الوسم: الهوية

المشاركة الأصلية كتبت بواسطة mischocolat

حبيبتي بالنسبه لبطاقة التامين الصحي ثقه سيري مركز البطين الصحي وشلي وياج الجواز صوره واصل +خلاصة القيد صوره واصل +صوره شخصيه …..بس هذا المطلوب
بالنسبه للهويه بعد نفس الشي الجواز صوره واصل +خلاصة القيد صوره واصل …مايحتاج صور لانهم بيصورونج هناك

مشكوورة الغلااا بس اختي وين اقدم للهوية

بنات عندي استفسار يصير نسافر اليمن ببطاقة الهوية ؟؟؟؟؟

صدق اونه لآزم نسوي الهوية الوطنية للخدآمآت ..؟

عندنآ منتشرالخبراونه لآزم نسوي ..

قلت لهم كيف نسوي لهن هوية وهن سنتين وروحن بلآدهن ..

عندنا مسابقةالأفكار المبدعة والمديرة تبانا نحل الواجب :
المطلوب منكن تساعدني خواتي ابا افكاركن الحلوة بخصوص :
1- افكار تخدم المركز والزوايا التي يرتكز عليها المركز (( الدين – اللغة العربية – الهوية الوطنية))
2- اجهزة – أثاث – – كراسي ملائمة – معدات –
3- وسائل وأنشطة
4- توظيف الانترنت والإبداعات التقنية.
5- اشياء وافكار مبتكرة ….

اسم المشروع…………. الشعار ………… الرؤية …………. الرسالة …………… الحاجة لقيام هذا المشروع ………….. الأهداف …………… آليات تنفيذ والأفكار المقترحة

فديتكن ابا أفوز وأبا افكاركن لان سيتم اختيار 3 معلمات فائزات وقلت ما لي غير منتدانا وخواتي وجزى الله خير كل من أعانت وجعله الله في ميزان حسناتها .

شحالكن خواتي؟؟اخباركن؟؟؟

اذا ممكن تساعدني اريد صور كركتيرات عن الهوية الوطنية…

ادور صار لي 4 ايام ومب محصلة

لاني بسوي حملة عن الهوية الوطنية للأطفال

فإذا ممكن اللي تقدر تساعدني

والسموووحه

كل وحده فينا طمووحها تخلص دراستها وترفع راس اهلها وتخدم هالارض الطيبه وشيوخنا ربي يطول بعمارهم اللي عمرنا ما بنظهر من يزاهمم

ووصلنا لآخر محطة اللي هي الثانوية العامة ، سنة تحديد مصير كل شخص فينا والكل يشد همته ف هالسنه بيودع ايام الدراسه وبيستقبل حياه يديده ، حياه جامعية واللي هي وقت الاعتماد ع النفس وبناء الذات ورسم المستقبل

كل واحد فينا له حلم هذا دكتور هاي مهندسه ولد فلان محامي وغيره وغيره
وندخل ف صلب الموضوع واللي هي المشكلة الاساسية : )

عندي وحده من ربعي ولله الحمد الحينه ف الثانوية العامه القسم العلمي وماشاء الله عليها من الشطار ونسبتها فوووق . .

وكل واحد فينا طموحه الجامعه والدراسات العليا بس تمشي الرياح بما لا تشتهي السفن
الام والاب منفصلين من سنين وآلام متوليه حضانه أبنائها ،
طبعا بعد سنين من الركيض ف المحاكم بس للأسف !!
لا مسكن ولا سياره ولا خدامه ولاحتى مصروف
والابو معاند ما يعطيهم الجوازات ولا يسوي بطاقة الهوية . .
وانتو مثل ما تعرفون الحينه الدنيا ما تمشي بليا بطاقه الهوية ، ومن شروط إدارة التسجيل والقبول ف التعليم العالي ( بطاقة الهوية ) ولاكن لا حياه لم تنادي ، البنت بيضيع مستقبلها والسبب !! عنااد الابو وظلمه
وف امتحان السيبا اللي بيكون خلال السنه الدراسه من شروطه إحضار جواز السفر الاصلي !!

وآلام مب بيدها شي وهي اصلن ما تراكض الى ع اخر دقيقه يعني يوم بيفوت الفوت !!

خواتي ، حبيباتيي !
اللي عندها خبره ف هالمواضيع تفيدني وربي بدعي لها من قلبي
يعني الاشيا اللي تقدر البنت روحها تسويها ؟ او الجهة اللي تقدر تشتكي فيها عليه، او تاخذ حقها فيه . .

من فرج كربه اخيه المسلم ، فرج الله له كربه من كرب يوم القيامة
وربي يجازيكم الف خيرر

فداعه الله *

شحالكن؟

خواتي انا عندي مشكله اعتبرها واااااااايد كبيرة لانها صدق كبيره

المشكلة تقول ان انا و اخواني انتهت الهوية مالتنا من شهر 8 بداية شهر 8 و كلمنا ابووي عشان يطرشلنا الخلاصة عشان التجديد و تم كل يوم يقوللنا باجر بعطيكم باجر بعطيكم و نحن تمينا نتريا هالباجر (هي صح ترا امي و ابوي منفصلين و ابوي مب عايش
ويانا) و قلناله ان بداية شهر 9 بنكون مسافرين تم يقوللنا اوكي بعطيكم الخلاصة و تمينا
ع هالحال لين تاريخ 31-8 و تاريخ 1-9 بنسافر و كلمناه و نفس كل مره و سافرنا
اليوم الثاني و مافي شي يديد لا ياب الخلاصه و لا سار يجدد الهوية و عقبها ب 3 شهور
رجعنا البلاد و قلناله عن الهوية ونفس الشي مب طايع اييب الخلاصه و يوم كلمنا مال
الهوية قالولنا ما يستوي بدون الخلاصه و هو مب طايع اييبها لنا ووصلت الغرامه ل
1000 درهم لين اليوم و تعبنا و نحن نتصل فيه عشان اييب الخلاصه و خلاص تقريبا
ع كل واحد فينا 1000 و نحن مب واحد و لا 4 نحن ماشاءالله 7 يعني الحساب
7000 و نحن وضعنا الماادي ما يسمحلنا ندفع هالمبلغ الكبير ,فكرت اهد الدراسه
الكورس الياي و اداوم و اسدد الغرامه الي علينا
و الحين حتى امورنا مب رايمه تمشي بدون الهوية

الحين ماعرف شو اسوي بالضبط يعني هو فرلنا الخلاصه و قال دبرو عمركم

ما عرف هل يستوي مثلا لو كلمنا المحكمه عن الموضوع بيغصبونه يدفع
او لو في مجال يشلونا من خلاصة القيد من عنده و يضيفونا عند امي ؟!!

والله سامحوني كلامي كله متلخبط وايد مظايجني هالموضوع لان ابوي يبا يعق كل شي
ع راس امي و راسنا

وايد اموور عندنا كلها متعلقه ف خلاصة القيد و هو ما اييبها الا بضرابه

و الحين اقوله ابا افتح ملف عشان الليسن مب مسولي سالفة و اذا بغيت افتح ملف لازم
خلاصة القيد وموافقة ولي الامر و الهوية

و انا ابوي مستحيييل ايي عشان افتح ملف دووم يقول دبرو عمركم و كيف ندبر وما
عندنا الخلاصه و لا هوية و لا موافقة ولي امر !!!!!

الي عندها حل بلييز تعطيني حل

اتصور ممكن تكلمون المسؤولين في قسم التجديد وتخبرونهم سبب تاخر تجديد الهويه

وان الاب منفصل عن الام ومايتعامل معاكم كثير وهذا ترتب عليه مشكلة الغرامه لان

كان صعب تحصلون خلاصة القيد

هم ممكن يتفهمون ويعفونكم من الغرامه

اتصور عادي

بخصوص الامور الثانيه مثل الليسن

اتصور انك تطبعين ورقه لمن يهمه الامر من عندك

وتروحين لبيته مع حد من اخوانك او اكيد هو يزوركم

يعني في اقرب فرصه يوقع عليها وخلاص

واذا الحاله صعبه عندكم حاولي تدورين شغل دوام جزئي بس ماتودرين الدراسه لانها مهم كثير ومستقبل

وبخصوص خلاصة القيد مااعرف

يمكن تتصلين بالمحكمة الشرعيه تخبرينهم المشكله شو؟

واذا في اجراء يساعدكم عليه يعني يسوي لكم ورقه ويعطيكم الخلاصه خلاص

هم بيخبرونك

بس اتصلي عليهم وشوفي كيف

ربي يكون ف عون امج.. ويهدي ابوج..

شو ما صار يظل ابوج عزوتج لما بتعرسين الكل بيحسب حساب ابوج واولهم ريلج

السواقه كلميه بطيب لا تهددينه او تضاربين وياه بيعصب

دراستج سلاحج خلي النجاح والتفوق وأعلى الدرجات دافع لج حتى تتخرجين وتتوظفين بأحسن الوظائف