الوسم: الوظيفه

بسم الله الرحمن الرحيم
السلام عليكم ورحمة الله وبركاته
كيف الحال بنوتات وامهات وكروشات
حبيت استفيد منكم انا ماعرف اذا الموضوع في مكانه الصح او لا

استغفر الله العظيم رب العرش العظيم وأتوب إليه

المشاركة الأصلية كتبت بواسطة غرووب 22

استغفر الله العظيم رب العرش العظيم وأتوب إليه

شكرا على الرفع

حبيبتي انا جفت كذا وحدة جي مسوين من ربيعاتي

مركبين كيمرات في كل البيت و من تلفونها تجيك 24 ساعه و هي في الكلاس
فسوي ها الشي في حالة بتخلين الطفل عند الخدامة
و نصيحة وقفي الحمل 5 سنين لين ما تخلصين الجامعة عسب ترتاحين و تكملين عدل

الحل اللي قلتيه زين
خلي البيبي عند عمتج او الوالده وبنوتج ف حضانه
وكملي الدراسه الشهاده ضروريه هالايام

المشاركة الأصلية كتبت بواسطة Cobon

حبيبتي انا جفت كذا وحدة جي مسوين من ربيعاتي

مركبين كيمرات في كل البيت و من تلفونها تجيك 24 ساعه و هي في الكلاس
فسوي ها الشي في حالة بتخلين الطفل عند الخدامة
و نصيحة وقفي الحمل 5 سنين لين ما تخلصين الجامعة عسب ترتاحين و تكملين عدل

فعلا مجبوره اوقف حمل وان شاء الله اكمل دراستي وهالي بسويه بحط كيمرا بس عمتي موجوده الخدم بيسون كل شي وهي تشوف الياهل اهون من الخدم وبنتي لو ماقدرت ع الحضانه بضطر اخليها عندحميتي او الخدامه

– – – Updated – – –

المشاركة الأصلية كتبت بواسطة khaleejiya

الحل اللي قلتيه زين
خلي البيبي عند عمتج او الوالده وبنوتج ف حضانه
وكملي الدراسه الشهاده ضروريه هالايام

هيه والله وايد ضروريه الايام اليايه كل شي بيتغير مانعرف شو بيصير عشان جي الواحد يظمن

انا اشجعج على الدراسة
كملي و بتتسهل الامور بإذن الله

السلام عليكم ورحمة الله وبركاته

عن نفسي افضل البيت لاني ماقدر اركز ع شيئين ف وقت واحد
يا بيتي او شغلي، و وايد اعرف حريم مجبورات انهن يشتغلن عشان
حالتهم الماديه، لكني ما اشجع الزوجه انها تشتغل لعده اسباب منها:

واخيرا، اشجعج ع انج تسوين لج مشروع اتديرينه منها تشغلين وقت الفراغ
اللي عندج ومنها تيمعين لج حق المستقبل ولعيالج ان شاء الله، لا حد يتأمر
عليج ولا تبتعدين عن بيتج والحينه ما شاء الله اغلب الحريم يدخلون مجال
الاعمال الحره بس يحتاج منج بذل مجهود مضاعف وبتتوفقين ان شاء الله

انا بفضل اتفرغ السيدة حياتها لبيتها وزوجها لان الوحدة لما اتداوم برة البيت راح تهمل اشياء اكثير بالبيت واتقلل من اهتمامها بزوجها وابنائها والزوج راح يتهرب من التزاماتو ويقلل من مصروفو لزوجتو بحجة انها بتشتغل وطبعا هذا الكلام ما بتعمم على كل الرجال الله يهدينا جميعا لما يحبه ويرضاه

طيب اللي قلتوه صح بس اتعرفون غلاء المعيشه الحين وايد صعب الموضوع سلاح ذو حدين وايحير

انا عن نفسي الوظيفة الا بسبب واحد ممكن يخليني ايلس فالبيت وهو العيال
من عقب ما شفت بلاوي الخدم قمت اخاف وأفكر الف مره كيف بداوم وبخلي البيبي عند بشكاره ماعرف شو ممكن تسوي من وراي حتى لو عاملتها بالتي هي أحسن!
بس الحياة صعبه الحين وكل شي غالي ومعاش واحد ما يسوي شي خصوصا لو الريال عليه ديون و راتبه مب قوي وايد لازم الحرمه والريال يتساعدون وأكثر شي يكسر الظهر بنيان البيت بروحه هم ومصاريف
و الوحده لو اختارت راحتها واليلسه فالبيت لازم تتنازل عن وايد اشياء وكماليات مثل السفرات والكشخه والفنادق الفخمة لأن الريال كم بيعطي وبيصرف يقطع عمره مسكين
واخر شي انا ما اشوف نفسي فالبيت لاني درست كم سنه وتعبت وعندي طموح ومستقبل وأهداف ودي احققها عشان أثبت نفسي واكون شي فالمجتمع
لكن مثل ما قلت في بداية الموضوع الشي اللي ممكن يخليني اختار اني أكون ربة بيت هو عيالي احس قلبي بيعورني وماقدر اخليهم تحت رحمة البشاكير

دام ريلي قادر يصرف علي ويوفر لي حياة حلوة ومب مقصر معاي افضل ايلس فالبيت ملكه معززه مكرمه .. اما اذا ظروفه صعبه فاكيد افضل اشتغل عشان اساعده

الدوام احساس حلو لا يشعر به الا الي كان يداوم واستقال

بدخل الموضوع على طول انا متزوجه و عندي ولد و عمري 19 و ادور على وظيفه و مشكلتي م مخلصه دراسه عندي شهادة اول ثانوي و زوجي قالي قدمي ع التنميه بس م عرف بيقبلوني وله لانه م عندي شهاده انزين ، و في ناس قالولي ان ف العياده الحكوميه عادي يقبلونج بس انا اخاف اسير اقدم و م يقبلوني اخاف تفشل للعلم انا بكمل دراستي هالسنه بس ابي اتوظف لانه مليت من قعدة البيت و ابي اشتري اشياء الي ف خاطريه و م ابي اثجل ع ريلي يعني تعرفون كيف انا احب اخذ شنط و كعوب ماركات م احب تقليد بس من اتزوجت م اخذ ماركه لان اراعي ضروف ريلي عسبت جيه ابي اداوم و اصرف على عمري كيف كيفي و م احاتي شي و بعد قولولي وين يقبلون الي م عندها شهاده ثانويه عامه ؟؟؟؟

تمت الموافقة
الحل الوحيد كملي دراستج
لاتستعجلي خلي الشهادة في ايدج وبعدها توظفي
ولما تثبتي بالوظيفة كملي الجامعة انتساب
خلي عندج طموح كبير لاتخلي حدود تفكيرج في شراء ماركات وبسس
هذا مستقبل حلو الواحد يفكر لمستقبله بشكل صحيح

لازم الشهادة اول
والله يوفقك ويسهل عليج

يا عمري شهاده الثانويه اهم من الوظيفه
اتفرغي للشهاده و ان شاء الله بعد الشهاده تلقين الوظيفه .. 💛 العمر جدامج حبيبتي و بعدج صغيره

حطي في بالج الشهادة أهم من كل شي
هالزمن حتى الريال ماله أمان ف خلج على الشهادة أبرك
عزيزتي مافيها شي لو تشترين تقليد عادي أحسه أحيان أفضل من الأصلي
على الأقل ما بحس بتأنيب الضمير لو عقيت الشنطة لآن مب مينونة أدفع مبلغ 20 ألف على شنطة نفسها تقليد ب200 درهم .. فكري لجدام بحياتج لا تاخذج مغريات الماركات و الأمور إلي مالها داعي ، بخصوص الوظيفة ترومين تقدمين في تنمية و عادي يقبلونج

موفقه اختي

حبيبتي اول شي الشهاده بعدين الوظيفه لانه لو توظفتي ع شهادتج الحاليه بيكون راتبج ضعيف مابيسدج تاخذين اي شي

لاحقه ع الوظيفه بعدج صغيرونه

السلام عليكم ورحمة الله وبركاته

حبيبتي انا انصحج توافقين لان الفرصه يتج خلاص لا تردينها و توكلي على الله .. الله يوفقج وييسر امورج ويرزقج اللي ف بالج .. موفقه الغاليه

ربي يتمممهاا لج على خير

فوووووووووووووووووووووووق

طبعن هيه

حبوبة شغل السكرتارية وايددد مطلوب وبتأخذي خبرة تنفعك لو لقيتي فرصة أكبر أستخيري وتوكلي علي الله

الله يوفقك بكل خطواتك