الورك الأرشيف - امارتيات الخليج

خلع الورك من الولادة بليز افيدوني

ربيت من 13 يوم ومن فحوصات بنتي في مستشفى الكورنيش قالي الدكتور أن احتمال يكون في خلع في ورك بنتي اليسار وانت لازم اسويلها أشعة من تكمل شهر قلبي يعورني خايفة على بنتي في وحدة منكن صار حق حد من عيالها نفس الشي قالت الدكتورة في حالات يرد الورك مكانه بروحه عقب شهر ولو ما رد لازم يحطون جهاز حق البيبي
والله اني احاتي وايد مابا بنتي تتعذب

دعواتكن

حبيبتي
ما عندي فكره عن خلع الورك ..ان شاء الله حد يفيدج
و ان شاء الله ما فيها إلا العافيه
اقري عليها و ادعي و ربج كريم

وانا بعد فديتج ماعندي فكره
والحمدلله على السلامه
ومبروك ماياج

الله يشفبها يارب ..انا ما عندي خبرة ..بس اعرف كم من وحدة صارلها نفس الشي ..و عادي مع الوقت يرجع لوضعه الطبيعي باذن الله بس في احتياطات لازم تاخذيها من الدكتورة .. اعتقد من بينهم التقميط هل هو عادي او لا؟ ربي يشفيها و بالتوفيق

الله يشفيها ويخليها لج

شوفي الغالية هالشي يستوي في وايد من اليهال وعلى حسب الحاله الدكتور بيشخصلج يمكن يحطولها جهاز او انج تلبسينها 2 بامبرز على طول ولا تحاتين يمكن تضايج بنتج من الجهاز في البداية شوي ومايعوروعقب بتكون حياتها عادية الله يشفيها يارب

الله يسمع منكن ويشفيها ويرد كل شيء طبيعي يا رب

التدريب العملي أو الورك بليسمنت .

السلام عليكم ورحمة الله وبركاته …

شو أخباركم … إن شاء الله بخير وسهاله.

بغيت أسألكم عن التدريب العملي …

أنا طالبة من جامعة زايد … من البزنز كولج… تخصصي محاسبة … مقبلة على التدريب إن شاء الله …

ومحتارة وين ادرب واختار …

هل تنصحوني اني ادرب في القطاع الخاص ولا الحكومي ؟

ممكن تعطوني أسماء دوائر ولا شركات سمعتوا عنهم أوكي … جد ادربتوا عندهم ولا تعرفون حد اتدرب …

وياريت تعرضون تجاربكم …

لاني صراحة مابا اسير مكان وما استفيد منه …. ابا مكان حلو ومريح واستفيد منه …

في انتظار ردودكم ….

وجزاكم الله ألف خير …

الصراحة ما عندي فكره .. بس أنا أفضل التدريب في القطاع الحكومي ..

و لي طلب بسيط ممكن تعطيني نبذه عن تخصص المحاسبة .. تراني من جامعة زايد بعد .. جنرال 2 و تعرفين لازم نختار الميجر ع نهاية هالسمستر تقريبا .. و أنا إن دشيت كلية البزنس ممكن أختار هالتخصص أو ال HR .. فممكن اتكلميني شوي عن طبيعة تخصصج ( سواء في نفس هالموضوع أو ع الخاص ) سهل ..صعب .. يعتمد على شو .. فيه وايد ماث و لا لا .. فرص العمل بعدين .. .. شو لازم مواصفات شخصيتي عشان أقدر اكمل و ابدع فيه . . أي شي ممكن تفيدني به بالنسبة لها التخصص ..

و مبروووووووووووك التخرج مقدما و السموحة على المغثه ..

يزااااااااج الله خير ..

هلا عزيزتي حورية الجنة …. الله يبارك فيج بس بعدني لين نهاية السنة ^^ …

شوفي بما إنج بدشين البنز كولج …. بتاخذين مواد اتخص الأكونتينج حتلى لو ما يتتخصصين في وهو ركويرد (الزامي) حق كل البنات الا يدشون كولج البزنز ….

المواد هي financial accounting الا ادرسه كاثرن بد

و ال Managerial accounting الا ادرسه ويندي…

المهم عقب ما تاخذين هاي المادتين بتعرفين إذا انتي ميولج للمحاسبة (الأكونتنج) ولا ….

والصراحة أنا احب الأكونتنج لان مسائل وتحلينها . للأسف الناس يتحسبون أن المحاسبة يباله تكونين شاطرة في الماث … انا اقولج مالا خص بس تحتاجين البيسك ماث الجمع والطرح والقسمة وهي السوالف عشان اتحلين المسائل … بعض الأشياء الا نسويها في المحاسية هي إعداد القوائم المالية … الميزانية …. الايرادات … المستحقات … طبعاً ترجمتلج بالعربي هي بعض المفاهيم للبتاخذينهم بالانجليزي …

مواد الميجر …
Intermediate accounting I
Intermediate accounting II
Accounting Information system هاي المادة بتعرفون في استخدام المحاسبة وعلاقة ب ال IT ,وكيف تصير عملية البيع والشراء
Auditing الا هو التدقيق هاي المادة الوحيد الا احس في رمسه وايد ويباله فهم على قولة مستنا مب حفظ

أما بالنسبة لل HR الا اعرف اكثر شي اتسوين ريسيرج وكتابة واكيد بعد برزنتيشن … طبعا برزنتيشن استوى شي روتيني ….
وبيعلمونج كيف تكونين leader … هي صح بتاخذين مادة intro to managment …قبل ماتاخذين مواد الميجر اتوقع … ويتعرفين هني إذا انتي اتحبين ها المجال ولا ….

إن شاء الله أكون جاوبت على سؤالج ووفيت…

فوووووووووووووووووووووووق

——————————————————————————–
اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن

للرفع

للرفع …

خلع الورك الخلقي في الأطفال

خلع الورك الخلقي في الأطفال

——————————————————————————–

السلام عليكم ورحمة الله وبركاته

خلع الورك الخلقي في الأطفال

التعريف / هو عبارة عن وجود أحد الوركين أو كلاهما خارج عظمة الحوض.

أسبابه

لايعرف سببه الحقيقي لكن بعض المواليد عرضة للإصابة أكثر من غيرهم و ذلك لما يلي :-

1- وجود الجنين معترض أثناء الولادة

2- تعسر الولادة واستعمال المواد المساعدة للولادة

3- البنات أكثر عرضة من الأولاد.

4- الطفل ألأول أكثر عرضة من الأخرين.

5- وجود تشوهات أخرى مثل تشوه القدمين أو وجود ضمور في المخ .

التشخيص

1- يجب فحص المريض من قبل أطباء الأطفال ( تذكر أن الطفل قد يولد سليما ثم يحصل الخلع لاحقا بعد أسابيع من الولادة )

2- أشعة إكس لا تفيد إلا بعد 3-4 أشهر لذلك يفضل عمل أشعة فوق سينية ( سونار ) عند الشك
3- وجود قصر في إحدى الساقين
4- صعوبة فتح الفخذين عند تغيير الحفاظ قد تكون علامة من العلامات
5- عند المشي يمشي الطفل بعرج إن كان خلع أحد الوركين
6- عند المشي يمشي الطفل كمشية البطريق إن كان كلا الوركين مخلوع.

العلاج

(1) يتم وضع الطفل في حفاظين عند الشك في وجود خلع ويتم فحصه خلال اسبوعين :-

1- إن تبين عدم وجود خلع لايعمل للمريض شيء ويتم معاينته بعد 3 أشهر.

2- إن تبين وجود خلع عمل له ربط خاص لمدة 6 أسابيع ثم يتم معاينته مرة أخرى.

(2) عند عمر 1-6 أشهر

– يوضع الطفل في ا لرباط الخاص لمدة 6 أسابيع.

– إن لم يرجع الخلع بالرباط الخاص عمل له رد للخلع تحت التخدير ويوضع جبس لمدة 6 أسابيع ثم يوضع جبس جديد أخر لمدة 6 أسابيع.

– إن لم يرجع الخلع يتم الرد يتم عمل تدخل جراحي ثم جبس لمدة 3 أشهر.

(3) عند عمر 6-18 شهر

– يتم رد الخلع بتدخل جراحي ثم جبس لمدة 3 أشهر.

(4) عند عمر 18-36 شهر

– يتم رد الخلع بتدخل جراحي ثم جبس لمدة 3 أشهر.

– يتم عمل تعديل في عظم الحوض.

(5) عند عمر 3-8 سنوات

– يتم رد الخلع بتدخل جراحي ثم جبس لمدة 3 أشهر.

– يتم عمل قص في عظم الحوض.

-يتم عمل تقصير لعظمة الفخذ.

المضاعفات
1- مضاعفات العمليات عامة.
2- قصر الرجل.
3- تموت رأس عظمة الفخذ.
4- إحتكاك في مفصل الورك مع تقدم العمر.

منقول

موضوع مع قدمه لان الدكتورة قالتلي بنتج في وركها صوت وهي تسع شهور عقب اسبوعين عندها موعد بصراحة خايفه
اللهم رب الناس اذهب الباس انت الشافي لا شفاء الا شفاؤك لا يغادر سقما

يمنع رفع المواضيع التي مر عليها اكثر من سنه

لذا [ يُغلق ]

الدهون على الورك شو رياضه الي نمارسها

مرحبا خواتي

بنات انا عندي مناسبه الاسبوع الي ياي وعندي دهون في الورك او الخصر كثيره لدرجه احس ان المؤخره والورك والخصر نفس الشي ما شي فرق يعني مب مخصر ومن تحت عااااادي بس من فوق احس غير وااحد فيه دهون اكثر عن الثاني

بليز شو التمارين الي نمارسها او الاكل الي يناسب ها المنطقه

ودعوه لكم في ظهر الغيب للي بترد علي

رياضتي الوحيدة هي المشي ونط الحبل لانه ينحت الجسم بطريقة مرتبة , وحاولي تبتعدين عن النشويات

امممممم
انا نفسج بس كنت امشي وارقص واسوي تمارين واسوي عالسيكل واسوي عالاوربتراك وعلى الدري وعلى كريزي فت
بس ماداومت عليهن كلهن بس استمريت على السيكل والمشي والرقص وايد اوك

وربي يوفقج

بليييز ساعدوني خلع بالورك

السلام عليكم

ياليت اللي صار معاها مع عيالها لاتبخل بالرد … بنتي عمرها الحين 4اشهر ويوم كان عمرها شهرين بين عندها خلع بالورك … وقالوا لازم تلبس الحزام لمدة ثلاث شهور والحين صارلها 3اسابيع لابستنه ووايد مضايقه منه … لا بعد يريدون يسولها جبس اونه الحزام مافادها !!!! بلييييييييز محتاجه اعرف كل شي عن الخلع بالورك وشي علاج غير عن الحزام والجبس !!!!

.
.

فديتها حبيبتي
ربي يعافيها ان شالله

.
.

السموحه ماعرف شي عن الخلع اللي في الورج,
أأخويه عنده خلع بالكتف من الولاده,
بعد العلاجات الطبيعيه هني و في الخارج,
والعمليات و الجبس و غيره,
الحمدلله في نسبة نجاح

.

.

يمكن يكون الجبس أحسن لها,
ومن بعده علاج طبيعي و باذن الله بتطيـــب

.
.

مشكووووووورة الغاليه على مرورج الطيب وعلى الافادة الجميله

عزيزتي في وحده انعرفه كانت بنتها جي بس هي كانت هاملا بنتها وكانت البنت ايبين ان وحده من اريولها اطول من الثانيه ويوم استوى عمره 4 سنوت ودتها المستشفى الامريكي اللى في دبي وسولها عمليه ووووووووايد اتكلف يمكن 45000الف لان هي اهملت بنتها لكن يااختي عرضي بنتج عند اكثرمن دكتور عاشان ترتاحين والسموحه هذا اللى اعرفه

تسلميييين على المرور يالغاليه والله انج كفيتي ووفيتي

أختي العزيزة ..

الله يعافي بنيتج ويشافيها ان شاء الله من كل شر

انا بنتي عند الولاده شخصوا لها حالة خلع بالورك بمستشفى الكورنيش وكان العلاج كالتالي :
من الولادة لين كملت 20 يوم كانت تلبس 2 بامبرز فوق بعض

من كملت 20 يوم لبست الحزام 24 ساعه لمدة تقريبا 8 شهور ما كانت تفصخه الا حزة السباحه

طبعن لما بدت تقلب كنت اساعدها واحيان قليلة افصخها عشان تقلب طبيعي يعني

خلال هالفترة كنا نسوي لها صور اشعه على طول يعني نسوي الصورة عقب نرد عالموعد اللي يعطينا اياه الدكتور ونسوي اشعه ثانيه وجيه – كان ايامها بمستشفى الجزيره

البنت الحين الحمدلله ياربي من فضله صارت تمشي طبيعيه والريل ردت مكانها وما صار عندها ريل اطول من الثانيه.

ولازم بعد كل ولاده تسوين صورة للبيبي اليديد عشان تتاكدين ان ما عنده نفس المشكله لانها ممكن تصير وراثية
انا باجي عيالي كلهم ولله الحمد والمنة ما صار بهم نفس الشي.

انتي لازم تعرفين ان الخلع الوركي معناه عظمة الورك طالعه من مفصلها اللي بالحوض والحزام او الجبس – على حسب ما يحدد الطبيب – اهو الشي الوحيد اللي بيرد الريل مكانها … يعني ريلها لما تكون مفتوحه بوضعية الحزام او الجبس تدخل العظمه مكانها ولما تغير هالوضعيه ترد تطلع .

لان العظم لازم يرد مكانه الطبيعي اثناء نمو العضلات قبل لا تنمو حول العظم واهو برا
غير جيه – بعيد الشر ع بنيتج – تظل الريل برا مكانها وهذا يسبب ان ريل تكون اطول من الثانيه + عرج تزيد او تقل حدته عند المشي ويكون علاجه الوحيد عمليات جراحية قد تنجح او تفشل ( لاني شفت وحده سوت العملية زمان بس للاسف ما نجحت وكانت البنت صغيرة صف خامس )

اسمعي كلام الطبيب واصبري على صياحها وضيقها لان صحتها أهم
من تكبر وتطيب ان شاء الله انتي وياها بتنسون الصياح

ان شاء الله اكون وضحت لج اللي تبينه وأفدتج واي استفسار او توضيح لج او لاي اخت ثانيه تفضلي عزيزتي ع العام او الخاص

الله يشافيها اهي وعيال المسلمين جميعا

[QUOTE=أم فرّوس;3015734]أختي العزيزة ..

مشكوووووووورة الغاليه على الافادة الصراحة كفيتي ووفيتي وانشااااالله اشوف بنتي تمشي اول خطواتها وهي سالمه باذن الله
والله يسلم كل عيال المسلمين ….