السلام عليكم ورحمة الله
انا بصراحة محتاجة مساعدتكم هل في حد جرب فلاي دبي او طيران العربية انا مسافرة يوم الاثنين ان شاء الله لاسكندرية بس بصراحة مش محصلة طيران سعرة زين للاسكندرية غير هذي الطيارتين ففي حد سافر عن طريقهم ينصحني بليز ولكم الاجر لان عندي طفلة عمرها سبع شهور وهل عندهم سرير لها
اريد تفاعلكم بليز ورايكم لانه يهمني بليز بنات بليز
للرفع
معقولة ولا حد عندة فكرة
حبوبه انا مجربه العربيه وانصحج فيها هم خدمتهم زينه
وعندهم مكان للاطفال ( سرير للبيبي ) بس انتي اطلبيه منهم
لما تكونين فالطياره نحن رحنا الكويت عالعربيه وماقصروا
والله يوفقج .. وماجربت فلاي دبي بس عندي معلومات خفيفه عنهم
اذا تبين تعرفين شي انا حاضره
عندهم سرير للبيبي اكيد
وهل سمعتي عن فلاي دبي وخدمتهم واهم شي السرير
الغاليه لما تروحين عالعربيه وتخبرينهم ان عندج بيبي
بيساعدونج وبيلسونج جدام اول مقعد وبيحطون لج سرير للبيبي
هالشي سوه لولد خالي البيبي خلو امه وابوه يقعدون اول مقعد وحطوله سرير
يعني مش سرير شرات اللي فالبيت بس فيه مكان مخصص للبيبي لاتحاتين
اما عن فلاي دبي لا والله ماعندي علم
أنا جربت هاي السنة فلاي دبي وكنا سايرين سوريا والسفرة ما زادت على الساعتين ونص وأنا بصراحة ما شفت فيه اي فرق بينها وبين اللاتحاد على الاقتصادي اللي سافرنا عليه ماليزيا العام اللي طاف إلا في سالفة الوجبة اللي تشترينها منهم وسالفة الوزن اللي لازم تحددينه من النت عشان ما ياخذون عنج فلوس وايد …ولا كل شي عادي
أختي اذا كانت السفرة مش طويلة توكلي على الله وسافري وانت مطمنة …
وأي سؤال أنا في الخدمة
.gif "12 (29)")
المشاركة الأصلية كتبت بواسطة عروس للأبد 