة بتروليه – ولاتسعى للتوظف في البلدية